TITUS
Old Georgian Hagiographical Texts, vol. I
Part No. 103
Previous part

Chapter: 2  
Line of ed.: 3        ბ^. ვითარმედ არსება-დაუბადებელისა კაცთ-მოყუარისა სამებისა წმიდისა
Line of ed.: 4     მადლითა, მიუწდომელად ჩუენგან დაწერილთა -- საუკუნოდ ზეცათა შინა
Line of ed.: 5     ანგელოზთა თანა -- წიგნსა მას ცხოველთასა, და ჯუარითა წმიდითა მოქადულთა
Line of ed.: 6     დიდთა მათ მეუდაბნოეთა, კლარჯეთისა დიდებულთა უდაბნოთა შინა
Line of ed.: 7     პირველად დამკჳდრებულთა მათ წმიდათა მამათა, ღირსად ცხორებულთა,
Line of ed.: 8     სიმჴნჱ მოთმინებისაჲ და სიწმიდით შრომაჲ, უფლისა სათნოჲ, და სასწაულთა
Line of ed.: 9     მათთა სიმრავლენი ქუეყანასა მას ქართლისასა აღუწერელობითა დაშჭირდეს
Line of ed.: 10     მისთჳს, რომელ პირველ ვაჴსენე, რომელთაჲ ჯერ-იყო დაწერაჲ ვიდრე
Line of ed.: 11     ნათესავითი-ნათესავადმდე უკუნისამდე მითხრობად ყოველთა, რაჲთა-მცა
Line of ed.: 12     ერი დაბადებადი აქებდა უფალსა ჴსენებისა Ms. page: J_158r  მათისა დღესასწაულსა.

Line of ed.: 13        არამედ აწ სასწაულნი მათნი ჟამთა სიმრავლისაგან მიეცნეს სიღრმესა
Line of ed.: 14     დავიწყებისასა ყოლად მოსაჴსენებელთა მათ განსაკჳრვებელთა ნეტართა
Line of ed.: 15     კაცთა საქმენი კეთილნი და ცხორებაჲ უბიწოჲ, რომელნი-ცა-იგი ბრწყინვიდეს
Line of ed.: 16     ვითარცა მთიებნი ზეცისა სამყაროსა, ხილულსა ამას და განქარვებადსა
Line of ed.: 17     მზესა ქუეშე. და აწ სულითა ბრწყინვალენი იხარებენ დაუსრულებელსა ნათელსა
Line of ed.: 18     შინა და მარადის ჩუენთჳს მეოხებასა ჰყოფენ, განმხიარულებულნი
Line of ed.: 19     ქრისტჱს აღთქუმულთა მოღებითა, რამეთუ შრომათა მათთა წილ მიუღებიეს
Line of ed.: 20     სიხარული და მხიარულებაჲ უოხჭნოჲ, მოუკლებელი და გამოუთქუმელი ცათა
Line of ed.: 21     შინა.

Line of ed.: 22        ამათ ნეტართა შორის გამობრწყინდა მადლითა სავსჱ, განსრულებული
Line of ed.: 23     სიბრძნითა, დიდი მღდელი და კეთილად განმგებელი მოღუაწჱ და უდაბნოთა
Line of ed.: 24     ქალაქ მყოფელი, ზეცისა კაცი და ქუეყანისა ანგელოზი, სანატრელი გრიგოლ,
Line of ed.: 25     სულიერად მამაჲ და წინამძღუარი და მაშენებელი ხანძთისა და შატბერდისაჲ,
Line of ed.: 26     ორთა ამათ დიდებულთა მონასტერთაჲ, რომელი ექმნა სახე კეთილის
Line of ed.: 27     ყოველთა მის ჟამისა მეუდაბნოეთა მამათა ახლად შენებასა მათსა.

Line of ed.: 28        ესე იყო შვილი წარჩინებულთა დიდებულთა და მართლ-მორწმუნეთა
Line of ed.: 29     მამა-დედათაჲ და სახლსა შინა სამეუფოსა დიდისა ნერსე ერის-თვისასა აღზრდილ
Line of ed.: 30     იყო ჴელითა კეთილად მსახურისა დედოფლისა, ნერსეს ცოლისაჲთა,
Line of ed.: 31     რომელსა-ცა ეშვილა, რამეთუ იყოცა ძმის წული მისი. და საშოჲთგან-ვე დედისაჲთ
Line of ed.: 32     შეწირულ იყო ღმრთისა დედისაგან თჳსისა, ვითარცა სამოელ წინაწარმეტყუელი
Line of ed.: 33     და Ms. page: J_158v  მარხვასა შინა იზარდებოდა მსგავსად წინა-მორბედისა,
Line of ed.: 34     რამეთუ სიჩჩოჲთგან-ვე ღჳნოჲ და ჴორცი არა შეჴდა პირსა მისსა, ვინაჲთგან
Line of ed.: 35     ქრისტჱსა განეკუთნა სული თჳსი სამკჳდრებელად. და ხატი-ცა მონაზონებისაჲ
Line of ed.: 36     ემოსა, რამეთუ თავისუფალ იყო იგი სიმღერისაგან ყრმათაჲსა
Line of ed.: 37     და ყოვლისაგან აღრევისა კაცთაჲსა და მარტოდ იყოფვინ თჳსსა მას სადგურსა,
Line of ed.: 38     რომელსა განწესებულ იყო. ამისთჳს-ცა დაყუდებულ უწოდიან მას სახელი.

Line of ed.: 39        ხოლო გულისჴმიერობაჲ სწავლისაჲ განსაკჳრვებელი იყო ფრიად, რამეთუ
Line of ed.: 40     მსწრაფლ ხოლო დაისწავლა "დავითი" და ჴმითა სასწავლელი სწავლაჲ
Page of ed.: 250   Line of ed.: 1     საეკლესიოჲ, სამოძღუროჲ. ქართულსა ენასა შინა ყოველი დაისწავლა და
Line of ed.: 2     მწიგნობრობაჲ-ცა ისწავა მრავალთა ენათაჲ და საღმრთონი წიგნნი ზეპირით
Line of ed.: 3     მოიწუართნა. ხოლო სიბრძნე-ცა იგი ამის სოფლისა ფილოსოფოსთაჲ ისწავა
Line of ed.: 4     კეთილად და, რომელი პოვის სიტყუაჲ კეთილი, შეიწყნარის, ხოლო ჯერკუალი
Line of ed.: 5     განაგდის, და განითქუა სისრულე იგი მისი სახელოვნად ყოველთა
Line of ed.: 6     შორის. ხოლო გარეშესა მას სიბრძნესა სოფლისასა ჰბასრობნ სიტყჳსაებრ
Line of ed.: 7     მოციქულისა, ვითარმედ: "გან-რაჲმე-აცოფა ღმერთმან სიბრძნჱ იგი ამის
Line of ed.: 8     სოფლისაჲ". სიტყუაჲ მისი იყო შეზავებულ მარილითა მადლისაჲთა. რაჟამს
Line of ed.: 9     იტყჳნ, ბრძნად აღაღის პირი თჳსი და წესი განუჩინის ენასა თჳსსა. და ჰასაკისა
Line of ed.: 10     ზრდასა თანა სათნოებაჲ-ცა კეთილი იზარდებოდა, რამეთუ არა იყო,
Line of ed.: 11     ვითარცა ჭაბუკი, მზუაობარ და ჭამადთა გულის-სათქუმელთა მოყუარჱ, არამედ
Line of ed.: 12     თავით თჳსით დანიელ წინაწარმეტყუელისა სიტყუასა იტყჳნ, ვითარმედ:
Line of ed.: 13     "პური გულის-სათქუმელი არა ვჭამო"*. და ესრეთ მიიღის საზრდელი საგლახაკოჲ
Line of ed.: 14     ჴო\რცთა Ms. page: J_159r  თჳსთა განსამტკიცებელად ნეტარმან გრიგოლ, მდაბალმან
Line of ed.: 15     გულითა და გლახაკმან სულითა, მყუდრომან ქცევითა და მოწყალემან
Line of ed.: 16     გონებითა, რამეთუ პირი სიწმიდისაჲ მარადის გულსა მისსა დანერგულ იყო,
Line of ed.: 17     აღმომცენარჱ ჯეჯლსა ღმრთის მსახურებისასა. და ნერგი ჭეშმარიტისა სარწმუნოებისაჲ
Line of ed.: 18     აღორძნდა სულსა მისსა, და ნაყოფი ღმრთისა სიყუარულისაჲ
Line of ed.: 19     გარდაემატა მის შორის. და ესევითარითა მრავალ-ფერითა კეთილად განგებითა
Line of ed.: 20     ცხოვნდებოდა ჭაბუკი ესე სამღდელოჲ სათნოდ უფლისა. ხოლო იყო
Line of ed.: 21     ხილვითა დიდ, ჴორცითა თხ[ელ], ჰასაკითა სრულ, ყოლად კეთილ სრულიად,
Line of ed.: 22     გუამითა მრთელ და სულითა უბიწო.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.