TITUS
Old Georgian Hagiographical Texts, vol. I
Part No. 93
Previous part

Chapter: V  
Line of ed.: 8        5. ხოლო ვითარცა წარჴდეს ამას შინა ჟამნი რაოდენნი-მე და განმრავლდა
Line of ed.: 9     სიმრავლე ძმათაჲ, მიუწოდა მამამან დავით ლუკიანეს და ჰრქუა: "ძმაო ლუკიანე,
Line of ed.: 10     მე წარვალ წმიდად ქალაქად იერუსალემდ, ხოლო შენ წინა-უძღოდი
Line of ed.: 11     ძმათა ამათ ჩუენ მიერ შეკრებულთა". მიუგო ლუკიანე და ჰრქუა მას; "უკუეთუ
Line of ed.: 12     წარხჳდე, მე-ცა წარმოვიდე წინაშე სიწმიდისა თქუენისა".

Line of ed.: 13        ხოლო წმიდამან დავით ჰრქუა მას: "ნუ ძმაო, ნუ იქმ, არა სათნო არს
Line of ed.: 14     ღმრთისა, რამეთუ, უკუეთუ ეგე ვყოთ და ორნი-ვე წარვიდეთ, ძმანი ესე ჩუენ
Line of ed.: 15     მიერ შეკრებულნი, თჳთოეულნი განიბნივნენ დაბათა და ქალაქთა შინა, დაეცნენ
Line of ed.: 16     და წარწყმდენ გულის-თქუმათა მიერ ცოდვილისათა და წარწყმედაჲ
Line of ed.: 17     სულთა მათთაჲ ჩუენ მიერ იძიოს ღმერთმან. ხოლო მე წარვიდე მარტოჲ და
Line of ed.: 18     ჩემთჳს, შენთჳს და შენთანათა ამათ ძმათათჳს ვევედრო ღმერთსა, და ნუ
Line of ed.: 19     ჰგონებ, ძმაო, თუ ჩემი ოდენ მარტოჲსაჲ მნებავს ცხოვნებაჲ, უკუეთუ მე
Line of ed.: 20     წარვიდე და წყალობით მოხედვა ყოს ღმერთმან ჩემ ზედა და სახიერებისა
Line of ed.: 21     და სიტკბოებისა მისისათჳს დაადინოს ჩემ ზედა წუეთი მადლისა და სიტკბოებისა,
Line of ed.: 22     შენ და შენთანათა ამათ ძმათა ერთბამად გჳხაროდენ, რამეთუ ერთბამად
Line of ed.: 23     ყოველთა ქრისტეანეთათჳს და ყოველთა, რომელნი ამას უდაბნოსა შინა
Line of ed.: 24     მკჳდრ იყვნენ, ყოველთა შეწყალებისათჳს ვევედრები ღმერთსა, რაჲთა ერთობით
Line of ed.: 25     ღირს მყვნეს საშუებელთა საუკუნეთა ყოველთა წმიდათა მისთა
Line of ed.: 26     თანა".

Line of ed.: 27        ესრეთ და ესევითარითა სიტყჳთა დააყენა ლუკიანე ძმათა თანა. ხოლო
Line of ed.: 28     იგი წარემართა სხუათა რაოდენთა-მე ძმათა თანა და წარვიდა იერუსალჱმდ.
Line of ed.: 29     და ვითარცა მიიწივნეს ადგილსა მას, Ms. page: F_177v  რომელ არს ქედი მადლოვნებისაჲ,
Line of ed.: 30     რამეთუ მუნით აჩნდების წმიდაჲ იერუსალჱმი, მაშინ აღიპყრნეს ჴელნი და
Line of ed.: 31     მადლობაჲ შეწირეს ღმრთისა. ხოლო წმიდაჲ მამაჲ დავარდა და იატაკსა
Line of ed.: 32     დაალტობდა ცრემლითა და იტყოდა: "უფალო ღმერთო იესუ ქრისტე, რომელი
Line of ed.: 33     მოხუედ ქუეყანად ცხორებისათჳს კაცთა ნათესავისა და ჩუენ ცოდვილთათჳს
Line of ed.: 34     ჯუარ-ცუმაჲ და სიკუდილი თავს-იდევ სახიერებისა და მოწყალებისა
Line of ed.: 35     შენისათჳს, მეუფეო, კურთხეულ არს, უფალო, სახელი წმიდაჲ დიდებისა შენისაჲ,
Line of ed.: 36     რომელმან მეცა უღირსი მონაჲ შენი ღირს მყავ ხილვად ადგილთა ამათ
Line of ed.: 37     წმიდათა; ხოლო მე არღარა ვიკადრო წაღმართ სლვად და დატკებნად ფერჴითა
Line of ed.: 38     ჩემითა ადგილთა ამათ, სადა დადგეს ფერჴნი შენნი წმიდანი, რამეთუ
Line of ed.: 39     კმა არს ჩემდა ხილვაჲ ოდენ თუალითა". და ტიროდა და დასთხევდა ცრემლთა
Line of ed.: 40     მისთა წმიდათა.

Page of ed.: 238  
Line of ed.: 1        ხოლო მოყუასნი იგი ეტყოდეს წარსლვად მათ თანა და შესლვად იერუსალჱმდ,
Line of ed.: 2     მიუგო და ჰრქუა: "არღარა ვიკადრებ მე წაღმართ სლვად, არამედ
Line of ed.: 3     თქუენ წარვედით და ჩემ ცოდვილისათჳს ლოცვა-ყავთ". და ვითარცა
Line of ed.: 4     ფრიად აიძულეს და იგი არა ერჩდა, ცრემლით ანბორს-უყვეს, დაუტევეს და
Line of ed.: 5     წარვიდეს.

Line of ed.: 6        ხოლო ესე რაჲ ყო წმიდამან დავით, მიხედნა ღმერთმან წმიდასა გონებასა
Line of ed.: 7     მისსა და მიანიჭა მას მადლი უმეტეს ყოველთა, რომელნი შევლენან
Line of ed.: 8     იერუსალჱმს.

Line of ed.: 9        ხოლო წმიდაჲ დავით ადგილსა მას ფრიად ევედრა უფალსა, და აღიხუნა
Line of ed.: 10     ადგილისა მისგან სამნი ქვანი და შთაისხნა მახალაკსა ევლოგიად და
Line of ed.: 11     უკუნ-იქცა მიერ.

Line of ed.: 12        ხოლო ღამესა მას მიუვლინა ანგელოზი ღმერთმან ელია პატრიაქსა და
Line of ed.: 13     ჰრქუა: "მოიწია ვიდრე სახლად ჩემდამდე საკუთარი მონაჲ ჩემი დავით და
Line of ed.: 14     სარწმუნოებითა მისითა წარიღო სრულიად მადლი იერუსალჱმისაჲ. ხოლო
Line of ed.: 15     შენ სწიენ მალე-მსრბოლნი კაცნი, რამეთუ მივალს იგი გზასა ქალაქისა ნაბულისსა.
Line of ed.: 16     და არს იგი მოსილი სამოსლითა ძუელითა დაბებკულითა და ჰკიდავს
Line of ed.: 17     მას ძუელი მახალაკი, რომელსა შინა უსხენ სამნი ლოდნი, რომელნი-იგი მიიხუნა
Line of ed.: 18     ადგილისა მისგან, სადაჲთ-იგი უკუნ\იქცა, Ms. page: F_178r  და მიუმცენ შენ
Line of ed.: 19     კაცთა მათ მალე-მსრბოლთა, რაჲთა მოუხუნენ მახალაკისაგან ლოდნი იგი
Line of ed.: 20     და ერთი ოდენ მისცენ მას". და ჰრქუა, ვითარმედ: "მოუნიჭებიეს შენდა
Line of ed.: 21     უფალსა მესამედი მადლი იერუსალჱმისაჲ და გიბრძანებს, ვითარმედ
Line of ed.: 22     სარწმუნოებითა შენითა წარგეღო მადლი იერუსალჱმისაჲ. ხოლო მე
Line of ed.: 23     ვინებე ორი ნაწილი უკუნ-ქცევად და მესამედი მომინიჭებია შენდა. წარვედ
Line of ed.: 24     და წარიტანე უდაბნოსა შენსა, წმიდა ყავ იგი მისლვითა შენითა, და
Line of ed.: 25     რომელი მოიწიოს უდაბნოსა მას და სარწმუნოებით შეეხოს სამარხოსა ძუალთა
Line of ed.: 26     შენთასა, მიიღოს კურნებაჲ სულთა და ჴორცთაჲ და მიუტევნეს მას
Line of ed.: 27     ცოდვანი მისნი. ხოლო ლოდი ეგე ერთი იყოს მოსაჴსენებელად ჟამისა ამის".

Line of ed.: 28        და ვითარცა წარმოუთხრა ესე ყოველი პატრიაქსა ანგელოზმან უფლისამან,
Line of ed.: 29     მიეფარა იგი თუალთაგან მისთა. ხოლო პატრიაქი პირველად განცჳბრდა
Line of ed.: 30     სიტყუათა მათ ზედა ანგელოზისათა, მერმე დავარდა პირსა ზედა და ცრემლით
Line of ed.: 31     ვედრებაჲ შეწირა უფლისა და მოუწოდა კაცთა მალე-მსრბოლთა და
Line of ed.: 32     მიუთხრა ესე ყოველი და მიუმცნო მათ, რაჲთა უკ-მოაქციონ, და იგინი-ცა
Line of ed.: 33     შეემთხჳნენ მას. ხოლო იგინი წარვიდეს, და ვითარცა ეწივნეს იგინი, მიუთხრეს
Line of ed.: 34     მას, რომელი-იგი მოემცნო პატრიაქსა და აღმოუხუნეს სამნი იგი ლოდნი,
Line of ed.: 35     და ერთი იგი მისცეს მას.

Line of ed.: 36        და ვითარცა ესმა ესე ყოველი წმიდასა დავითს, პირველად შეძრწუნდა
Line of ed.: 37     და მერმე თაყუანის-სცა უფალსა და ცრემლით იტყოდა: "დიდებაჲ შენდა,
Line of ed.: 38     ქრისტე ღმერთო ჩუენო! და დიდებაჲ შენდა, სამებაო წმიდაო, ერთ-ღმრთეებაო,
Line of ed.: 39     ერთ-არსებაო! დიდებაჲ შენდა ღმერთო, რომელმან ღირს მყვენ ჩუენ
Line of ed.: 40     პოვნად წყალობისა!" და ესევითარითა სიტყჳთა მადლობაჲ შეწირა უფლისა.

Page of ed.: 239  
Line of ed.: 1        ხოლო კაცთა მათ მალე-მსრბოლთა აიძულეს წმიდასა დავითს უკუნ-ქცევად
Line of ed.: 2     იერუსალჱმს, ვითარცა ემცნო პატრიაქსა. ხოლო იგი არა ერჩდა მათ,
Line of ed.: 3     და ანბორ-უყვეს და განუტევეს იგი.

Line of ed.: 4        ხოლო წმიდაჲ დავით მიიწია რაჲ უდაბნოსა თჳსსა, ყოველნი ძმანი სიხარულით
Line of ed.: 5     მიეგებვოდეს და ადიდებდეს ღმერთსა, Ms. page: F_178v  რომელმან კუალად
Line of ed.: 6     უჩუენა მწყემსი და მაცხოვარი სულთა მათთაჲ. და ვითარცა მოილოცეს ძმათა
Line of ed.: 7     მათ, დავითის თანა წარსრულთა იერუსალჱმს, შემდგომად ამისსა მოვიდეს
Line of ed.: 8     იგინი-ცა უდაბნოსა მას წმიდისა დავითისსა. და განთქუეს ჰამბავი მისი
Line of ed.: 9     და ყოველი, რაჲ-ცა იხილეს და ესმა წმიდისა დავითისთჳს. და ყოვლით კერძო
Line of ed.: 10     შემოკრბა სიმრავლე ძმათაჲ და აღივსო უდაბნოჲ იგი, და რომელნი-მე
Line of ed.: 11     დაეყუდნის ნაპრალსა კლდეთასა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.