TITUS
Old Georgian Hagiographical Texts, vol. I
Part No. 135
Previous part

Chapter: 34  
Line of ed.: 16        ლ^დ. ხოლო ყოველთა დღეთა ამის ნეტარისათა წმიდათა მათ მამათა
Line of ed.: 17     მონასტრებისათა აღებაჲ ამას წინაშე გარდაიჴადიან ხანცთას და პირ-მარხვად
Line of ed.: 18     მიიღიან კანონი დიდთა მარხვათათჳს და წარვიდიან. და იყო ოდეს-მე ერთად
Line of ed.: 19     შეკრებაჲ ამათ ნეტართაჲ წმიდისა ამის წინაშე და თჳნიერ ოპიზისა წინამძღურისაჲ
Line of ed.: 20     ყოველთა მათ ასწავებდა კეთილთა მათ სიტყუათა სულისა ცხორებისათა მამაჲ
Line of ed.: 21     გრიგოლ. ხოლო ოპიზელი მამაჲ შეწუხნა და ჰრქუა მას: "წმიდაო
Line of ed.: 22     მამაო, რაჲსათჳს თანა-წარმჴდი სულიერთა სიტყუათა შენთა?" ხოლო
Line of ed.: 23     მან ჰრქუა: "მამაო პატიოსანო, არა თუ [შეურ]აცხებისათჳს თანა-წარგ[ჴე]დ
Line of ed.: 24     შენ, არამედ ამის მიზეზისათჳს, რამეთუ ამათ ყოველთა უდაბნოთა უწინარეს
Line of ed.: 25     აღშენებულ არს ოპიზაჲ, და არა განვაგებ ოპიზასა ზედა, არცა წინამძღუარ[სა]
Line of ed.: 26     მისსა ზედა". ხოლო მან სიმდაბლით დაარწმუნა წმიდასა მას თავისა
Line of ed.: 27     თჳსისა სწავლაჲ სწორად სხუათა მათ მამათა, [რამეთუ] ესრეთ აქუნდა ყოველთა,
Line of ed.: 28     ვითარცა [წმიდათა მოციქულთაგანი] შუვამდგომელად [ღმრთისა]
Line of ed.: 29     და კაცთა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.