TITUS
Old Georgian Hagiographical Texts, vol. I
Part No. 151
Previous part

Chapter: 51  
Line of ed.: 25        ნ^ა. და კუალად ოდეს-მე ჟამსა ყინელისასა ძმანი Ms. page: J_206r  ტყესა მას ხანცთისასა
Line of ed.: 26     შთამოჰყრიდეს ძელსა. და მათ თანა იყო ნეტარი გრიგოლ, მდგომარე
Line of ed.: 27     ადგილსა საჩინოსა. და ძმაჲ ვინმე მოხუცებული ძნელსა ადგილსა ძელისა
Line of ed.: 28     სავალსა განვიდოდა, და ძმათა მათ სხუათა უმეცრად ძელი ფრიად დიდი
Line of ed.: 29     განუტევეს. და ვითარცა იხილა ძმამან მან ძელი იგი მძაფრიად მიმავალი,
Line of ed.: 30     შეშინდა და სივლტოლაჲ მისგან წარწყმდა, ჴმა ყო დიდითა ჴმითა:
Line of ed.: 31     "მამაო, შემეწიე!" ხოლო მან ჯუარი დასწერა ძელსა მას და ჰრქუა: "სახელითა
Line of ed.: 32     ქრისტჱსითა დადეგ, ძელო!" და სიტყუამან მისმან, ვითარცა კლდემან
Line of ed.: 33     უძრავმან, დააყენა ადგილსა მას მყაფარსა მყინვარსა ზედა მოქანებული
Line of ed.: 34     საშინელად, და უბრძანა ძმასა მას გულ-დებულად განსლვაჲ. და ვითარცა
Line of ed.: 35     იხილეს სასწაული ესე, დაუკჳრდა ძმათა მათ და ადიდებდეს ღმერთსა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.