TITUS
Udzv.iadg.
Part No. 168
Previous part

Date: WPasch._1_a   Link to lektpar
Page of ed.: 367  
Line of ed.: 1  დასადებელნი ადგომისანი ჴ̃ჲ ა


Line of ed.: 2       უფალო ღაღადყავსა

Line of ed.: 3       მწუხრისა ლოცვაჲ ჩუენი შეიწირე, წმიდაო უფალო, და მოგამადლე
Line of ed.: 4    ჩუენ მოტევებაჲ ცოდვათაჲ, რამეთუ შენ მხოლოჲ ხარ,
Line of ed.: 5    რომელმან უჩუენე სოფელსა ადგომაჲ.

Line of ed.: 6       ღმრთის შუენიერებისა სიმდაბლისა შენისა მადიდებელნი შენნი
Line of ed.: 7    გიგალობთ, ქრისტე, რამეთუ იშევ ქალწულისაგან და განუშორებელ
Line of ed.: 8    იყავ მამისაგან, ივნე, ვითარცა კაცმან, და ღმრთეებაჲ ეგე უვნებელად
Line of ed.: 9    ასდეგ საფლავით, ვითარცა სასძლოჲთ გამოსრული, და
Line of ed.: 10    აუწყე სოფელსა. უფალო, დიდებაჲ შენდა.

Line of ed.: 11       რომელი ჴორცითა ნეფსით ჯუარს-ეცუა ჩუენთჳს, ივნო და
Line of ed.: 12    დაეფლა და აღდგა -- ქრისტჱსა ვღაღადებდეთ და ვიტყოდით: დაამტკიცე
Line of ed.: 13    მართლმადიდებლობით ეკლესიაჲ შენი, მაცხოვარ, და მშჳდობა
Line of ed.: 14    ყავ ცხორებისა ჩუენისათჳს, ვითარცა მხოლოჲ, მრავალმოწყალე
Line of ed.: 15    ხარ.

Line of ed.: 16       იხარებდით ცანი და გალობდინ საფუძველი ქუეყანისაჲ, ღაღადებდით
Line of ed.: 17    მთანი მხიარულებასა, რამეთუ ევმანუელ ცოდვანი ჩუენნი
Line of ed.: 18    ჯუარსა შემრჭუალნა და ცხორების მომცემელმან სიკუდილი დათრგუნა,
Line of ed.: 19    ადამ აღადგინა, ვითარცა კაცთმოყუარე არს.

Line of ed.: 20       წმიდა ხარ, უფალო, მაცხოვარო ჩუენო, რომელი პირველ საუკუნეთა
Line of ed.: 21    მამისაგან იშევ და აღსასრულსა ჟამთასა ქალწულისაგან
Page of ed.: 368   Line of ed.: 1    ჴორციელ იქმენ -- ღმერთი ჩუენი, ჯუარცუმაჲ და სიკუდილი თავსიდევ
Line of ed.: 2    და ასდეგ მკუდრეთით, ვითარცა კაცთმოყუარე ხარ.

Line of ed.: 3       გიხაროდენ, ყოლად წმიდაო ქალწულო, რამეთუ შენ მიერ
Line of ed.: 4    ზეცისა იგი მშჳდობაჲ სოფელსა ... და ყოველნი კიდენი ქუეყანისანი
Line of ed.: 5    განათლდეს დიდად ... და უწინარჱს საუკუნეთა სიტყუაჲ მამისაჲ
Line of ed.: 6    მუცლად-იღე, რომელი ქერობინთა ზედა მჯდომარე არს, რომელსა
Line of ed.: 7    ოთხატედნი ცხოველნი ადიდებენ. მას ევედრე ცხორებად
Line of ed.: 8    სულთა ჩუენთათჳს.

Line of ed.: 9       ღაღადებასა შენდა შევსწირავთ, უფალო, რომელი განზრახვით
Line of ed.: 10    ჯუარსა დაემრჭუალე, სიკუდილისა საკრველნი, ვითარცა ღმერთ
Line of ed.: 11    ხარ, განხეთქენ და ჴელი-წერილი ჩუენთჳს ჯუარსა შემრჭუალე.
Line of ed.: 12    დიდებაჲ შენდა, ღმერთო.

Line of ed.: 13       ჯუარითა სიკუდილი მოაკუდინე და ჯუარითა ავაზაკსა სამოთხჱ
Line of ed.: 14    განუღე და ცოდვანი ჩუენნი ჯუარსა შემრჭუალენ. დიდებაჲ
Line of ed.: 15    შენდა, ღმერთო.

Line of ed.: 16       რომელი ჰურიათა მიერ ჯუარს-ეცუ და ურჩულოთაგან ვნებაჲ
Line of ed.: 17    თავს-იდევ და თჳსითა სისხლითა სოფელი იჴსენ, დიდებაჲ შენდა,
Line of ed.: 18    ღმერთო.

Line of ed.: 19       რომელი საფლავსა დაიდევ და ჯოჯოხეთი წარმოსტყუენე და
Line of ed.: 20    საკრველნი სიკუდილისანი განხეთქენ, დიდებაჲ შენდა, ღმერთო.

Line of ed.: 21       რომელი ასდეგ საფლავით და ადგომაჲ ყოველთა მოგუანიჭე,
Line of ed.: 22    რომელი დიდ ხარ განზრახითა, შეგჳწყალენ ჩუენ.

Line of ed.: 23       რომელი აჰმაღლდი ზეცად და დაშჯედ მარჯუენით მამისა, რომელი
Line of ed.: 24    სუფევ უკუნისამდე, შეგჳწყალენ ჩუენ.

Line of ed.: 25       მწუხრისა მსხუერპლსა შევსწირავთ შენდა, ქრისტე ღმერთო,
Line of ed.: 26    რომელმან ჯერ-იჩინე ჯუარსა ზედა დამრჭუალვაჲ, საფლავსა დადებაჲ
Line of ed.: 27    და მკუდრეთით ადგომაჲ, რაჲთა იჴსნე ნათესავი კაცთაჲ მონებისაგან
Line of ed.: 28    საცთურსა მტერისა.

Line of ed.: 29       გიგალობთ შენ, ქრისტე ღმერთო, რომელი ასდეგ მკუდრეთით
Line of ed.: 30    მესამესა დღესა, ჯოჯოხეთი წარმოსტყუენე, მკუდარნი აღადგინენ
Line of ed.: 31    საფლავით. დიდებაჲ ადგომასა შენსა, ქრისტე, სახიერებასა,
Line of ed.: 32    კაცთმოყუარე.

Page of ed.: 369  
Line of ed.: 1       რომელმან აღმოგჳცჱნე უკუდავებაჲ დაფლვითა და ადიდე
Line of ed.: 2    ღმრთეებაჲ შენი შორის ანგელოზთა და კაცთა, იხარებს წმიდაჲ ეკლესიაჲ
Line of ed.: 3    შენი, ქრისტე, დიდებულსა შენსა ადგომასა.

Line of ed.: 4       რომელმან აღმოგჳცენე წყაროჲ უკუდავებისაჲ -- დედაჲ შენი,
Line of ed.: 5    და სიტყუაჲ მამისაჲ ზეცით გამოჩნდი, ქრისტე ღმერთო, ადამი
Line of ed.: 6    აღადგინე, საცთური განაქარვე. იხარებს სიმრავლჱ მორწმუნეთა
Line of ed.: 7    შენთა, ქრისტე, დიდებულსა შენსა ადგომასა.

Line of ed.: 8       მწუხრისა მსხუერპლსა შევსწირავთ შენდა, ქრისტე ღმერთო,
Line of ed.: 9    რომელი გარდამოჰჴედ ზეცით ქუეყანასა და იშევ ქალწულისაგან
Line of ed.: 10    ქრისტე ღმერთი ჩუენი, რომელსა ანგელოზნი გიგალობენ -- მხოლოსა,
Line of ed.: 11    ღმერთსა, პირველ საუკუნეთა უფალსა.

Line of ed.: 12       მწუხრისა მსხუერპლსა შევსწირავთ შენდა, ქრისტე ღმერთო,
Line of ed.: 13    რომელმან დაიმდაბლე თავი თჳსი განზრახვით და ნეფსით ჴელნი
Line of ed.: 14    თჳსნი ჯუარსა ზედა განიპყრნენ, რომელსა ანგელოზნი გიგალობენ --
Line of ed.: 15    მხოლოსა ღმერთსა, პირველ საუკუნეთა უფალსა.

Line of ed.: 16       მწუხრისა მსხუერპლსა შევსწირავთ შენდა, ქრისტე ღმერთო ...
Line of ed.: 17    ჰურიანი მოკუდავად ... ჯოჯოხეთი წარმოტყუენე, მკუდარნი აღადგინენ
Line of ed.: 18    საფლავით, რომელსა ანგელოზნი გიგალობენ -- მხოლოსა
Line of ed.: 19    ღმერთსა, პირველ საუკუნეთა უფალსა.

Line of ed.: 20       ყოლად ნათელი ქალწული.

Line of ed.: 21       დედაჲ ხარ მეუფისაჲ.

Line of ed.: 22       გიხაროდენ, დედაო ნათ.

Line of ed.: 23       გიხაროდენ, ცანო და საყ.

Line of ed.: 24       რომელმან ქალწული საყდრად ქერაბინად გამოაჩინე და მისგან
Line of ed.: 25    გამოჰბრწყინდი მზე სიმართლისაჲ, მისითა მეოხებითა შეგუიწყალენ
Line of ed.: 26    ჩუენ, ღმერთო.

Line of ed.: 27       მწუხრისა მსხუერპლსა შევსწირავთ შენდა, ქრისტე ღმერთო,
Line of ed.: 28    რომელმან ჯერ-იჩინე ჴორცითა ვნება ჯუარსა ზედა და ღმრთეებისა
Line of ed.: 29    შენისა ძალითა კრულნი ჯოჯოხეთით აღმოიყვანენ, რომლისათჳს
Line of ed.: 30    გიგალობთ: ქრისტე, მხოლოო, ქველის-მოქმედ, შეგჳწყალენ ჩუენ.

Line of ed.: 31       ჴმასა მგალობელთა შენთასა ნუ უგულებელს-ჰყოფ, კაცთმოყუარე,
Page of ed.: 370   Line of ed.: 1    რომელმან სამისა დღისა დაფლვაჲ თავს-იდევ და ასდეგ მესამესა
Line of ed.: 2    დღესა და ადგომაჲ ყოველთა მოგუანიჭე. ამისთჳს თაყუანისვსცემთ
Line of ed.: 3    წმიდასა ადგომასა შენსა, ქრისტე.

Line of ed.: 4       წინაწარმეტყუელთა შენთა წინაჲთვე ქადაგეს მოსლვაჲ შენი,
Line of ed.: 5    მაცხოვარო ჩუენო, რომელმან ჴელნი თჳსნი ჯუარსა ზედა განიპყრენ
Line of ed.: 6    და გუერდისა შენისა წყლულებითა იჴსენ სოფელი, მეუფეო
Line of ed.: 7    დიდებისაო. ამისთჳსცა მორწმუნენი გიგალობთ შენ, მხოლოსა ღმერთსა,
Line of ed.: 8    პირველ საუკუნეთა უფალსა.

Line of ed.: 9       წინაწარმეტყუელთა პირველვე გამოსახეს ჯუარცუმაჲ შენი, მაცხოვარო
Line of ed.: 10    ყოველთაო, რამეთუ ჴელნი შენნი ჯუარსა ზედა განიპყრენ
Line of ed.: 11    და ღმრთეებისა ძალითა კრულნი ჯოჯოხეთით აღმოიყვანენ, რომელსა
Line of ed.: 12    ანგელოზნი გიგალობენ -- მხოლოსა, მოწყალესა, პირველ საუკუნეთა
Line of ed.: 13    უფალსა.

Line of ed.: 14       შენ, მეუფესა, ქრისტესა ღმერთსა ჩუენსა, რომელსა უშჯულონი
Line of ed.: 15    ჰურიანი მოკუდავად გგონებდეს, ხოლო შენ ჯოჯოხეთი წარმოსტყუენე
Line of ed.: 16    და განანათლენ დაბადებულნი თჳსნი, რომელსა ანგელოზნი
Line of ed.: 17    გიგალობენ -- მხოლოსა, მოწყალესა, პირველ საუკუნეთა უფალსა.

Line of ed.: 18       დიდების-მეტყუელებით აღვასრულებთ ადგომასა შენსა, მაცხოვარო
Line of ed.: 19    ჩუენო, რომელმან სამისა დღისა დაფლვაჲ თავს-იდევ და
Line of ed.: 20    ადგომითა შენითა ადგომაჲ ყოველთა მოგუანიჭე, რომელსა ანგელოზნი
Line of ed.: 21    თაყუანის-გცემენ -- მხოლოსა, სახიერსა, პირველ საუკუნითგან
Line of ed.: 22    მოწყალესა.

Line of ed.: 23       შენ, რომელი საფლავსა დაიდევ, ჯოჯოხეთი წარმოსტყუენე,
Line of ed.: 24    ასდეგ მესამესა დღესა, ადგომაჲ ყოველთა მოგუანიჭე, აჰმაღლდი
Line of ed.: 25    ზეცად და დასჯედ მარჯუენით მამისა და მოციქულთა სული წმიდაჲ
Line of ed.: 26    მოუვლინე და აღავსენ იგინი მადლითა შენმიერითა. ამისთჳს
Line of ed.: 27    ჩუენ, მორწმუნენი, ვღაღადებთ და ვიტყჳთ: დიდებაჲ დიდად შუენიერსა
Line of ed.: 28    ამაღლებასა შენსა.


Line of ed.: 29       ფსალმუნი

Line of ed.: 30       წარემართენ ლო (ps. 140, 2 Link to psa).


Line of ed.: 31       დასადებელი

Line of ed.: 32       შეითხინენ სათხე (ps. 140, 10 Link to psa).


Line of ed.: 33       ოხითაჲ

Line of ed.: 34       ბრწყინვალისა და დიდებულისა დღესასწაულისა -- ადგომისა
Line of ed.: 35    სასწაული მიიღეს უფლისა ღირსთა დედათა. ამას მოციქულთა ახარებდეს
Line of ed.: 36    და ეტყოდეს: ნუღარა დაემალვით, არამედ უქადაგებდით
Line of ed.: 37    წარმართთა მაცხოვრისა ჩუენისა მესამისა დღისა ადგომასა, რამეთუ
Page of ed.: 371   Line of ed.: 1    წარმოტყუენა სიკუდილი და ჩუენ მოგუანიჭა უჴრწნელებაჲ,
Line of ed.: 2    ცხორებაჲ და ადგომაჲ მხოლომან, მრავალმოწყალემან.


Line of ed.: 3       აქა აკურთხევდითსა

Line of ed.: 4       ადგომასა მაცხოვრისასა უგალობდეთ, ალელუაჲ.

Line of ed.: 5       მდგომარენი სახლსა ღმრთისასა უგალობდეთ, ალელუაჲ.

Line of ed.: 6       გუაცხოვნენ ჩუენ, ძეო ღმრთისაო, მაცხოვარო ჩუენო,
Line of ed.: 7    ალელუაჲ.

Line of ed.: 8       მოვედით, ერნო, უგალობდეთ უფალსა, ალელუაჲ, ადგომილსა
Line of ed.: 9    მკუდრეთით, ალელუაჲ, რომელმან სოფელი განანათლა, ალელუაჲ.

Line of ed.: 10       ქრისტემან, მაცხოვარმან ჩუენმან, ჩუენთჳს ჯუარცუმაჲ თავსიდვა,
Line of ed.: 11    ალელუა, საფლავსა დაიდვა და აღდგა მესამესა დღესა, ალელუა,
Line of ed.: 12    ჩუენ აღდგომაჲ მოგუანიჭა, ალელუა.

Line of ed.: 13       ეზოთა სახლისა ღმრთისა ჩუენისათა მდგომარენი ვაკურთხევდეთ,
Line of ed.: 14    ალელუა, განწმედილითა გულითა, ალელუა, ვღაღადებდეთ
Line of ed.: 15    ქრისტეს ღმრთისა მიმართ, ალელუა.


Line of ed.: 16       ჯუარისანი

Line of ed.: 17       ჯუარი წმიდაჲ ამა.

Line of ed.: 18       ძჱ ღმრთისაჲ ამაღლდა ჯუარსა.

Line of ed.: 19       წმიდასა ჯუარსა.

Line of ed.: 20       ჯუარი წმიდაჲ, სასოჲ მორწმუნე.

Line of ed.: 21       უფალო, ჯუარი შენი ჩუენ მო.


Line of ed.: 22       უგალობდითსა

Line of ed.: 23       ფარაო ეტლებითურთ ქრისტემან ღმერთმან ჩუენმან ზღუასა
Line of ed.: 24    დაანთქა და გამოიყვანა ერი თჳსი, სიხარულით ღაღადებდეს და
Line of ed.: 25    იტყოდეს: უგალობდეთ უფალსა, რამეთუ დიდებით დიდებულ
Line of ed.: 26    არს.

Line of ed.: 27       იხარებდით და იშუებდით, ყოველთა წარმართთა აიპყრენით
Line of ed.: 28    ჴელნი თქუენნი, რამეთუ ქრისტჱ ადგა მკუდრეთით და მშჳდობაჲ
Line of ed.: 29    მოგუანიჭა ჩუენ.

Line of ed.: 30       სიკუდილი მოაკუდინა ცხორების მომცემელმან ქრისტემან
Line of ed.: 31    ღმერთმან ჩუენმან და ადგა მკუდრეთით, ვაქებდეთ და ვიტყოდით:
Line of ed.: 32    უგალობდეთ უფალსა, რამეთუ დიდებით დიდებულ არს.

Page of ed.: 372  
Line of ed.: 1       ჯუარითა ქრისტემან სიკუდილი წარმოტყუენა და ცხორებაჲ
Line of ed.: 2    მოკუდავთა, ვითარცა ღმერთ არს, მოანიჭა. მას მხოლოსა უგალობდეთ,
Line of ed.: 3    რამეთუ დიდებით დიდებულ არს.

Line of ed.: 4       რომელმან სიტყუითა ღმერთი უთესლოდ შვა, ქალწულსა მარიამს
Line of ed.: 5    უგალობდეთ, მეოხსა ცხოვრებისათჳს სულთა ჩუენთაჲსა.

Line of ed.: 6       უგალობდეთ ღმერთსა, მაცხოვარსა ჩუენსა, რომელი ჴორციელ
Line of ed.: 7    იქმნა ქალწულისაგან და სოფელს ...

Line of ed.: 8       უგალობდეთ მაცხოვარსა ყოველთასა, რომელმან ...

Line of ed.: 9       აგამაღლოთ შენ, ღმერთი, მაცხოვარი ჩუენი, რომელი ასდეგ
Line of ed.: 10    მკუდრეთით, დასთრგუნე სიკუდილი.

Line of ed.: 11       იხარებს მჴედრობაჲ ანგელოზთაჲ და უგალობთ ქრისტესა
Line of ed.: 12    ადგომილსა.

Line of ed.: 13       წარმოსტყუენე სიკუდილისა სიმტკიცჱ, რომელი ჯუარს-ეცუ
Line of ed.: 14    ჩუენთჳს, დიდებაჲ შენდა, კაცთმოყუარე.

Line of ed.: 15       რომელი ჴორციელ იქმნა ქალწულისაგან -- ღმრთისა სიტყუაჲ,
Line of ed.: 16    ვადიდებდეთ მჴსნელსა ყოველთასა, ვაქებდეთ და ვიტყოდით:
Line of ed.: 17    უგალობდეთ უფალსა, რამეთუ დიდებით დიდებულ არს.


Line of ed.: 18       მოიხილესა

Line of ed.: 19       მოიხილე, ცაო, და ვიტყოდით და უგალობდეთ ღმერთსა მხოლოსა,
Line of ed.: 20    კაცთმოყუარესა.

Line of ed.: 21       დაგჳცვენ შენნი მოსავნი, რომელმან ძელსა ზედა ვნებაჲ თავსიდევ
Line of ed.: 22    ჩუენთჳს.

Line of ed.: 23       მართალ და წმიდა არს უფალი, რომელი ადგა მკუდრეთით და
Line of ed.: 24    მშჳდობაჲ მოგუანიჭა ჩუენ.

Line of ed.: 25       უბიწოო ღმრთისმშობელო, მარადის ქალწულო მარიამ, ჩუენთჳს
Line of ed.: 26    უფლისა მიმართ მეოხ გუეყავ.

Line of ed.: 27       იხილეთ, იხილეთ უფალი ღმერთი ჩუენი, მაცხოვარი სოფლისაჲ,
Line of ed.: 28    ნათელი ჭეშმარიტი, წყაროჲ ცხორებისაჲ, ძეჲ ღმრთისაჲ.

Line of ed.: 29       წმიდა არს, წმიდა არს უფალი ღმერთი ჩუენი, რომელი ურჩულოთა
Line of ed.: 30    მიერ საფლავსა დაიდვა, ვითარცა კაცი, ჩუენთჳს და ადგა,
Line of ed.: 31    ვითარცა ღმერთ არს, მხოლოჲ, მრავალმოწყალჱ.

Line of ed.: 32       დიდებაჲ შენდა, დიდებაჲ შენდა, მეუფეო, რომელი ნეფსით
Line of ed.: 33    ჯუარსა დაემრჭუალე, რაჲთა ვცხონდეთ მორწმუნენი ადგომითა
Line of ed.: 34    შენითა.

Page of ed.: 373  
Line of ed.: 1       განძლიერდასა

Line of ed.: 2       ... შენ უფალო, და დიდებულ ...

Line of ed.: 3       განმაძლიერე მე, ქრისტე, რომელი ქალწულისაგან იშევ
Line of ed.: 4    უთესლოდ, რამეთუ არავინ არს წმიდაჲ შენსა გარეშე, უფალო.

Line of ed.: 5       განმაძლიერე მე, ქრისტე, რომელმან ჯუარითა შენითა ჯოჯოხეთი
Line of ed.: 6    წარმოსტყუენე, რამეთუ არავინ არს წმიდაჲ შენსა გარეშე,
Line of ed.: 7    უფალო.

Line of ed.: 8       განმაძლიერე მე, ქრისტე, ჯუარითა შენითა პატიოსნითა და
Line of ed.: 9    ადგომითა შენითა მაცხოვნე მე, რამეთუ არავინ არს წმიდა შენსა
Line of ed.: 10    გარეშე, უფალო.

Line of ed.: 11       ჯუარსა დაემრჭუალე, ქრისტე, დაბადებულნი შეძრწუნდეს,
Line of ed.: 12    რამეთუ გიხილეს დარჩილი ურჩულოთა მიერ, რომელმან აღმოიყვანენ
Line of ed.: 13    კრულნი ღმრთეებითა შენითა, უფალო.

Line of ed.: 14       განანათლე, ქველის-მოქმედ, ადგომითა შენითა კაცთა ნათესავი,
Line of ed.: 15    რამეთუ არავინ არს წმიდაჲ შენსა გარეშე, უფალო.

Line of ed.: 16       დასცენ მტერნი ცხოველს-მყოფელისა ჯუარისა შენისანი და
Line of ed.: 17    ღმრთისმშობელისანი, და იჴსენ, გევედრები, განსაცდელისაგან სულნი
Line of ed.: 18    ჩუენნი.

Line of ed.: 19       მშუიდობა ყავ, ღმერთო, მოსავთათჳს ჯუარისა შენისათა, დაიცევ
Line of ed.: 20    ერი შენი ყოვლისაგან ბოროტისა.

Line of ed.: 21       მხოლოსა შორის დედათა დედასა და ქალწულსა, ვითარცა მხოლოჲსა
Line of ed.: 22    მშობელსა -- ქრისტეს ღმრთისა ჩუენისასა, დაუცხრომელად
Line of ed.: 23    ვადიდებდეთ.

Line of ed.: 24       ევაჲ განჰჴსენ, ქალწულო, შობითა შენითა და მოატყუ კაცთა
Line of ed.: 25    მოკუდავთა უკუდავებაჲ, ამისთჳსცა ღმრთისმშობელად აგიარებთ
Line of ed.: 26    და თაყუანის-გცემთ.


Line of ed.: 27       უფალო მესმასა

Line of ed.: 28       მესმა, უფალო, სმენაჲ შენი, დაუსაბამოდ შობილო, ნათლითა
Line of ed.: 29    ზეგარდამო შემკულო და მჴსნელო ყოვლისა სოფლისაო.

Line of ed.: 30       წარმოსტყუენენ მჴდომნი ჩუენნი ჯუარითა შენითა,
Line of ed.: 31    კაცთმოყუარე.

Line of ed.: 32       რომელი მესამესა დღესა ასდეგ მკუდრეთით და გუაცხოვნენ
Line of ed.: 33    ჩუენ, უფალო.

Line of ed.: 34       გამოუბრწყინდა მადლი შენი წარმართთა და იხილეს ყოველთა
Line of ed.: 35    კიდეთა დიდებაჲ შენი, რამეთუ ადგომითა შენითა, ქრისტე, ყოველი
Line of ed.: 36    სოფელი აცხოვნე.

Page of ed.: 374  
Line of ed.: 1       მოსცა უფსკრულმან ჴმაჲ თჳსი და გადიდებდა შენ, შემოქმედსა
Line of ed.: 2    ყოველთა, რამეთუ ჯუარითა შენითა, ქრისტე, ყოველი სოფელი
Line of ed.: 3    აცხოვნე.

Line of ed.: 4       საფლავსა დაიდევ, ვითარცა მკუდარი, და ასდეგ მესამესა დღესა,
Line of ed.: 5    ვითარცა ღმერთ ხარ, სოფელი ყოველი განანათლე ადგომითა
Line of ed.: 6    შენითა.

Line of ed.: 7       ქალწულად და დედად შენ გადიდებთ, ერთობით ღმრთისმშობელად
Line of ed.: 8    შენ გქადაგებთ, რამეთუ შენგან შობილმან ქრისტემან ყოველი
Line of ed.: 9    სოფელი აცხოვნა.

Line of ed.: 10       მესმა, უფალო, სმენაჲ შენი და გადიდებთ ყოველნი,
Line of ed.: 11    კაცთმოყუარე.

Line of ed.: 12       ამაღლდა უფალი ჯუარსა ზედა, ჩუენ ყოველთა ცოდვანი
Line of ed.: 13    მოგჳტევნა მაცხოვარმან ყოველთა დაბადებულთამან.

Line of ed.: 14       შევიდა უფალი ბჭეთა ჯოჯოხეთისათა, მყოფნი ბნელისანი განანათლნა
Line of ed.: 15    და მიჰმადლა მათ ადგომაჲ და ცხორებაჲ საუკუნოჲ.


Line of ed.: 16       ღამითგანსა

Line of ed.: 17       ღამითგან აღვიმსთობთ, შენდა დიდებასა შევსწირავთ, უფალო
Line of ed.: 18    ღმერთო ჩუენო, შენი მშჳდობაჲ მომეც ჩუენ, რამეთუ ჩუენ
Line of ed.: 19    შენსა გარეშე სხუაჲ ღმერთი არა ვიცით.

Line of ed.: 20       ნათელი გამოგჳბრწინდა ჩუენ ცხორებისაჲ -- ჯუარი შენი,
Line of ed.: 21    უფალო, რამეთუ ამით დასთრგუნე ამპარტავანებაჲ მტერისაჲ და
Line of ed.: 22    განგუნათლენ ჩუენ ადგომითა შენითა.

Line of ed.: 23       თაყუანის-ვცემთ, ქრისტე, დიდებულსა შენსა ადგომასა, რამეთუ
Line of ed.: 24    ჯოჯოხეთი წარმოსტყუენე და სიკვდილი მოაკუდინე და კაცთა
Line of ed.: 25    მოატყვ ადგომაჲ და ცხორებაჲ საუკუნოჲ.

Line of ed.: 26       ღამისა ლოცვასა შევსწირავთ შენდამი, ღმერთო, რამეთუ ნათელ
Line of ed.: 27    არიან ბრძანებანი შენნი.

Line of ed.: 28       უფალო ღმერთო ჩუენო, შენი მშჳდობაჲ მომეც ჩუენ, რამეთუ
Line of ed.: 29    ჩუენ შენსა გარეშე სხუაჲ ღმერთი არა ვიცით.

Line of ed.: 30       ჴორცითა ივნე, ღმრთეებით ასდეგ, მაცხოვარო ჩუენო, და სოფელი
Line of ed.: 31    იჴსენ ჴრწნილებისაგან.

Line of ed.: 32       ჯუარსა დაემრჭუალე, სიკუდილი მოაკუდინე, მაცხოვარო ჩუენო,
Line of ed.: 33    სოფელი იჴსენ ჴრწნილებისაგან.

Line of ed.: 34       გუახარეს მოციქულთა ადგომაჲ შენი, მაცხოვარ, რომლითა განათლდეს
Line of ed.: 35    მორწმუნენი შენნი.

Line of ed.: 36       უჴრწნელო ქალწულო, სიტყჳთა სიტყჳსა ღმრთისა მშობელო,
Line of ed.: 37    მეოხ იყავ მაქებელთა შენთათჳს.

Line of ed.: 38       ჯუარსა დაემშჭუალე, ჯოჯოხეთი წა.

Page of ed.: 375  
Line of ed.: 1       ყოველნი კიდენი განანათლნა, ქრისტე, შენმან აღდგომამან.

Line of ed.: 2       შენ ხარ ღმერთი ჩუენი, შეგჳწყალენ ჩუენ.


Line of ed.: 3       ღაღატყავსა

Line of ed.: 4       ვღაღატ-ყავ ჭირითა გულისა ჩემისაჲთა შენდამი, მოწყალისა
Line of ed.: 5    მიმართ ღმრთისა. ნუ უგულებელს-ჰყოფ, ქველის-მოქმედ, შეცოდებულსა
Line of ed.: 6    ერსა შენსა.

Line of ed.: 7       აჰჴედ ძელსა ზედა, ვითარცა ჯერ-იჩინე, შტაჰჴედ ჯოჯოხეთა,
Line of ed.: 8    სახიერ, და თანა-აღმადგინენ ჩუენ, ვითარცა მხოლომან, ყოლად
Line of ed.: 9    ძლიერმან ღმერთმან.

Line of ed.: 10       საფლავსა დაიდევ, ვითარცა მკუდარი, და ასდეგ მესამესა დღესა,
Line of ed.: 11    ვითარცა ღმერთ ხარ, სოფელი ყოველი აცხოვნე ადგომითა
Line of ed.: 12    შენითა.

Line of ed.: 13       მეოხებად ჩუენდა ნუ დასცხრები, მარადის ქალწულო, ქრისტესა,
Line of ed.: 14    შენგან შობილისა მიმართ ღმრთისა, რაჲთა აცხოვნოს, ვითარცა
Line of ed.: 15    ღმერთ არს, ერი, რომელსა არა აქუს სიტყჳს-გებაჲ.

Line of ed.: 16       ღაღადებდა იონა მუცელსა ვეშაპისასა. ვითარცა წყაროჲ აღმომდინერჱ
Line of ed.: 17    მწუერვალთა ზედა მთათასა სიწმიდით, ეგრე მწრაფლ
Line of ed.: 18    ესმოდა ღაღადებაჲ სასმენელთა შენთა, უფალო.

Line of ed.: 19       რომელმან ისმინე ჴმაჲ წინაწარმეტყუელისაჲ მის, რომელი ოხრიდა
Line of ed.: 20    მუცელსა ვეშაპისასა, ვითარცა ღელვაჲ აღტეხილი, არა ჰრიდე
Line of ed.: 21    საშინელებათაგან მისთა, არამედ წრაფით უბრძანე წარმოგდებაჲ
Line of ed.: 22    უფსკრულისაგან ქუეყნად.

Line of ed.: 23       უკულეველთა ღელვათა საშინელისა ზღჳსათა დაითქმოდა წინაწარმეტყუელი
Line of ed.: 24    იგი და ცრემლით ღაღადებდა: უფალო, უფალო, აღმომიყვანე
Line of ed.: 25    მე განჴრწნისაგან.

Line of ed.: 26       ღაღად-ვყავ ჭირსა ჩემსა მოწყალისა მიმართ ღმრთისა და ისმინა
Line of ed.: 27    ჩემი მხოლომან, შეუცოდებელმან და მიჴსნა მე ჴრწნილებისაგან
Line of ed.: 28    და სიკუდილისა უფალმან.

Line of ed.: 29       წინაწარმეტყუელი იჴსენ სახედ ვნებისა შენისა მცველისაგან
Line of ed.: 30    ვეშაპისა, კაცთმოყუარე, რომელი მესამესა დღესა ასდეგ მკუდრეთით
Line of ed.: 31    და მაცხოვნენ ჩუენ.

Line of ed.: 32       ჯუარსა დაემშჭუალე განზრახვით, მოწყალე, და გარდამოჴსნისა
Line of ed.: 33    შენისაგან სიხარული აღმოუცჱნე კაცთა ნათესავსა მოსატევებელად
Line of ed.: 34    ცოდვათა და ცხორებად საუკუნოდ, სახიერო უფალო.

Line of ed.: 35       სიტყუაჲ ჴორციელ იქმნა ქალწულისაგან და კაცებაჲ იჴმია უქცეველად,
Line of ed.: 36    რაჲთა აცხოვნოს სოფელი, ვითარცა კაცთმოყუარე არს.

Line of ed.: 37       მოსავნი მშობელისა შენისა.

Page of ed.: 376  
Line of ed.: 1       კურთხეულარსა

Line of ed.: 2       რომელი მაყულოვანსა შინა გამოუჩნდი ცეცხლითა რჩულისმდებელსა
Line of ed.: 3    და ქალწულისაგან შობაჲ მით პირველვე გამოსახე, კურთხეულ
Line of ed.: 4    ხარ შენ, უფალო ღმერთო მამათა ჩუენთაო.

Line of ed.: 5       რომელი ძელსა ზედა, ქრისტე, ჯუარისა შენისასა აჰმაღლდი,
Line of ed.: 6    რაჲთა იჴსნე მონებისაგან ნათესავი კაცთაჲ, კურთხეულ ხარ შენ,
Line of ed.: 7    უფალო ღმერთო მამათა ჩუენთაო.

Line of ed.: 8       რომელი საფლავსა დაიდევ ნეფსით, მოწყალე, და ჴელმწიფებაჲ
Line of ed.: 9    ეშმაკისაჲ და ძლიერებაჲ განაქარვე, კურტხეულ ხარ შენ, უფალო
Line of ed.: 10    ღმერთო მამათა ჩუენთაო.

Line of ed.: 11       რომელი ასდეგ მკუდრეთით მესამესა დღესა, სახიერ, და კაცთა
Line of ed.: 12    ნათესავი ჴრწნილებისაგან განათავისუფლე, კურთხეულ ხარ შენ,
Line of ed.: 13    უფალო ღმერთო მამათა ჩუენთაო.

Line of ed.: 14       ყოველნი მამასა და ძესა და წმიდასა სულსა უგალობდეთ,
Line of ed.: 15    მორწმუნენი ვღაღადებდეთ და ვიტყოდით: კურთხეულ ხარ შენ, უფალი
Line of ed.: 16    ღმერთო მამათა ჩუენთაო.

Line of ed.: 17       რომელი მოხუედ ჴსნად სოფლისა, მეუფეო საუკუნეო, ქრისტე,
Line of ed.: 18    შენ გაკურთხევთ, ღმერთო მამათა ჩუენთაო.

Line of ed.: 19       თავს-იდევ ვნებაჲ ნეფსით ჴორცითა და სიკუდილისა გემოჲ
Line of ed.: 20    იხილე, ქრისტე, შენ გაკურთხევთ, ღმერთო მამათა ჩუენთაო.

Line of ed.: 21       დაებეჭდე საფლავსა შინა, რომელმან მოაკუდინე სიკუდილი
Line of ed.: 22    და თანა-აღადგინენ მკუდარნი, ქრისტე, შენ გაკურთხევთ, ღმერთო
Line of ed.: 23    მამათა ჩუენთო.

Line of ed.: 24       ასდეგ მკუდრეთით მესამესა დღესა და ადგომითა შენითა კაცთაჲ
Line of ed.: 25    ნათესავი აცხოვნე, ქრისტე, შენ გაკურთხევთ, ღმერთო მამათა
Line of ed.: 26    ჩუენთაო.

Line of ed.: 27       საღმრთოთაგან წესთა ქადაგებითა სამებისაჲთა ბრძანებასა წინა-აუდგეს
Line of ed.: 28    ყრმანი ურჩულოჲსა მეფისასა და კერპსა ოქრიჲსასა არა
Line of ed.: 29    თაყუანი-სცეს და დაუცხრომელითა ჴმითა იტყოდეს: რომელი ხარ
Line of ed.: 30    პირველ საუკუნეთა ღმერთი, კურთხეულ ხარ.

Line of ed.: 31       სარწმუნოებითა ... მოვლინებითა ... დაუცხრომელითა ჴმითა იტყოდეს:
Line of ed.: 32    რომელი ხარ პირველ საუკუნეთა ღმერთი, კურთხეულ ხარ.

Line of ed.: 33       უპირატეს განკჳრვებულ იყ ... ხილვითა, რამეთუ ... მას შინა გალობით
Line of ed.: 34    იტყოდეს: რომელი ხარ პირველ საუკუნეთა ღმერთი, კურთხეულ
Line of ed.: 35    ხარ.

Page of ed.: 377  
Line of ed.: 1       ყოველნი საქმენი შენნი ჭეშმარიტებით არიან და წრფელ არიან
Line of ed.: 2    გზანი შენნი, უფალო ღმერთო მამათა ჩუენთაო.


Line of ed.: 3       აკურთხევდითსა

Line of ed.: 4       გალობასა შენდა შევსწირავთ ანგელოზთასა, ვითარცა ყრმანი
Line of ed.: 5    საჴმილსა შინა, აგამაღლებთ და ვიტყჳთ: აკურთხევდით ყოველნი
Line of ed.: 6    საქმენი უფლისანი უფალსა.

Line of ed.: 7       შენ, ქრისტე, გაკურთხევთ, ვითარცა მოწყალე ხარ, რომელი
Line of ed.: 8    იშევ ქალწულისაგან, აგამაღლებთ და ვიტყჳთ: აკურთხევდით
Line of ed.: 9    ყოველნი საქმენი უფალისანი უფალსა.

Line of ed.: 10       შენ, ქრისტე, გაკურთხევთ, ვითარცა მოწყალე ხარ, რომელი
Line of ed.: 11    ჯუარს-ეცვ, დაეფალ და ასდეგ უჴრწნელად აგამაღლებთ და ვიტყჳთ:
Line of ed.: 12    აკურთხევდით ყოველნი საქმენი უფლისანი უფალსა.

Line of ed.: 13       შენ, სამებასა, გაკურთხევთ და თაყუანის-გცემთ ერთსა ღმრთეებასა
Line of ed.: 14    და მეუფებასა, აგამაღლებთ და ვიტყჳთ: აკურთხევდით ყოველნი
Line of ed.: 15    საქმნი უფლისანი უფალსა.

Line of ed.: 16       დაუსაბამოჲ სიტყუაჲ მამისაჲ, რომელი მოივლინა ზეცით ქუეყანად
Line of ed.: 17    ნებითა მამისაჲთა, უგალობდეთ და უფროაჲსად ავამაღლებდეთ
Line of ed.: 18    მას უკუნისამდე.

Line of ed.: 19       რომელი განჴორციელდა ქალწულისაგან და იჴსნა ჴრწნილებისაგან
Line of ed.: 20    პირველ შექმნული ადამ, უგალობდით და უფროჲსად აამაღლებდით
Line of ed.: 21    მას უკუნისამდე.

Line of ed.: 22       ჯუარსა დაემრჭუალა ჴორცითა, ურჩულოთა ... უნებელი ღმერთი
Line of ed.: 23    და ჩუენ განგუათავისუფლნა წყევისაგა, უგალობდით და უფროჲსად
Line of ed.: 24    ამაღლებდით მას უკუნისამდე.

Line of ed.: 25       რომელი ახალსა საფლავსა დაიდვა, დიდებით ადგა მესამესა დღესა,
Line of ed.: 26    უგალობდეთ და უფროჲსად ავამაღლებდეთ მას უკუნისამდე.

Line of ed.: 27       ჯუარცუმულსა, დაფლულსა და ადგომილსა მკდრეთით მესამესა
Line of ed.: 28    დღესა უგალობდით და უფროჲსად აამაღლებდით მას
Line of ed.: 29    უკუნისამდე.

Line of ed.: 30       ყრმანი მჴნედ გამოჩნდეს ბაბილონს, რომელთა შეურაცხ-ყვეს
Line of ed.: 31    ბრძანებაჲ მეფისაჲ და კერპსა ოქროჲსასა არა თაყუანის-სცეს. უგალობდეთ
Line of ed.: 32    და უფროჲსად ავამაღლებდეთ მას უკუნისამდე.

Line of ed.: 33       სამებასა ერთარსებასა, ერთღმრთეებასა -- მამასა და ძესა და
Line of ed.: 34    წმიდასა სულსა უგალობდეთ და უფროჲსად ავამაღლებდეთ მას
Line of ed.: 35    უკუნისამდე. რომელი კაცთმოყუარებისათჳს მოივლინა ზეცით, ქალწულისაგან
Line of ed.: 36    ჴორცნი შეიმოსა, უფალსა უგალობდით და უფროჲსად აამაღლებდით
Line of ed.: 37    მას უკუნისამდე.

Line of ed.: 38       რომელი პირველ საუკუნეთა მამისა თანა განაგებდა, ჯუარსა
Line of ed.: 39    ზედა ჴელნი განიპყრნა, უფალსა უგალობდეთ და უროჲსად ავამარლებდეთ
Line of ed.: 40    მას უკუნისამდე.

Page of ed.: 378  
Line of ed.: 1       რომელი საფლავსა დაიდგა ვითარცა კაცი, მყოფთა ბნელსათა
Line of ed.: 2    ნათელი გამოუბრწყინდა, უფალსა უგალობდეთ და უფროჲსად
Line of ed.: 3    ავამაღლებდეთ მას უკუნისამდე.

Line of ed.: 4       რომელი ადგა საფლავით მესამესა დღესა და ადგომაჲ ყოველთა
Line of ed.: 5    მოგუანიჭა, უფალსა უგალობდეთ და უფროჲსად ავამაღლებდეთ
Line of ed.: 6    მას უკუნისამდე.

Line of ed.: 7       რომელი გამოუჩნდა ბაბილონს საჴმილსა მას, სამებისა რიცხვნი
Line of ed.: 8    ყრამანი ცეცხლისაგან განარინნა, უფალსა უგალობდით და უფროჲსად
Line of ed.: 9    აამაღლებდით მას უკუნისამდე.

Line of ed.: 10       მამასა და ძესა და წმიდასა სულსა მორწმუნენი უგალობდეთ
Line of ed.: 11    და ერთობით ვღაღადებდეთ და ვიტყოდით: უფალსა უგალობდეთ
Line of ed.: 12    და უფროჲსად ავამაღლებდეთ მას უკუნისამდე.

Line of ed.: 13       შობილსა ქალწულისაგან ჭეშმარიტსა ძესა ღმრთისასა უგალობდით
Line of ed.: 14    და უფროჲსად ამაღლებდით მას უკუნისამდე.

Line of ed.: 15       რომელი ნეფსით ჩუენთჳს ჯუარსა დაემსჭუალა და განახუნა
Line of ed.: 16    ჯუარითა სამოთხისა ბჭენი ქრისტემან ღმერთმან ჩუენმან, უგალობდით
Line of ed.: 17    და უფროჲსად ამაღლებდით მას უკუნისამდე.

Line of ed.: 18       შენ, ქრისტე, გაკურთხევთ, ვითარცა მოწყალე ხარ, რომელმან
Line of ed.: 19    ივნა და განიპყრენ ჴელნი თჳსნი ჯუარსა ზედა, აგამაღლებთ და
Line of ed.: 20    ვიტყჳთ: აკურთხევდით ყოველნი საქმენი უფლისანი უფალსა.

Line of ed.: 21       სამებასა ერთარსებასა მორწმუნენი უგალობდეთ -- მამასა და
Line of ed.: 22    ძესა და წმიდასა სულსა, დიდების-მეტყუელებით ვადიდებდეთ და
Line of ed.: 23    ვიტყოდით: აკურთხებდით ყოველნი საქმენი უფლისანი უფალსა.


Line of ed.: 24       ადიდებდითსა

Line of ed.: 25       შენ, რომელი გიხილა, ბჭეჲ, ეზეკიელ წინაწარმეტყუელმან, რომელი
Line of ed.: 26    არავინ გავლო, გარნა ღმერთმან მხოლომან, ღმრთისმშობელო
Line of ed.: 27    ქალწულო, გალობით გადიდებთ.

Line of ed.: 28       შენ, რომელი ზეცით გარდამოჰჴედ და დაემკჳდრე მუცელსა
Line of ed.: 29    ქალწულისასა, დიდი საიდუმლოჲ, იშევ ქალწულისაგან მეუფჱ საუკუნოჲ
Line of ed.: 30    გალობით გადიდებთ.

Line of ed.: 31       შენ ქუეყანასა გამოსჩნდი და მამისაგან არა განეშორე მხოლოჲ
Line of ed.: 32    ქველის-მოქმედი ღმერთი და მაცხოვარი ნათესავისა კაცთაჲსა,
Line of ed.: 33    გალობით გადიდებთ.

Line of ed.: 34       შენ, რომელმან ვნებაჲ ნეფსით ჯუარსა ზედა თავს-იდევ, დაეფალ
Line of ed.: 35    და ასდეგ მესამესა დღესა, რაჲთა აცხოვნნე მორწმუნენი, გალობით
Line of ed.: 36    გადიდებთ.

Page of ed.: 379  
Line of ed.: 1       შენ, რომელი ასდეგ მკუდრეთით და ეჩუენე წმიდათა მათ დედათა,
Line of ed.: 2    რომელნი წრაფით მივიდეს მოციქულთა თანა და შენი ადგამაჲ
Line of ed.: 3    ახარეს, გალობით გადიდებთ.

Line of ed.: 4       დედაჲ ხარ მეუფისაჲ, ქრისტჱს ღმრთისაჲ, რომელი ... წმიდასა
Line of ed.: 5    შინა, გუაცხოვნენ შეცოდებულნი ესე. ღმრთისმშობელო, მოგუმადლე
Line of ed.: 6    სიმრავლჱ წყალობისაჲ.

Line of ed.: 7       კურთხეულ არს ქრისტე ღმერთი ჩუენი, რომელი უთესლოდ იშვა
Line of ed.: 8    ქალწულისაგან ცხორებად ნათესავისათჳს კაცთაჲსა.

Line of ed.: 9       კურთეულ არს უფალი, რომელმან თავს-იდვა ნეფსით ჯუარსა
Line of ed.: 10    ზედა ვნებაჲ და აჴოცნა ცოდვანი სოფლისანი.

Line of ed.: 11       სიტყუაჲ დაუსაბამოჲ გამოგჳჩნდი, ჴორციელ იქმენ ქალწულისაგან,
Line of ed.: 12    ჯუარს-ეცუ ნეფსით ჩუენთჳს და სიკუდილი მოკუდინე.
Line of ed.: 13    ქრისტე მეუფეო, გადიდებთ შენ.

Line of ed.: 14       რომელი ახალსა საფლავსა დაიდევ და მესამესა დღესა ასდეგ
Line of ed.: 15    მკუდრეთით და მარჯუენით მამისა დაშჯედ, ქრისტე მეუფეო, გადიდებთ
Line of ed.: 16    შენ.

Line of ed.: 17       რომელმან დასაბამითგან დამონებულნი სიკუდილსა პატიოსნითა
Line of ed.: 18    სისხლითა შენითა განგუათავისუფლენ, ქრისტე მეუფეო, გადიდებთ
Line of ed.: 19    შენ.

Line of ed.: 20       შენ, დიდებულო ღმრთისმშობელო, ქალწულო, ჴმითა გალობისაჲთა
Line of ed.: 21    ერთობით დაუცხრომელად გადიდებთ.

Line of ed.: 22       შენ, ზეცისა ბჭე, კარავი სიწმიდისაჲ, რომელმან ღმერთი შევ
Line of ed.: 23    და ქალწულადვე დაადგერ, გალობით გადიდებთ, ღმრთისმშობელ
Line of ed.: 24    ხარ, გალობით გადიდებთ.

Line of ed.: 25       შენ, ქალწულსა და უბიწ.

Line of ed.: 26       რომელი აურაცხელითა კაცთმოყუარებითა ამაღლდა ჯუარსა
Line of ed.: 27    ზედა, ვნებაჲ თავს-იდვა, გემოჲ სიკუდილისაჲ იხილა ჴორცითა
Line of ed.: 28    ნეფსით თჳსით და, რომელნი წყევასა ქუეშე ვიყვენით, გამოგჳჴსნნა,
Line of ed.: 29    მას ვადიდებდეთ.

Line of ed.: 30       შენ, დაისაბამოსა მამასა, ღმერთსა და თანა-დაუსაბამოსა
Line of ed.: 31    სიტყუასა, ძესა და სულსა შენსა წმიდასა მორწმუნენი ვადიდებდეთ.

Line of ed.: 32       გადიდებს ყოველი თესლები, სახარულევანო, პატიოსანსა მარგალიტსა,
Line of ed.: 33    რომელმან იტჳრთე მეუფეჲ, შემოქმედი ყოველთაჲ და
Line of ed.: 34    მჴსნელი სულთა ჩუენთაჲ.


Line of ed.: 35       წარდგომანი ცისკრისანი

Line of ed.: 36       განიღჳძე და მომხედენ განკითხ (ps. 34, 23 Link to psa).


Line of ed.: 37       დასადებელი

Line of ed.: 38       საჯენ, უფალო, მავნებელნი ჩემნი (ps. 34, 1 Link to psa).

Page of ed.: 380  
Line of ed.: 1       სხუაჲ

Line of ed.: 2       აღდეგ, ღმერთო, განსაჯე ქუეყანაჲ (ps. 81, 8 Link to psa).


Line of ed.: 3       დასადებელი

Line of ed.: 4       ღმერთი დადგა შესაკრებელსა (ps. 81, 1 Link to psa).


Line of ed.: 5       სხუაჲ

Line of ed.: 6       ყოველი სული აქებდით უფალსა (ps. 150, 6 Link to psa).


Line of ed.: 7       დასადებელი

Line of ed.: 8       აქებდით ღმერთსა სიწმიდესა შინა მისსა ვიდრე ყოველი
Line of ed.: 9    სული (ps. 150, 1-6 Link to psa).


Line of ed.: 10       სხუაჲ

Line of ed.: 11       სუფევს უფალი უკუნისამდე (ps. 145, 10 Link to psa).


Line of ed.: 12       დასადებელი

Line of ed.: 13       ღმერთი შენი, სიონ, თეს (ps. 145, 10 Link to psa).


Line of ed.: 14       გარდამოთქმანი

Line of ed.: 15       მიუთხრეს ყოველი საკჳრველებაჲ მცველთა შენთა, უფალო,
Line of ed.: 16    არამედ კრებულმან ამაოებისამან აუვსო ქრთამითა მარჯუენაჲ მათი,
Line of ed.: 17    დაფარვას ჰგონებდეს ადგომასა შენსა, რომელსა ყოველი სოფელი
Line of ed.: 18    გადიდებს. შეგჳწყალენ ჩუენ.


Line of ed.: 19       აქებდითსა

Line of ed.: 20       ვაქებდეთ ღმერთსა, მამასა მოწყალესა, რომელმან მოავლინა
Line of ed.: 21    ძჱ თჳსი მჴსნელად სოფლისა და იჴსნა ნათესავი კაცთაჲ ადგომითა
Line of ed.: 22    მისითა.

Line of ed.: 23       ვაქებდეთ ქრისტესა, რომელი ჯუარს-ეცუა ზედა გოლგათას
Line of ed.: 24    ჩუენთჳს და დაეფლა ახალსა საფლავსა და ჩუენ მოგუანიჭა მოტევებაჲ
Line of ed.: 25    ცოდვათაჲ.

Line of ed.: 26       ჯუარითა შევიდა ქრისტე ჯოჯოხეთა ჩუენთჳს, ძალი მტერისაჲ
Line of ed.: 27    შემუსრა და მას შინა მყოფნი ძლევით ნათლად გამოიყვანნა.

Line of ed.: 28       ცისკარსა მოვიდეს დედანი ნელსაცხებლითა საფლავად და
Line of ed.: 29    არა გპოვეს შენ, და ახარა მათ ანგელოზმან ადგომაჲ შენი, ქრისტე.

Page of ed.: 381  
Line of ed.: 1       მსგავსად ელვისა ეჩუენა ანგელოზი წმიდათა მათ დედათა, ახარებდა
Line of ed.: 2    და ეტყოდა: ნუ ეძიებთ აქა, რამეთუ ადგომილ არს უფალი.

Line of ed.: 3       ღაღადებდა ანგელოზი და ეტყოდა დედათა მათ: წარვედით და
Line of ed.: 4    ახარეთ მოციქულთა, რამეთუ ადგომილ არს მაცხოვარი ყოველთაჲ.

Line of ed.: 5       მოსლვაჲ შენი, ქრისტე, წინაწარმეტყუელთა ქადაგეს, და ადგომაჲ
Line of ed.: 6    შენი ანგელოზმან გუახარა, და ადგომამან შენმან კაცთა ნათესავი
Line of ed.: 7    აცხოვნა.

Line of ed.: 8       აქებდით უფალსა ყოველნი ანგელოზნი მისნი, აქებდით მას მაღალთა
Line of ed.: 9    შინა.

Line of ed.: 10       ნეფსით ჯუარსა ზედა ამაღლებულსა ქრისტესა ვაქებდეთ, ცხორების
Line of ed.: 11    მომცემელსა, რამეთუ ჯოჯოხეთი წარმოტყუენა ადგომითა
Line of ed.: 12    მისითა.

Line of ed.: 13       კარისაგან საფლავისა გარდააგორვა ლოდი ანგელოზმან და ღაღადებდა,
Line of ed.: 14    ვითარმედ: ადგა ქრისტე.

Line of ed.: 15       ნელსაცხებლის მიმღებელნი საფლავსა შენსა გეძიებდეს შენ
Line of ed.: 16    ტირილით, ცხორების მომცემელსა და ადგომილსა ქრისტესა.

Line of ed.: 17       ოდეს საფლავსა დაგდვეს შენ, მაცხოვარ, ვითარცა საფასესა
Line of ed.: 18    ცხორებისასა, ერისაგანნი გცვიდეს.

Line of ed.: 19       ხოლო შენ ჯუარითა შეხუედ და წარმოსტყუენე ჯოჯოხეთი და
Line of ed.: 20    განაახლე ადამი და მყოფთა ბნელისათა ნათელი გამოუბრწყინვე.

Line of ed.: 21       საშინელმან ანგელოზისა ხილვამან დიდებულსა შენსა საფლავსა
Line of ed.: 22    მცველნი შეაშინნა.

Line of ed.: 23       საცნაურთა და ჴორცშეუსხმელთა მიერ სიტყუათა ღაღადებით
Line of ed.: 24    წმიდათა მათ დედათა განუქარვა გლოვაჲ და მწუხარებაჲ.

Line of ed.: 25       ეჰა დედანო, მღჳძარენო და ღმრთის-მოყუარენო, ყოველთა
Line of ed.: 26    სასოსა და ადგომილსა მკუდართა თანა ნუ ეძიებთ.

Line of ed.: 27       ბრძანებაჲ ანგელოზისაჲ მის აღასრულეს დედათა მათ, წარვიდეს
Line of ed.: 28    და ახარეს მოწაფეთა და მოწაფენი მისნი წარვიდეს
Line of ed.: 29    გალილეად.

Line of ed.: 30       სიხარულსა და დიდსა ძალსა სულნელებისასა ღირს იქმნეს
Line of ed.: 31    წმიდანი იგი დედანი და ადგომაჲ უფლისაჲ იხილეს.

Page of ed.: 382  
Line of ed.: 1       ადგა უფალი მკუდრეთით, განმანათლებელი სოფლისა და მჴსნელი
Line of ed.: 2    სულთა ჩუენთაჲ.

Line of ed.: 3       სიხარულით მიიქცეს ხარებად მოციქულთა, რაჲ-იგი იხილეს,
Line of ed.: 4    და ეტყოდეს: ადგა უფალი მკუდრეთით.

Line of ed.: 5       ყოველთა შემოქმედმან ღმერთმან წარმოტყუენა ჯოჯოხეთი
Line of ed.: 6    ძლევითა და ადგომაჲ ყოველთა მოანიჭა.



Line of ed.: 7  შემკობანი და შესხმანი ყოლად წმიდისა და დიდებულისა, წმიდისა
Line of ed.: 8  ღმრთისმშობლისანი


Line of ed.: 9       ყოლად ნათელი ქალწ.

Line of ed.: 10       რომელმან გამოგარჩ.

Line of ed.: 11       რომელმან თანა-არსი მამისაჲ მუცლად-იღე საშოსა შენსა,
Line of ed.: 12    ყოლად წმიდაო ქალწულო, და გარდამოსლვითა შენ ზედა სულისა
Line of ed.: 13    წმიდისაჲთა ესე ჴორციელად უშევ სოფელსა, მეოხ გუეყავ დაუცხრომელად
Line of ed.: 14    ჴსნად სულთა ჩუენთათჳს.

Line of ed.: 15       რომელი გამოუკლ ...ა პატი.

Line of ed.: 16       ტაძარი ხარ მაცხოვრისაჲ და სანთელი ჭეშმარიტი, ქალწულო
Line of ed.: 17    მარიამ, ქერობინთა მობაძავი და განმანათლებელი სულთა
Line of ed.: 18    ჩუენთაჲ.

Line of ed.: 19       დედაჲ ხარ მეუფ.

Line of ed.: 20       გიხაროდენ ცასა და საყდარსა, გიხაროდენ ზღუდესა და
Line of ed.: 21    ბჭესა, გიხაროდენ ქალწულსა, რომელსა ზედა სული წმინდაჲ გარდამოჴდა,
Line of ed.: 22    ვითარცა წჳმაჲ საწმისსა ზედა.

Line of ed.: 23       გიხაროდენ, დედაო ნათლისაო, გიხაროდენ მხოლო.

Line of ed.: 24       გიხაროდენ, სა.

Line of ed.: 25       გიხაროდენ, ყოლად წმიდაო ღმრთისმშობელო მარიამ, შემკუ.

Line of ed.: 26       სიქადულო სოფლისაო ღმრთისმშ.

Line of ed.: 27       ანგელოზისა მიერ ხარებული სიტყუაჲ ღმრთისაჲ.

Line of ed.: 28       დედათა შორის ხარ, კურთხეულ ხარ და ანგელოზმან.

Line of ed.: 29       რომელი შუენიერი ზღუდჱ და მფარველი მორწმუნეთაჲ გამოშჩნდი,
Line of ed.: 30    ღმრთისა დედაო მარიამ, სასძლოდ იწოდე შენ, ქალწულო,
Line of ed.: 31    ნებითა მამისაჲთა სიხარული გაბრიელისაგან მიიღე, ესე
Line of ed.: 32    თჳთ იყო უფალი და ღმერთი, მახარებელ და ნუგეშინის-მცემელ. შემოქმედი
Line of ed.: 33    ცათაჲ და დამბადებელი ანგელოზთაჲ შენ დაიტიე, ქალწულო.
Line of ed.: 34    მას ევედრე ცხორებისათჳს ჩუენისა, შემწეო და მფარველო
Line of ed.: 35    მორწმუნეთა შენთა.


Line of ed.: 36       სამხრად ფსალმუნი

Line of ed.: 37       ჰქმენ ცხორებაჲ შორის ქუეყანასა (ps. 73, 12 Link to psa).


Line of ed.: 38       დასადებელი

Line of ed.: 39       მთაჲ სიონი, რომელ (ps. 73, 2 Link to psa).

Page of ed.: 383  
Line of ed.: 1       შენი არს დღჱ და შენი არ (ps. 73, 16 Link to psa).


Line of ed.: 2       ალელუაჲთ ფსალმუნი

Line of ed.: 3       შეგიყუარო შენ უფალო (ps. 17, 2 Link to psa).

Line of ed.: 4       უფლისაჲ არს ქუეყანაჲ და სავსე (ps. 23, 1 Link to psa).


Line of ed.: 5       სხუაჲ

Line of ed.: 6       მოიცალეთ და გულისხმა (ps. 45, 11 Link to psa).


Line of ed.: 7       ჴელთაბანისაჲ

Line of ed.: 8       მოვედით უფლისა, მიიღეთ ნათელი და პირსა თქუენსა არა
Line of ed.: 9    ჰრცხუენეს, რამეთუ რომელნი მის თანა დავეფლენით, მის თანაცა
Line of ed.: 10    ავდგეთ განათლებულნი სულისაგან წმიდისა, რამეთუ მან უძლურებანი
Line of ed.: 11    ჩუენნი იტჳრთნა და ცოდვანი ჩუენნი თავს-ისხნა. უნებელი
Line of ed.: 12    ღმერთი ჴორცითა ნეფსით ჯუარსა დაემრჭუალა, უკუდავი მოკუდავთათჳს
Line of ed.: 13    საფლავსა დაიდვა და ადგა მესამესა დღესა. მან ჩუენ
Line of ed.: 14    ადგომაჲ მოგუანიჭა, ჩუენ მადლობაჲ მისა შევწიროთ, გალობაჲ და
Line of ed.: 15    ქებაჲ და დიდებაჲ უკუნისამდე.


Line of ed.: 16       სიწმიდისაჲ

Line of ed.: 17       კრებული მთავარანგელოზთაჲ და ანგელოზთაჲ დაუცხრომელითა
Line of ed.: 18    ჴმითა გაქებენ, გადიდებენ სამებასა ერთარსებასა: წმიდა ხარ,
Line of ed.: 19    წმიდა ხარ, წმიდა ხარ, უფალო! სავსე არიან ცანი და ქუეყანაჲ დიდებითა
Line of ed.: 20    შენითა, მაცხოვარო ჩუენო.

Line of ed.: 21       საშინელისა და უხილავისა, უხილავთა საყდართა ზედა მჯდომარისა
Line of ed.: 22    მეუფისა ყოველთაჲსა მადიდებელნი ადგომისა შენისანი
Line of ed.: 23    მსხუერპლსა შენდა შევსწირავთ, რომელი უხილავ ხარ ღმრთეებითა
Line of ed.: 24    და თუალთ-შეუდგამ ბრწყინვალებითა. უხილავსა გმსახურებენ
Line of ed.: 25    მრავალთუალნი ქერობინნი და ექუს-ექუსფრთენი სერაბინნი, დაუცხრომელითა
Line of ed.: 26    ჴმითა ღაღადებენ და იტყჳან: წმიდა არს, წმიდა არს,
Line of ed.: 27    წმიდა არს უფალი, მეუფჱ დიდებისაჲ.

Line of ed.: 28       აივსო დიდებითა ტაძარი.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.