TITUS
Old Georgian Hagiographical Texts, vol. I
Part No. 136
Previous part

Chapter: 35  
Ms. page: J_193r 
Line of ed.: 30        ლ^ე. არამედ მრავალგზის მის ჟამისა ჴელმწიფეთა განიზრახეს
Line of ed.: 31     დამტკიცებით ამის ნეტარისა ეპისკოპოსობაჲ და ფრიადითა შრომითა აწყინეს,
Line of ed.: 32     რაჲთა-მცა დაემორჩილა. ხოლო მან არა ინება დიდებაჲ ესევითარი და
Line of ed.: 33     გულისჴმა-უყო მათ განმარტებულად, ვითარმედ: "მსოფლიოთა მათ წმიდათა
Line of ed.: 34     საყდართა არა უმრწემეს არიან წმიდანი უდაბნოთა ეკლესიანი, საყდარნი
Line of ed.: 35     ღმრთისა დიდებისანი. დაღაცათუ მღდელობაჲ ეპისკოპოსთაგან მიეცემის ყოველთა
Line of ed.: 36     მღდელთა, არამედ პირველთა წმიდათა მამათა მეუდაბნოეთაგან ესრეთ
Line of ed.: 37     ვისწავეთ, ვითარმედ: რომელი მადლი მიეცემინ კაცსა ჟამსა ნათლის-ღებისასა,
Line of ed.: 38     იგი-ვე მადლი ვიხილეთ, ოდეს ხატი მონაზონებისაჲ მიაქუნ ახლად
Line of ed.: 39     მონაზონსა და ეგრეთ-ვე წმიდისა საქმისა მიღებასა. და სხუაჲ-ცა წამებაჲ
Line of ed.: 40     ფრიად არს, არამედ ვითარცა-იგი ისრაჱლსა შორის ქალაქნი განეწესნეს შესავედრებელად
Line of ed.: 41     კაცის-მკლველთა, ეგრეთ-ვე წმიდანი უდაბნონი ყოველთა შესავედრებელ
Line of ed.: 42     არიან, რამეთუ უმანკოთა მფარველნია ვნებისაგან მსოფლიოჲსა
Line of ed.: 43     და ვნებულთა ნავთ-სადგურნი არიან სასოვებით სინანულისა მიცემითა და
Line of ed.: 44     შჯულის-დებითა, და კმა არს ჩემდა ორკერძო-ვე დიდებად, უკუეთუ შე-ვითა-უძლო
Page of ed.: 283   Line of ed.: 1     უძლო მოღუაწებაჲ წმიდათა ამათ უდაბნოთაჲ ჯერისაებრ, რომელთა შინა
Line of ed.: 2     პოვეს კაცთა თავისუფლებაჲ, ვითარცა თქუა პავლე: "აზნაურებითა მით,
Line of ed.: 3     რომლითა ქრისტემან ჩუენ განგუააზნაურა"*, და "სადა სული უფლისაჲ,
Line of ed.: 4     მუნ აზნაურებაჲ"*. რამეთუ Ms. page: J_193v  მოეცა მათ ჴელმწიფებაჲ "შვილ ღმრთისა
Line of ed.: 5     ყოფად"* სიტყჳსაებრ იოვანე მახარებელისა." და ესევითარითა სიტყჳთა
Line of ed.: 6     აღეშენნეს ჴელმწიფენი იგი და ადიდებდეს ქრისტესა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.