TITUS
Old Georgian Hagiographical Texts, vol. I
Part No. 114
Previous part

Chapter: 13  
Line of ed.: 7        ი^გ. რამეთუ ვიდრე მოსლვადმდე გრიგოლ მწყემსისა მის კეთილისა
Line of ed.: 8     მჴეცთაგან უხილავთა ლტოლვილნი მცირედნი იგი ცხოვარნი ქრისტჱსნი
Line of ed.: 9     განბნეულ იყვნეს თითოჲ ანუ თუ ორ-ორი სივრცესა მას უდაბნოთასა, ხოლო
Line of ed.: 10     მოსლვასა წმიდისა გრიგოლისსა ცხოვარნი იგი განმჴნდეს და მჴეცნი
Line of ed.: 11     იგი ეშმაკნი განიოტნეს და ყოველი წესი საღმრთოჲ განემართა.

Line of ed.: 12        ხოლო მამაჲ გრიგოლ გულს-ეტყოდა, ვითარმედ: "ვითარცა მონასტრისა
Line of ed.: 13     ჩემისა მამანი სათნოებითა უზეშთაეს არიან ჟამისა ამის მონაზონთა, ეგრეთ-ცა
Line of ed.: 14     წეს-არს წესი საღმრთოჲ საეკლესიოჲ ეკლესიასა შინა ჩემსა დაწესებად
Line of ed.: 15     ბრძენთაგან განუკითხველი". ამისთჳს განიზრახა წარსლვაჲ ქრისტჱს
Line of ed.: 16     საჭურჭლედ, მეორედ იერუსალჱმდ, რომელ არს კოსტანტინეპოლისი, და
Line of ed.: 17     ყოველთა საჩინოთა საბერძნეთისა წმიდათა ადგილთა მოხილვად და ლოცვად.
Line of ed.: 18     Ms. page: J_172r  მას ჟამსა იერუსალჱმს წარმავალი ვინმე პოვა მეგობარი თჳსი და მას
Line of ed.: 19     დაჰვედრა საბა-წმიდისა წესისა დაწერაჲ და წარმოცემაჲ. და ძმათა თჳსთა
Line of ed.: 20     კაცნი მოღუაწენი უჩინნა და მშჳდობაჲ დაუტევა მათ და აღუთქუა კუალად
Line of ed.: 21     ადრე მოსლვაჲ.

Line of ed.: 22        და თანა წარიყვანნა საბა, დედის დის-წული თჳსი, და ერთი ვინმე
Line of ed.: 23     სხუაჲ მოწაფე, და წარემართა საბერძნეთად და მოიწია კოსტანტინეპოლის,
Line of ed.: 24     და თაყუანის-სცა ძელსა ცხორებისასა და წმიდათა ყოველთა ნაწილსა. და
Line of ed.: 25     სიხარულით მოვლნა ყოველნი წმიდანი ადგილნი სალოცველნი, რამეთუ მრავალთა
Line of ed.: 26     ენათა წურთილ იყო იგი და მრავალმოსწავლე ყოფილ ჴელითა კეთილად
Line of ed.: 27     მსახურებისაჲთა. და რომელი-მე სახილავი მოძღუარ კეთილის ექმნის
Line of ed.: 28     და რომელი-მე განსაკრძალველ ბოროტისათჳს. და ესრეთ აღმოივსო გული
Line of ed.: 29     მისი სიმდიდრისაგან დაუბეჭდველისა ახლისა შჯულისა, და სულითა მადლისაჲთა
Line of ed.: 30     განმხიარულებულნი წარმოემართნეს საყოფელად თჳსა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.