TITUS
Old Georgian Hagiographical Texts, vol. I
Part No. 97
Previous part

Chapter: II  
Line of ed.: 35        2. აწ მნებავს, საყუარელნო, რაჲთა
Line of ed.: 36     უწყოდით მიზეზი საქმისა ამის. რამეთუ
Line of ed.: 37     დაეპყრა ქართლი მეფესა სპარსთასა
Line of ed.: 38     და იგინი ჴელმწიფე იყვნეს ჩუენსა
Line of ed.: 39     ამას სოფელსა, და ბილწსა მას
Page of ed.: 242   Line of ed.: 1     კერპთ-მსახურებასა -- ცეცხლისა მის თაყუანის-
Line of ed.: 2     ცემასა და მსახურებასა -- აღასრულებდეს
Line of ed.: 3     მარადის; ბაბილოვნურსა მას
Line of ed.: 4     ჩუეულებასა, სადამე ოქროსა და სხუანი
Line of ed.: 5     სხუასა რასამე და ოდესმე ცეცხლსა
Line of ed.: 6     ჟამად-ჟამად, ვითარცა იწუეოდეს თჳსისა
Line of ed.: 7     მისგან ბოროტად მასწავლელისა
Line of ed.: 8     ეშმაკისა. ამის გამო ადგილნი მრავალნი
Line of ed.: 9     განჰმზადნეს მათისა მის სამსახურებელისა
Line of ed.: 10     ცეცხლისათჳს ქუეყანისა და
Line of ed.: 11     მრავალთა შეაცთუნებდეს დაუმტკიცებელსა
Line of ed.: 12     სარწმუნოებასა გონებითა ნაკლულევანთა.

Line of ed.: 13        ხოლო ნეტარი აბიბოს ნეკრესელ
Line of ed.: 14     ქალაქისა ეპისკოპოსი, ჴევისა კახეთისაჲ,
Line of ed.: 15     აღიძრა შურითა საღმრთოჲთა და
Line of ed.: 16     ვერ თავს-იდვა უცხოჲსა მის სამსახურებელისა
Line of ed.: 17     მახლობელად მისა ყოფად
Line of ed.: 18     და დაასხა მცირედ წყალი ხენეში და
Line of ed.: 19     დაშრიტა იგი. ესე რაჲ ცნეს უშჯულოთა
Line of ed.: 20     მათ სპარსთა, ფრიად გუემეს, კნინღა
Line of ed.: 21     ვიდრემეღა მოკლეს ნეტარი იგი,
Line of ed.: 22     და საპყრობილესა შეაყენეს დიდითა
Line of ed.: 23     იწროვებითა და მრავლითა ტანჯვითა.
Line of ed.: 24     ამისა შემდგომად მიწერეს მსწრაფლ
Line of ed.: 25     ზენა-სოფლად მარზაპნისა საქმე ესე.
Line of ed.: 26     ხოლო მან ბრძანა მსწრაფლ მისი
Line of ed.: 27     შეკრვაჲ და მიყვანებაჲ მისი მის წინაშე.
Line of ed.: 28     და მივიდეს მივლინებულნი იგი მტარვალნი
Line of ed.: 29     და წარიყვანეს, ვითარცა ბრძანებულ
Line of ed.: 30     იყო, მრავალფერითა ჭირითა
Line of ed.: 31     მიიყვანეს იგი.

Line of ed.: 32        ხოლო ნეტარი იგი ეპისკოპოსი აბიბოს
Line of ed.: 33     მეგ\ობარი Ms. page: G_127  იყო ბრწყინვალისა
Line of ed.: 34     მის მნათობისა სჳმეონ მესუეტისა
Line of ed.: 35     ანტიოქელისაჲ, არა თუ ხილვითა ეხილვა
Line of ed.: 36     სადამე ერთმანერთი, არამედ სულიერითა
Line of ed.: 37     მით სიყუარულითა, რომლითა
Line of ed.: 38     იხილვების შორეული ვითარცა
Line of ed.: 39     მახლობელი, და კუალად წიგნითა და
Page of ed.: 243   Line of ed.: 1     მოციქულითა იყო მათ შორის
Line of ed.: 2     შესწავებაჲ. მას ოდენ ჟამსა, ოდეს მიჰყვანდა
Line of ed.: 3     წმიდაჲ აბიბოს, დაემთხჳა მას
Line of ed.: 4     მოციქული იგი წმიდისა სჳმეონ მესუეტისაჲ
Line of ed.: 5     სოფელსა, რომელსა ჰრქჳან
Line of ed.: 6     იალდო, და მოართუა მას წიგნი
Line of ed.: 7     ევლოგიად და კუერთხი წმიდისა სჳმიონ
Line of ed.: 8     მესუეტისა ანტიოქელისა საკჳრველთ-
Line of ed.: 9     მოქმედისაჲ. და ვითარცა მიიღო
Line of ed.: 10     წიგნი იგი ეპისკოპოსმან, აღმოიკითხა,
Line of ed.: 11     და მიუპყრა მას ევლოგიაჲ იგი და
Line of ed.: 12     კუერთხი, და განიხარა სიხარულითა
Line of ed.: 13     დიდითა და განმტკიცნა ფრიად. და
Line of ed.: 14     თანა წარმოიხუნა იგი[ნი] და განმხიარულებული
Line of ed.: 15     მოვიდა, დაღათუ შესაძლებელ
Line of ed.: 16     იყო მისა არა-მოსლვაჲ. მომყვანებელთა
Line of ed.: 17     მათ დაემთხჳნესცა, და ჰრქუეს:
Line of ed.: 18     "უკუეთუ არა გნებავს წარსლვის, ჩუენ
Line of ed.: 19     მოგიღოთ და უკუნგაქციოთ". ხოლო
Line of ed.: 20     მან არა თავს იდვა, რამეთუ ისწრაფდა
Line of ed.: 21     და ჰსუროდა მარტჳლობაჲ.

Line of ed.: 22        და ვითარ მოიწივნეს მახლობელად
Line of ed.: 23     ჩუენსა ამას სამეუფოსა ქალაქსა მცხეთისასა,
Line of ed.: 24     ჰხადოდა იგი დედასა თჳსსა
Line of ed.: 25     რაქელს, რომელ არს ერთი კათოლიკე
Line of ed.: 26     ეკლესიაჲ სამოციქულოჲ. და ვიდრეღა
Line of ed.: 27     თუ იტყოდაცა, ვითარმედ: "დედაო,
Line of ed.: 28     აჰა ესერა შვილი შენი იოსებ წარვჰყავ
Line of ed.: 29     ეგჳპტედ კრული, ვითარცა
Line of ed.: 30     ტყუე; და ვითარმცა ვინ ჰრქუა: არა
Line of ed.: 31     ეგრე, არამედ სუფევად განემზადები
Line of ed.: 32     ნაყოფთა მათგან შუენიერთა, საუნჯეთა
Line of ed.: 33     მათგან თჳსთა, მთნავს შენი ეგე
Line of ed.: 34     გზაჲ და ვიდოდე მას ზედა". მაშინ
Line of ed.: 35     ევედრა მტარვალთა, რაჲთა მივიდეს
Line of ed.: 36     იგი ნეტარისა შიოჲსა მღჳმედ. რამეთუ
Line of ed.: 37     იცოდა იგი წინაჲთვე და სურვიელ
Line of ed.: 38     იყო იგი ხილვად მისა. ხოლო მათ
Line of ed.: 39     განუტევეს იგი და შთავიდა უდაბნოდ
Page of ed.: 244   Line of ed.: 1     და იხილა ნეტარი იგი ბერი. და ყვეს ლოცვაჲ და მოიკითხეს
Line of ed.: 2     ურთიერთას. და ვითარცა ზრახვიდეს, ჰრქუა წმიდამან ეპისკოპოსმან
Line of ed.: 3     ბერსა: ლოცვა ყავ, მამაო, რამეთუ უსჯულონი ესე სპარსნი
Line of ed.: 4     განძჳნდეს ჩუენ ზედა ამპარტავანებითა თჳსითა, რამეთუ დაიპყრეს
Line of ed.: 5     სოფელი ესე ჩუენი. შენ უწყი, რამეთუ ბაბილოვნი მარადის
Line of ed.: 6     კერპთ-მაწუეველ არს და ღონის-მეძიებელ არიან, რაჲთამცა ყოველნი
Line of ed.: 7     კაცნი თაყუანის-აცემინნეს კერპთა. Ms. page: G_128  მაშინ სადამე
Line of ed.: 8     სამთა ყრმათა, ძესა ღმრთისასა თანა-მდგომარეთა, მისმიერითავე
Line of ed.: 9     ძალითა კერპი იგი დაადნვეს და განაქარვეს და მძლავრი იგი
Line of ed.: 10     ყოვლით ძალით მისითურთ კდემასა ქუე ძე შეაყენეს, და აწცა
Line of ed.: 11     მათ უსჯულოთა მისთა სახედ ეგულების, რაჲთამცა კუალად განაგეს
Line of ed.: 12     ბადე და შეაყენნეს კაცნი და თაყუანის-აცემინნეს ცეცხლსა".

Line of ed.: 13        მიუგო ბერმან და ჰრქუა: "ვიცი, მამაო მფლობელო, რამეთუ
Line of ed.: 14     დაშრიტე ცეცხლი იგი მათი სრულიად, რომელსა ესვიდეს
Line of ed.: 15     უსჯულონი იგი, არამედ მოგმადლენ უფალმან, რაჲთა აღტყინებულიცა
Line of ed.: 16     იგი უჩინოჲ ცეცხლი, რომელ აღუგზნიეს შენთჳს ეშმაკსა
Line of ed.: 17     განსაცდელად, დაშრიტო ადჳლად. არა უმეცარ არს სიწმიდე შენი,
Line of ed.: 18     რამეთუ მრავლითა ჭირითა გჳღირს შესლვად სასუფეველსა
Line of ed.: 19     ღმრთისასა, ხოლო ნუ შესძრწუნდები მათისა მისგან მძლავრებისა,
Line of ed.: 20     ვინაჲთგან იტყჳს მოციქული, ვითარმედ: "მაჭირვებელთა თქუენთა
Line of ed.: 21     ჭირი და თქუენ ჭირვეულთა ლხინი"*. უწყოდე, რამეთუ ჭირი
Line of ed.: 22     მათი შენ დიდება გექმნეს წარუვალ და ჭირი ეგე შენი მათ
Line of ed.: 23     დაცემა და განბნევა".

Line of ed.: 24        და შემდგომად მრავლისა სიტყჳსა განმტკიცნა ნეტარი აბიბოს
Line of ed.: 25     ბერისაგან და ყვეს ლოცვაჲ, და წარემართა ღუაწლსა მას
Line of ed.: 26     სიხარულით. და ვითარცა მიიყვანეს იგი მარზაპნისა მის ზენა
Line of ed.: 27     სოფლად, სოფელსა რომელსა ჰრქჳან რეჴი, და შეკრბა მუნ
Line of ed.: 28     სიმრავლე ეპისკოპოსთა და მღდელთა და ერის მთავართაჲ, და თეატრონი
Line of ed.: 29     დიდი იქმნა წინაშე მარზაპნისა.

Line of ed.: 30        მაშინ წარმოადგინეს წმიდაჲ აბიბოს ეპისკიოპოსი და ჰრქუა
Line of ed.: 31     მას მარზაპანმან მან: "რაჲსათჳს უვარ-ჰყავ უფლებაჲ მეფეთ-მეფისაჲ
Line of ed.: 32     და მოჰკალ ღმერთი ჩუენი?". მიუგო აბიბოს და ჰრქუა:
Line of ed.: 33     "მე არავინ ვიცი მეუფედ, გარნა უფალი ჩუენი იესუ ქრისტე,
Line of ed.: 34     ხოლო ცეცხლი იგი, რომელ დავშრიტე იგი, რაჲთამცა საცთური
Line of ed.: 35     განვაქარვე ეშმაკისაჲ. ხოლო გლოცავ, რაჲთა განეყენნეთ უნდოსა
Line of ed.: 36     მას მსახურებასა და ღმერთი მხოლოჲ იცნათ, რომლისა
Line of ed.: 37     მიერ დაებადა ყოველი, და მას მხოლოსა ჰმსახურებდეთ, რამეთუ
Page of ed.: 245   Line of ed.: 1     წერილ არს: უფალსა ღმერთსა შენსა თაყუანის-სცე და მას მხოლოსა
Line of ed.: 2     ჰმსახურებდე*". ჰრქუა მას მარზაპანმან მან: "მე ვიკითხავ,
Line of ed.: 3     რაჲსათჳს მოჰკალ ღმერთი შენი და შენ გნებავს, რაჲთამცა შენისა
Line of ed.: 4     ღმრთისა წარგჳყვანნე?" ხოლო ნეტარმან მან აბიბოს ჰრქუა:
Line of ed.: 5     "უწყებულ იყავნ შენდა, ვითარმედ ღმერთი არა მომიკლავს, ხოლო
Line of ed.: 6     ცეცხლი დავშრიტე. არა არს ღმერთი იგი, არამედ სხუათა
Line of ed.: 7     ბუნებათაგანი არს, ერთისა ნივთისაგან მცირედ ნაწილი, რომელთაგან
Line of ed.: 8     აღჰმართა ღმერთმან სოფელი ესე. განსწორებით დაბადებულ
Line of ed.: 9     არიან ნოტიაჲ, ცივი, ჴმელი და ცეცხლი Ms. page: G_129 , რომელ ერთიერთისა
Line of ed.: 10     მპყრობელობაჲ აქუს სიმრგულესა მას შინა. ესრეთ განსწორებითა
Line of ed.: 11     ნაწილთაჲთა დგანან ესენი, და უკუეთუმცა ერთიერთსა
Line of ed.: 12     აღემატა, გან-მცა-ქარდა მეორე იგი. ხოლო თქუენი იგი ცეცხლი
Line of ed.: 13     მისვე ცეცხლისა ბუნებისა ნაწილ [არს] ჴმელითა და ცივითა,
Line of ed.: 14     აღმდგომი შეშისა ჭამითა მყოვარ ჟამიერ. ერთი მცირე წყალი
Line of ed.: 15     დავასხ, მძლე ექმნა და მოკლა იგი, რამეთუ უფროჲს მისა იპოვა
Line of ed.: 16     წყალი იგი. აწ მიკჳრს თქუენი ესევითარი სიცოფე, ვითარ არა
Line of ed.: 17     სირცხჳლ გიჩნს მისი სახელის-დებად ღმრთად, რომელსა ესეოდენი,
Line of ed.: 18     სული აქუს (რამეთუ თქუენი ესე ცეცხლი თქუენდავე მონა
Line of ed.: 19     არს და კერპთა შეურაცხის-მყოფელთა ვერვის ჰხედავს), უკუეთუ
Line of ed.: 20     ღმერთ არს ეგე? თქუენ იტყჳთ, რამეთუ ოდესმე თქუენსავე სოფელსა
Line of ed.: 21     განჰმზადეთ მსახურებაჲ მის კერპისაჲ, რომელ-იგი ჰქმენით
Line of ed.: 22     ოქროჲსაჲ. სატანჯველად განმზადებულსა მას თქუენ მიერ მაშინდელსა
Line of ed.: 23     აწ ღმერთ ეწოდების!?"

Line of ed.: 24        მაშინ განრისხნა ფრიად მარზაპანი იგი მეფისაჲ და შემდგომად
Line of ed.: 25     მრავლისა გუემისა და საკჳრველთა სატანჯველთაჲსა ქვითა
Line of ed.: 26     განტჳნეს იგი, ნეტარი აბიბოს, და მოკლეს და განათრიეს
Line of ed.: 27     გარეშე ქალაქსა. და მცველნი განეწესნეს მის ზედა, რაჲთა მჴეცთა
Line of ed.: 28     და მფრინველთა შეჭამნენ ჴორცნი მისნი, რამეთუ ეშინოდა, ნუუკუე
Line of ed.: 29     ქრისტეანენი მოვიდენ და
Line of ed.: 30     წარიხუნენ იგი და დიდებით
Line of ed.: 31     დაჰკრძალნენ.

Line of ed.: 32        ხოლო სამგზის სანატრელსა მას,
Line of ed.: 33     ჴორცთა მისთა, არარაჲ შეეხო
Line of ed.: 34     ყოლადვე მჴეცთა და მფრინველთაგან.
Line of ed.: 35     და ვითარ მყოვარ ისხნეს, დაუტევეს
Line of ed.: 36     მცველთა მათ და წარვიდეს.
Page of ed.: 246   Line of ed.: 1     გამოვიდეს მამანი იგი, რომელნი მყოფ იყვნეს
Line of ed.: 2     გარემოს ქალაქებსა მას რეჴისასა, და
Line of ed.: 3     მათთა მოწაფეთაგანსა აღეშენა მონასტერი
Line of ed.: 4     იგი, და აღიხუნეს ნაწილნი იგი
Line of ed.: 5     წმიდისა აბიბოჲსნი და დაჰფლნეს ადგილსა
Line of ed.: 6     მას დიდებითა დიდითა. და ესრეთ
Line of ed.: 7     შეიწირა წმიდაჲ აბიბოს, ვითარცა
Line of ed.: 8     მსხუერპლი წმიდაჲ და მართლიადმცა
Line of ed.: 9     ვინმე თქუა, ვითარმედ: "სეხნა არს
Line of ed.: 10     იგი ზაქარიაჲსსა, მამისა იოანესსა,
Line of ed.: 11     არა თუ სახელითა, არამედ სახითა,
Line of ed.: 12     რომელსა-იგი წილი ხუედრებულ იყო
Line of ed.: 13     მღდელთ მოძღურებისაჲ და კუალად სისხლიცა
Line of ed.: 14     მისი წმიდად დაითხია".

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.