TITUS
Old Georgian Hagiographical Texts, vol. I
Part No. 137
Previous part

Chapter: 36  
Line of ed.: 7        ლ^ვ. ამისსა შემდგომად იხილა ნეტარმან მამამან გრიგოლ აღორძინებული
Line of ed.: 8     ერი საღმრთოჲ შატბერდს და წმიდაჲ ეკლესიაჲ პირველი განსრულებად
Line of ed.: 9     და კურთხევად, მაშინ სიხარულითა აღივსო, რამეთუ მოჰმადლა უფალმან
Line of ed.: 10     გულისაებრ მისისა საქმე იგი კეთილი მადლითა და მეოხებითა წმიდისა
Line of ed.: 11     ღმრთის-მშობელისაჲთა, რომლისა-ცა სახელსა ზედა აღეშენა წმიდაჲ იგი მონასტერი,
Line of ed.: 12     მარადის დიდებად დედისა ღმრთისა, შეუწევნელთა შემწისა და
Line of ed.: 13     ყოლად-ვე მფარველისა მოსავთა და მაქებელთა მისთაჲსა, აწ და უკუნისამდე,
Line of ed.: 14     რომელი-ცა უფროჲს ყოველთა ჴელმწიფებისა თჳსისა დაბადებულთა გამოუთქუმელად
Line of ed.: 15     ადიდა ძემან მისმან და ყოველთა ღმერთმან.

Line of ed.: 16        რამეთუ აწ-ვე დაამკჳდრა სუფევასა წარუვალსა სულითა და ჴორცითა
Line of ed.: 17     შეერთებული წინაშე დიდებისა ღმრთეებისა თჳსისა, ვითარცა არს პირმშოჲ
Line of ed.: 18     ყოველთა წმიდათაჲ, ნათელი იგი ქრისტეანობისაჲ, და მეოხებითა მისითა
Line of ed.: 19     და ყოველთა წმიდათაჲთა მაცხოვნებს ჩუენ უფალი ყოველთა მორწმუნეთა მისთა,
Line of ed.: 20     უფროჲს ხოლო რჩეულთა მისთა ადიდებს, ნებისა წმიდისა მისისა აღმასრულებელთა,
Line of ed.: 21     რამეთუ იტყჳს: "მადიდებელნი ჩემნი ვადიდნე"*. და "მივანიჭო
Line of ed.: 22     Ms. page: J_194r  ასი წილი აქა-ვე და ცხორებაჲ საუკუნოჲ დაუმკჳდრო"*. ხოლო
Line of ed.: 23     ესე ბრძანებაჲ უტყუველი აღუსრულა ქრისტემან ნეტარსა გრიგოლს. წარუვალისა
Line of ed.: 24     დიდებისა პატივად მიჰმადლა შენებაჲ დიდებულთა უდაბნოთაჲ და
Line of ed.: 25     ჴორცთა შინა ყოფასა მისსა შიში და ზარი სიწმიდეთა მისთაჲ მიჰფინა მეფეთა
Line of ed.: 26     და ყოველსა ერსა ზედა, ვითარცა მძლავრებაჲ წინა-აღუდგომელისა
Line of ed.: 27     ჴელმწიფისაჲ. ხოლო შემდგომად სოფლით ჯმნისა უმეტეს ცნობათა ჩუენთა
Line of ed.: 28     ადიდა ცათა შინა ანგელოზთა თანა, და აწ ქუეყანასა ზედა პირითა მოწაფეთა
Line of ed.: 29     და მაქებელთა მისთაჲთა იდიდების მარადის.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.