TITUS
Old Georgian Hagiographical Texts, vol. I
Part No. 84
Previous part

Chapter: XIV  
Line of ed.: 13        14. და შემდგომად მრავლისა სწავლისა ჰრქუა მათ: "გამოარჩიეთ
Line of ed.: 14     ერთი, რომელი-ცა იღუწიდეს ცხოვრებასა თქუენსა, რამეთუ
Line of ed.: 15     მე მეგულების დაჯდომაჲ მღჳმესა ამას შინა, რომელი აღვაშენე
Line of ed.: 16     დასაფლველად თავისა ჩემისა".

Line of ed.: 17        მაშინ შეწუხ\ნეს Ms. page: I_18v  ძმანი იგი და ტიროდეს მწარედ, ხოლო
Line of ed.: 18     იგი ნუგეშინის-სცემდა.

Line of ed.: 19        მაშინ ყოველთა ერთობით გამოარჩიეს ყოლად ქებული
Line of ed.: 20     ევაგრე. ხოლო მან მოუწოდა და ჰრქუა: "შვილო ჩემო, უფალი
Line of ed.: 21     ჩუენი იტყჳს: "რომელსა უნდეს თქუენ შორის დიდ ყოფაჲ, იყოს
Line of ed.: 22     ყოველთა მონა"*; და აწ ჯერ-არს შენდა, რაჲთა დიდებისა მომატყუებელი
Line of ed.: 23     სიმდაბლე მიიღო". ხოლო წმიდაჲ ევაგრე მშჳდ იყო
Line of ed.: 24     და მდაბალ გულითა და არა თავს-იღებდა მთავრობასა ძმათასა და
Line of ed.: 25     გონებისა უძლურებასა წინა დაუდებდა და ეტყოდა: "ვერ ვაგებ
Line of ed.: 26     მსახურებასა ძმათასა", ჰრქუა მას ბერმან: "უკუეთუ მე დამემორჩილო,
Line of ed.: 27     მრავალი სასყიდელი მიიღო ღმრთისაგან და დიდებაჲ
Line of ed.: 28     საუკუნოჲ დაიმკჳდრო, და უკუეთუ ურჩ მექმნე, ურჩთა თანა
Line of ed.: 29     დაისაჯო".

Line of ed.: 30        ხოლო მან თაყუანის-სცა და ჰრქუა: "რაჲცა მიბრძანო, ვყო,
Line of ed.: 31     მამაო პატიოსანო". და წარემართა მსახურებასა ძმათასა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.