TITUS
Old Georgian Hagiographical Texts, vol. I
Part No. 95
Previous part

Chapter: VII  
Line of ed.: 37        7. და ვითარცა წარჴდეს ამას შინა ჟამნი რაოდენნი-მე, ცნა მამამან
Line of ed.: 38     დავით განსლვაჲ მისი ჴორცთაგან. და მოუწოდა ყოველთა ძმათა და ჰრქუა:
Line of ed.: 39     "ძმანო და შვილნო ს[უ]ლიერნო, მე ესერა განვალ ჴორცთაგან, ვითარცა
Line of ed.: 40     ერთი კაცთაგანი, ხოლო თქუენ ნუ შეძრწუნდებით, არამედ განმტკიცენით
Line of ed.: 41     და განძლიერდით და დაუცხრომელად ევედრებოდით ღმერთსა სულთა თქუენთა
Line of ed.: 42     ცხორებისათჳს".

Page of ed.: 240  
Line of ed.: 1        უბრძანა მღდელთა შეწირვაჲ მსხუერპლისაჲ და ეზიარა წმიდასა მსხუერპლსა
Line of ed.: 2     ქრისტეს ღმრთისასა და აღიპყრნა ჴელნი და მადლობაჲ შეწირა
Line of ed.: 3     ღმრთისა და ესრეთ შეჰვედრა სული თჳსი წმიდაჲ უფალსა. და ყოველნი იგი
Line of ed.: 4     ძმანი ტიროდეს დაკლებისათჳს მწყემსისა მის კეთილისა.

Line of ed.: 5        და იყო მათ შორის ერთი ძმათაგანი, რომელსა ერთი თუალი არა ედგა,
Line of ed.: 6     და შე-რაჲ-ეხო გუამსა მას წმიდასა, მეყსეულად განიკურნა, და ყოველნი
Line of ed.: 7     ადიდებდეს ღმერთსა. ესევითართა სასწაულთა იქმოდა წმიდაჲ მამაჲ დავით
Line of ed.: 8     შემდგომად სიკუდილისა-ცა. და დაჰკრძალეს ესრეთ პატივით ლუსკუმასა მას
Line of ed.: 9     ზემო-ჴსენებულსა. და რომელნი სარწმუნოებით მივლენ სამარხოსა მას, მიიღებენ
Line of ed.: 10     კურნებასა სულთა და ჴორცთასა და ადიდებენ მამასა და ძესა და წმიდასა
Line of ed.: 11     სულსა აწ და მარადის და უკუნითი უკუნისამდე, ამენ.




Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.