TITUS
Old Georgian Hagiographical Texts, vol. I
Part No. 139
Previous part

Chapter: 38  
Line of ed.: 29        ლ^ჱ. ხოლო იყო მატოი ოდეს-მე თჳსსა მას საყოფელსა მახლობელად მერესა.
Line of ed.: 30     და ცნა მოსლვაჲ მპარავთაჲ და დღისი-ვე დაჰმზადა მათთჳს პური. და
Line of ed.: 31     ვითარცა მოიწინეს ღამე მპარავნი იგი, Ms. page: J_195v  ჰრქუა მათ: "გრწმენინ ჩემი,
Line of ed.: 32     შვილნო, წმიდაჲ ღმრთის-მშობელი გიბრძანებს არა ვნებად ჩემდა, არამედ
Line of ed.: 33     რომელსა მოეყვანნეს, კადნიერ იქმნა წარღებად, რაჲ-ცა იგი აქუნდა წმიდასა
Line of ed.: 34     მას. და მან ჰრქუა: "წინაშემდგომელი ვარ წმიდისა ღმრთის-მშობლისაჲ,
Line of ed.: 35     რომელმან-მცა პატიჟეულ გყოს შენ წარმდები ეგე." და მუნთქუეს-ვე დაეცა იგი
Line of ed.: 36     მტერისაგან ბოროტისა. მაშინ მოყუასნი მისნი ცრემლით შეუვრდეს წმიდასა
Line of ed.: 37     მას, რაჲთა განკურნოს იგი. ხოლო მან ჯუარი დასწერა და ჰრქუა: "განგკურნებს
Line of ed.: 38     წმიდაჲ ღმრთის-მშობელი". და მსწრაფლ განმრთელდა იგი.

Line of ed.: 39        და წმიდამან მან ჰრქუა: "საწყალობელო, რაჲსათჳს წინამძღუარ ექმენ
Line of ed.: 40     კაცთა ამათ ბოროტის ყოფად ჩემდა?" და ისტუმრნა და განუტევნა მშჳდობით.
Line of ed.: 41     და ესევითარნი სასწაულნი მრავალნი ქმნნა წმიდამან მან და მიიწია
Page of ed.: 285   Line of ed.: 1     სიბერედ. რამეთუ სნეულებაჲ-ცა შეემთხჳა ძლიერთა მათ შრომათაგან და ვერ
Line of ed.: 2     ეძლო თავისა თჳსისა მსახურებად. მაშინ თქუა ნეტარმან მატოი: "ესე ღონე
Line of ed.: 3     მჴდომისაჲ იქმნა, რაჲთა-მცა დედანი მმსახურებდეს მე, დაღაცათუ ნებისა
Line of ed.: 4     ღმრთისანი არიან დანი ესე, ხოლო უწესო არს მონაზონისა ჴელითა დედათაჲთა
Line of ed.: 5     მსახურებაჲ, არამედ მე ღონე მაქუს, რომლითა განვთავისუფლდე".
Line of ed.: 6     და იყვნეს ვინმე ბერთას მამისა გრიგოლის Ms. page: J_196r  დედისა მსახურთაგანნი,
Line of ed.: 7     ნათესავნი მატოისნი, კეთილნი მონაზონნი და მეგობარნი მისნი. მათ აცნობა
Line of ed.: 8     და მოვიდეს სიხარულით წარყვანებად მისსა ცხედრითა, რამეთუ ფრიად
Line of ed.: 9     უძლურ იყო დიდისა მოღუაწისაგან.

Line of ed.: 10        ხოლო დანი იგი ყოველნი გოდებისა ცრემლითა აღივსნეს, რამეთუ ობოლ იქმნებოდეს
Line of ed.: 11     სულიერისა მამისა და მოძღურისაგან. და აკურთხნა ყოველნი
Line of ed.: 12     ცრემლითა სავსემან. ჯუარი დასწერა და მშჳდობაჲ დაუტევა და
Line of ed.: 13     ჰრქუა: "ქრისტემან დაგიცვენინ მადლითა მშობელისა თჳსისა ქალწულისაჲთა
Line of ed.: 14     და ყოველთა წმიდათაჲთა, არამედ ჩემთჳს ლოცვა ყავთ მარადის". და
Line of ed.: 15     წამ-უყვნა ძმათა მათ, და აღიქუეს იგი ცხედრითა. და ვითარ მცირედ ვლეს,
Line of ed.: 16     უბრძანა დადგომაჲ და თქუა: "უფალო, სიტყუამან შენმან გუამნი უძლურთანი
Line of ed.: 17     გუამ ცხოველ ყვნა, მეცა მომეც ძალი, უძლურსა მონასა შენსა". და
Line of ed.: 18     მსწრაფლ სრულიად განძლიერდა და თჳსითა ფერჴითა მიიწია ბერთას. და
Line of ed.: 19     დაყვნა ჟამნი წელიწდისა ერთისა დღეთანი ყოლად მრთელად და მერმე
Line of ed.: 20     გარდაიცვალა საჭირველისა ამისგან სოფლისა, და მივიდა სოფელსა მას ცხოველთასა,
Line of ed.: 21     ვითარცა მჴნე, ახოვანი მოღუაწე ქრისტჱსი და სრულიად ძლევით
Line of ed.: 22     შემოსილი წინაშე ღმრთისა სიხარულით და მეოხ არს ჩუენთჳს უკუნისამდე.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.