TITUS
Old Georgian Hagiographical Texts, vol. I
Part No. 82
Previous part

Chapter: XII  
Line of ed.: 34        12. ხოლო მას ჟამსა ინება წმიდამან მამამან იოვანე, რაჲთა
Line of ed.: 35     მოიხილნეს მოწაფენი თჳსნი და ცნას, თუ რომელსა საზომსა
Line of ed.: 36     მიწევნულ არიან, და რაჲთა გამოაცხადნეს საქმენი მათნი კეთილნი
Line of ed.: 37     კაცთა შორის, რამეთუ ახალ ნერგ იყუნეს კაცნი და უჴმდა
Line of ed.: 38     განმტკიცებაჲ. და ვითარცა მოიწია საყდარსა მას წმიდისა
Page of ed.: 223   Line of ed.: 1     ღმრთისა დედისასა, მოუწოდა წმიდასა მამასა ჩუენსა შიოს. და
Line of ed.: 2     ვითარცა მოიკითხნეს ურთიერთას სიყუარულითა სულიერითა და
Line of ed.: 3     დასხდეს, მაშინ მოითხოა წმიდამან იოვანე თჳნიერ ჩუეულებისა
Line of ed.: 4     სასუმელი, და მოართუა მას ელია დიაკონმან და აღუვსო ჭიქაჲ
Line of ed.: 5     და მისცა ბერსა. ხოლო ნეტარი იგი ბერი ეტყოდა ისეს, ვითარმედ:
Line of ed.: 6     "პირველად ებისკოპოზისაჲ ჯერ-არს ლოცვაჲ". ხოლო მან
Line of ed.: 7     თაყუანის-სცა და ითხოვა შენდობაჲ. ხოლო წმიდამან იოვანე
Line of ed.: 8     ზე აღიპყრა ჭიქაჲ, ილოცა, ჯუარი დასწერა და განუტევა ჰაერსა
Line of ed.: 9     შინა ჭიქაჲ იგი და დადგა ვითარცა მყარსა ქუეყანასა ზედა.
Line of ed.: 10     ხოლო რომელმან ავლინა პეტრე ზღუასა ზედა ვითარცა ჴმელსა
Line of ed.: 11     ქუეყანასა*, მან-ვე მოსცა მადლი ამისდა ქმნად წმიდასა იოვანეს.
Line of ed.: 12     და ვითარ მყოვარ ჟამ ეპყრა ჭიქაჲ იგი ჰაერსა შინა, ჰრქუა იოვანე
Line of ed.: 13     მოწაფეთა: "ვინ თქუენგანმან მიიღოს ჭიქაჲ იგი ჴელისაგან
Line of ed.: 14     ჰაერისა?" და არავინ იკადრა მიყოფად ჴელისა.

Line of ed.: 15        მაშინ წმიდამან იოვანე დასწერა ჯუარი და მიიღო ჭიქაჲ
Line of ed.: 16     იგი, და სამთა-ვე ნაკურთხევი იგი და სხუათა-ცა მრავალთა.
Line of ed.: 17     მაშინ ჰრქუა წმიდამან იოვანე მამასა შიოს: "ჯერ-არს მადლისა
Line of ed.: 18     მიცემაჲ ღმრთისა, რომელმან ყო ჩუენ შორის საკჳრველი ესე".
Line of ed.: 19     ხოლო წმიდაჲ შიო Ms. page: I_17r  მორჩილ ექმნა ბერსა და მოიღო ნაკუერცხალი
Line of ed.: 20     და დაიკრიბა ნებსა ზედა მარჯუენესა შიშუელსა და დაასხა
Line of ed.: 21     საკუმეველი მას ზედა და აღუტევა საკუმეველმან სული
Line of ed.: 22     სურნელი და იწყო მოკუმევად და უკუმია მუნ მყოფთა. და იხილეს
Line of ed.: 23     რაჲ ესე, დაუკჳრდა ყოველთა და ადიდებდეს ღმერთსა, რომელმან
Line of ed.: 24     მოსცა მადლი ესევითარი მოშიშთა მისთა. და თქუა
Line of ed.: 25     წმიდამან იოვანე: "რაჲსა დაგიკჳრდების, ძმანო, რამეთუ იცის
Line of ed.: 26     ცეცხლმან-ცა რიდობაჲ ღმრთის მცნობელთაჲ, რამეთუ ამან
Line of ed.: 27     ცეცხლმან იცნნა სამნი ყრმანი ბაბილონს, რაჟამს-იგი საჴუმილსა
Line of ed.: 28     შინა შესთხივნეს ქალდეველთა. ხოლო საჴუმილსა მას შინა
Line of ed.: 29     მდგომარეთა ცუარი ზეგარდამო ეცურეოდა. ხოლო გარემოჲს
Line of ed.: 30     მდგომარენი შეიწუვებოდეს და ყრმანი უვნებელად დაიცვებოდეს**,
Line of ed.: 31     რამეთუ წინაშე ღმრთისა არარაჲ შეუძლებელ არს და მისი არს
Line of ed.: 32     საკჳრველთ მოქმედებაჲ ესე".

Line of ed.: 33        და მერმე მიხედნა წმიდამან იოვანე ისეს და ჰრქუა: "მამაო
Line of ed.: 34     მფლობელო, გჳნებს, რაჲთა კურთხევაჲ მოვიღოთ შენგან-ცა, რომელი
Line of ed.: 35     გუაქუნდეს საჴსენებელად შენდა". ხოლო იგი მორჩილ იყო
Line of ed.: 36     და სავსე სულითა წმიდითა და ვერ იკადრებდა ურჩებასა. აღდგა
Line of ed.: 37     და აღიპყრნა ჴელნი და თუალნი ზეცად მიმართ და მყოვარ ჟამ
Page of ed.: 224   Line of ed.: 1     ღმერთსა ევედრებოდა. და მერმე მოდრკა და ქუეყანასა ცრემლითა
Line of ed.: 2     დაალტობდა და ჰრქუა ბერსა: "ლოცვა-ყავ ჩემთჳს, წმიდაო
Line of ed.: 3     მამაო, და მცირედ შემომიდეგ". და მიჰმართა წმიდამან ისე მდინარედ
Line of ed.: 4     ქსნად.

Line of ed.: 5        ვითარცა მიიწივნეს წყალსა მას ზედა წმიდანი იგი მამანი,
Line of ed.: 6     ნათელნი სოფლისანი, იწყო წმიდამან ისე ლოცვად. და ზე აღიხილნა
Line of ed.: 7     თუალნი გონებითურთ და ღმრთისა შეწევნასა მოუწოდდა,
Line of ed.: 8     რამეთუ იგი ჰყოფს, რაჲ-ცა ენებოს. და ევედრებოდა წმიდასა
Line of ed.: 9     ღმრთის-მშობელსა და იტყოდა ცრემლით: "მოვედ[ინ] ჩემ ზედა, წმიდაო
Line of ed.: 10     დედოფალო, შეწევნაჲ შენგან შობილისაჲ, რაჲთა წყალი ესე
Line of ed.: 11     დაგუემორჩილოს. და ვითარ მყოვარ ჟამ ილოცა და მერმე განყო
Line of ed.: 12     კუერთხი, რომელი აქუნდა ჴელთა, და თქუა: "სახელითა უფლისა
Line of ed.: 13     ჩუენისა იესუ ქრისტესითა გეტყჳ შენ, წყალო, შემოუდეგ
Line of ed.: 14     კუერთხსა ამას ჩემსა". და მადლითა სულისა წმიდისაჲთა მყის
Line of ed.: 15     შეუდგა ღმერთ-შემოსილთა მათ მამათა. ხოლო ქუეყანაჲ იგი უქმი
Line of ed.: 16     იყო, დაღმრდებოდა, ვითარცა კუერთხი იგი მიეთრია და წყალი
Line of ed.: 17     უკუანა მივიდოდა, და ესრეთ მიიყვანა საყდარსა წმიდისა დედო\ფლისასა Ms. page: I_17v 
Line of ed.: 18     წილკანს სადიდებელად მამისა და ძისა და წმიდისა
Line of ed.: 19     სულისა.

Line of ed.: 20        იხილეს ესე ყოველთა მკჳდრთა მცხეთისათა და გარემო
Line of ed.: 21     სოფლებისათა და ყოველნი ადიდებდეს ღმერთსა.

Line of ed.: 22        ეჰა დიდებული საკჳრველი, რამეთუ კაცთა მიწისაგანთა
Line of ed.: 23     წყალნი-ცა დაემორჩილებიან! ერთი ჰაერსა წარმოადგინებს მსახურად
Line of ed.: 24     და მეორე ცეცხლისა ბუნებასა დაშრეტს და წარსდევნის
Line of ed.: 25     მჴურვალებასა მისსა, სხუაჲ წყალსა და მიწისა ბუნებასა დაიმორჩილებს.
Line of ed.: 26     ამას ყოველსა ჰხედვიდეს და ღმერთსა ადიდებდეს
Line of ed.: 27     ყოვლით კერძო-ვე.

Line of ed.: 28        ხოლო წარ-რაჲ-ვიდოდა წმიდაჲ იოვანე, თანა-აღჰყვეს მოწაფენი-ცა
Line of ed.: 29     მისნი და დაყუნეს მის წინაშე მცირედნი დღენი და მის
Line of ed.: 30     თანა იხარებდეს სულითა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.