TITUS
Old Georgian Hagiographical Texts, vol. I
Part No. 80
Previous part

Chapter: X  
Line of ed.: 27        10. და ვითარცა განმრავლდეს ძმანი, საჴმარ იყუნეს მათთჳს
Line of ed.: 28     საჴედარნი მეტჳრთენი მოსაღებელად საზრდელისა და წყლისათჳს. ამისთჳს-ცა
Line of ed.: 29     მოიდგნეს კარაულნი. ხოლო იყო ადგილი იგი ტყიანი
Line of ed.: 30     და კლდოვანი. ამისთჳს-ცა მჴეცნი ფრიად იყუნეს ადგილთა მათ
Line of ed.: 31     შინა.

Line of ed.: 32        ხოლო განვიდიან რაჲ კარაულნი ძოვნად, გამოვიდიან
Line of ed.: 33     მჴეცნი იგი და მავნებელ ექმნებოდიან კარაულთა მათ. ამისთჳს-ცა
Line of ed.: 34     ძმანი მწუხარე იყვნიან. მაშინ წმიდაჲ მამაჲ ჩუენი შიო ევედრა
Line of ed.: 35     უფალსა, რაჲთა სახილველ მისსა ყვნეს მჴეცნი იგი. ხოლო
Line of ed.: 36     ლოცვასა-ვე მისსა თანა ყოველნი იგი მჴეცნი მოვიდეს წინაშე
Line of ed.: 37     ბერისა და ჰრქუა მათ: "რაჲსათჳს მავნებელ ექმნებით კარაულთა
Line of ed.: 38     ძმათა ჩუენთასა? აწ გეტყჳ თქუენ სახელითა უფლისა ჩუენისა
Page of ed.: 221   Line of ed.: 1     იესუ ქრისტესითა, რომელმან-იგი დაგბადნა თქუენ, წარვედით
Line of ed.: 2     არეთაგან ამათ შორს, ხოლო ერთი ოდენ დადეგინ სადიდებელად
Line of ed.: 3     ღმრთისა ჩუენისა, რაჲთა აძოებდეს კარაულთა ძმათა ჩუენთასა".
Line of ed.: 4     და მას-ვე ჟამსა ყოველნი-ვე განიბნივნეს, გარნა ერთი ხოლო
Line of ed.: 5     მგელი დგა მოწიწებით, ვითარცა მონაჲ წინაშე მისა, და ჰრქუა:
Line of ed.: 6     "სახელითა უფლისა ჩუენისა იესუ ქრისტესითა გიბრძანებ შენ,
Line of ed.: 7     მჴეცსა მაგას, რაჲთა ვითარცა მწყემსი კეთილი აძოებდე კარაულთა
Line of ed.: 8     ჩუენთა, რაჲთა ამით უკ-მოუზღო, რომელ შეგიწუხებიან ძმანი
Line of ed.: 9     ესე ჩემნი და საზრდელ შენდა იყოს, რომლითა-ცა ჩუენ ვიზარდებით.
Line of ed.: 10     ხოლო განასხემდი დილასა და ჟამსა მწუხრისასა მოასხემდი,
Line of ed.: 11     და იყავ მწყემს და მცველ საჴედართა ჩუენთა".

Line of ed.: 12        ხოლო მგელი იგი იქმნა მორჩილ, ვითარცა მონაჲ. და
Line of ed.: 13     ჰყოფდა ბრძანებისაებრ ბერისა.

Line of ed.: 14        ხოლო იყო ერთი ძმათაგანი, სახელით კონონ, და კარაული
Line of ed.: 15     მისი გარდაიჭრა კლდესა და მოკუდა. ხოლო მგელმან მან უწინარეს
Line of ed.: 16     ჟამისა მოასხნა საჴედარნი და, ვითარცა მოითუალნეს, კონონ
Line of ed.: 17     ვერღარა პოვა ვირი მისი. მივიდა და ჰრქუა ბერსა: ჵ წმიდაო
Line of ed.: 18     მამაო, რაჲ ჰყავ, რამეთუ მგელი მწყემსად მოგუეც; ეგერა
Line of ed.: 19     კარაული ჩემი შეუჭამია". და ამას რაჲ ეტყოდა ბერსა, მგელი იგი
Line of ed.: 20     მოეკიდა კალთასა კონონისსა და მიზიდვიდა, ხოლო ბერმან ჰრქუა:
Line of ed.: 21     "წარჰყევ, რაჲთა გიჩუენოს, თუ Ms. page: I_16r  რაჲ სჭირს ვირსა შენსა". და
Line of ed.: 22     ვითარცა მივიდეს თავსა მის კლდისასა, სადა გარდაჭრილ
Line of ed.: 23     იყო, ტოტითა უჩუენებდა ვითარცა კაცი და წკმუილით იმართლებდა
Line of ed.: 24     თავსა თჳსსა. და ვითარცა შთავიდეს, იხილეს, რამეთუ
Line of ed.: 25     მომკუდარ იყო. ხოლო ვითარცა მოვიდა ბერისა, ეტყოდა: "უბრალო
Line of ed.: 26     არს, მამაო მწყემსი ესე ჩუენთა საჴედართაჲ, რამეთუ
Line of ed.: 27     კლდესა გარდაჭრილ არს და მომკუდარ-ა ვირი ჩემი".

Line of ed.: 28        ჵ ძმანო ჩემნო საყუარელნო! ესრეთ ადიდებს ღმერთი მოშიშთა
Line of ed.: 29     მისთა, რომელ მჴეცნი-ცა ველურნი, ვითარცა მონანი, დაემორჩილებიან.
Line of ed.: 30     აწ ჩუენ-ცა სათნო ვეყუნეთ ღმერთსა მარხვითა,
Line of ed.: 31     ლოცვითა, სიწმიდითა, გლახაკთ-მოწყალებითა, უცხოთ
Line of ed.: 32     მოყუარებითა, სიმდაბლითა. სიმშჳდითა და ურთიერთას სიყუარულითა
Line of ed.: 33     და ყოვლითა-ვე საქმითა კეთილითა, რომელი-ცა მოგუატყუებს
Line of ed.: 34     კეთილთა საუკუნეთა და საშუებელთა ზეცისათა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.