TITUS
Old Georgian Hagiographical Texts, vol. I
Part No. 155
Previous part

Chapter: 55  
Ms. page: J_207v 
Line of ed.: 6        ნ^ე. ხოლო ჟამთა ამის წმიდისათა ჴელმწიფემან აშოტ კურაპალატმან
Line of ed.: 7     დაიპყრნა მრავალნი ქუეყანანი და აღაშენა ციხე არტანუჯისაჲ საცხორებელად
Line of ed.: 8     დედუფლისა, მეუღლისა თჳსისა. და მას შინა კეთილად ცხოვნდებოდა
Line of ed.: 9     მრავალთა წელიწადთა. ხოლო აცთუნა მტერმან ჴელმწიფჱ იგი და
Line of ed.: 10     მოიყვანა მან დედაკაცი სიძვისაჲ ციხესა მას შინა, რომლისა თანა იმრუშებდა,
Line of ed.: 11     რამეთუ ეშმაკი ტრფიალებისაჲ ფრიად აზრზენდა, რომელსა პირველ არა
Line of ed.: 12     აქუნდა ეგევითარი ჩუეულებაჲ, არამედ ძლეულ იქმნა ბოროტითა მით ცოდვითა.
Line of ed.: 13     და ვითარცა ესმა ნეტარსა გრიგოლს საქმე იგი სულისა განმხრწნელი,
Line of ed.: 14     შეწუხნა ფრიად. და აუწყა წმიდასა გრიგოლს დიდსა მას მოხუცებულსა,
Line of ed.: 15     რომელი მკჳდრ იყო ეკლესიათა, რამეთუ იყო იგი სასწაულთა მოქმედ
Line of ed.: 16     და დიდად პატივ-ცემულ ღმრთისა და კაცთაგან. და განზრახვითა მისითა
Line of ed.: 17     ამხილა პირის-პირ ჴელმწიფესა მას. ხოლო მან აღუთქუა ცოდვისა მის განტევებაჲ
Line of ed.: 18     და დედაკაცისა მის წარგზავნაჲ, ვითარცა მოეყვანა იგი. და ვერ
Line of ed.: 19     დაამტკიცა თჳსი ბრძანებაჲ, რამეთუ დაემონა გულის-თქუმასა.

Line of ed.: 20        ხოლო ნეტარმან გრიგოლ პოვა ჟამი მარჯუე, ოდეს-ცა კურაპალატი
Line of ed.: 21     შორს იყო არტანუჯსა, დღესა ერთსა შატბერდით წარვიდა და მიიწია მიმწუხრი
Line of ed.: 22     ძირსა მის ციხისისა. და კაცი მიუვლინა დედაკაცსა მას ჭამადისა
Line of ed.: 23     თხოვად და მუნ დადგომისა მიზეზი შეუთუალა. ხოლო მან სიხარულითა დიდითა
Line of ed.: 24     განიხარა და მრავალ-ფერი სანოვაგე წარცა წმიდისა მისთჳს Ms. page: J_208r  და
Line of ed.: 25     მოწაფეთა მისთა. და ვითარცა განთენა, კუალად მიუვლინა კაცი, რაჲთა მივიდეს
Line of ed.: 26     ხილვად მისა. მაშინ უფროჲსად განმხიარულებული მსწრაფლ მოვიდა
Line of ed.: 27     წმიდისა მის ორთა თანა მჴევალთა თჳსთა, რაჲთა-მცა ღირს იქმნა ჯუარსა
Line of ed.: 28     ნეტარისა მის კაცისასა.

Line of ed.: 29        ხოლო მან არა დასწერა ჯუარი, არამედ უბრძანა განშორებულად
Line of ed.: 30     დაჯდომაჲ. და მოწაფენი კიდე-რე განდგეს წამის-ყოფითა მოძღურისა თჳსისაჲთა
Line of ed.: 31     და ეგრეთ-ვე მსახურნი იგი დედანი, რამეთუ წმიდისა მის შიში ყოველთა
Line of ed.: 32     ზედა მიფენილ იყო. მაშინ ჰრქუა მას ნეტარმან გრიგოლ: "ჵ, საწყალობელო!
Line of ed.: 33     რაჲსათჳს შორის ცოლ-ქმართა შთაჭრილ ხარ წარსაწყმედელად შენდა საუკუნოდ
Line of ed.: 34     ბოროტითა მით ცოდვითა, რომლითა დამონებულ ხარ ეშმაკისადა
Line of ed.: 35     და ცუდითა რაჲთ-მე მიზეზითა საფრჴე ქმნულ ხარ დიდისა ჴელმწიფისადა?"

Line of ed.: 36        ხოლო მან ცრემლით ჰრქუა: "წმიდაო ღმრთისაო, მე თავსა ჩემსა ზედა
Line of ed.: 37     ვერ თავისუფალ ვარ, ვინაჲთგან გარდარეული სიყუარული აქუს ჩემდა მომართ
Line of ed.: 38     კურაპალატსა და აწ არაჲ უწყი, თუ რაჲ ვყო, რამეთუ ბრძანებამან
Line of ed.: 39     სიტყუათა შენთამან შემაძრწუნა ფრიად". ხოლო წმიდამან მან ჰრქუა: "შვილო,
Line of ed.: 40     იქმენ სრულიად მორჩილ სიტყუათა ჩემ გლახაკისათა და მე თავს-მდებ
Line of ed.: 41     გექმნე ქრისტჱს მიმართ, რაჲთა მან თავადმან ყოველნი ბრალნი შენნი შეგინდვნეს".
Line of ed.: 42     და მან ჰრქუა: "წმიდაო მამაო, ჴელთა შენთა ვარ, უმჯობესი სულისა
Line of ed.: 43     ჩემისაჲ იზრუნე". მაშინ-ღა ჯუარი დასწერა და აკურთხა ლოცვითა და
Page of ed.: 297   Line of ed.: 1     შეჭურა მადლითა და მისცა თჳსთა ჴამლთა საბელი, რაჲთა სარტყლად
Line of ed.: 2     შეირტყას. და მან ყო ეგრეთ.

Ms. page: J_208v 
Line of ed.: 3     და წმიდამან მან ჰრქუა: "შვილო ჩემო, დღეს იქმნა ცხორებაჲ სულისა
Line of ed.: 4     შენისაჲ, რამეთუ სანატრელისა დედისა ფებრონიაჲს წინაშე მიგიყვანებ
Line of ed.: 5     შენ". და მან განიხარა ფრიად, ხოლო ნეტარმან გრიგოლ უბრძანა მჴევალთა
Line of ed.: 6     მათ მისთა წარსლვაჲ ციხედ-ვე, და დედაკაცსა მას ჰრქუა: "შვილო
Line of ed.: 7     ჩემო, წარემართე და ვიდოდე წინაშე ჩუენსა". და ესრეთ მოიყვანა იგი მერეს,
Line of ed.: 8     რამეთუ პირველ-ვე განზრახვაჲ ნეტარისა დედისაჲ თანა იყო, და შეჰვედრა
Line of ed.: 9     იგი მას და ჰრქუა: "იღუაწე ესე ჯერისაებრ, იღუაწე, და რაჟამს
Line of ed.: 10     ძიება-ყოს კურაპალატმან, რამეთუ ჰხედავ გულსა ამისსა შემუსრვილსა. ხოლო
Line of ed.: 11     მან თქუა: "ქრისტემან კეთილად იზრუნოს მჴევლისა თჳსისათჳს, რომელი-ცა
Line of ed.: 12     პოვა შენ მიერ, ღირსო მამაო".

Line of ed.: 13        და მრავალ ჟამ მარტოდ უბნობდეს ნეტარნი ესე. და ესრეთ იყო ჩუეულებაჲ-ცა
Line of ed.: 14     მის ჟამისა წინამძღუართა მამათაჲ, რამეთუ თჳნიერ დედისა ფებრონიაჲს
Line of ed.: 15     განზრახვისა საქმე არაჲ ჴელ-ყვიან. ხოლო დათაგანი ვინმე მახლობელად
Line of ed.: 16     მათსა წარჰვლიდა და ესმა ერთი სიტყუაჲ, ხოლო სხუასა ვერღარა
Line of ed.: 17     იკადრა სმენად, რამეთუ წმიდამან გრიგოლ ჰრქუა ნეტარსა ფებრონიას, ვითარმედ:
Line of ed.: 18     "რაჲ გრქუა შენ ანგელოზმან?" რამეთუ ღმერთი იყო ყოლად-ვე მათ
Line of ed.: 19     შორის.

Line of ed.: 20        ხოლო რაჟამს მიიწია კურაპალატი ციხედ, იკითხა ხოლო დედაკაცი
Line of ed.: 21     იგი. და ვითარ არა პოვა, ფრიად შეიურვა. გულისჴმა-ყო რაჲ ყოველი იგი
Line of ed.: 22     ყოფილი საქმე, და რამეთუ არა ღონითა რაჲთ-მე კაცობრივთა მახეთაჲთა
Line of ed.: 23     იყო ტრფიალ მისა მიმართ ჴელმწიფე იგი, არამედ ეშმაკისა მანქანებითა
Line of ed.: 24     ესოდენ ძლეულ იყო, რომელ თავ-მოთნეობაჲ დაავიწყდა და მსწრაფლ Ms. page: J_209r 
Line of ed.: 25     ხოლო მოვიდა მერეს. ხოლო ნეტარმან ფებრონია დამალა დედაკაცი იგი.
Line of ed.: 26     და ვითარ ილოცა კურაპალატმან ეკლესიასა წმიდისა ღმრთის-მშობელისასა
Line of ed.: 27     და მიიღო ლოცვაჲ დედისა ფებრონიაჲსი, მაშინ იწყო სიტყუად: "უწყი-მეა,
Line of ed.: 28     დედაო, რაჲსათჳს მოვედ აწ?" ხოლო მან ჰრქუა: "უფალმან იცის, რაჲსათჳს
Line of ed.: 29     ჰბრძანე აქა", და მან ჰრქუა: "ამის მიზეზისათჳს იქმნა მოსლვაჲ ჩემი, რამეთუ
Line of ed.: 30     სახლისა ჩუენისა მეჭურჭლე ქალი იყო და ყოველი მონაგები ჩუენი ჴელთა
Line of ed.: 31     მისთა იყო, და მამასა გრიგოლს აქა წარმოუყვანებია, და ფრიადი დაგუაკლდა
Line of ed.: 32     საფასეთა ჩუენთაგანი. აწ უბრძანე, რომელ ერთხელ ციხედ მოვიდეს
Line of ed.: 33     და ყოველი მოგჳთუალოს და კუალად თქუენდა-ვე მოვიდეს, ვითარცა
Line of ed.: 34     უნდეს".

Line of ed.: 35        ხოლო ფებრონია ჰრქუა მას მკუეთრ: "მიზეზებად მიზეზთა ცოდვისათა
Line of ed.: 36     კაცთა თანა, რომელნი იქმან უშჯულოებასა"*. ესე რაჲ ესმა კურაპალატსა,
Line of ed.: 37     სირცხჳლეულ იქმნა მართლ-მხილებისა მისგან კდემული და მყოვარ ჟამ დადუმნა,
Line of ed.: 38     ვითარცა ძლეული, რამეთუ ჴორციელად ძლიერსა ჴელმწიფესა სულითა
Line of ed.: 39     ძლიერთა კაცთა სძლეს, შეჭურვილთა მათ საღმრთოჲთა შურითა, ხოლო
Line of ed.: 40     შეურვებულმან კურაპალატმან გულისა შეჭირვებისაგან თქუა: "ნეტარ
Line of ed.: 41     მას კაცსა, ვინ არღარა ცოცხალ არს-ო". და მსწრაფლ ხოლო აღდგა [!] და წარვიდოდა.

Line of ed.: 42        მაშინ ნეტარი ფებრონია დაწყნარებულითა სულითა აყენებდა, რაჲთა-მცა
Line of ed.: 43     ისტუმრა იგი და არა დაემორჩილა, რამეთუ მამხილებელად აქუნდა თჳსი
Page of ed.: 298   Line of ed.: 1     გონებაჲ და ვნებაჲ რაჲ ჴორცთ-მოყუარებისა განეშორა და აუგი თჳსი გულისჴმა-ყო.
Line of ed.: 2     ხოლო სულითა იხარებდა, სიბრძნემან რაჲ წარიოტა Ms. page: J_209v  სულმოკლებაჲ
Line of ed.: 3     იგი მავნებელი და აქებდა წმიდათა მათ მძლავრებასა უფროჲს ხოლო
Line of ed.: 4     ძლევისა მომცემელსა ღმერთსა, და სიხარულით წარვიდა, რამეთუ გულითა
Line of ed.: 5     წმიდითა აქუნდა ნეტართა მათ პატივი, ვითარცა სულისა მისისა საუკუნოდ
Line of ed.: 6     გჳრგჳნოსან მყოფელთაჲ.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.