TITUS
Old Georgian Hagiographical Texts, vol. I
Part No. 91
Previous part

Chapter: III  
Line of ed.: 3        3. და შემდგომად ამისა წარ-რაჲ-ჴდეს დღენი რაოდენნი-მე, მოვიდეს
Line of ed.: 4     მუნ კაცნი ვინმე მონადირენი კერძოთაგან კახეთისათა, რამეთუ უდაბნოთა
Line of ed.: 5     მათ ვიდრე აქამომდე-ცა ფრიად არს ნადირი, ირემი და გარეთხაჲ და სხუათა
Line of ed.: 6     ნადირთა თჳთოსახეთა ურიცხუებაჲ მრავალი, და ვითარცა მოვიდეს
Line of ed.: 7     მონადირენი იგი, იმსტჳრვიდეს იმიერ და ამიერ. და იხილნეს ირემნი იგი
Line of ed.: 8     ბერისანი შემავალნი პარეხსა მას კლდისასა და მსწრაფლ შეუდგეს უკუანა
Line of ed.: 9     მონადირენი იგი, რაჲთა-მცა შეაწყუდივნეს იგინი პარეხსა მას კლდისასა.
Line of ed.: 10     და ვითარცა მიიწივნეს ქუაბად ბერისა, იხილნეს ირემნი მდგომარენი და
Line of ed.: 11     წმიდაჲ ლუკიანე წუელდა ირემთა მათ. და ვითარცა იხილეს კაცთა მათ, ზარი
Line of ed.: 12     განჰჴდა და მირბიოდეს და შეუ[ვ]რდეს ფერჴთა წმიდისა ბერისათა
Line of ed.: 13     და ეტყოდეს: "ვითარ არს ესე, წმიდაო მამაო. რომელ ირემნი ესე, ნადირნი
Line of ed.: 14     ველისანი, ესრეთ დამშჳდებულ არიან, რომელ უმშჳდეს არიან ცხოვართა
Line of ed.: 15     ეზოთა შინა სახლისათა აღზრდილთა!?"

Line of ed.: 16        ხოლო იგი ეტყოდა: "რად განკჳრვებულ ხართ დიდებულებათა ზედა
Line of ed.: 17     ღმრთისათა, არა გესმა-ა, ვითარ-იგი დანიელ ლომნი დაამშჳდნა და სამნი
Line of ed.: 18     ყრმანი ცეცხლისაგან უვნებელად დაიცვნა? და აწ ირემთაჲ რაჲ საკჳრველებაჲ
Line of ed.: 19     არს!? ხოლო თქუენ წარვედით და სხუაჲ ნადირი ინადირეთ, რამეთუ
Line of ed.: 20     ესენი უფალსა უძლურებისა ჩუენისათჳს უბოძებიან".

Line of ed.: 21        ხოლო იგინი იტყოდეს: "დიდ არს დიდებაჲ უფლისაჲ, გარნა ჩუენ-ცა
Line of ed.: 22     ღირს [30] მყვენ ზიარებად სიწმიდისა თქუენისა, წმიდაო მამაო". აღუჩჩუა მათ
Line of ed.: 23     გული მათი, ტიროდეს და იტყოდეს: "არღარა მივიქცეთ ჩუენ სახლად
Line of ed.: 24     ჩუენდა, არამედ დავადგრეთ აქა შენ თანა და არღარა დაგიტეოთ შენ ამიერითგან".
Line of ed.: 25     ხოლო იგი ეტყოდა: "შვილნო და ძმანო, ადგილი ესე საჭირო
Line of ed.: 26     არს და ძნელოვან, არამედ წარვედით საყოფელად თქუენდა".

Line of ed.: 27        და ძლით სადა-მე დაარწმუნა წარსლვაჲ მათი. და ვითარცა ინადირეს,
Line of ed.: 28     წარვიდეს და განთქუეს ჰანბავი მისი ყოველსა მას ქუეყანასა. და ყოვლით
Line of ed.: 29     კერძო მორბიოდეს წინაშე წმიდისა დავითისსა და ევედრებოდეს, რაჲთა
Line of ed.: 30     ღირს ყვნეს ყოფად იგინი წინაშე მისსა. ხოლო მან მიუგო და ჰრქუა: "ძმანო,
Line of ed.: 31     ადგილი ესე საჭირო არს და არარაჲ ნუგეშინის-საცემელი ჴორცთაჲ
Line of ed.: 32     იპოების ადგილთა ამათ". და იგინი ევედრებოდეს და ეტყოდეს: "ნუ განგჳტეობ,
Line of ed.: 33     წმიდაო მამაო, და უკუეთუ იქმნეს სიკუდილი ჩუენი შენ წინაშე,
Line of ed.: 34     არა-ვე გჳჩნდეს სიკუდილად", და ვითარ ვერ დაარწმუნა, ჰრქუა მათ:
Line of ed.: 35     "ვინაჲთგან დაგიც ღმრთისა მიმართ სასოებაჲ, წარვედით და მოიხუენით სათხარნი
Page of ed.: 234   Line of ed.: 1     და თხარენით ლაკუანი საწყლენი და ქუაბი და საყოფელად თქუენდა".

Line of ed.: 2        ხოლო იგინი ერჩდეს და ყვეს ბრძანებისაებრ მისისა. და ვითარცა
Line of ed.: 3     განმრავლდეს ძმანი და ესმა ჰამბავი მისი წმიდასა და ღირსსა მამასა დოდოს,
Line of ed.: 4     მოვიდა იგი-ცა წინაშე მამისა დავითისსა და მოიკითხნეს ურთიერთას.

Line of ed.: 5        და ვითარცა წარჴდეს მცირედნი დღენი, შემოკრიბა სიმრავლე სხუათა-ცა
Line of ed.: 6     ძმათაჲ და ჰრქუა დავით მამასა დოდოს: "წარვედ, ძმაო, რქასა ამის
Line of ed.: 7     კლდისასა, რომელ არს პირის-პირ ჩუენსა, და წარიტანენ თანა სხუანი-ცა
Line of ed.: 8     ძმანი, რამეთუ წადიერ არიან, რაჲთა გარე ისჯებოდიან ჴორცითა სულთა
Line of ed.: 9     მათთა ცხორებისათჳს". და ერჩდა ბრძანებასა მისსა წმიდაჲ დოდო და
Line of ed.: 10     წარვიდა და აღაშენა უდაბნოჲ იგი სახელსა ზედა ყოლად წმიდისა დედოფლისა
Line of ed.: 11     ჩუენისა ღმრთის-მშობელისასა და სადიდებელად მამისა და ძისა და
Line of ed.: 12     წმიდისა სულისა და დღითი-დღე შეეძინებოდა სიმრავლე ძმათაჲ და ყოველნი
Line of ed.: 13     ზოგად ადიდებდეს ღმერთსა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.