Page of ms. P: _ Page of ms. L: 599V სარწმუნო არს სიტყუაჲ და ყოვლისა შეწყნარების ღირს, ქრისტე იესუ მოვიდა სოფლად და ცოდვილთა ცხორებად, რომელთაჲ პირველი მე ვარ.
არამედ მისთჳს შევიწყალე, რაჲთა ჩემდა მომართ აჩუენოს პირველად იესუ ქრისტემან ყოველი სულგრძელებაჲ მისი სახედ მერმე მორწმუნეთა მათთჳს მისა მიმართ ცხორებად საუკუნოდ.
ხოლო მეუფესა მას საუკუნეთასა, უხრწნელსა და უხილავსა, პატივი და დიდებაჲ უკუნითი უკუნისადმდე, ამენ.
ამას მცნებასა შეგვედრებ, შვილო ტიმოთე, მსგავსად მოძღუართა მათ შენთა მიმართ წინაწარმეტყუელთა, რაჲთა საგრობდე მას შინა კეთილსა მას შინა საგრობასა.
გაქუნდეს Page of ms. L: 600R სარწმუნოვებაჲ, კეთილი გონებაჲ, რომელი-იგი ვიეთმე განიშორეს და სარწმუნოვებასა შეეცოდნეს;
რომელნი-იგი არიან უმენეს და ალექსანდროს, რომელნი-იგი მივსცენ ეშმაკსა, რაჲთა ისწავლნენ არაგმობად.
