TITUS
Old Georgian Hagiographical Texts, vol. I
Part No. 133
Previous part

Chapter: 32  
Line of ed.: 5        ლ^ბ. ხოლო იყო ჟამსა რომელსა-მე მამაჲ მიქელ განშორებულად სენაკსა
Line of ed.: 6     თჳსსა, მდგომარე მაღალსა კლდესა ზედა მცირედ რაჲმე უდბად, და კადნიერ
Line of ed.: 7     იქმნა მის ზედა ბელიარ და სიმაღლისა მისგან გარდამოაგდო ქუე. ხოლო
Line of ed.: 8     დაიცვა ყოლად უვნებელად ყოველთა მეუფემან ქრისტემან ღმერთმან, არამედ
Line of ed.: 9     მამაჲ მიქელ შეზრუნდა, მიმდემი სამარადისოსა მას ბრძოლასა, და მოწაფე
Line of ed.: 10     თჳსი მიავლინა სულიერად მოძღურისა თჳსისა მამისა გრიგოლისსა და აუწყა
Line of ed.: 11     ყოველი იგი განსაცდელი სულთა ბოროტთაჲ. და წმიდაჲ იგი მსწრაფლ
Line of ed.: 12     მივიდა შეწევნად ძმისა თჳსისა ძალითა უფლისაჲთა და განამჴნო იგი სულითა
Line of ed.: 13     და ახლად ჴელითა თჳსითა შექმნნა Ms. page: J_191v  ძლევისა მომცემელნი ქრისტჱს
Line of ed.: 14     ბეჭედნი, ორნი ჯუარნი ძელისანი, საფარველად მისა და განსაოტებელად
Line of ed.: 15     მტერთა, და იმიერ და ამიერ განშორებულად სენაკსა მისსა აღჰმართნა და
Line of ed.: 16     საზღვრად უჩინნა წმიდათა მას, ვითარმედ: "ორთა ამათ ჯუართა ქრისტჱსთა
Line of ed.: 17     შუა უშიშად იყავ შეწევნითა წმიდისა სამებისაჲთა და ძალითა პატიოსნისა
Line of ed.: 18     ჯუარისაჲთა. ხოლო უკუეთუ წარჰვლო, კუალად განიცადო უძჳრესად პირველისა."

Line of ed.: 19        და ლოცვა ყვეს, და წარმოვიდა სანატრელი გრიგოლ. ხოლო ნეტარმან
Line of ed.: 20     მიქელ პოვა სრულიად განსუენებაჲ, რამეთუ სიმდაბლითა დასცა მტერი
Line of ed.: 21     ამპარტავანი, ვინაჲთგან არა სიმართლეთა თჳსთა ესვიდა, არამედ ღმრთისა
Line of ed.: 22     მხოლოჲსა მინდობითა მოიყვანა მოძღუარი თჳსი და სულიერი ძმაჲ გრიგოლ
Line of ed.: 23     შემწედ, ვითარცა წერილ არს: "ძმაჲ ძმისა შემწე, ვითარცა ზღუდე დაუცემელი"*;
Line of ed.: 24     სიტყჳსაებრ იაკობ მოციქულისა, ვითარმედ: "ერთი-ერთისათჳს ილოცევდით,
Line of ed.: 25     რაჲთა განიკურნნეთ, რამეთუ ფრიად შემძლებელ არს ლოცვაჲ
Line of ed.: 26     მართლისაჲ შეწევნაჲ".* და ესრეთ მტერთა ზედა ექმნა სრულიად მადლითა ღმრთისაჲთა.

Line of ed.: 27        ხოლო იყო ნეტარი მიქელ ქუეყანისა შავშეთისაჲ, სოფლისა ნორგიალისაჲ,
Line of ed.: 28     და მიძნაძოროს მონაზონ იქმნა, ხოლო პარეხთა შინა მრავალთა წელიწადთა
Line of ed.: 29     ცხოვნდა და აღ-რაჲ-ესრულა, მუნ-ვე დაემარხა. და აწ საფლავი მისი
Line of ed.: 30     და დიდებულისა მამისა ბასილისი, რომელი-ცა შემდგომად მისსა პარეხთა
Line of ed.: 31     მკჳდრ იყო, ერთგან არიან და კაცთა კურნებასა მიჰმადლებენ, რომელნი
Line of ed.: 32     სარწმუნოებით მივლენან მათდა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.