TITUS
Old Georgian Hagiographical Texts, vol. I
Part No. 90
Previous part

Chapter: II  
Line of ed.: 25        2. ხოლო ქუემო კერძო პარეხისა მის, რომელსა შინა იყოფებოდეს
Line of ed.: 26     წმიდანი იგი, იყო სხუაჲ პარეხი, რომელსა შინა იყოფებოდა ვეშაპი დიდი
Line of ed.: 27     და საზარელი, რომელსა ესხნეს თუალნი სისხლის ფერნი და რქაჲ იყო შუბლსა
Line of ed.: 28     და ფაჩარი ფრიად ქედსა მისსა.

Line of ed.: 29        ხოლო დღესა ერთსა წარმოვლეს ირემთა მათ კარი მის პარეხისაჲ,
Line of ed.: 30     და მიეტევა მათ ვეშაპი იგი და შეიპყრა ნუკრი ერთი და შთანთქა იგი. და
Line of ed.: 31     ირემნი იგი მიივლტოდეს ბერისა შეშინებულნი და ძრწოდეს. და იხილნა
Line of ed.: 32     რაჲ იგინი ლუკიანე მძრწოლარენი, ჰრქუა წმიდასა დავითს: "მამაო წმიდაო,
Line of ed.: 33     ირემნი ესე მოვიდეს მეოტნი და საშინელად ძრწიან და არა ჰყავს მათ
Line of ed.: 34     თანა ნუკრი ერთი. ხოლო იგი გამოვიდა და ჴელთა აქუნდა კუერთხი.
Line of ed.: 35     და ვითარცა ჩავლო ადგილი იგი, რომელ ამოევლო ირემთა მათ, იხილა
Line of ed.: 36     ვეშაპი იგი და ჰრქუა: "ბოროტო ვეშაპო, რად მავნებელ ექმენ ირემთა
Line of ed.: 37     ჩუენთა, რომელნი მომცნა ღმერთმან ნუგეშინის-საცემელად უძლურებასა
Line of ed.: 38     ჴორცთა ჩუენთასა? აწ გამოვედ ადგილით მაგით და წარვედ შორთა უდაბნოთა,
Page of ed.: 232   Line of ed.: 1     და უკუეთუ არა ისმინო ჩემი, ძალითა უფლისა ჩუენისა იესუ ქრისტესითა
Line of ed.: 2     ჩემითა ამით კუერთხითა მუცელი შენი განვხეთქო და საჭმელ მატლთა
Line of ed.: 3     გყო Ms. page: E_29v  შენ".

Line of ed.: 4        ხოლო იგი ჴმობდა: "ნუ მრისხავ, მონაო ღმრთისა მაღლისაო, და
Line of ed.: 5     უკუეთუ გნებავს გამოსლვაჲ ჩემი ამიერ, აღმომყევ თავადმდე ამის მთისა და
Line of ed.: 6     თავს-მდებ მექმენ, რაჲთა არა მიაქცივნე თუალნი შენნი ჩემგან, ვიდრე არა
Line of ed.: 7     შთავიდე წყალსა მას, რომელი დის სამხრით კერძო მთისა ამის, რამეთუ მეშინის
Line of ed.: 8     მე მეხის-ტეხისაგან და მით ვერ გამოვალ მე".

Line of ed.: 9        ხოლო წმიდამან დავით აღუთქუა ყოფად, და გამოვიდა ვეშაპი იგი.
Line of ed.: 10     და წმიდაჲ დავით წინა უძღოდა და იტყოდა ფსალმუნსა: "რომელი დამკჳდრებულ
Line of ed.: 11     არს შეწევნითა მაღლისაჲთა საფარველსა ღმრთისასა, ზეცას განისუენოს"*.
Line of ed.: 12     ხოლო სლვასა მას ვეშაპისასა ლოდნი იგი მის ადგილისანი ირყეოდეს;
Line of ed.: 13     და იხილა რაჲ ესე ლუკიანე, შეეშინა და დაეცა პირსა ზედა და
Line of ed.: 14     იდვა ვითარცა მკუდარი.

Line of ed.: 15        და წმიდაჲ დავით აღჰყვა თავადმდე მთისა მის და იწყო ვეშაპმან
Line of ed.: 16     უმალესად-რე სლვაჲ. და ვითარცა განვიდა მინდორსა უდაბნოჲსასა, მართ
Line of ed.: 17     მივიდოდა და თუალნი მამისა დავითისნი მის კერძო იყვნეს.

Line of ed.: 18        ხოლო ანგელოზმან უფლისამან ჴმა-ყო უკუანა კერძო მისსა და ჰრქუა:
Line of ed.: 19     "დავით, დავით!" და მან მიიხილა გარე. და მიხედვასა მას მისსა ვეშაპსა მას
Line of ed.: 20     ეცა მეხი და დაიწუა იგი სრულიად. მაშინ ვითარცა იხილა ესე წმიდამან
Line of ed.: 21     დავით, შეწუხნა ფრიად და თქუა: "უფალო, მეუფეო დიდებისაო. რად მოჰკალ
Line of ed.: 22     ვეშაპი ისი, რამეთუ სასოებით მონდობილ იყო იგი ჩემდა, ხოლო შენ სასტიკად
Line of ed.: 23     წარსწყმიდე იგი?"

Line of ed.: 24        მაშინ ჰრქუა მას ანგელოზმან ღმრთისამან: "რაჲსა მწუხარე ხარ, სათნოო
Line of ed.: 25     უფლისა ჩუენისა იესუ ქრისტესო? რამეთუ უკუეთუ-მცა შთასრულ
Line of ed.: 26     იყო ვეშაპი ისი წყალთა შინა, მიერ წარვიდოდა ზღუათა შინა და მას შინა
Line of ed.: 27     თევზთა ჭამითა განდიდნებოდა ფრიად და მრავალთა ნავთა დააქცევდა
Line of ed.: 28     ზღუათა შინა და მრავალთა სულთა წარსწყმედდა წყალთა შინა. და ნუ მწუხარე
Line of ed.: 29     ხარ მისთჳს, რამეთუ ესრეთ სათნო-იჩინა უფალმან. არამედ შენ წარვედ
Line of ed.: 30     ქუაბად შენდა, რამეთუ მოწაფე შენი ლუკიანე დაცემული მდებარე არს
Line of ed.: 31     პირსა ზედა შიშისაგან ვეშაპისა. ხოლო შენ უპყარ ჴელი და აღადგინე და
Line of ed.: 32     განაძლიერე და განამტკიცე იგი და ორნი-ვე [30] ზოგად ადიდებდით ღმერთსა,
Line of ed.: 33     რომელმან განგათავისუფლნა შიშისაგან საძაგელისა მის ვეშაპისა".

Line of ed.: 34        და სიტყუასა მას ზედა ანგელოზისასა გარდამოვიდა მიერ მთით და
Line of ed.: 35     პოვა ლუკიანე შეშინებული და შეძრწუნებული მდებარე მიწასა ზედა. და
Line of ed.: 36     უპყრა ჴელი და აღადგინა და ჰრქუა: "ძმაო ლუკიანე, რაჲსა შეშინდი
Line of ed.: 37     ერთისაგან ჭიისა, რომელი წამსა შინა ერთსა განლია ღმერთმან ცეცხლისა
Line of ed.: 38     მიერ? აწ ნუ გეშინინ, რამეთუ ძლიერებაჲ ღმრთისაჲ ჩუენ თანა არს და მადლი
Page of ed.: 233   Line of ed.: 1     ღმრთისაჲ ჰფარავს ყოველთა მოშიშთა მისთა". ხოლო იგი განმხიარულდა
Line of ed.: 2     სიტყუათა ამათ ზედა ბერისათა და მადლობაჲ შეწირა უფლისა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.