TITUS
Old Georgian Hagiographical Texts, vol. I
Part No. 138
Previous part

Chapter: 37  
Line of ed.: 30        ლ^ზ. ხოლო სანატრელი დედაჲ ფებრონია ზრუნვასა შინა იყო, რამეთუ
Line of ed.: 31     მწყემსად მათდა ჩინებული სარწმუნოჲ მღდელი, მამისა გრიგოლის მივლენილი,
Line of ed.: 32     გარდაიცვალა. არამედ ეუწყა ღმრთისაგან, ვითარმედ უმჯობეს მისსა აწ
Line of ed.: 33     იყოს სხუაჲ მღდელი მწყსად თქუენდა-ო. და წიგნი მიწერა ნეტარისა გრიგოლისსა
Line of ed.: 34     და ითხოვდა მღდელსა ღირსსა. მაშინ წმიდამან მან ჰრქუა წმიდასა
Line of ed.: 35     მატოის: "შვილო საყუარელო, მჴედარი ვიდრე წყობასა არა შესრულ არნ,
Line of ed.: 36     ძლევაჲ მისი სიმრავლესა შინა ლაშქართასა არა საცნაურ არნ, არცა მეფეთაგან
Line of ed.: 37     ნიჭი მიიღის, ხოლო ვინაჲთგან ახოვნად გამოჩნდის, ძალი ბრძოლისა
Line of ed.: 38     მისისაჲ ყოველთა ზედა საცნაურ იქმნის Ms. page: J_194v  და ნიჭი დიდძალი მიანიჭის მას
Line of ed.: 39     სამართლად მეფემან.

Line of ed.: 40        "და შენ-ცა იქმენ მორჩილ სიტყუათა ჩემთა, ვითარცა ყოლად-ვე თავს-იდევ
Line of ed.: 41     ყოლად-ვე წმიდისა ღმრთის-მშობელისა ეკლესიასა მერეს მღდელობაჲ
Line of ed.: 42     ვითარცა ძლევით შემოსილმან მჴედარმან უფლისამან. და ვესავ ქრისტესა,
Page of ed.: 284   Line of ed.: 1     კეთილი ღუაწლი მოიღუაწო". ხოლო იგი ცრემლით შეუვრდა და ჰრქუა მას
Line of ed.: 2     ლმობიერად: "შემინდვე მამაო, რამეთუ უწყის სიწმიდემან შენმან, არაოდის
Line of ed.: 3     ურჩ ქმნილ ვარ ბრძანებასა შენსა, ხოლო აწ ვერ ძალ-მიც ამისსა ყოფად,
Line of ed.: 4     რომელი-ცა მიბრძანე." და წმიდამან მან ჰრქუა: "შემძლებელ ხარ ძალითა უფლისაჲთა.
Line of ed.: 5     აწ კეთილთა სათნოებათა შენთა თანა მოიპოვე სრული მორჩილებაჲ;
Line of ed.: 6     ჯუარითა ქრისტჱსითა ჯუარი დამიწერია, რაჲთა მიზეზი ყოველი-ვე დაჰჴსნა".

Line of ed.: 7        და ვითარცა იხილა მოძღურისა თჳსისა უცილობელი ბრძანებაჲ, თჳნიერ
Line of ed.: 8     ნებისა თჳსისა დაემორჩილა სიტყუათა მისთა და იქმნა მღდელ მონასტერსა
Line of ed.: 9     დედათასა ნებითა ღმრთისაჲთა სანატრელი და სასწაულთა მოქმედი მატოი,
Line of ed.: 10     დიდი და დიდებული საქმითა თჳსითა. რამეთუ წელიწადთა ორმეოცთა მერეს
Line of ed.: 11     მღდელობასა შინა მისსა უქმი სიტყუაჲ და უსარგებლოჲ პასუხი არავის
Line of ed.: 12     ესმა მისგან, რომელი კაცთა ცოდვა-ეყოფვის, ვითარცა უფალი იტყჳს: "ყოვლისათჳს
Line of ed.: 13     სიტყჳსა უქმისა, რომელსა კაცნი იტყჳან, სიტყუაჲ მისცენ მისთჳს
Line of ed.: 14     დღესა მას Ms. page: J_195r  საშჯელისასა*". და არა ხოლო ესეოდენ, არამედ რომელნი
Line of ed.: 15     ხედვედ მას, ვერ იკადრიან უდბად განცხრომაჲ კრძალულებათაგან მისთა
Line of ed.: 16     და სიწმიდით და უბიწოდ ქცევისა, რამეთუ ექმნა ყოველთა სახე კეთილის.

Line of ed.: 17        და ამან დაიმარხა ჭეშმარიტი ქალწულებაჲ არა ხოლო ჴორცითა ოდენ,
Line of ed.: 18     არამედ სულითა და სიტყჳთა, სასმენელითა და თუალითა. რამეთუ ნეტარმან
Line of ed.: 19     მან თქჳს, ვითარმედ: "მონაზონებაჲ ჰრქჳან კრძალვასა", რომლისათჳს-ცა ღმრთის-მოყუარემან
Line of ed.: 20     მან დედაკაცმან თემესტია, მერისა დეკანოზმან, თქუა, ვითარმედ:
Line of ed.: 21     "ორმეოც წელ დეკანოზობასა ჩემსა და მარადის მღდელობასა საცეცხურნი
Line of ed.: 22     მან ჴელისა ჩემისაგან არა ოდეს მიმიხუნა-ო."

Line of ed.: 23        ხოლო გარდარეულისა შრომისაგან მოუძლურდა, რამეთუ მოუკლებელი
Line of ed.: 24     ლოცვაჲ, წყურილი და შიმშილი მარადის, და უძილოვაჲ, ზე-დგომაჲ და
Line of ed.: 25     მუჴლთა მოდრეკაჲ ფრიადი აქუნდა ნეტარსა მას, დასცემდა ვნებასა ჴორცთასა
Line of ed.: 26     და სულისა მტერნი მოაუძლურნა. ხოლო ჟამის-წირვაჲ არაოდის დააცადის
Line of ed.: 27     თჳნიერ მიზეზისა და უძლურებისა, და სამოსელი მისი ყოლად-ვე შეურაცხი
Line of ed.: 28     იყო და საზრდელი ეგრეთ-ვე.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.