TITUS
Old Georgian Hagiographical Texts, vol. I
Part No. 98
Previous part

Chapter: III  
Line of ed.: 15        3. ამას რაჲ გითხრობ თქუენ ნეტარისა
Line of ed.: 16     ეპისკოპოსისა აბიბოსისსა, არა
Line of ed.: 17     თუ ყოველთა საქმეთა და შრომათა და
Line of ed.: 18     ღუაწლთა მისთა გაუწყებ თქუენ, ანუ
Line of ed.: 19     ვითარ-იგი დალეწნა კერპნი და უღმრთოთა
Line of ed.: 20     მათ არწმუნა ქრისტე და ნათელ-
Line of ed.: 21     სცა მათ სახელითა წმიდისა
Line of ed.: 22     სამებისაჲთა, ანუ ვითარ დედაკაცსაცა
Line of ed.: 23     მას უწინაწარმეტყუელა Ms. page: G_130  შემდგომად
Line of ed.: 24     ხოლო მისსა მოსლვაჲ ბერძენთაჲ
Line of ed.: 25     და დაპყრობაჲ ქუეყანისა ამის
Line of ed.: 26     ჩუენისაჲ, რომელიცა-იგი იქმნა მსწრაფლ.
Line of ed.: 27     მისსავე დედაკაცისა ზე
Line of ed.: 28     მოვიდეს ბერძენნი და განასხნეს
Line of ed.: 29     უსჯულონი იგი სპარსნი და დაიპყრეს
Line of ed.: 30     ქუეყანაჲ ესე ჩუენი. მიერითგან ერის
Line of ed.: 31     თავნი იქმნნეს მპყრობელ ქართლისა
Line of ed.: 32     და სხუანი მრავალნი, ვითარცა წერილ
Line of ed.: 33     არიან წიგნსა მას წამებისა მისისასა.

Line of ed.: 34        არამედ მინდა, რაჲთა გაუწყო თქუენ,
Line of ed.: 35     ძმანო, ვითარმედ ესევითარნი
Line of ed.: 36     ქუეყანისა ანგელოზნი, ნათელნი სოფლისანი,
Page of ed.: 247   Line of ed.: 1     ჭურნი სავსენი ნელსაცხებელითა,
Line of ed.: 2     რომელთა თჳსითა მით სიმჴნითა განაშუენეს
Line of ed.: 3     სოფელი ესე ჩუენი ერთსა ჟამსა
Line of ed.: 4     შინა, იყვნეს ვითარცა ჯაჭჳ ოქროჲსაჲ
Line of ed.: 5     მოდებული ერთიერთსა: წმიდაჲ
Line of ed.: 6     ეპისკოპოსი აბიბოს ნეკრესელი და ნეტარი
Line of ed.: 7     იოანე ზედაზადნელი და ღირსებით
Line of ed.: 8     მოჴსენებული ისე წილკნელი ეპისკოპოსი
Line of ed.: 9     და მადლითა სავსე ბერი შიო
Line of ed.: 10     ანუ სხუანი იგი მოწაფენი მისნივე
Line of ed.: 11     ნეტარისა იოანე ზედაზადნელისანი,
Line of ed.: 12     რომელთა შუენიერითა მით სლვითა
Line of ed.: 13     შეამკვეს ეკლესიაჲ.

Line of ed.: 25        ერთმან ვინმე მათგანმან აღაშენა ალავერდი, რომლისაგან გამოვლენ ვიდრე
Line of ed.: 26     დღენდელად დღედმდე დიდნი საკჳრველებანი და მრავალნი კურნებანი,
Line of ed.: 27     განთქუმულნი გარემოს ყოველსა მას სოფელსა. და სხუამან ქუაბი იულთისაჲ,
Line of ed.: 28     და სხუათა დაჰნერგნეს კუხეთს მონასტერნი, და ერთმან უდაბნოჲ
Line of ed.: 29     გარესჯისაჲ და მრავალნი საკჳრველებანი ქმნნა, ხოლო ერთმან ზენა-სოფელსა
Line of ed.: 30     აღაშენა მონასტერი და დადვა სასწაული ესე, რაჲთა არარაჲ დედალთაგანი
Line of ed.: 31     შევიდეს მას შინა. რომელმან მფრინველნი ცისანი და ქუეწარმავალნი
Line of ed.: 32     ენასა თჳსსა დაამორჩილნა, ვერ იკადრებდეს დაბუდებად მას შინა,
Line of ed.: 33     რომელსა-ესე თუალნი ჩუენნი ხედვიდეს დღეს. და ვითარ-იგი განშუენებულ
Line of ed.: 34     არიან ყოველნი ადგილნი მათ წმიდათანი და ყუავიან დღეს, უკუეთუმცა ვისმე
Line of ed.: 35     უხილავი იგი მათი დიდებაჲ არა ჰრწმენა, ვითარ გულისჴმა-ყომცა მათი
Line of ed.: 36     იგი კადნიერებაჲ წინაშე უფლისა ადგილთა მათთაგან!? ხოლო სხუათა
Line of ed.: 37     მათ ყოველთა ვერ ძალმიც მოჴსენებად. არამედ მცირედითა ამით სიტყჳთა
Page of ed.: 248   Line of ed.: 1     დიდი იგი ვცნათ და გემოჲ ვიხილოთ წმიდათაგან წყაროთა და ადიდებდით
Line of ed.: 2     მამასა თქუენსა ზეცათასა.

Line of ed.: 3        ხოლო ნეტარმან შიო მღჳმესა მას შინა პოვა ზეცისა იგი მარგალიტი
Line of ed.: 4     და მოიღო თავსა შინა თჳსსა და დაამკჳდრა, და ისწრაფდა მისლვასა მის
Line of ed.: 5     წინაშე, რომელი-იგი მოიქუა მან, მიიყვანა ადგილსა მას, სადაცა სუროდა
Line of ed.: 6     და შეისუენა დიდითა განცხადებულებითა. და შეკრბა მუნ სიმრავლე მონ[ლ31]აზონთაჲ.
Line of ed.: 7     მსგავსად ჩუეულებისა დაჰმარხნეს ჴორცნი მისნი მას ადგილსა,
Line of ed.: 8     და განაწესეს დღესასწაული მის ნეტარისაჲ მეხუთესა ზატიკსა, დღესა
Line of ed.: 9     კჳრიაკესა და შემდგომად ამისა წმიდაჲ და კეთილად მოღუაწე ევაგრე
Line of ed.: 10     ჩაჯდა მღჳმესა მას, რაჲთა არა დააცალიეროს ადგილი თჳსისა მის მოძღურისაჲ
Line of ed.: 11     და რაჲთა სათნოებათა მისთა მკჳდრ იქმნეს, რომელიცა აღასრულა
Line of ed.: 12     საქმით.




Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.