TITUS
Old Georgian Hagiographical Texts, vol. I
Part No. 123
Previous part

Chapter: 22  
Line of ed.: 42        კ^ბ. ხოლო ჟამსა წარმოსლვისა მათისასა გამოჰკითხა მეფემან დიმიტრი
Line of ed.: 43     მამასა გრიგოლს გულს-მოდგინედ სახჱ კლარჯეთისა უდაბნოთაჲ, რაჲთა აუწყოს
Page of ed.: 269   Line of ed.: 1     მას ადგილთა მათ წმიდათა ნიშანი ყოველი. და მამამან გრიგოლ ჰრქუა
Line of ed.: 2     მას: "ღმრთის-მსახური მეფეო, დაღაცათუ ფრიად განვამრავლო სიტყუაჲ,
Line of ed.: 3     ვერ-ვე მისწუთების გონებაჲ ჩემი ყოველსა მას უდაბნოთა მათ სიკეთესა უწყებად
Line of ed.: 4     შენდა, [ვინაჲ]თგან წესი მონაზონებისაჲ მათ შორის აღორძინებულ
Line of ed.: 5     არს და უფროჲსად ყუაოდის და აღემატოს მომავალთა ჟამთა, არამედ ვთქუა
Line of ed.: 6     მრავლისაგან მცირედი, ესრეთ:

Line of ed.: 7        "რამეთუ ბუნებით ერთ-გუამ არს ქუეყანაჲ უდაბნოთაჲ მათ და კეთილად
Line of ed.: 8     შეზავებულ მზისაგან და ჰაერისა, რამეთუ არცა ფრიადი სიცხჱ შესწუავს
Line of ed.: 9     მათ და არცა გარდარეული სიცივე შეაურვებს მყოფთა მისთა. არამედ განწესებით
Line of ed.: 10     დგას თჳსსა საზღვარსა უნოტიოჲ, უხორშაკოჲ, უმიწოჲ, მზუარჱ,
Line of ed.: 11     რამეთუ კაცთა ნახჭნი Ms. page: J_177r  პერჴთანი არა ოდეს თიჴიან ექმნებიან სლვასა
Line of ed.: 12     მათსა. ხოლო წყალი კეთილი და შეშაჲ ნებისაებრ უნაკლულოდ აქუს აღმოცენებული
Line of ed.: 13     ქჳშათა მათ შინა, ურიცხჳ მაღნარი და სიმრავლე წყალთა ჰამოთაჲ,
Line of ed.: 14     ბუნებით მხიარულებაჲ მიცემულ არს ღმრთისაგან. და არს იგი უგზო
Line of ed.: 15     და მიუვალ რაჲთურთით სოფლისა წესითა მცხორებელთაგან, რამეთუ ღადოთა
Line of ed.: 16     მთათა შინა მაღალთა არს მკჳდრობაჲ მათი. და მორტყმულ არს ერთ
Line of ed.: 17     კერძო მთაჲ იგი და ერთ კერძო შავშეთისა დიდთა წყალთა შეკრებისა გარე-მოსლვაჲ
Line of ed.: 18     გარე-მოადგს ზღუდის სახედ უძრავისა.

Line of ed.: 19        "და ესრეთ ყოვლით კერძო შეზღუდვილ არიან მთათა მიერ, და ჴევნებისა, და
Line of ed.: 20     წყალთა მათგან საშინელად ძნელოვანთა ადგილთა მავალთაჲსა. და მონასტერთა
Line of ed.: 21     მათ შინა არა არს სათიბელი ქუეყანაჲ, არცა ყანაჲ საჴნავი,
Line of ed.: 22     არამედ დიდითა შრომითა როჭიკისა მისლვაჲ აქუს კარაულისა ზურგითა. და
Line of ed.: 23     მცირედ ვენაჴნი ჭირით და ურვით დაუნერგვან და ეგრეთ-ვე მტილები, ხოლო
Line of ed.: 24     მხალთა ველისათაჲ არს სიმრავლე ურიცხჳ, და ამას ყოველსა თანა უშიშ
Line of ed.: 25     არს გული მათი უქრისტოთა მათ ურწმუნოთაგან შერყევისაგან და ყოვლისა
Line of ed.: 26     ძრვისა ჟამსა ჴელმწიფეთა მტერობისასა. და ესრეთ მრავლითა მშჳდობითა
Line of ed.: 27     მყუდროებით არიან Ms. page: J_177v  ყოლად-ვე და ქრისტესა ადიდებენ.

Line of ed.: 28        "რამეთუ ღმერთმან დასაბამსა-ვე დაბადებისასა უკუანაჲსათჳს ჟამთა
Line of ed.: 29     დაჰბადნა იგინი მონაზონთა სამკჳდრებელად და ყოველთა ქრისტეანეთა შესავედრებელად
Line of ed.: 30     ორკერძო-ვე. და რამეთუ განგებასა ღმრთისასა ესე ჩუეულებაჲ
Line of ed.: 31     აქუს. რაჲთა წმიდათა მათ უდაბნოთა მონასტერნი ჴელითა გლახაკთაჲთა
Line of ed.: 32     აღაშენნეს, რომელნი-ცა სრულიად თავისუფალ იქმნნეს სოფლისა საცთურთაგან.
Line of ed.: 33     დაღაცათუ წმიდათა უდაბნოთა ჴელმწიფენი იღუწიან, ხოლო წოდებად
Line of ed.: 34     სახელი გლახაკთაჲ ჯერ-იჩინა ქრისტემან შენებასა წმიდათა მონასტერთასა.
Line of ed.: 35     არამედ მისცა ღმერთმან ჴელმწიფებაჲ მორწმუნეთა მეფეთა აღშენებად
Line of ed.: 36     საყდართა საებისკოპოსოთა და ქალაქთა სოფლებითურთ და ყოველსა ერსა
Line of ed.: 37     ზედა მთავარ-ყვნა, რაჲთა სიმართლით განიკითხვიდენ მათ შემკობილნი სამოსლითა
Line of ed.: 38     ბრწყინვალითა, ხოლო რაჲთა არა დაუტეონ გონებაჲ მათი ხილულთა
Line of ed.: 39     მათ ნივთთა შინა, არამედ კეთილთა მათ საუკუნეთა გულისჴმა-ჰყოფდენ,
Line of ed.: 40     რამეთუ სიბრძნემან საღმრთომან სამოსელთა მრავალ-სახეთა მიერ გულისჴმა-უყო
Line of ed.: 41     ყოველთა კაცთა პატივი თითოეულისა წესისა მათისაჲ ღმრთის-მსახურებით,

Line of ed.: 42        "ხოლო სარწმუნონი და ჭეშმარიტნი მონაზონნი ქუეყანასა ზედა არავისსა
Line of ed.: 43     ჴელმწიფებასა ქუეშე არიან, ვინაჲთგან მოჰრიდეს საშუებელთა საწუთროჲსათა
Page of ed.: 270   Line of ed.: 1     Ms. page: J_178r  ნებსით და აღირჩიეს ღმრთისათჳს მწუხარებაჲ ადგილთა გლოვისათა
Line of ed.: 2     მსგავსად პირველთა მათ მამათა წმიდათა, რომელთა სიგლახაკესა შინა
Line of ed.: 3     დიდსა მყოფთა აღაშენნეს წმიდანი უდაბნონი თჳნიერ ქუეყანისა მეფეთა
Line of ed.: 4     ბრძანებისა, შეწევნითა ყოვლისა შემძლებელისა ღმრთისაჲთა. და აწ-ცა ჟამთა
Line of ed.: 5     ჩუენთა არიან მსგავსნი პირველთა მათ ნეტართა კაცთანი, მაშენებელ მონასტერთა
Line of ed.: 6     ადგილთა უქმთა შინა ღმრთისა სამკჳდრებელად, ხოლო ჴელმწიფენი
Line of ed.: 7     კეთილად მსახურნი შრომასა მათსა თანა-მონაწილე იქმნებიან საფასეთა
Line of ed.: 8     უხუად მიცემითა, ვითარცა-ესე დღეს დიდებულებამან შენმან მეფობამან განამდიდრა
Line of ed.: 9     სიგლახაკე ჩუენი ფრიადითა კეთილითა, და ყოლად-ვე მოზიარე
Line of ed.: 10     ხარ ლოცვასა ჩუენსა თანა". ხოლო მეფჱ განმხიარულდა სიტყუათაგან ნეტარისა
Line of ed.: 11     გრიგოლისთა და ფრიადი სარწმუნოებაჲ და სიყუარული დ[ა]ამტკიცნა
Line of ed.: 12     გულსა მისსა უდაბნოთა მიმართ კლარჯეთისათა და ამადლობდა ქრისტესა,
Line of ed.: 13     კეთილის-მყოფელსა ნების-მყოფელთა მისთასა. და ესრეთ მშჳდობაჲ დაუტევეს
Line of ed.: 14     ჴელმწიფესა მას და წარმოვიდეს აფხაზეთით.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.