TITUS
Old Georgian Hagiographical Texts, vol. I
Part No. 145
Previous part

Chapter: 45  
Line of ed.: 5        მ^ე. ესევითარნი იყვნეს ღმერთ-შემოსილნი მოწაფენი მამისა გრიგოლისნი.
Line of ed.: 6     ხოლო დიდი ეტჳფანე სიმდაბლითა თჳსითა მიიწია საზომსა თჳსისა
Line of ed.: 7     მოძღურისასა და ცრემლთა დათხევითა სულთა უკეთურთა განასხმიდა და
Line of ed.: 8     სნეულთა მსწრაფლ განჰკურნებდა და მრავალთა სხუათა სასწაულთა იქმოდა,
Line of ed.: 9     ურჩთა რაჲ გუემითა განსწავლიდა და მორწმუნეთა ლოცვითა სიკუდილისაგან
Line of ed.: 10     იჴსნიდა. რამეთუ ოდეს-მე ზაფხულისა ჟამსა მთათა მათ ხორასუნთა გარდამოვიდოდა
Line of ed.: 11     იგი და მის თანა ძმანი. და იხილეს ადგილი მარჯუე და პურისა
Line of ed.: 12     ჭამად დასხდეს. და მას-ვე გზასა დედაკაცი ერთი ვინმე მოვიდოდა და თანა
Line of ed.: 13     ჰყვანდა ძჱ შჳდისა წლისაჲ. და იყო ყრმაჲ იგი ხილვითა კეთილ და გონებითა
Line of ed.: 14     ფრთხილ. და ვითარ მოიწინეს საჩინოსა ნეტარისა მამისა ეპიფანესსა, ყრმასა
Line of ed.: 15     მას სალმობანი სიკუდილისანი ეწინეს და სენისა მისგან წრტიალისა
Line of ed.: 16     ისწრაფდა სული განსლვად გუამისა მისგან. ხოლო დედამან მისმან გოდებითა
Line of ed.: 17     მწარითა აღიტაცა ძჱ თჳსი და მირბიოდა წმიდისა მის და ჴმობდა ესრეთ
Line of ed.: 18     საწყალობელად:

Line of ed.: 19        "ჵ წმიდაო ღმრთისაო, შემეწიე შეუწევნელსა ამას, რამეთუ მომიკუდების
Line of ed.: 20     შვილი ესე ჩემი, და შემდგომად ღმრთისა შენდა მოვივლტი". Ms. page: J_203r  და
Line of ed.: 21     ძჱ იგი თჳსი დააგდო წინაშე ფერჴთა ეტჳფანესთა. ხოლო იგი ცრემლითა
Line of ed.: 22     სავსე აღდგა, რამეთუ იყო ბუნებით მოწყალე, და დავარდა წინაშე ქრისტჱსა
Line of ed.: 23     და თქუა: "უფალო ღმერთო ჩუენო, იესუ ქრისტე, იხილენ ცრემლნი ჩემნი
Line of ed.: 24     და ცრემლნი საწყალობელისა ამის დედაკაცისანი და წყალობა ყავ ყრმასა
Line of ed.: 25     ამას ზედა და უბრძანე სულსა ამისსა მკჳდრობაჲ თჳსსა შინა გუამსა მრავალთა
Line of ed.: 26     წელიწადთა ნუგეშინის-საცემელად ამის გლახაკისა და სადიდებელად
Line of ed.: 27     შენდა მხოლოჲსა ძისა თანა მამით და სულით წმიდითურთ საუკუნეთა მიმართ,
Line of ed.: 28     ამენ".

Line of ed.: 29        და ჯუარი დასწერა, უპყრა ჴელი და ჰრქუა: "განგკურნებს უფალი
Line of ed.: 30     იესუ ქრისტჱ, აღდეგ, ყრმაო, და ცოცხალ იქმენ!" და მსწრაფლ განეშორა
Line of ed.: 31     სალმობაჲ და უძლურებაჲ გუამსა მისა და ყოველი ურვაჲ სულსა მისსა. და
Line of ed.: 32     აღდგა მხიარული და მისცა იგი დედასა თჳსსა და უბრძანა მიცემაჲ ჭამადისაჲ,
Line of ed.: 33     და დედაკაცმან მან სიხარულით მადლი შეწირა ღმრთისა და წმიდისა
Line of ed.: 34     მის. და მშჳდობით წარვიდეს ზოგად იგი და ძჱ მისი გზასა თჳსსა. და ყრმაჲ
Line of ed.: 35     იგი ვიდრე სიბერედმდე კეთილად ცხოვნდებოდა და ადიდებდა ღმერთსა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.