TITUS
Old Georgian Hagiographical Texts, vol. I
Part No. 85
Previous part

Chapter: XV  
Line of ed.: 32        15. ხოლო წმიდაჲ შიო, მკჳდრი უდაბნოჲსაჲ და ყუავილი
Line of ed.: 33     შუენიერი, ნერგი უკუდავებისაჲ, გამომღებელი ნაყოფსა კეთილსა
Line of ed.: 34     გულითა მჴურვალითა მოლოდებისათჳს სასუფეველისა და განსუენებისათჳს
Line of ed.: 35     საუკუნოჲსა და ცხოვრებისათჳს სამარადისოჲსა შთაჴდა
Line of ed.: 36     მღჳმესა მას შინა.

Line of ed.: 37        ჵ ნეტარო და ყოვლად სანატრელო, ყოვლად მადლით მოჴსენებულო,
Line of ed.: 38     ვითარ ვაქებდე სიმჴნეთა შენთა და სიბრძნეთა,
Page of ed.: 227   Line of ed.: 1     რომელი ენაჲ იტყოდის, რამეთუ უფროჲს ყოველთა ბრძენთა
Line of ed.: 2     უბრძნეს იქმენ. რამეთუ ნათლისა მის დაუსრულებელისათჳს წუთ
Line of ed.: 3     ჟამისა ესე სიბნელე მოითმინე და განქარვებადისა წილ საწუთროჲსა
Line of ed.: 4     და განსუენებისა საუკუნოჲ დიდებაჲ და განსუენებაჲ მიიღე,
Line of ed.: 5     რამეთუ დანიელ უნებლიაჲთ შთააგდეს მღჳმესა მას შინა
Line of ed.: 6     ლომთასა და ღმრთისაგან სამარადისოჲ პატივი მიიღო. ხოლო შენ
Line of ed.: 7     ნეფსით თჳსით შთაჰჴედ მღჳმესა ბნელსა ბრძოლად უხილავისა
Line of ed.: 8     მის მტერისა, რომელი-ცა დაეც და შეჰმუსრე ქუეშე ფერჴთა შენთა
Line of ed.: 9     და მეორითა მით ნათლის-ღებისა სახითა იატაკსა მას აპკურებდი,
Line of ed.: 10     რაჲთა ქუეყანასა მას მშჳდთასა იხარებდე.

Line of ed.: 11        ესე წმიდაჲ შიო ესრეთ იყოფებოდა. ჴორცითა იტანჯებოდა,
Line of ed.: 12     ხოლო სულითა განათლდებოდა. ამისთჳს-ცა ბნელსა მას შინა
Line of ed.: 13     მღჳმესა ვითარცა ნათელსა და განსუენებასა შინა იშუებდა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.