TITUS
Old Georgian Hagiographical Texts, vol. I
Part No. 83
Previous part

Chapter: XIII  
Line of ed.: 31        13. ხოლო რაჟამს ენება წარმოსლვაჲ მიერ, ნეტარი შიო
Line of ed.: 32     ევედრებოდა წმიდასა იოვანეს, რაჲთა უბრძანოს მას დაყუდებით
Line of ed.: 33     ცხორებაჲ. ხოლო მან ჰრქუა: "მიგემადლენ ღმრთისა მიერ სათხოველი
Line of ed.: 34     შენი და მოგეცინ მოთმინებაჲ, რაჲთა აქა იწროებით ცხორებითა
Line of ed.: 35     საუკუნესა მას ჰპოო განსუენებაჲ და ფართოებით შუებაჲ.
Line of ed.: 36     არამედ წარვედ და მოაჴსენე პირველად მამათ-მთავარსა და
Line of ed.: 37     უკუეთუ ბრძანოს შენი ესრეთ ცხორებაჲ, უწყოდე, რამეთუ
Line of ed.: 38     არს ნებაჲ ღმრთისაჲ, ვითარცა იტყჳს პავლე მოციქული: "ერჩდით
Page of ed.: 225   Line of ed.: 1     წინამძღუართა თქუენთა, რამეთუ იგინი იღჳძებენ სულთა
Line of ed.: 2     თქუენთათჳს"*.

Line of ed.: 3        და ასწავებდა ბერი, რაჲთა გონებაჲ-ცა ჴორცთა-ვე თანა შეაყენოს
Line of ed.: 4     და ყოველი ზრუნვაჲ ქუეყნიერი განაგდოს, ვითარცა მკუდარმან,
Line of ed.: 5     დაფლულმან და დაფარულმან, რამეთუ ესე არს კანონი
Line of ed.: 6     დაყუდებით ცხოვრებულთაჲ. ხოლო წმიდამან შიო მიიხუნა ბერისაგან
Line of ed.: 7     მცნებანი, ანბორს-უყო ფერჴთა, და ტიროდეს ყოველნი იგი
Line of ed.: 8     ძმანი, ვითარცა უკუანაჲსკნელისა ჯმნისათჳს, და ჰრქუა მათ: "ლოცვა-ყავთ
Line of ed.: 9     ჩემთჳს". და წარმოვიდა, და ვითარცა შევიდა კათოლიკე
Line of ed.: 10     ეკლესიად, თაყუანის-სცა წმიდასა სუეტსა და ცრემლით
Line of ed.: 11     ევედრებოდა ღმერთსა, რაჲთა ღირს ყოს დაყუდებით მსახურებასა
Line of ed.: 12     მისსა.

Line of ed.: 13        და შევიდა წინაშე მამათ-მთავრისა. ხოლო მან სიხარულით
Line of ed.: 14     შეიწყნარა. და ვითარცა მოიკითხნეს, წმიდამან შიო წარმოუთხრა
Line of ed.: 15     ყოველი-ვე და წალიერებაჲ-ცა გულისა მისისაჲ.

Line of ed.: 16        ხოლო მან სულთ-ითქუნა და ტიროდა და ეტყოდა: "წარემართე,
Line of ed.: 17     მამაო, კეთილსა მაგას გზასა და ყავნ უფალმან მღჳმე იგი
Line of ed.: 18     კიბედ, აღმყვანებელად შენდა ზეცად მიმართ, და ბნელი იგი --
Line of ed.: 19     მიმყვანებელ ნათელსა მას დაუღამებელსა! და ჟამისა ამის Ms. page: I_18r 
Line of ed.: 20     ჭირი გეყავნ საუკუნოდ განსასუენებელ და არა შენ ოდენ, არამედ
Line of ed.: 21     ყოველთა, რომელთა შემდგომად შენსა იღუაწონ ადგილსა
Line of ed.: 22     მას შინა! და დაუთმე ბრძოლასა ეშმაკთასა, რამეთუ მრავალღონე
Line of ed.: 23     არს ბრძოლაჲ მათი".

Line of ed.: 24        ხოლო წმიდაჲ შიო ევედრებოდა და ეტყოდა: "ლოცვა-ყავ
Line of ed.: 25     ჩემთჳს უფლისა მიმართ, რაჲთა ნეშტნი ესე დღენი ჩემნი მომმადლნეს
Line of ed.: 26     ნებისაებრ მისისა". და დაიწერა ჯუარი და წარვიდა და
Line of ed.: 27     შევიდა უდაბნოსა თჳსსა. და მოუწოდა ყოველთა ძმათა და ჰრქუა:
Line of ed.: 28     "მე ესერა აღვირჩიე დაყუდებით ცხოვრებაჲ ბრძანებითა ბერისაჲთა
Line of ed.: 29     და წმიდისა მამათ-მთავრისაჲთა; ხოლო თქუენ განეკრძალენით
Line of ed.: 30     საფრჴეთა ეშმაკისათა და მოიგეთ უმეტეს ყოვლისა სიმდაბლე
Line of ed.: 31     და მორჩილებაჲ და სიმშჳდე, რომელი უჩინო-ჰყოფს რისხვასა, და
Line of ed.: 32     სიყუარული, რომლისა მიერ ღმერთი მოიგების, და მარხვაჲ, რომელი
Line of ed.: 33     წარიოტებს ბილწებასა, და ლოცვასა შინა სიწმიდე გონებისაჲ,
Line of ed.: 34     რომელი განაქარვებს ყოველსა ძალსა მტერისასა, და დაუცხრომელი
Line of ed.: 35     ტირილი, რომელი მოატყუებს სიხარულსა საუკუნოსა, და
Line of ed.: 36     მოიპოვეთ სიგლახაკე, რაჲთა საუკუნოდ სიმდიდრე ჰპოოთ. მოიძულენით
Line of ed.: 37     საქმენი სოფლისანი, იწურთიდით წერილთა, რაჲთა
Line of ed.: 38     მარადის ფრთხილ იყოს გონებაჲ თქუენი; იქმნენით წმიდა ჴორცითა,
Line of ed.: 39     რაჲთა სულითა წმიდა იქმნნეთ და მხიარულნი შეხჳდეთ ქორწილსა
Page of ed.: 226   Line of ed.: 1     უფლისასა. მიეყრდენით მკერდსა უფლისასა, რაჲთა სიწმიდით
Line of ed.: 2     ეზიარებოდით მას, და ნუ ჰგონებთ, თუ-მცა უჭირველად
Line of ed.: 3     ცხოვრებაჲ საუკუნოჲ ჰპოეთ. რამეთუ პავლე იტყჳს. ვითარმედ:
Line of ed.: 4     "მრავლითა ჭირითა გჳღირს შესლვად სასუფეველსა ცათასა"*.
Line of ed.: 5     და კუალად იტყჳს: "მოთმინებითა თქუენითა მოიპოვნეთ სულნი
Line of ed.: 6     თქუენნი"*.

Line of ed.: 7        "უწყოდეთ, ძმანო ჩემნო, რამეთუ აქაჲ ესე ყოველი წარმავალ
Line of ed.: 8     არს, ხოლო საუკუნოჲ წარუვალ. მითხართ-ღა, საყუარელნო,
Line of ed.: 9     უკუეთუ გუშინ ყოველთა განსუენებათა შინა ყოფილ იყოს კაცი
Line of ed.: 10     ესე და ხვალე არღარაჲ ჰქონდის და არცა-ღა სხუასა წაღმართ
Line of ed.: 11     მოელოდის რას თჳნიერ ჭირისა და ტანჯვისა, არა დიდი დაჭირვებაჲ
Line of ed.: 12     არს მისა?!"

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.