TITUS
Old Georgian Hagiographical Texts, vol. I
Part No. 81
Previous part

Chapter: XI  
Line of ed.: 35        11. ხოლო ჯერ-არს, რაჲთა მოვიჴსენოთ ერთი მოწაფეთაგანი
Line of ed.: 36     წმიდისა იოვანესთაჲ, სახელით ისე, განთქუმული ყოვლითა-ვე
Line of ed.: 37     სათნოებითა, ნერგი იგი სამოთხისაჲ, ყუავილი შუენიერი
Line of ed.: 38     და ყოვლისა კეთილისა ძირი.

Page of ed.: 222  
Line of ed.: 1        ესე ნეტარი ისე შეიპყრა წმიდამან მამათ-მთავარმან, კათალიკოზმან,
Line of ed.: 2     და აკურთხა იგი ებისკოპოზად საყდარსა ზედა წილკნისასა.
Line of ed.: 3     და დაღაცათუ იგი არა თავს-იდებდა საქმესა მას და შევრდომით
Line of ed.: 4     ითხოვდა განტევებასა.

Line of ed.: 5        ხოლო მან უნებლიით დაასხნა ჴელნი და წარგზავნა საყდარსა
Line of ed.: 6     ღმრთისა დედისასა და დედისა მის, რომელმან დედაჲ თჳსი
Line of ed.: 7     ცთომისაგან აღადგინა, დედისა მის, რომელმან დედანი წყევისაგან
Line of ed.: 8     იჴსნნა. დედისა მის, რომელი შუამდგომელ ღმრთისა და კაცთა
Line of ed.: 9     იქმნა და აცხოვნა ყოველი ნათესავი კაცთაჲ, რომელნი-ცა
Line of ed.: 10     სარწმუნოებით თაყუანის-სცემენ ქრისტესა, მისგან შობილსა
Line of ed.: 11     ღმერთსა.

Line of ed.: 12        ჵ ყოვლად წმიდაო ღმრთის მშობელო მარიამ, კურთხეულ
Line of ed.: 13     არს ნაყოფი მუცლისა შენისაჲ და კურთხეულ არს სახელი წმიდაჲ
Line of ed.: 14     დიდებისა მისისაჲ, რამეთუ ქუეყანისაგანნი ვიყვენით და აწ შენ
Line of ed.: 15     მიერ ზეცისა ანგელოზთაგან ვიმსახურებით და შენ მიერ უხრწნელებაჲ
Line of ed.: 16     და ცხორებაჲ საუკუნოჲ მოვიგეთ. ამისთჳს შუენის, რაჲთა
Line of ed.: 17     საყდარსა დიდებისა შენისასა წმიდანი და სულითა განათლებულნი
Line of ed.: 18     კაცნი იყუნენ ზედა-მდგომელად ტაძრისა შენისა და
Line of ed.: 19     ამისთჳს-ცა გამორჩეულ იქმნა ღირსი ესე წმიდაჲ ისე ზედა-მდგომელად
Line of ed.: 20     საყდრისა შენისა, წმიდაო დედოფალო!

Line of ed.: 21        Ms. page: I_16v  ხოლო წმიდამან ამან მამამან და ებისკოპოზმან იწყო
Line of ed.: 22     სწავლად და წურთად სამწყსოთა თჳსთა, და მიჰმართა ჩრდილოჲთ
Line of ed.: 23     კერძო, რამეთუ ჯერეთ მოუქცეველ იყუნეს და მტკიცედ ეპყრა
Line of ed.: 24     კერპთ-მსახურებაჲ.

Line of ed.: 25        და იწყო სწავლად მათდა სწავლითა სიმშჳდისაჲთა და ყოვლითა-ვე
Line of ed.: 26     ღონის-ძიებითა და სასწაულთა მოქმედებითა მოაქცევდა
Line of ed.: 27     სარწმუნოებად, რამეთუ სნეულთა ჰკურნებდა და ეშმაკთა ბრძანებით
Line of ed.: 28     განასხმიდა . და მრავალნი საკჳრველებანი ქმნნა და ესრეთ
Line of ed.: 29     კეთილად სწავლითა მრავალნი სულნი მოაქცივნა და ტაძარნი
Line of ed.: 30     კერპთანი დალეწნა და ეკლესიანი აღაშენნა და ყოველთა ნათელ-სცა
Line of ed.: 31     და განამტკიცნა ქრისტეს სარწმუნოებასა ზედა. და ესევითარითა
Line of ed.: 32     საქმითა კეთილითა შემკული მოვიდა საებისკოპოსოდ
Line of ed.: 33     თჳსად წმიდაჲ ესე ეპისკოპოსი ისე.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.