TITUS
Old Georgian Hagiographical Texts, vol. I
Part No. 152
Previous part

Chapter: 52  
Line of ed.: 36        ნ^ბ. ამისსა შემდგომად ესე ნეტარი იყო ოდეს-მე მახლობელად შატბერდისა,
Line of ed.: 37     და სარწმუნოებით მო-ვინმე-ვიდა მისსა დედაკაცი, რომელსა აქუნდა
Line of ed.: 38     ჴელთა ძჱ თჳსი მცირე ვითარ ორისა წლისაჲ, რომლისა ჴელნი და ფერჴნი
Line of ed.: 39     მტერისაგან მიხუმულ იყვნეს და პირი გარე-მიქცეულ იყო. ესე მოვიდა
Line of ed.: 40     მრავლითა ცრემლითა და ძჱ თჳსი დააგდო წინაშე ფერჴთა მის წმიდისათა
Line of ed.: 41     და ჰრქუა ესრეთ: "წმიდაო ღმრთისაო, კაცთაგან განწირულისა ამისთჳს
Line of ed.: 42     წყალობა ყავ, რამეთუ შემდგომად ღმრთისა შენდა მოვივლტი". და იხილა
Page of ed.: 295   Line of ed.: 1     რაჲ წმიდამან მან ფრიადი გოდებაჲ მისი, შეეწყალა, და იწყეს ცრემლთა
Line of ed.: 2     მისთა დინებად, რომელნი-ცა საჴუმილ მჴდომსა ექმნნეს, რამეთუ კაცთაგან
Line of ed.: 3     უხილავად Ms. page: J_206v  შესწუვიდა მძლავრსა მას უკეთურსა ეშმაკსა ლოცვანი გრიგოლისნი
Line of ed.: 4     და განიოტებდეს მას.

Line of ed.: 5        მაშინ თქუა: "სახელი ქრისტჱსი განგჴდის, ეშმაკო, განეშორე უკუნისამდე
Line of ed.: 6     ჩჩჳლისა ამისგან უმანკოჲსა". და ჯუარი დასწერა. და მუნთქუეს-ვე
Line of ed.: 7     ივლტოდა სული იგი ბოროტი და განიკურნა ყრმაჲ იგი სრულიად. და მშობელი
Line of ed.: 8     მისი სიხარულით ჰმადლობდა ღმერთსა და წმიდასა მას. და მხიარულნი
Line of ed.: 9     წარვიდეს სახიდ თჳსსა და ყრმაჲ იგი კეთილად ცხოვნდა სრულიად.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.