TITUS
Old Georgian Hagiographical Texts, vol. I
Part No. 94
Previous part

Chapter: VI  
Line of ed.: 12        6. მაშინ წმიდაჲ მამაჲ და მწყემსი კეთილი წმიდაჲ დავით დღითი-დღე
Line of ed.: 13     განვიდის მოკითხვად ძმათა მათ განშორებულთა, მარტოდ მყოფთა დაყუდებულთა
Line of ed.: 14     და ყოველთა ნუგეშინის-სცემდა, განამტკიცებდა და განაძლიერებდა
Line of ed.: 15     და ახარებდა მათთჳს განმზადებულსა სასუფეველსა ცათასა.

Line of ed.: 16        ხოლო მივიდა ოდეს-მე ერთისა ძმათაგანისა, რომელი იყოფებოდა ძირსა
Line of ed.: 17     რას-მე კლდის[ა]სა და ჰკითხა მას და ჰრქუა: "ვითარ ხარ, ძმაო?" მიუგო
Line of ed.: 18     მან: "კეთილად, ლოცვითა შენითა წმიდითა, გარნა წყალი ესე, რომელ სწუთის
Line of ed.: 19     კლდესა ამას, არს ესე ფრიად მწარე, და ოდეს მივიღო მისგან, განმიმწარებს
Line of ed.: 20     საგრძნობელთა. და ეგრეთ-ვე მხალნი ესე, რომელნი მის მიერ
Line of ed.: 21     ირწყვებიან, ესე-ცა მწარე არიან, ვითარცა ნავღელი, გარნა ვი[ი]ძულებ მე
Line of ed.: 22     თავსა ჩემსა და ვიტყჳ: "ფრიად უმწარეს არიან სატანჯველნი ჯოჯოხეთისანი
Line of ed.: 23     და უკუეთუ არა წუთ ერთ დაითმინო, უმჯობეს არს შენდა და მუნ უკუნისამდე
Line of ed.: 24     არღარა იჭირვოდი სიმწარესა მას შინა ჯოჯოხეთისასა".

Line of ed.: 25        ხოლო ესე რაჲ ჰრქუა წმიდასა დავითს, შეეწყალა იგი და ჰრქუა: "ნუ
Line of ed.: 26     მწუხარე ხარ, ძმაო, არამედ ვევედრნეთ უფალსა და რომელმან-იგი მერანს
Line of ed.: 27     დაატკბნა წყალნი, მან-ვე სახიერმან დაატკბნეს ესენი-ცა". და აღდგეს და
Line of ed.: 28     ევედრნეს უფალსა. და აღავსო სარწყული და დასწერა ჯუარი და მისცა ბერსა.
Line of ed.: 29     და ვითარცა იხილა გემოჲ წყლისაჲ მის, უტკბილეს იყო იგი ყოველთა
Line of ed.: 30     წყალთა, და ვიდრე აქამომდე-ცა ტკბილ არს წყალი იგი და მხალი-ცა, რამეთუ
Line of ed.: 31     მიერითგან დგას ადგილსა მას ნიახური და რომელნი მივიდენ ადგილსა
Line of ed.: 32     მას, Ms. page: F_179r  მიიღებენ ევლოგიად წყლისა მისგან და მხლისა.

Line of ed.: 33        ესევითარნი არიან სასწაულნი, რომელთა იქმოდა მამაჲ ჩუენი დავით
Line of ed.: 34     და გაჰკურნებდა ყოველსა უძლურებასა კაცთასა. ხოლო ბრძანებითა-ვე მამისა
Line of ed.: 35     დავითისითა აღეშენა უდაბნოჲ მრავალ-მთისაჲ სახელსა ზედა წმიდისა იოანე
Line of ed.: 36     ნათლის-მცემელისასა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.