TITUS
Old Georgian Hagiographical Texts, vol. I
Part No. 140
Previous part

Chapter: 39  
Line of ed.: 23        ლ^თ. ხოლო ჟამსა გარდაცვალებისა მამისასა ჩუენებაჲ იხილეს მერეს
Line of ed.: 24     შინა სანატრელთა მათ დედათა -- თემესტია დეკანოზმან Ms. page: J_196v  და ანატოლე,
Line of ed.: 25     რომელსა უწოდეს ანტონიოს, დაყუდებელმან, ორთა-ვე შუა ღამეს ოდენ. და
Line of ed.: 26     ეკლესიად მივიდა მარტოდ მყოფი იგი უწინარეს ჟამის-რეკისა, და ეგრე-ვე
Line of ed.: 27     დეკანოზი-ცა მიიწია სტოვასა ეკლესიისასა, და მოიკითხნეს ურთიერთას. ხოლო
Line of ed.: 28     დეკანოზმან ჰრქუა: "რაჲსათჳს არს მოსლვაჲ შენი? მაუწყე, რაჲ იხილე?"
Line of ed.: 29     ხოლო მან ჰრქუა: "მსგავსად ხილვისა შენისა ვიხილე, რამეთუ აწ აღესრულა
Line of ed.: 30     მაკურთხეველი ჩუენი მატოი." და წარმოუთხრა ყოველი, ვითარმედ:
Line of ed.: 31     "მო-ვინმე-ვიდა კაცი ბრწყინვალედ შემკობილი და მრქუა მე: დიდი მატოი მიიცვალების
Line of ed.: 32     წინაშე ღმრთისა, არამედ შემომიდეგ მე, რაჲთა ღირს იქმნე ხილვად
Line of ed.: 33     დიდებით მიცვალებასა მისსა ამიერ სოფლით ზეცისა სასუფეველსა.

Line of ed.: 34        "ხოლო მე შეუდეგ და მიმიყვანა ბორცუსა მახლობელად ბერთისა და
Line of ed.: 35     მრქუა მე: მიხედე ბერთას ზედა და იხილე დიდებული ხილვაჲ. და მე ვხედევდ
Line of ed.: 36     სუეტსა ნათლისასა, რომელი შთამოიწეოდა ზეცით ზედა მონასტერსა
Line of ed.: 37     მას და სიმრავლე წმიდათა ანგელოზთაჲ სუეტსა მას თანა გარდამომავალი.
Line of ed.: 38     და ერთი ვინმე დიაკონის სახედ ოლარითა მათ თანა, რომელნი უგალობდეს
Line of ed.: 39     ღმერთსა ბრწყინვალითა ჴმითა. და კუალად ვიხილე კრებული იგი წმიდათა
Line of ed.: 40     ანგელოზთაჲ, ეგრეთ-ვე სახედ აღმავალი ზეცად და საშუვალ მათსა წმიდაჲ
Line of ed.: 41     მატოი ჴელ-პყრობით აღჰყვანდა ნათლითა შემკობილთა მათ Ms. page: J_197r  უჴორცოთა
Line of ed.: 42     დიდებითა გამოუთქუმელითა გალობით მაღალთა შინა. ესე არს ხილვაჲ ჩემი
Line of ed.: 43     წმიდისა მისთჳს".

Line of ed.: 44        ხოლო მან ჰრქუა: "ჭეშმარიტად სარწმუნო არს ჩუენებაჲ ეგე შენი, არამედ
Page of ed.: 286   Line of ed.: 1     აწ ისმინე ჩემი, რამეთუ ვითარ-იგი პირველ სიჭაბუკესა იყო სანატრელი
Line of ed.: 2     მატოი ჰასაკოვან და შუენიერ, უმეტესად აწ ვიხილე შემკობილი დიდებითა,
Line of ed.: 3     შემოსილი ჟამის-წირვად სამოსლითა მოუგონებელად ბრწყინვალითა,
Line of ed.: 4     და ჴელთა აქუნდეს ოქროჲსა საცეცხურნი, და მე დამიკჳრდა ხილვაჲ იგი და
Line of ed.: 5     მე ვარქუ: ვითარ განძლიერებულ ხარ უძლურებისაგან, მოძღუარო!

Line of ed.: 6        "ხოლო მან მრქუა: საკურთხეველსა, რომელსა ვჰმსახურებდ სიყრმით
Line of ed.: 7     ჩემითგან, აწ ამით საკურთხეველით დაუსრულებელად მისსა მსახურებად მივიცვალე,
Line of ed.: 8     რამეთუ ღირს ვიქმემ ზეცისა საკურთხეველსა წინაშე წარდგომად
Line of ed.: 9     და მარადის მსახურებად". ესე ვითარცა იხილეს, მო-ხოლო-ვინმე-ვიდეს ბერთით
Line of ed.: 10     და უთხრეს მატოის გარდაცვალებაჲ მას-ვე ჟამსა შინა და ჰმადლობდეს
Line of ed.: 11     ქრისტესა საკჳრველთ-მოქმედსა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.