TITUS
Old Georgian Hagiographical Texts, vol. I
Part No. 92
Previous part

Chapter: IV  
Line of ed.: 14        4. ხოლო წმიდა მამაჲ დავით დღითი-დღე განვიდის პარეხთა კლდეთასა
Line of ed.: 15     [31] და მარტოჲ მყუდროებით აღასრულებდა წმიდათა ლოცვათა, და
Line of ed.: 16     ოფლთა და ცრემლთა ნაკადულითა რწყვიდა უდაბნოთა მათ, და დღესა
Line of ed.: 17     ერთსა ესრეთ რაჲ ილოცვიდა იგი, მოვიდა ბარბაროზი ვინმე ნათესავით
Line of ed.: 18     ადგილთაგან რუჲსთავისათა და ინადირობდა ნადირთა. და მიუტევა ქორი
Line of ed.: 19     კაკაბსა მახლობელად ადგილსა მას, სადა ილოცვიდა წმიდაჲ დავით. და
Line of ed.: 20     კაკაბი-ცა იგი მიივლტოდა ბერისა და დაჯდა იგი ფერჴთა თანა მისთა, ხოლო
Line of ed.: 21     ქორი მახლობელად მისა. და ესე იქმნა განგებითა ღმრთისაჲთა, რაჲთა
Line of ed.: 22     მონადირე იგი მოინადიროს მოწყალებითა თჳსითა. ხოლო ბარბაროზი იგი
Line of ed.: 23     მიისწრაფდა, რაჲთა მოუღოს კაკაბი ქორსა მას. და ვითარცა იხილა წმიდაჲ
Line of ed.: 24     იგი მდგომარე ლოცვასა შინა და კაკაბი იგი ფერჴთა წმიდისა მის
Line of ed.: 25     თანა მჯდომარე, დაუკჳრდა ბარბაროზსა მას და ჰრქუა: "ვინაჲ ხარ შენ?"
Line of ed.: 26     მიუგო მან სომხურითა ენითა: "მე კაცი ვარ ცოდვილი, მონაჲ უფლისა
Line of ed.: 27     ჩუენისა იესუ ქრისტესი, და ვევედრები მოწყალებათა მისთა, რაჲთა მომიტევნეს
Line of ed.: 28     ყოველნი ცოდვანი ჩემნი და რაჲთა მყუდროებით და უშფოთველად
Line of ed.: 29     განვლო წუთი ესე ცხორებაჲ ჩემი". და კუალად ჰრქუა: "ვინაჲ არს აქა
Line of ed.: 30     მზრდელი და ნუგეშინის-მცემელი შენი?" და მიუგო მან და ჰრქუა: "რომელსა-იგი
Line of ed.: 31     მე ვესავ და თაყუანის-ვსცემ, იგი არს მზრდელი და ნუგეშინის-მცემელი
Line of ed.: 32     ყოველთა შექმნულთა და დაბადებულთა მისთაჲ და მის მიერ იზარდებიან
Line of ed.: 33     ყოველნი კაცნი და ყოველნი პირუტყუნი და ყოველნი მცენარენი,
Line of ed.: 34     მფრინველნი ცისანი და თევზნი ზღჳსანი, და აჰა ესერა კაკაბი-ცა ესე ლტოლვილი
Line of ed.: 35     შიშისაგან ქორისა შენისა მოივლტის ჩემ ცოდვილისა მონისა ქრისტესისა,
Line of ed.: 36     ხოლო შენ წარვედ და სხუაჲ ნადირი ინადირე, რამეთუ ესე დღეს
Line of ed.: 37     ჩემდა შემოხუეწილ არს, რაჲთა განერეს სიკუდილისაგან". მიუგო ბარბაროზმან
Page of ed.: 235   Line of ed.: 1     მან და ჰრქუა: "მე მოკუდინებაჲ შენი მნებავს და შენ ვითარ განარინო
Line of ed.: 2     კაკაბი სიკუდილისაგან?"

Line of ed.: 3        ხოლო წმიდამან დავით ჰრქუა: "არა ჴელ-გეწიფების სიკუდილი ჩემი
Line of ed.: 4     და არცა კაკბისაჲ ამის, რამეთუ უფალი ჩემი ჩემ თანა არს და იგი არს
Line of ed.: 5     ჴელის-ამპყრობელი [31] ჩემი."

Line of ed.: 6        და სიტყუასა მას ზედა ბერისასა ბარბაროზმან მან მჯდომარემან ჰუნესა
Line of ed.: 7     ზედა იწუადა ჴრმალი, რაჲთა სცეს ზედა წმიდისა დავითისსა. და ვითარცა
Line of ed.: 8     აღიღო ჴელი, მეყსეულად შეჰჴმა იგი და იქმნა ვითარცა შეშაჲ. მაშინ
Line of ed.: 9     გულისჴმა-ყო ბარბაროზმან მან უკეთურებაჲ თჳსი და გარდაჰჴდა ჰუნესა და
Line of ed.: 10     დავარდა ფერჴთა თანა ბერისათა და ცრემლით ევედრებოდა, რაჲთა მიუტეოს
Line of ed.: 11     ცთომილება იგი მისი.

Line of ed.: 12        მაშინ შეეწყალა იგი წმიდასა დავითს და ევედრებოდა უფალსა და
Line of ed.: 13     თქუა: "უფალო იესუ ქრისტე, ღმერთო ჩუენო, რომელი მოხუედ ცხორებად
Line of ed.: 14     ნათესავისა კაცთაჲსა, სახიერო და მოწყალეო, რომელმან განჰკურნე ჴელი
Line of ed.: 15     იგი განჴმელი, შენ-ვე მეუფეო, რომელმან-ესე იკადრა აღებად ჴელი უღირსსა
Line of ed.: 16     ზედა მონასა შენსა, მოვედინ აწ-ცა მადლი და წყალობაჲ შენი და განკურნე
Line of ed.: 17     ჴელი ესე განჴმელი ბარბაროზისაჲ, რაჲთა გულისჴმა-ყოს და გიცნას
Line of ed.: 18     შენ და ადიდებდეს სახელსა შენსა".

Line of ed.: 19        და მიყო ჴელი მისი წმიდაჲ და შეახო რაჲ, მეყსეულად განიკურნა შეწევნითა
Line of ed.: 20     ღმრთისაჲთა. და ვითარცა იხილა დიდებულებაჲ ღმრთისაჲ, კუალად
Line of ed.: 21     იწყო ვედრება[ჲ] მისსა ცრემლითა მჴურვალითა და ეტყოდა წმიდასა დავითს:
Line of ed.: 22     მონაო ღმრთისა ცხოველისაო, არს სახლსა შინა ჩემსა ძე ჩემი კოჭლი
Line of ed.: 23     ორითა-ვე ფერჴითა, რომელი ყოლად ვერ შემძლებელ არს ზე აღდგომად
Line of ed.: 24     და აწ ვესავ სიწმიდესა თქუენსა, რაჲთა ევედრო უფალსა შენსა
Line of ed.: 25     მისთჳს და უკუეთუ განიკურნოს იგი, უმეტეს იდიდოს სახიერებაჲ მისი და
Line of ed.: 26     ყრმაჲ იგი მოვიყვანო წინაშე სიწმიდისა თქუენისა, რაჲთა იკურთხოს იგი
Line of ed.: 27     თქუენ მიერ, და მე და ყოველთა სახლეულთა ჩემთა თაყუანის-ვსცეთ სახელსა
Line of ed.: 28     ქრისტეს ღმრთისასა და მივიღო წინაშე თქუენსა ფრიადი საჴმარი და
Line of ed.: 29     ნაყოფთაგან სახლისა ჩემისათა იშუებდე შენ და ყოველნი შენთანანი". მიუგო
Line of ed.: 30     წმიდამან დავით და ჰრქუა: "წარვედ სახედ შენდა და, უკუეთუ ენებოს ღმერთსა,
Line of ed.: 31     ჰპოო ძე შენი განკურნებული".

Line of ed.: 32        ხოლო იგი წარვიდა განმხიარულებული სახედ თჳსად, რამეთუ ნადირი-ცა
Line of ed.: 33     ფრიად ენადირა. ხოლო ვითარცა მიიწია იგი სახიდ თჳსად, ეჰა დიდებულებათა
Line of ed.: 34     შენთა, ქრისტე! რამეთუ ყრმაჲ იგი კოჭლი, ბღუნვით მავალი, სიხარულით
Line of ed.: 35     წინა მიეგებვოდა მამასა მას თჳსსა. და ვითარცა იხილა იგი მამამან
Line of ed.: 36     მისმან მრთელი და ყოვლითურთ უნაკლულოჲ, გარდაჰჴდა* Ms. page: F_176r  ჰუნესა
Line of ed.: 37     და მადლობაჲ შეწირა ღმრთისა. და ვითარცა შევიდა ტაძართა თჳსთა, ჰკითხა
Page of ed.: 236   Line of ed.: 1     მეუღლესა და სახლეულთა: "რომელსა ჟამსა განიკურნა ყრმაჲ ესე?" მიუგეს მას
Line of ed.: 2     და ჰრქუეს "დღეს მესამესა ჟამსა აღდგა ეგე და ხლდომით ვიდოდა ვითარცა
Line of ed.: 3     ქურციკი". ხოლო მოეჴსენა მას, რამეთუ მას ჟამსა ჰრქუა მას ბერმან,
Line of ed.: 4     ვითარმედ: "ენებოს ღმერთსა, განიკურნოს ყრმაჲ იგი შენი". და ყოველი-ვე,
Line of ed.: 5     რაჲ-ცა ექმნა და ეთხრა მისდა წმიდასა დავითს, წარმოუთხრა მან. და ყოველნი
Line of ed.: 6     ზოგად ადიდებდეს ღმერთსა, უფალსა ჩუენსა იესუ ქრისტესა.

Line of ed.: 7        და ვითარცა განთენა, აჰკიდა საჴედართა ფრიად საჴმარი: პური და
Line of ed.: 8     ღჳნოჲ, თევზი და ხილი მრავალ-ფერი და წარვიდა მამისა დავითისსა. და თანა-ჰყვა
Line of ed.: 9     ძე-ცა იგი განკურნებული და ორნი ძენი სხუანი. და ვითარცა მიიწივნეს
Line of ed.: 10     იგი[ნი] ადგილსა მას მოჴსენებულსა, და ვითარცა ბერი ვერ იხილა,
Line of ed.: 11     შეუძნდა ფრიად და ჰრქუა მონასა, რაჲთა იძიოს იგი.

Line of ed.: 12        და ვითარცა შთავიდეს ქუემო კერძო, პოვეს იგი სხუასა თანა. მოვიდეს
Line of ed.: 13     და აუწყეს მას. ხოლო იგი სიხარულით შთავიდა ბერისა, დავარდა ფერჴთა
Line of ed.: 14     თანა მისთა წმიდათა, ცრემლით ეტყოდა: "ჭეშმარიტად გპოვე მკურ\ნალი Ms. page: F_176v 
Line of ed.: 15     სულთა და ჴორცთაჲ, და აჰა ესერა წინაშე თქუენსა დგას ყრმაჲ იგი
Line of ed.: 16     უფერჴო[ჲ], ხოლო დღეს ლოცვითა თქუენითა განკურნებული და უვნებელი,
Line of ed.: 17     და სხუანი-ცა ესე ორნი ძენი ჩემნი მომიყვანებიან წინაშე სიწმიდისა თქუენისა,
Line of ed.: 18     რაჲთა შეეხნენ სამოსელსა შენსა და იკურთხნენ შენ მიერ".

Line of ed.: 19        ხოლო მან დასდვა წმიდაჲ ჴელი მისი და ჰრქუა: "ღმერთმან, რომელმან
Line of ed.: 20     აკურთხა იაკობი, მან-ვე სახიერმან გაკურთხნეს და შვილ წმიდისა ემბაზისა
Line of ed.: 21     გყვნეს თქუენ". და ვითარცა მოიკითხნა იგინი, უბრძანა ბუბაქრ მონათა
Line of ed.: 22     თჳსთა (რამეთუ ესე იყო სახელი ბარბაროზისაჲ მის), რაჲთა მიუძღუანონ
Line of ed.: 23     ბერსა ყოველი, რაოდენი მოეღო მისთჳს. ხოლო ბერმან შეკრიბნა ყოველნი
Line of ed.: 24     ძმანი, და ჭამეს და სუეს და განძღეს. და ვითარცა აღდგეს სერობისაგან,
Line of ed.: 25     და ჰრქუა მამამან დავით ბუბაქრს: "რაჲ გნებავს შენ აწ, რაჲთა გიყოთ შენ?"
Line of ed.: 26     ხოლო იგი ევედრებოდა, რაჲთა ნათელ-სცეს მათ. ხოლო იგი ეტყოდა: "აღიღე
Line of ed.: 27     რაოდენი-მე საფასეთა შენთაგანი და წარვედ მამისა დოდოჲსა და მიართუ
Line of ed.: 28     მას, რაჲთა უღუაწოს მუნ მყოფთა ძმათა და განუსუენოს, და იკურთხო
Line of ed.: 29     მათ მიერ". და ჰყვა მას მღდელი პატიოსანი და მიუმცნო მას, რაჲთა თანა-წარმოგაყოლოს
Line of ed.: 30     და მან ნათელ-გცეს შენ და ყოველთა სახლეულთა შენთა.
Line of ed.: 31     მაშინ თანა-წარაყოლა წმიდაჲ ლუკიანე და მიუმცნო მას, რაჲთა თანა წარაყოლოს
Line of ed.: 32     მღდელი, რაჲთა ნათელ-სცეს ბუბაქრს და ყოველთა სახლეულთა
Line of ed.: 33     მისთა.

Line of ed.: 34        ხოლო წმიდამან დოდო ყო ბრძანებისაებრ ბერისა. და ვითარცა ნათელს-იღო
Line of ed.: 35     ბუბაქრ, კუალად მოვიდა წინაშე წმიდისა დავითისსა შვილი იგი
Line of ed.: 36     ნათლისაჲ. და თანა მიატანნა სათხარნი და მუშაკნი და შეუქმნა ეკლესიაჲ
Line of ed.: 37     სალოცველად ძმათა, რომელი-იგი უკუანაჲსკნელ წმიდამან და ღმერთ-შემოსილმან
Line of ed.: 38     ილარიონ განავრცელა და აკურთხა, რომელსა შინა სამხრით კერძო
Line of ed.: 39     ეკლესიასა მას შექმნა ლუსკუმაჲ შუენიერი, რომელსა შინა დაკრძალულ არიან
Line of ed.: 40     ნაწილნი წმიდისა მამისა ჩუენისა დავითისნი. და ვიდრე აქამომდე სამარხოჲსა
Line of ed.: 41     მისგან აღმოდის სული Ms. page: F_177r  სულნელებისაჲ და ყოველთა, რომელთა
Page of ed.: 237   Line of ed.: 1     სარწმუნოებით მიიღონ მტუერი სამარხოჲსა მისგან წმიდისა, ჰკურნებს
Line of ed.: 2     ყოველსა სენსა და უძლურებასა კაცთასა. ხოლო სამარხოჲ წმიდისა ლუკიანესი
Line of ed.: 3     არს დამართებით წინა კერძო საკურთხეველისა. და არს იგი-ცა შემწე
Line of ed.: 4     და ნუგეშინის-მცემელი და ჴელის-ამპყრობელი ყოველთა მვედრებელთა
Line of ed.: 5     მათთა.

Line of ed.: 6        და ესე აქამომდე. ხოლო წმიდისა მამისა და სამარადისოჲსა ჩუენისა
Line of ed.: 7     დავითისთჳს ვიტყოდით. --

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.