TITUS
Old Georgian Hagiographical Texts, vol. I
Part No. 147
Previous part

Chapter: 47  
Line of ed.: 15        მ^ზ. ესე-ვე ნეტარი ეტჳფანე ოდეს-მე მივიდა წინაშე დიდისა აბულ-ასათისა
Line of ed.: 16     ჟამსა მკისასა როჭიკისა თხოვად ხანცთისათჳს. ხოლო მან ჰრქუა: "ძმათა
Line of ed.: 17     შენთა დღესა შინა ერთსა რაჲ მკონ, მიმიცემია". და აბულ-ასად ესე-ვე
Line of ed.: 18     ამცნო ცოლსა თჳსსა, რამეთუ იყო გუნათლეს, და თჳთ წარვიდა სხუად ქუეყანად.
Line of ed.: 19     ხოლო ეტჳფანე შეიკრიბნა ძმანი თჳსნი კეთილად მომკალნი და მიიწინეს
Line of ed.: 20     გუნათლეს სიტყჳსაებრ პირველ თქუმულისა Ms. page: J_204r . და იწყეს მკად
Line of ed.: 21     კეთილსა ყანასა, ვიდრე განზოგებადმდე დღისა მის, ფრიადითა გულს-მოდგინებითა.
Line of ed.: 22     ხოლო კაცთა ვიეთ-მე უკეთურთა აუწყეს დედუფალსა თჳსსა, ვითარმედ
Line of ed.: 23     სრულიად მოჰმკიან ვიდრე მწუხრადმდე იფქლსა მას ფრიად კეთილსა.
Line of ed.: 24     ხოლო შეიურვა და მიავლინა კაცი, რაჲთა არღარა მკიდენ. და ეპიფანე ძმათა
Line of ed.: 25     მათ ეშორა და მივლინებულსა მას არა უსმინეს.

Line of ed.: 26        ხოლო მან რისხვით სხუანი კაცნი მიავლინნა და მძლავრებით განასხნეს
Line of ed.: 27     ყანისა მისგან. მაშინ მამაჲ ეპიფანე ძმათა მათ დაუბრკოლდა არა სმენისა
Line of ed.: 28     მისთჳს, რომელ-ცა იგი პირველ მოევლინა კაცი, რამეთუ ჭეშმარიტად იყო
Line of ed.: 29     იგი ქრისტჱს მონაჲ და არა უნდა შფოთისა ხილვაჲ, ამისთჳს თქუა ესრეთ:
Line of ed.: 30     "უფალო, შეუნდვე მჴევალსა შენსა ჩუენი ესე შეურაცხებაჲ და უმჯობესი
Line of ed.: 31     იზრუნე მისთჳს განსაცდელთა მიშუებითა მცირედ, რაჲთა ისწაოს არა გმობაჲ
Line of ed.: 32     გლახაკთაჲ". და მუნთქუეს-ვე დასცა იგი სულმან უკეთურმან, რამეთუ
Line of ed.: 33     კადნიერებისა მისთჳს განეშორა სული მადლისაჲ. და მსწრაფლ ხოლო აცნობეს
Line of ed.: 34     ეპიფანეს, ხოლო იგი მივიდა და ძმანი მისნი მის თანა და ყოვლითა გულითა
Line of ed.: 35     ულოცეს. ფრიად საწყალობელად იყო იგი და მსწრაფლ განიკურნა,
Line of ed.: 36     რამეთუ კუალად დაემკჳდრა მის თანა სული მადლისაჲ მცველად უკუნისამდე
Line of ed.: 37     და არღარა ევნო. და მიერითგან კეთილად შეიცვალა იგი და შეუვრდა
Line of ed.: 38     და ძმათა მათ. და დიდითა კეთილითა განუტევნა იგინი
Line of ed.: 39     სიხარულით.

Line of ed.: 40        რამეთუ ქრისტემან შეამკვნა სასწაულითა და სიმდაბლითა ვითარცა
Line of ed.: 41     მამაჲ გრიგოლ, ეგრეთ-ვე მოწაფენი მისნი სიტყჳსაებრ მოციქულისა, ვითარმედ:
Line of ed.: 42     "სიმდაბლჱ ეგე თქუენი ცხად იყავნ"*. ამისთჳს-ცა ცხადად იხილვა გარდარეული
Line of ed.: 43     სიმდაბლე ეპიფანესი ესრეთ.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.