TITUS
Udzv.iadg.
Part No. 171
Previous part

Date: WPasch._1_d   Link to lektpar
Page of ed.: 420  
Line of ed.: 1  დასადებელნი ადგომისანი ჴ̃ჲ დ


Line of ed.: 2       უფალო ღაღატყავსა

Line of ed.: 3       მწუხრისა გალობასა და სიტჳერსა მსხუერპლსა შენდა, ქრისტე,
Line of ed.: 4    შევსწირავთ, რამეთუ სათნო-იჩინე შეწყნარებაჲ ჩუენი ადგომითა
Line of ed.: 5    შენითა.

Line of ed.: 6       უფალო, უფალო, ნუ განმაგდებ მე პირისა შენისაგან, არამედ
Line of ed.: 7    ინებე შეწყნარებაჲ ჩუენი ადგომითა შენითა.

Line of ed.: 8       ჩუენ, უფალო ადგომასა შენსა წმიდასა გიღაღადებთ: აცხოვნენ
Line of ed.: 9    სულნი ჩუენნი, ვითარცა კაცთმოყუარე ხარ.

Line of ed.: 10       ადგომითა შენითა, ქრისტე ღმერთო, ნათელი ჩუენ გამოგჳბრწყინდა
Line of ed.: 11    წარუვალი.

Line of ed.: 12       ადგომასა შენსა, მაცხოვარო ჩუენო, იხარებენ ანგელზნი და
Line of ed.: 13    კაცნი.

Line of ed.: 14       მწუხრისა მსხუერპლსა შევსწირავთ შენდამი, მაცხოვარ, რომელმან
Line of ed.: 15    დღენი ჩუენნი მშჳდობით აღასრულენ და მორწმუნენი ამას
Line of ed.: 16    ვედრებასა შენდა შევსწირავთ: გევედრებით, შეგჳწყალენ ჩუენ წმიდითა
Line of ed.: 17    ადგომითა შენითა.

Line of ed.: 18       ჯუარსა ზედა რაჲ იხილვებოდე, მაცხოვარ, და მნათობთა ვერ
Line of ed.: 19    იტჳრთეს შეურაცხებაჲ შენი, მწუხარე იქმნეს. ხოლო შენ ძლიერებით
Line of ed.: 20    მესამესა დღესა საფლავით აღმოჰბრწყინდი. გევედრებით შენ,
Line of ed.: 21    შეგჳწყალენ ჩუენ, ძეო ღმრთისაო, წმიდითა ადგომითა შენითა.

Line of ed.: 22       განანათლენ ყოველნი მორწმუნენი საფლავით აღმობრწყინებითა
Line of ed.: 23    შენითა, ქრისტე, რამეთუ ანგელოზთა თანაზიარ ჰყვენ ძენი კაცთანი
Line of ed.: 24    და ცხოვრებაჲ საუკუნოჲ მოგუმადლე. ამისთჳსცა გევედრებით შენ:
Line of ed.: 25    შეგჳწყალენ ჩუენ, ძეო ღმრთისაო, წმიდითა ადგომითა
Line of ed.: 26    შენითა.

Line of ed.: 27       დღეს ბანაკი ანგელოზთაჲ აღიძვრის საკჳრველად, რომელმან
Line of ed.: 28    საიდუმლოჲ ესე პირველ გამოაჩინე მამისა მიერ, ნათელი ადგომისაჲ
Page of ed.: 421   Line of ed.: 1    დასაბამად დღეთა განაწესე, რომლისათჳსცა მჴედრობაჲ უჴორცოთა
Line of ed.: 2    შენთაჲ, ქრისტე, დიდების-მეტყუელებს უჴრწნელსა შენსა ადგომასა.

Line of ed.: 3       რომელმან, ვიდრე ადგომამდე მამამთავართა და მოციქულთა,
Line of ed.: 4    წინაჲთვე აუწყე დიდებული საფლავისა შენისა ადგილი განხუმითა
Line of ed.: 5    ზეცით ბჭეთაჲთა და გარდამოსლვითა ანგელოზთაჲთა ზედა უჴრწნელსა
Line of ed.: 6    გუამსა შენსა, მაცხოვარ, ამისთჳსცა ყოველი სოფელი
Line of ed.: 7    განანათლე.

Line of ed.: 8       შენ თაყუანის-გცეს მოციქულთა, გალილეას ადგომილსა, მაცხოვარ,
Line of ed.: 9    რომელმან პირველი შექმნულისა მის ვეშაპისა ბჭენი განხეთქენ
Line of ed.: 10    და ძლიერებითა ღმრთეებისაჲთა მოქლონნი საუკუნენი შეჰმუსრენ
Line of ed.: 11    და პირველი მამაჲ ჩუენი აღმოიყვანე. ამისთჳსცა ყოველი სოფელი
Line of ed.: 12    იხარებს და იშუებს, რომელ ჰქმენ, უფალო.

Line of ed.: 13       უფალო, მოხედენ ლოცვასა ჩემსა და ნუ მიმცემ მე ჴელთა უშჯულოჲსათა
Line of ed.: 14    წარსაწყმედელად, არამედ ინებე შეწყნარებაჲ ჩუენი
Line of ed.: 15    ადგომითა შენითა.

Line of ed.: 16       წინაწარმეტყუელნი შენნი პირითვე ქადაგებ.

Line of ed.: 17       შე-რაჲ-ხუედ საფლავად ღმრთეებაჲ უვნებელი და პირველ შექმნული
Line of ed.: 18    იგი, ცთომისაგან დაცემული, აღადგინე და მამადმთავარნი
Line of ed.: 19    ნათლად აღმოიყვანენ, ამისთჳსცა თაყუანის-ვსცემთ წმიდასა ადგომასა
Line of ed.: 20    შენსა, ქრისტე.

Line of ed.: 21       წინაშე შენსა, ღმრთისმშობ.

Line of ed.: 22       საყდარ ექმ.

Line of ed.: 23       კეთილი საუნჯჱ.

Line of ed.: 24       გიხაროდენ, სახარუ.

Line of ed.: 25       დიდი საყუდე.

Line of ed.: 26       ოდეს შენ ჰურიათა დაგბეჭდეს, ვითარცა საფასე ცხორებისაჲ,
Line of ed.: 27    და ზედა ერისაგანნი მცველად განაწესნეს, ხოლო ბრწყინვალებამან
Line of ed.: 28    ანგელოზისამან დასცნა იგინი და იქმნეს ვითარცა მკუდარნი, ამისთჳსცა
Line of ed.: 29    თაყუანის-ვსცემთ წმიდასა ადგომასა შენსა, ქრისტე.


Line of ed.: 30       ოხითაჲ

Line of ed.: 31       აღმადგინნა ჩუენ ქრისტემან გლახაკებისაგან და განგუანათლნა
Line of ed.: 32    ჩუენ ადგომითა მისითა და მოგუცა ჩუენ სარწმუნოებაჲ
Line of ed.: 33    სამებისაჲ.


Line of ed.: 34       ფსალმუნი

Line of ed.: 35       წარემართე (ps. 140, 2 Link to psa).

Page of ed.: 422  
Line of ed.: 1       დასადებელი

Line of ed.: 2       დაიდგნენ მახლობელად (ps. 140, 6 Link to psa).


Line of ed.: 3       აქა აკურთხევდითსა

Line of ed.: 4       გაკურთხევთ მონანი შენნი და თაყუანის-გცემთ, შენდამი
Line of ed.: 5    აღვიპყრობთ ჴელთა ჩუენთა, რომელი ასდეგ მკუდრეთით. მაცხოვარ,
Line of ed.: 6    შეგჳწყალენ ჩუენ.

Line of ed.: 7       ნათელი მოვიდა -- ქრისტე -- სოფლად. დაუტევნეთ საქმენი ბნელისანი,
Line of ed.: 8    რაჲთა დღესა მას შინა შუენიერად ვიდოდით და ვიტყოდით:
Line of ed.: 9    უფალი ღმერთი გამოგჳჩნდა ჩუენ.

Line of ed.: 10       იხარებს წმიდაჲ ეკლესიაჲ მოსულასა შენსა, ქრისტე მჴსნელო,
Line of ed.: 11    რომელი მოხუედ მაცხოვრად სოფლისა. ძეო ღმრთისაო, შეგჳწყალენ
Line of ed.: 12    ჩუენ.

Line of ed.: 13       განანათლენ ეკლესიანი, ახლითა რჩულითა ახარე სოფელსა, ძეო
Line of ed.: 14    ღმრთისა, შეგჳწყალენ ჩუენ.

Line of ed.: 15       უფლისა ადგომასა ვაქებდეთ, უგალობდეთ მას უკუნისამდე.


Line of ed.: 16       ჯუარისაჲ

Line of ed.: 17       საჭურველად საძლეველად, ქრისტე, ჯუარი ჩუენ მოგუეც და
Line of ed.: 18    ამით ვსძლოთ ბრძოლასა მტერისასა.

Line of ed.: 19       ამაღლდა ნიში ჯუარისა შენისაჲ, ქრისტე, რომელი მძ.

Line of ed.: 20       მოეც მოშიშთა შენთა, უფალო, ჯუარი შენი.

Line of ed.: 21       ძელისა მიერ ადამ სამოთხით.

Line of ed.: 22       ზღუდე ჩუენდა იქმნა ჯუარი შენი, იესუ მაცხ.


Line of ed.: 23       უგალობდითსა

Line of ed.: 24       უგალობდეთ უფალსა, დიდებით დიდებულსა, გალობასა ახალსა,
Line of ed.: 25    რამეთუ დიდებულ არს უკუნისამდე.

Line of ed.: 26       ესე არს ღმერთი ჩუენი სიტყუაჲ მამისაჲ, ჴორცშესხმული წმიდისა
Line of ed.: 27    ქალწულისა მარიამისაგან, ესე ღმერთი ჩუენი და ვადიდოთ
Line of ed.: 28    ესე.

Line of ed.: 29       ჯუარცუმაჲ ნეფსით თავს-იდვა, საფლავსა მიეცა ესე ღმერთი
Line of ed.: 30    ჩუენი და ვადიდოთ ესე.

Line of ed.: 31       უფალო, ოდეს ეგჳპტეს შინა შურის-გებასა ჰყოფდა მოსე, შენ
Line of ed.: 32    გხადოდა, ყოველთა უფალსა.

Page of ed.: 423  
Line of ed.: 1       უფალი მეუფე არს საუკუნითგან უკუნისამდე, რომელმან განანათლა
Line of ed.: 2    სოფელი ადგომითა, ესე ღმერთი ჩუენი და ვადიდოთ ესე.

Line of ed.: 3       უფალი არს მეუფე ჩუენდა, რომელსა დასისაგანნი საფლავსა
Line of ed.: 4    სცვიდეს. მსთუად მოვიდეს დედანი ნელსაცხებლითა შემურვად
Line of ed.: 5    უჴრწნელთა ჴორცთა შენთა და ანგელოზისა მიერ იქმნნეს ხარებულ.

Line of ed.: 6       უგალობდეთ ადგომილსა ქრისტესსა გალობითა ახლითა, რამეთუ დიდებულ
Line of ed.: 7    არს უკუნისამდე.

Line of ed.: 8       მოსე ეგჳპტეს შინა სისხლითა მით კრაჳსაჲთა გარე-წარაქცია
Line of ed.: 9    მომსვრელი იგი ისრაელისაჲ, ხოლო მაცხოვარმან ჩუენმან თჳსითა
Line of ed.: 10    სისხლითა დათრგუნა სიმტკიცჱ სიკუდილისაჲ. უგალობდეთ ადგომილსა
Line of ed.: 11    ქრისტესა გალობითა ახლითა, რამეთუ დიდებულ არს
Line of ed.: 12    უკუნისამდე.

Line of ed.: 13       ესე არს ღმერთი ჩუენი და ვადიდოთ ესე ღმერთი მამისა ჩუენისაჲ
Line of ed.: 14    და ავამღლოთ ესე.

Line of ed.: 15       შენ, უკუდავსა ღმერთსა, გიგალობდეთ და გადიდებდეთ, დიდებით
Line of ed.: 16    ადგომილსა, რამეთუ დიდებულ ხარ უკუნისამდე.

Line of ed.: 17       უგალობდეთ უფალსა, მამასა მოწყალესა, ძესა მხოლოდშობილსა,
Line of ed.: 18    სულსა წმიდასა, დიდებულსა.

Line of ed.: 19       ვაქებდეთ გალობითა უფალსა ღმერთსა ჩუენსა, რამეთუ დიდებულ
Line of ed.: 20    არს უკუნისამდე.

Line of ed.: 21       ღმრთივ შუენიერისა შენისა ადგომისათჳს სიხარული ისწავეს
Line of ed.: 22    მენელსაცხებლეთაგან მოციქულთა, რომელთა ქადაგეს და გუასწავეს
Line of ed.: 23    გალობად შენდა, შემოქმედისა ღმრთისა ჩუენისაჲ. უგალობდეთ ადდგომილსა
Line of ed.: 24    ქრისტესა გალობითა ახლითა, რამეთუ დიდებულ არს
Line of ed.: 25    უკუნისამდე.

Line of ed.: 26       უგალობდეთ უფალსა მაღალსა გალობითა ახლითა, რამეთუ დიდებულ
Line of ed.: 27    არს უკუნისამდე.

Line of ed.: 28       უგალობდეთ ღმერთსა, დამბადებელსა ყოველთასა, მჴსნელსა ისრაელისასა,
Line of ed.: 29    რომელმან მიჴსნნა ჩუენ მონებისაგან მტერისა -- უფალ
Line of ed.: 30    არს სახელი მისი, რამეთუ დიდებით დიდებულ არს უკუნისამდე.


Line of ed.: 31       მოიხილესა

Line of ed.: 32       მოიხილე, მაღალო, წყალობითა შენითა და გუაცხოვნენ ჩუენ.

Line of ed.: 33       მოველოდე წყალობასა შენსა ზეცით, უფალო, და გუაცხოვნენ
Line of ed.: 34    ადგომითა შენითა.

Line of ed.: 35       გარდამოჴდა უფალი მთასა სინასა და ეჩუენა მოსეს ალითა
Line of ed.: 36    ცეცხლისაჲთა.

Page of ed.: 424  
Line of ed.: 1       მოსცა უფალმან რჩული მოსეს მთასა ზედა სინასა, ასწავებდა
Line of ed.: 2    მას მცნებათა რჩულისათა.

Line of ed.: 3       მოსე, ვითარ იხილა უფალი მთასა ზედა სინასა, ჴელნი განიპყრნა:
Line of ed.: 4    უფალო, შემიწყალე მე.

Line of ed.: 5       ზღუდე ექმნა სული წმიდაჲ ერსა შენსა, უფალო, დაჰფარვიდა
Line of ed.: 6    მათ სუეტითა ნათლისაჲთა.

Line of ed.: 7       გიგალობთ შენ, ქრისტე, მეუფეო დიდებისაო, რომელი ჩუენთჳს
Line of ed.: 8    ზეცით გარდამოჰჴედ, განანათლე სოფელი ადგომითა შენითა.

Line of ed.: 9       მოიხილე, უფალო, წყალობითა ერსა შენსა ზედა, დაგჳცვენ ჯუარითა
Line of ed.: 10    წმიდითა, რომელი მოგუეც ჩუენ საჭურველად მტერისათჳს.

Line of ed.: 11       წინაწარმეტყუელი აგუიდგინა ჩუენ უფალმან ღმერთმან ჩუენმან
Line of ed.: 12    -- ძეჲ თჳსი საყუარელი, რომელმან თავს-იდვა ჯუარცუმაჲ და
Line of ed.: 13    განანათლა სოფელი ადგომითა მისითა.

Line of ed.: 14       განმამართლებელი ჩუენი ცოდვილთაგან საფლავსა დაიდვა ვითარცა
Line of ed.: 15    მკუდარი, დაებეჭდა ბეჭდითა და დასისაჲთა და ადგომასა მისსა
Line of ed.: 16    ანგელოზი ახარებდა და ეტყოდა დედათა მათ:
Line of ed.: 17    მოვედით და იხილეთ უფალი ადგომილი და ნუ ეძიებთ მას
Line of ed.: 18    მკუდართა თანა, რამეთუ ადგა და მოჰმადლა სოფელსა მშჳდობაჲ
Line of ed.: 19    და დიდი წყალობაჲ.

Line of ed.: 20       ნუ განჰრისხნები ჩემ ზედა, დიდებულო, არამედ შემიწყალე მე
Line of ed.: 21    რომელი ასდეგ მკუდრეთით.

Line of ed.: 22       გიგალობთ შენ, ყოლად წმიდაო, მარადის ქალწულო მარიამ, და
Line of ed.: 23    ვადიდებთ ქრისტესა ღმერთსა, რომელი შენგან ჴორციელ იქმნა.

Line of ed.: 24       მოიხილე, ცაო, და ვიტყოდით და უფროჲსად უგალობდეთ
Line of ed.: 25    ქრისტესა მეუფესა.

Line of ed.: 26       მიეცით, ერნო, დიდებაჲ ქრისტესა ღმერთსა ჩუენსა, რომელი
Line of ed.: 27    განჴორციელდა ჩუენთჳს წმიდისაგან ქალწულისა.

Line of ed.: 28       მართალ და წმიდა არს უფალი ღმერთი ჩუენი, რომელმან პატიოსნითა
Line of ed.: 29    ჯუარითა შემუსრა სიმტკიცჱ სიკუდილისაჲ.

Line of ed.: 30       იხილეთ, იხილეთ, რამეთუ ქრისტჱ ამაღლდა ჯუარსა ზედა,
Line of ed.: 31    დათრგუნა სიკუდილი, აცხოვნა სოფელი და განაქარვა საცთური და
Line of ed.: 32    აჴოცა ცოდვაჲ პირველისა მამისა ადამისი და მოჰმადლა მორწმუნეთა
Line of ed.: 33    თჳსთა ადგომაჲ და ცხორებაჲ საუკუნოჲ.

Line of ed.: 34       დიდებაჲ შენდა, დიდებაჲ შენდა, მეუფეო დიდებისაო, რომელმან
Line of ed.: 35    პატიოსნითა ჯუარითა ჯოჯოხეთი წარმოსტყუენე და სიკუდილი
Line of ed.: 36    დასრთგუნე და განმაახლენ ჩუენ წმიდითა ადგომითა შენითა.

Line of ed.: 37       დიდებაჲ აურაცხელსა სახიერებასა შენსა, უფალო, მეუფეო ყოველთა
Line of ed.: 38    საუკუნეთაო.

Page of ed.: 425  
Line of ed.: 1       მოიხილე, უფალო, ზეცით წყალობითა შენითა. ისმინე, უფალო,
Line of ed.: 2    ვედრებაჲ მონათა შენთა.

Line of ed.: 3       დაგჳცვენ, უფალო, მგალობელნი შენნი, რომელი გჳჴსნენ ადგომითა
Line of ed.: 4    შენითა.

Line of ed.: 5       უბიწოო ღმრთისმშო.


Line of ed.: 6       განძლიერდასა

Line of ed.: 7       განძლიერდით უფლისა გულნი მგალობელთა მისთანი, აღახუენით
Line of ed.: 8    პირნი თქუენნი გალობად მისა.

Line of ed.: 9       რამეთუ მართალ და წმიდა არს უფალი, რომელმან აღმართნის
Line of ed.: 10    დაცემულნი და განაძლიერნის მსახურნი მისნი.

Line of ed.: 11       განმაძლიერებელი ღმერთი, დამამტკიცებელი, რომელი ადგა
Line of ed.: 12    მკუდრეთით და განაძლიერნა ადგომითა მისითა.

Line of ed.: 13       უძლურთა ძლიერებაჲ -- ღმერთი, მდაბალთა ამაღლებაჲ, რომელი
Line of ed.: 14    ადგა მკუდრეთით და უძლურნი შეიმოსნეს ძალითა.

Line of ed.: 15       სიკუდილისა დამთრგუნველი ღმერთი, მოკუდავთა უკუდავებაჲ,
Line of ed.: 16    რომელი ადგა მკუდრეთით და აღადგინა მკუდარნი საფლავისაგან.

Line of ed.: 17       ნუ იქადინ ძლიერი ძალსა თჳსსა, მდიდარი -- სიმდიდრესა, არამედ
Line of ed.: 18    ვაკურთხევდეთ ქრისტესა, განმანათლებელსა სულთა ჩუენთასა.

Line of ed.: 19       ვიქადოდით უძლურნი ძლიერებასა, მდაბალნი -- ამაღლებასა,
Line of ed.: 20    რამეთუ ესე ღმერთი -- უძლურთა ძალი და მდაბალთა სიმაღლჱ.

Line of ed.: 21       განაძლიერდა გული ჩემი უფლისა მიმართ და ამაღლდა რქაჲ ჩემი
Line of ed.: 22    ღმრთისა მიერ ჩემისა, განვიხარე მაცხოვარებითა შენითა.

Line of ed.: 23       ჯუარსა ზედა აჰმაღლდი, მაცხოვარ, ივნე ვნებაჲ ნეფსით ჴორცითა
Line of ed.: 24    უვნებელმან ღმერთმან, წარმოსტყუენე ჯოჯოხეთი და განანათლე
Line of ed.: 25    ადამი.

Line of ed.: 26       მესამესა დღესა ასდეგ საფლავით, მოაკუდინე სიკუდილი და
Line of ed.: 27    დასრთგუნე საჭურველი მტერისაჲ, აცხოვნენ შენნი მორწმუნენი
Line of ed.: 28    ადგომითა.

Line of ed.: 29       არავინ არს წმიდაჲ შენსა გარეშე, უფალო, რომელმან განაძლიერენ
Line of ed.: 30    წმიდანი შენნი ჯუარითა პატიოსნითა.

Line of ed.: 31       ქერობინთა ზედა მჯდომარესა, შენგან ჴორცთ-შესხმულსა
Line of ed.: 32    ღმერთსა ევედრე, ყოლად წმიდაო ქალწულო, რაჲთა შეიწყალნეს
Line of ed.: 33    სულნი ჩუენნი.

Line of ed.: 34       შემიწყალენ ჩუენ, უფალო ღმერთო ჩუენო, რომელი გარდამოჰჴედ
Line of ed.: 35    ზეცით და იშევ წმიდისაგან ქალწულისა. შემიწყალენ ჩუენ
Line of ed.: 36    მოსლვითა შენითა, რამეთუ არავინ არს წმიდა შენსა გარეშე, უფალო.

Page of ed.: 426  
Line of ed.: 1       შემიწყალენ ჩუენ, უფალო ღმერთო ჩუენო, რომელი ჯუარსა ზედა
Line of ed.: 2    იხილვე. შემიწყალენ ჩუენ ჯუარითა შენითა, რამეთუ არავინ
Line of ed.: 3    არს წმიდა შენსა გარეშე, უფალო.

Line of ed.: 4       შემიწყალენ ჩუენ, უფალო ღმერთო ჩუენო, რომელი საფლავსა
Line of ed.: 5    დაიდევ და ჯოჯოხეთი წარმოსტყუენე. შემწყალენ ჩუენ დაფლვითა
Line of ed.: 6    შენითა, რამეთუ არავინ არს წმიდაჲ შენსა გარეშე, უფალო.

Line of ed.: 7       შემიწყალენ ჩუენ, უფალო ღმერთო ჩუენო, რომელი ასდეგ მკუდრეთით
Line of ed.: 8    მესამესა დღესა. შემიწყალენ ჩუენ ადგომითა შენითა, რამეთუ
Line of ed.: 9    არავინ არს წმიდა შენსა გარეშე, უფალო.

Line of ed.: 10       რამეთუ ღმერთი ხარ, მეცნიერებაჲ, უფალო, რომელმან ნეფსით
Line of ed.: 11    ვნებაჲ უჩუენე მჴდომსა ჩუენსა და ძლიერებითა ღმრთეებისაჲთა ადგომაჲ
Line of ed.: 12    სოფელსა უჩუენე, რამეთუ არავინ არს წმიდა შენსა გარეშე,
Line of ed.: 13    უფალო.

Line of ed.: 14       რომელმან მაცხოვნენ ჩუენ ადგომითა შენითა და განმაძლიერებელ
Line of ed.: 15    მექმენ ჩუენ, შენთა მორწმუნეთა, რომელნი ვადიდებთ გამოუთქუმელსა
Line of ed.: 16    შენსა ადგომასა, რამეთუ არავინ არს წმიდაჲ შენსა გარეშე,
Line of ed.: 17    უფალო.


Line of ed.: 18       უფალო მესმასა

Line of ed.: 19       მესმა სმენაჲ შენი, უფალო, და შემეშინა, განვიცადენ საქმენი
Line of ed.: 20    შენნი და გადიდებ შენ.

Line of ed.: 21       დაფარნა ცანი შუენიერებამან შენმან, უფალო, და ქებითა შენითა
Line of ed.: 22    აივსო ქუეყანაჲ.

Line of ed.: 23       ქადაგეს წინაწარმეტყუელთა მოსლვაჲ შენი, უფალო, და შობაჲ
Line of ed.: 24    შენი წმიდისაგან ქალწულისა.

Line of ed.: 25       უწინარჱს მოსლვისა შენისა ქადაგებდეს წინაწარმეტყუელნი
Line of ed.: 26    შენნი, მაცხოვარ, ჯუარცუმასა, დაფლვასა და ადგომასა შენსა.

Line of ed.: 27       ივლინენ ზღუასა ზედა მოციქულნი შენნი, უფალო, და ხარებად
Line of ed.: 28    ყოველთა წარმართთა ჯუარითა შენითა.

Line of ed.: 29       ჯუარს-ეცუ, დაეფალ და მესამესა დღესა ასდეგ, მყოფთა ბნელისათა
Line of ed.: 30    ნათელი უჩუენე.

Line of ed.: 31       საშინელი მოსლვაჲ შენი დამიკჳრდების, რამეთუ უხილავი
Line of ed.: 32    ღმერთი გამოშჩნდი ქუეყანასა ზედა, რომელმან განანათლე ნათესავი
Line of ed.: 33    კაცთაჲ, დიდებაჲ ძალსა შენსა.

Line of ed.: 34       ჴმისაგან საშინელისა შეძრწუნდეს მცველნი იგი მოვლინებითა
Line of ed.: 35    ანგელოზთაჲსა, რომელმან ახარა წმიდათა მათ დედათა ადგომაჲ
Line of ed.: 36    შენი. მაცხოვარ, დიდებაჲ ძალსა შენსა.

Page of ed.: 427  
Line of ed.: 1       უფალი ღმერთი ჩემი ძალ ჩემდა, რომელსა ერისაგანნი საფლავსა
Line of ed.: 2    სცვიდეს, რომელმან მოაქციე ტყუეჲ ერისა შენისაჲ. მაცხოვარ, დიდებაჲ
Line of ed.: 3    ძალსა შენსა.

Line of ed.: 4       მესმა სმენაჲ შენი, უფალო, და შემეშინა, განვიცადენ საქმენი
Line of ed.: 5    შენნი და დამიკჳრდა, რამეთუ ყოველთა შემოქმედმან ღმერთმან ქალწულისაგან
Line of ed.: 6    შობაჲ ინებე, რომლისათჳს წინაწარმეტყუელნი ღაღადებდეს
Line of ed.: 7    და იტყოდეს: დიდებაჲ ძალსა შენსა.

Line of ed.: 8       ჯუარითა შენითა, ქრისტე, რომლითა ჯოჯოხეთი წარმოსტყუენე,
Line of ed.: 9    ავაზაკსა სამოთხჱ განუღე, ღაღადებდა შენდამი და იტყოდა: მომიჴსენე
Line of ed.: 10    მე, უფალო, ოდეს მოხჳდე სუფევითა შენითა. დიდებაჲ ძალსა
Line of ed.: 11    შენსა.

Line of ed.: 12       საფლავსა დაიდევ მეუფჱ უკუდავი და ასდეგ მესამესა დღესა,
Line of ed.: 13    ადამ კრულებისაგან აღმოიყვანე და დასაბამითგანნი მკუდარნი აღადგინენ,
Line of ed.: 14    რომელნი იტყოდეს: დიდებაჲ ძალსა შენსა.

Line of ed.: 15       ძელითა დაჰჴსენ ცოდვაჲ, უფალო, და იჴსენ ხრწნილებისაგან
Line of ed.: 16    ადგომითა შენითა ნათესავი კაცთაჲ. დიდებაჲ ძალსა შენსა.

Line of ed.: 17       გამოუთქუმელი და უხილავი თანა-არსი მამი.


Line of ed.: 18       ღამითგანსა

Line of ed.: 19       ღამესა, რომელსა განგუანათლენ ჩუენ ადგომითა შენითა, ქრისტე,
Line of ed.: 20    რომლითა ცხონდა ყოველი სოფელი.

Line of ed.: 21       ჯუარითა შენითა, ქრისტე, წარმოსტყუენე ჯოჯოხეთი და განაახლე
Line of ed.: 22    ადამი, აღავსე სამოთხჱ სულნელებითა.

Line of ed.: 23       გუახარეს მოციქულთა ადგომაჲ შენი, მაცხოვარ, რომლითა განათლდეს
Line of ed.: 24    მორწმუნენი შენნი.

Line of ed.: 25       ღამისა ლოცვასა შევსწირავთ შენდამი, ღმერთო, რამეთუ ნათელ
Line of ed.: 26    არიან ბრძანებანი შენნი.

Line of ed.: 27       უფალო ღმერთო ჩუენო, შენი მშჳდობაჲ მომეც ჩუენ, რამეთუ
Line of ed.: 28    ჩუენ შენსა გარეშე სხუაჲ ღმერთი არა ვიცით.

Line of ed.: 29       სული მაცხოვარებისა შენისაჲ მოჰმადლე, ქრისტე, მოციქულთა
Line of ed.: 30    შენთა, რომლითა განათლდეს მორწმუნენი შენნი.

Line of ed.: 31       ჯურითა პატიოსნითა შეჰმუსრე სიმტკიცჱ სიკუდილისაჲ, ადგომაჲ
Line of ed.: 32    და ცხორებაჲ ყოველთა მოგუანიჭე.

Line of ed.: 33       მომიჴსენენ ჩუენ, მაცხოვარ, მეორედ მოსლვასა შენსა, მომიჴსენენ
Line of ed.: 34    ჩუენ და შემეწიენ ჩუენ დღესა მას ადგომისასა.

Line of ed.: 35       ჴმასა ანგელოზისასა ვღაღადებ შენდამი: ყოლად წმიდაო ქალწულო,
Line of ed.: 36    გიხაროდენ, სახარულევანო, უსძლოო, დედაო იესუჲს, ძისა
Line of ed.: 37    ღმრთისაო.

Line of ed.: 38       გამოგჳბრწყინდა ჩუენ ნათელი წარუვალი ზეცისა ნათლისაჲ
Line of ed.: 39    ჭეშმარიტი -- ქრისტე ღმერთი ჩუენი, რომელმან განანათლნა კიდენი
Line of ed.: 40    სოფლისანი ნათლითა ადგომისა მისისაჲთა და მოგუანიჭა ჩუენ
Page of ed.: 428   Line of ed.: 1    ადგომაჲ და ცხორებაჲ საუკუნოჲ, რომლისა გემოჲს-ხილვითა ადამ
Line of ed.: 2    მოიგო დარჩილებაჲ, აწ ჩუენ ჯუარითა მისითა მოვიღეთ უკუდავებაჲ.
Line of ed.: 3    ნათელო ჭეშმარიტო, ქრისტე ღმერთო ჩუენო, შეგჳწყალენ
Line of ed.: 4    ჩუენ.

Line of ed.: 5       წესნი ზეცათანი და ქუეყანისანი ჴმითა ანგელოზისაჲთა დიდების-მეტყუელებით
Line of ed.: 6    ადიდებენ, რომელმან ვნებითა თჳსითა განწმიდნა
Line of ed.: 7    ცოდვანი პირველ შექმნულისანი და ადგომითა მისითა აღმადგინნა
Line of ed.: 8    ჩუენ და ჯუარითა მისითა განანათლნა ბნელსა შინა მსხდომარენი.

Line of ed.: 9       ნათელო ჭეშმარიტო, ქრისტე ღმერთო ჩუენო, შეგჳწყალენ ჩუენ.

Line of ed.: 10       ჴმასა ანგელოზისასა ლოდი გარდაგორვიდა, სამარჱ აეღო, ნათელი
Line of ed.: 11    გამოგჳბრწყინდა ჩუენ ქრისტჱს ადგომისაჲ. მენელსაცხებლენი
Line of ed.: 12    დედანი გეძიებდეს შენ, უკუდავსა, ვითარცა მოკუდავსა, ადგომილი
Line of ed.: 13    გიხილეს, სიხარული გუაუწყეს უკუდავებისაჲ. ნათელო ჭეშმარიტო,
Line of ed.: 14    ქრისტე ღმერთო ჩუენო, შეგჳწყალენ ჩუენ.

Line of ed.: 15       ცუარი მშჳდო.


Line of ed.: 16       ღაღატყავსა

Line of ed.: 17       სიღრმესა ცოდვათა ჩემთასა ჩავრდომილ ვარ და ვღაღადებ:
Line of ed.: 18    უფალო, უფალო, შემეწიე მე.

Line of ed.: 19       რომელი აღსასრულსა ჟამთასა განჰკაცენ და სოფელსა ნათელი
Line of ed.: 20    გამოუბრწყინე, უფალო, უფალო, შემეწიე მე.

Line of ed.: 21       რომელმან ქალწული შემდგომად შობისა ქალწულად დაიცევ და
Line of ed.: 22    ჯუარითა ჩუენ განგუათავისუფლენ, უფალო, უფალო, შემეწიე მე.

Line of ed.: 23       რომელი საფლავით ასდეგ, ქრისტე, და სოფელი ყოველი აცხოვნე,
Line of ed.: 24    უფალო, უფალო, შემეწიე.

Line of ed.: 25       ჭირსა ჩემსა უფლისა მიმართ ღაღად-ვყავ: ვითარცა იონა, უფსკრულად
Line of ed.: 26    დათქმული, ღელვათა აღმომიყვანე და მაცხოვნე მე, მხოლოო,
Line of ed.: 27    ყოლად ძლიერო.

Line of ed.: 28       შეისმინა უფალმან ვედრებით ღაღადებაჲ იონაჲსი და განარინა
Line of ed.: 29    იგი მუცლისაგან ვეშაპისა უვნებელად.

Line of ed.: 30       ვითარცა იონა წინაწარმეტყუელი ვეშაპისაგან იჴსენ, ქრისტე
Line of ed.: 31    ღმერთო, მეცა სიღრმეთაგან ცოდვათა ჩემთაჲსა აღმომიყვანე და
Line of ed.: 32    მაცხოვნე მე, მხოლოო, ყოლად ძლიერო.

Line of ed.: 33       რომელი ჯუარსა დაემრჭუალე და დაჰჴსენ პირველ შექმნული
Line of ed.: 34    მრავალ ჟამისა ცოდვაჲ, მეცა შემრჭუალე შიშსა შენსა, მჴსნელო, და
Line of ed.: 35    მაცხოვნე მე, მხოლოო, ყოლად ძლიერო.

Line of ed.: 36       რომელი მკუდართა თანა შეირაცხე და ბნელსა შინა მსხდომარენი
Line of ed.: 37    აღმოიყვანენ ნათლად, მეცა, დაცემული, შეგივრდები, აღმომიყვანე
Line of ed.: 38    და მაცხოვნე მე, მხოლოო, ყოლად ძლიერო.

Page of ed.: 429  
Line of ed.: 1       დაუსაბამოჲ ნათელი ცხორებისაჲ აღმოჰბრწყინდი საფლავით
Line of ed.: 2    მესამესა დღესა, შენდამი ვღაღადებთ: გუაცხოვნენ ჩუენ ადგომითა
Line of ed.: 3    შენითა, ქრისტე ღმერთო, ყოლად ძლიერო.

Line of ed.: 4       სახედ ელვისა ეჩუენა ანგელოზი, მჯდომარჱ ლოდსა ზედა,
Line of ed.: 5    ღირსთა დედათა, რომელნი წარვიდეს ხარებად მოციქულთა, ქადაგეს
Line of ed.: 6    ადგომაჲ შენი, ქრისტე ღმერთო, ყოლად ძლიერო.

Line of ed.: 7       რომელმან შევ გამოუთქმელად სიტყუაჲ -- ქრისტე ღმერთი
Line of ed.: 8    ჩუენი, მისა ვედრებად ნუ დასცხრები ჴსნად ყოველთა თესლთა, რომელნი
Line of ed.: 9    გაკურთხევენ შენ.

Line of ed.: 10       რომელმან წინაწარმეტყუელი იგი მუცლისაგან ვეშაპისა დაიცევ,
Line of ed.: 11    უფალო, შემეწიე მე.

Line of ed.: 12       რომელი ასდეგ მკუდრეთით და ადგომაჲ ყოველთა მოგუანიჭე,
Line of ed.: 13    უფალო, უფალო, და შეგჳწყალენ ჩუენ.

Line of ed.: 14       რომელი ჯუარსა ზედა აჰმაღლდი და დასთრგუნე სიმტკიცჱ სიკუდილისაჲ,
Line of ed.: 15    უფალო, შემეწიე მე.

Line of ed.: 16       რომელი საფლავსა დაიდევ და ჯოჯოხეთი წარმოსტყუენე, უფალო,
Line of ed.: 17    უფალო, შემეწიე მე.

Line of ed.: 18       მსგავსად ვნებისა, ქრისტე ღმერთო, იყო წინაწარმეტყუელი იგი
Line of ed.: 19    მუცელსა ვეშაპისასა სამ დღე და სამ ღამე.

Line of ed.: 20       შენ, სიტყუაჲ მამისაჲ, შობილი ქალწულისაგან, რომელი
Line of ed.: 21    ჯუარს-ეცუ და დაეფალ გულსა ქუეყანისასა სამ დღე და სამ ღამე და
Line of ed.: 22    ასდეგ მკუდრეთით, ვითარცა ღმერთ ხარ.

Line of ed.: 23       მცველნი იგი ამაოებისანი წყალობისა შენისაგან განგეშორნეს,
Line of ed.: 24    ხოლო ჩუენ მადლობით დიდებასა შენდა შევსწირავთ.


Line of ed.: 25       კურთხეულარსა

Line of ed.: 26       რომელი მთასა ზედა მოსეს თანა ზრახევდი და სახჱ ქალწულისაჲ
Line of ed.: 27    მაყულოვანით გამოაჩინე, კურთხეულ ხარ, შენ, უფალო,
Line of ed.: 28    ღმერთო მამათა ჩუენთაო.

Line of ed.: 29       რომელმან ქალდეველთაჲ აგზებული საჴუმილი დაშრიტე და
Line of ed.: 30    ყრმანი მას შინა უვნებელად დაიცევ, კურთხეულ ხარ შენ, უფალო
Line of ed.: 31    ღმერთო მამათა ჩუენთაო.

Line of ed.: 32       რომელმან ჯუარსა ზედა ჴელნი განიპყრენ და ნეფსით სიკუდილისა
Line of ed.: 33    გემოჲ იხილე, კურთხეულ ხარ შენ, უფალო ღმერთო მამათა
Line of ed.: 34    ჩუენთაო.

Line of ed.: 35       რომელი დაებეჭდე ბეჭდითა დასისაჲთა და ყოლად ძლიერი საფლავით
Line of ed.: 36    ასდეგ, სახიერ, კურთხეულ ხარ შენ, უფალო, ღმერთო მამათა
Line of ed.: 37    ჩუენთაო.

Line of ed.: 38       რომელი ასდეგ მკუდრეთით მესამესა დღესა, უფალო, და ადგომაჲ
Line of ed.: 39    ყოველთა მორწმუნეთა მოგუანიჭე, კურთხეულ ხარ შენ, უფალო
Line of ed.: 40    ღმერთო მამათა ჩუენთაო.

Page of ed.: 430  
Line of ed.: 1       სამებასა თაყუანის-ვსცემთ, ერთარსებისა ძალსა -- მამასა და
Line of ed.: 2    ძესა და წმიდასა სულსა, დიდების-მეტყუელებით ვღაღადებთ: კურთეულ
Line of ed.: 3    ხარ შენ, უფალო ღმერთო მამათა ჩუენთაო.

Line of ed.: 4       სამთა მათ ყრმათა, მონათა შენთა, გალობასა შევსწირავთ შენდა
Line of ed.: 5    მიმართ, უფალო ღმერთო მამათა ჩუენთაო.

Line of ed.: 6       რაჟამს შეითხინეს სამნი ყრმანი საჴუმილსა, ერთობით ღაღადყვეს:
Line of ed.: 7    ჩუენ გჳვის უფალი, რომელმან მიჴსნეს ამის ცეცხლისაგან.

Line of ed.: 8       კარავ ექმნა მათ საჴუმილი იგი, აგრილობდა მათ ცუარი ცისკრისაჲ,
Line of ed.: 9    შეიწუებოდეს ქალდეველნი იგი.

Line of ed.: 10       ვიდოდეს ჴსნილნი საჴუმილსა შინა, სამებასა წმიდასა გაკურთხევდეს,
Line of ed.: 11    უფალსა ღმერთსა მამათა ჩუენთასა.

Line of ed.: 12       ჴმითა მაღლითა ღაღადებით იტყოდეს: კურთხეულ ხარ შენ ქერობინთა
Line of ed.: 13    ზედა, უფალო ღმერთო მამათა ჩუენთაო.

Line of ed.: 14       მძლავრი იგი დგა კარსა საჴუმილისასა, ესმოდა გალობაჲ მონათა
Line of ed.: 15    შენთაჲ, აგიარა შენ, ჭეშმარიტი ძეჲ ღმრთისაჲ.

Line of ed.: 16       მძლავრმან მან განკჳრვებით ღაღატ-ყო, მეცა შეგივრდები უკუდავსა
Line of ed.: 17    მეუფესა, უფალსა ღმერთსა მამათა ჩუენთასა.

Line of ed.: 18       სამებასა განუშორებელ, ნუ განეშორები მონათა შენთა, არამედ
Line of ed.: 19    ყავ წყალობაჲ მსახურთა შენთათჳს.

Line of ed.: 20       რომელი მოხუედ ჴსნად წარტყუენილთათჳს და ბაბილონისა
Line of ed.: 21    ყრმათაჲ საჴუმილი ცურად გარდააქციე, კურთხეულ ხარ შენ, უფალო
Line of ed.: 22    ღმერთო მამათა ჩუენთაო.

Line of ed.: 23       რომელი საშოსა ქალწულისასა დაემკჳდრე და მისგან ჴორციელ
Line of ed.: 24    იქმენ ყოველთა ცხოვრებისათჳს, კურთხეულ ხარ შენ, უფალო ღმერთო
Line of ed.: 25    მამათა ჩუენთაო.

Line of ed.: 26       რომელი მსახურთა მიერ შეურაცხ იქმენ და მჴედართაგან სამშჭუალნი
Line of ed.: 27    და ლახუარნი ჯუარსა ზედა თავს-ისხენ, კურთხეულ ხარ
Line of ed.: 28    შენ, უფალო ღმერთო მამათა ჩუენთაო.

Line of ed.: 29       რომელი ჯუარსა დაემშჭუალე, ქრისტე, და დაძუელებით ცოდვისაგან
Line of ed.: 30    ადამ განაახლე, სახიერ, შენ, უფალო ღმერთო მამათა
Line of ed.: 31    ჩუენთაო.

Line of ed.: 32       რომელი დაეფალ გულსა ქუეყანისასა და ასდეგ მესამესა დღესა,
Line of ed.: 33    ყოლად ძლიერო, სახიერ, კურთხეულ ხარ შენ, უფალო ღმერთო მამათა
Line of ed.: 34    ჩუენთაო.

Line of ed.: 35       სამებასა ერთარსებასა, ერთღმრთეებასა დაუცხრომელად მორწმუნენი
Line of ed.: 36    გალობით ვიტყოდით: კურთხეულ ხარ შენ, უფალო ღმერთო
Line of ed.: 37    მამათა ჩუენთაო.

Line of ed.: 38       ღმერთო მამათა ჩუენთაო, ნუ მარცხუენ ჩუენ, არამედ მოგუმადლე
Page of ed.: 431   Line of ed.: 1    კადნიერებით ღაღადებად შენდამი: კურთხეულ ხარ შენ, უფალო
Line of ed.: 2    ღმერთო მამათა ჩუენთაო.

Line of ed.: 3       რომელი იშევ ქალწულისაგან, ღმერთ რაჲ ხარ და კაც, ივნე
Line of ed.: 4    ჩუენთჳს და გუაცხოვნენ ჩუენ, კურთხეულ ხარ შენ, უფალო ღმერთო
Line of ed.: 5    მამათა ჩუენთაო.

Line of ed.: 6       რომელი აჰმაღლდი ჯუარსა ზედა და სოფელი განანათლე და
Line of ed.: 7    მოგუანიჭე ჩუენ ამით ძლევაჲ მტერისაჲ, კურთხეულ ხარ შენ, უფალო
Line of ed.: 8    ღმერთო მამათა ჩუენთაო.

Line of ed.: 9       თანა-არსსა მამისასა, ძესა მხოლოდშობილსა სულით წმიდითურთ
Line of ed.: 10    დიდების-მეტყუელებით ვღაღადებდეთ: კურთხეულ ხარ შენ,
Line of ed.: 11    უფალო ღმერთო მამათა ჩუენთაო.


Line of ed.: 12       აკურთხევდითსა

Line of ed.: 13       ყოველნი საქმენი ღმრთისანი და ყოველნი დაბადებულნი აკურთხევდით
Line of ed.: 14    უფალსა.

Line of ed.: 15       მეუფჱ ქრისტჱ, რომელი მეუფე არს უკუნისამდე და კაცთათჳს
Line of ed.: 16    ოდესმე მხოლოჲ, ქველის-მოქმედ არს, ყოველნი საქმენი უგალობდით
Line of ed.: 17    და უფროჲსად აამაღლებდით უკუნისამდე.

Line of ed.: 18       მეუფჱ ქრისტჱ, რომელი გჳშვა ჩუენ ქალწულმან მარიამ და
Line of ed.: 19    შემდგომად შობისა დაადგრა ქალწული უბიწოდ, ყოველნი საქმენი
Line of ed.: 20    უგალობდით და უფროჲსად აამაღლებდით უკუნისამდე.

Line of ed.: 21       მეუფჱ ქრისტჱ, რომელმან შემოსნა ცანი მასკლვითა და ქუეყანაჲ
Line of ed.: 22    ნაყოფიერ ყო საშუებელად კაცთა, ყოველნი საქმენი უგალობდით
Line of ed.: 23    და უფროჲსად აამაღლებდით უკუნისამდე.

Line of ed.: 24       მეუფჱ ქრისტჱ, რომელი ვერ შეიპყრეს სალმობათა სიკუდილისათა
Line of ed.: 25    და ადამითგანნი თანა-აღადგინა საფლავისაგან მკუდარნი, ყოველნი
Line of ed.: 26    საქმენი უგალობდით და უფროჲსად აამაღლებდით
Line of ed.: 27    უკუნისამდე.

Line of ed.: 28       ჯუარცმულმან ქრისტემან, რომელმან დათრგუნა სიმტკიცჱ სიკუდილისაჲ
Line of ed.: 29    და იჴსნა ნათესავი კაცთაჲ, ყოველნი საქმენი უგალობდით
Line of ed.: 30    და უფროჲსად აამაღლებდით უკუნისამდე.

Line of ed.: 31       ადგომილი ქრისტჱ, რომელი განეცხადა წმიდათა მოციქულთა
Line of ed.: 32    გალილეას, თაყუანის-სცეს და იტყოდეს: ყოველნი საქმენი უგალობდით
Line of ed.: 33    და უფროჲსად აამაღლებდით უკუნისამდე.

Line of ed.: 34       სახიერმან ქრისტემან, რომელმან გჳრგჳნოსან ყვნა წმიდანი
Line of ed.: 35    მოწამენი და მათ მიერ განკურნა სნეულებანი ჩუენნი, ყოველნი საქმენი
Line of ed.: 36    უგალობდით და უფროჲსად აამაღლებდით უკუნისამდე.

Line of ed.: 37       სამებაჲ ღმერთი, რომელი აღიარეს წარტყუენულთა ყრმათა
Line of ed.: 38    საჴუმილსა შინა და ჴმითა მაღლითა ღაღადებით იტყოდეს: ყოველნი
Page of ed.: 432   Line of ed.: 1    საქმენი უგალობდით და უფროჲსად აამაღლებდით
Line of ed.: 2    უკუნისამდე.

Line of ed.: 3       აკურთხევდით მსახურნი უფლისანი უფალსა, მიუთხართ წარმართთა
Line of ed.: 4    დიდებაჲ მისი. ვაკურთხევდეთ ქრისტესა ღმერთსა, დაუცხრომელად
Line of ed.: 5    უგალობდეთ მას, რამეთუ საუკუნითგან არს წყალობაჲ
Line of ed.: 6    მისი.

Line of ed.: 7       რომელმან განწმიდა საშოჲ ქალწულისაჲ შობითა მისითა, განგუანათლნა
Line of ed.: 8    ჩუენ. ვაკურთხევდეთ ქრისტესა ღმერთსა, დაუცხრომელად
Line of ed.: 9    უგალობდეთ მას, რამეთუ საუკუნითგან არს წყალობაჲ მისი.

Line of ed.: 10       რომელი ჴსნისათჳს ჩუენისა ამაღლდა ჯუარსა ზედა, წყლულებითა
Line of ed.: 11    მისითა განვიკურნენით. აკურთხევდით ქრისტესა ღმერთსა,
Line of ed.: 12    დაუცხრომელად უგალობდით მას, რამეთუ საუკუნითგან არს წყალობაჲ
Line of ed.: 13    მისი.

Line of ed.: 14       რომელი შეემთხჳა დედათა, ადგომილი მკუდრეთით, მიჰმადლა
Line of ed.: 15    მათ ხარებაჲ და სიხარული. აკურთხევდით ქრისტესა ღმერთსა,
Line of ed.: 16    დაუცხრომელად უგალობდით მას, რამეთუ საუკუნითგან არს წყალობაჲ
Line of ed.: 17    მისი.

Line of ed.: 18       სამებასა წმიდასა მორწმუნენი თაყუანის-ვსცემთ და ერთობით
Line of ed.: 19    ვღაღადებთ და ვიტყჳთ: დიდებულ ხარ და უფროჲსად ამაღლებულ
Line of ed.: 20    უკუნისამდე.

Line of ed.: 21       შენ, ღმერთო ჩუენო, რომელმან ჰბრძანე ნათელი და ბნელი, და
Line of ed.: 22    დაებადნეს. კურთხეულ არიან საქმენი შენნი, ღმერთო ჩუენო.

Line of ed.: 23       შენ, მეუფეო, რომელსა განწყობილნი ანგელოზნი ცათა შინა
Line of ed.: 24    გიგალობენ და ჩუენ, ქუეყანისანი, ქმნულნი ჴელთა შენთანი, შენდა
Line of ed.: 25    დიდებასა შევსწირავთ.

Line of ed.: 26       შენ, ღმერთო ჩუენო, რომელმან ნეფსით ივნე და დაეფალ და
Line of ed.: 27    ასდეგ მესამესა დღესა მსგავსად წერილისა.

Line of ed.: 28       უცხო წყობაჲ იქმნა ყრმათა სედეკია მეფისა ზე, რომელ მჴნედ
Line of ed.: 29    გამოჩნდეს ბაბილონს, საჴუმილსა მას შინა, პირველ მოწამედ და ერთობით
Line of ed.: 30    ღაღადებდეს და იტყოდეს: უფალსა უგალობდით და უფროჲსად
Line of ed.: 31    აამაღლებდით მას უკუნისამდე.

Line of ed.: 32       რომელმან ღირსთა ყრმათა გალობაჲ ისმინე და შეუწევნელად
Line of ed.: 33    დაიცვენ ცუარითა საშინელისა მისგან ცეცხლისა, და ერთობით ღაღადებდეს
Line of ed.: 34    და იტყოდეს: უფალსა უგალობდით და უფროჲსად აამაღლებდით
Line of ed.: 35    მას უკუნისამდე.

Line of ed.: 36       სამთა ყრმათა, სამების მგალობელთა, საჴუმილი აგზებული ცუარად
Line of ed.: 37    გარდააქციეს და ერთობით ღაღადებდეს და იტყოდეს: უფალსა
Line of ed.: 38    უგალობდით და უფროჲსად აამაღლებდით მას უკუნისამდე.

Line of ed.: 39       ნეფსით ივნე ჯუარსა ზედა, ქრისტე ღმერთო, და კაცთა ნათესავი
Line of ed.: 40    საცთურისაგან მტერისა იჴსენ, და ერთობით ღაღადებდეს და იტყოდეს:
Line of ed.: 41    უფალსა უგალობდით და უფროჲსად აამაღლებდით მას
Line of ed.: 42    უკუნისამდე.

Page of ed.: 433  
Line of ed.: 1       ასდეგ საფლავისაგან უკუდავი ღმერთი და მყოფნი ბნელისანი
Line of ed.: 2    ნათლად აღმოიყვანენ, და ერთობით ღაღადებდეს და იტყოდეს: უფალსა
Line of ed.: 3    უგალობდით და უფროჲსად აამაღლებდით მას უკუნისამდე.

Line of ed.: 4       რომელი იშევ ქალწულისაგან, სიტყუაჲ ღმრთისაჲ, ჴორციელად
Line of ed.: 5    და გამოუჩნდი ნათლად სოფელსა, გიგალობთ შენ და უფროჲსად აგამაღლებთ
Line of ed.: 6    უკუნისამდე.

Line of ed.: 7       რომელმან განიპყრენ ჴელნი თჳსნი ჯუარსა ზედა, ქრისტე ღმერთო,
Line of ed.: 8    და სიმტკიცჱ მოჰმადლე ნათესავსა კაცთასა, გიგალობთ შენ და
Line of ed.: 9    უფროჲსად აგამაღლებთ უკუნისამდე.

Line of ed.: 10       რომელი საფლავსა დაიდევ ჴორციელად, ქრისტე ღმერთო, და
Line of ed.: 11    ასდეგ მესამესა დღესა, გიგალობთ შენ და უფროჲსად აგამაღლებთ
Line of ed.: 12    უკუნისამდე.


Line of ed.: 13       ადიდებდითსა

Line of ed.: 14       ვადიდებთ ყოველნი ქალწულსა მარიამს, დედასა უფლისასა.

Line of ed.: 15       შენ, ნათლისა დედასა და ქალწულსა, ღმრთისმშობელო, დაუცხრომელად
Line of ed.: 16    გადიდებთ.

Line of ed.: 17       ქრისტე შენგან ჴორციელად იშვა, ღმრთისმშობელო, დაუცხრომელად
Line of ed.: 18    გადიდებთ.

Line of ed.: 19       ვაკურთხევდეთ ყოველნი შობილსა ქალწულისაგან, ქრისტესა
Line of ed.: 20    ღმერთსა ჩუენსა.

Line of ed.: 21       ძელმან ჯუარისა შენისამან, ქრისტე, სიკუდილი დათრგუნა. ადგომასა
Line of ed.: 22    შენსა, უფალო, ვადიდებთ.

Line of ed.: 23       რომელი მამისა და სულისა წმიდისა თანა იდიდები, დაუცხრომელად
Line of ed.: 24    შენ, ქრისტე, გადიდებთ.

Line of ed.: 25       მთავრობათა და ჴელმწიფებათა დაუკუირდა, უხილავსა რაჲ
Line of ed.: 26    მეუფესა გხედვიდეს, წყალობააურაცხელსა, მკლავთა ზედა ქალწულისათა
Line of ed.: 27    მიყვანებულსა.

Line of ed.: 28       კურთხეულ არს ქრისტე, შობილი ქალწულისაგან, რომელმან დასაბამსავე
Line of ed.: 29    მამისა თანა განაგო და შექმნა ყოველი და მოგუცა ჩუენ
Line of ed.: 30    ცხორებაჲ საუკუნოჲ მხოლოდშობილმან ღმერთმან.

Line of ed.: 31       რომელმან მოხედვა ყო წყალობით ერსა თჳსსა ზედა და იჴსნა
Line of ed.: 32    ბნელისაგან ნათესავი კაცთაჲ და მოანიჭა მორწმუნეთა თჳსთა ადგომაჲ
Line of ed.: 33    და ცხორებაჲ საუკუნოჲ.

Line of ed.: 34       გამოგჳჩნდა ჩუენ სიმრავლჱ წმიდათაჲ და ძალი ჯუარისაჲ გამობრწყინდა
Line of ed.: 35    ჩუენ ზედა. კურთხეულ ხარ შენ, უფალო.

Line of ed.: 36       ვაკურთხევდეთ მამასა წმიდასა, მოწყალესა და მწყალობელსა,
Line of ed.: 37    მომცემელსა ცხორებისა.

Page of ed.: 434  
Line of ed.: 1       სამებასა წმიდასა მორწმუნენი თაყუანის-ვსცემდეთ და ერთობით
Line of ed.: 2    ვღაღადებდეთ და ვიტყოდით: დიდებულ ხარ და უფროჲსად
Line of ed.: 3    ამაღლებულ უკუნისამდე.

Line of ed.: 4       აჰჴედ ძელსა ზედა სიტყუაჲ ეგე, ღმერთი, ჴორციელ-ქმნული
Line of ed.: 5    ქალწულისაგან თანა-განზრახვითა მამისაჲთა და სულისა წმიდისაჲთა
Line of ed.: 6    ცხორებისათჳს ჩუენისა. გალობით გადიდებთ.

Line of ed.: 7       საფლავსა დაიდევ უკუდავი ღმერთი და მოკუდავებაჲ ჩუენი
Line of ed.: 8    უკუდავებად გარდასცვალე და წარწყმედულნი მიჴსნენ ჩუენ ჴელთაგან
Line of ed.: 9    სიკუდილისათა. გალობით გადიდებთ.

Line of ed.: 10       მესამესა დღესა ასდეგ მკუდრეთით, აჰმაღლდი ზეცად და დაშჯედ
Line of ed.: 11    მარჯუენით მამისა ყოლად ქებული ანგელოზთა მიერ, თაყუანისცემული
Line of ed.: 12    სერაბინთაგან, და ჩუენ მათ თანა გალობით გადიდებთ.

Line of ed.: 13       გადიდებთ შენ, განკაცებულსა ქალწულისაგან, რომელმან
Line of ed.: 14    ცხორებაჲ კაცთაჲ ინებე, სათნო-იყავ აღსლვაჲ ჯუარსა ზედა ჴორცითა,
Line of ed.: 15    რაჲთა უჩუენო სოფელსა, რამეთუ ადამის, მონისა, ხატი შეიმოსე,
Line of ed.: 16    რომელი ჰზი მაღალთა შინა უკუნისამდე.

Line of ed.: 17       საფლავსა დაიდევ ჩუენთჳს უკუდავი ღმერთი, რომელი მამისა
Line of ed.: 18    თანა განაგებდი, ცხორებაჲ გამოუბრწინდი ნათესავსა კაცთასა. დაბადებულნი
Line of ed.: 19    შეძრწუნდეს, რამეთუ გიხილეს შენ, შემოქმედი, ვითარცა
Line of ed.: 20    მკუდარი, დადებად საფლავსა, რომელი ჰზი მაღალთა შინა
Line of ed.: 21    უკუნისამდე.

Line of ed.: 22       ოდეს შენ ჰურიათა დაგბეჭდეს, ვითარცა საფასესა ცხორებისასა
Line of ed.: 23    და ვითარცა მეუფესა მძინარესა ზედა, ერისაგანნი გცვიდეს, ხოლო
Line of ed.: 24    შენ ძლიერებით ჯოჯოხეთი წარმოსტყუენე, რომელი ჰზი მაღალთა
Line of ed.: 25    შინა უკუნისამდე.

Line of ed.: 26       დიდებაჲ შენდა, წმიდაო მამაო, რომელმან მოავლინე ძჱ თჳსი
Line of ed.: 27    ზეცით ქუეყანად. დიდებაჲ შენდა, ქრისტე, ძეო ღმრთისაო, რომელმან
Line of ed.: 28    ივნე და განიპყრენ ჴელნი თჳსნი ჯუარსა ზედა. დიდებაჲ შენდა,
Line of ed.: 29    სულო წმიდაო, რომელმან აღავსენ მადლითა მოციქულნი და შენი
Line of ed.: 30    ღმრთეებაჲ სოფელსა უქადაგეს, რომელი მაღალთა შინა იდიდები
Line of ed.: 31    უკუნისამდე.

Line of ed.: 32       კურთხეულ არს უფალი, შობილი ქალწულისაგან, მჴსნელი სულთა
Line of ed.: 33    ჩუენთაჲ.

Line of ed.: 34       რომელი საფლავით ასდეგ და ჯოჯოხეთი წარმოსტყუენე, დაუცხრომელად
Line of ed.: 35    შენ, ქრისტე, გადიდებთ.

Page of ed.: 435  
Line of ed.: 1       გალობით გადიდებთ შენ, ღმრთისმშობელო, რომელმან ცათა
Line of ed.: 2    მეუფჱ ჴორციელად იტჳრთე და უშევ სოფელსა სიმართლისა მზჱ,
Line of ed.: 3    რომელი განანათლებს ნათესავსა კაცთასა.

Line of ed.: 4       რომელმან ვნებაჲ ნეფსით ჯუარსა ზედა თავს-იდვა, საფლავსა
Line of ed.: 5    დაიდვა უკუდავი ღმერთი და ადგა მესამესა დღესა და ადგომაჲ ყოველთა
Line of ed.: 6    მოგუანიჭა.

Line of ed.: 7       დგეს საფლავსა თანა დედანი, რომელნი ცრემლით ეძიებდეს
Line of ed.: 8    უფალსა ცხებად ნელსაცხებლისა, ვითარცა მომკუდარისა. ბრწყინვალე
Line of ed.: 9    ანგელოზი გამოეცხადა და ჰრქუა: ვის ეძიებთ? რამეთუ იესუ
Line of ed.: 10    ქრისტჱ აღდგა, რომელი სუფევს უკუნისამდე.

Line of ed.: 11       ადიდებს სული ჩემი უფალსა და იხარებდინ სული ჩემი
Line of ed.: 12    ღმრთისა.

Line of ed.: 13       შენ, მაცხოვარსა სოფლისასა, ქალწულისაგან შობილსა, თაყუანის-გცემთ
Line of ed.: 14    და გადიდებთ.

Line of ed.: 15       ქრისტე, შენ სასოჲ ხარ სოფლისაჲ, მაცხოვარი ყოველთაჲ, ჯუარითა
Line of ed.: 16    შენითა, გევედრებით, შეგჳწყალენ ჩუენ.

Line of ed.: 17       იხილეს ყოველთა დაბადებულთა დამბადებელი ღმერთი წიაღთა
Line of ed.: 18    ქალწულისათა ანგელოზთა.

Line of ed.: 19       შენ, ზეცისა ბჭე, რომელი გიხილა იაკობ.

Line of ed.: 20       მოსე ზედა მთასა შეუწ.

Line of ed.: 21       სამსა სახესა.

Line of ed.: 22       უბიწოო სძალო, უქორწინე.

Line of ed.: 23       დედაჲ მეუფისაჲ, რომელი საყდარ.

Line of ed.: 24       კარავი განწმედილი, ქალწულ.

Line of ed.: 25       მოუგონებელ არს.


Line of ed.: 26       წარდგომანი სახარებისანი ცისკრად

Line of ed.: 27       აღდეგ, უფალო, მაცხოვნე მე, ღმერთო ჩემო, რამეთუ შენ
Line of ed.: 28    დასცენ ვიდრე მემტერნეს მე ამაოდ (ps. 3, 8 Link to psa).


Line of ed.: 29       დასადებელი

Line of ed.: 30       უფალო, რად განმრავლდეს მაჭირებელნი ჩემნი? ვიდრე
Line of ed.: 31    მრავალნი ადგეს ჩემ ზედა (ps. 3, 2 Link to psa).


Line of ed.: 32       ფსალმუნი

Line of ed.: 33       განიღჳძე, დიდებაო ჩემო, ვიდრე განთიად (ps. 56, 9 Link to psa).


Line of ed.: 34       დასადებელი

Line of ed.: 35       აგიარო შენ ერსა შორის, უფალო, უფალო, და გიგალობდე
Line of ed.: 36    ვიდრე თესლებსა შორის (ps. 56, 10 Link to psa).

Page of ed.: 436  
Line of ed.: 1       სხუაჲ

Line of ed.: 2       სუფევს უფალი უკუნისამდე, ღმერთი ვიდრე თესლითი
Line of ed.: 3    თესლამდე (ps. 145, 10 Link to psa).


Line of ed.: 4       დასადებელი

Line of ed.: 5       აქებს სული ჩემი უფალსა. ვაქებდე (ps. 145, 1-2 Link to psa).


Line of ed.: 6       სხუაჲ

Line of ed.: 7       ყოველი სული აქ (ps. 150, 6 Link to psa).


Line of ed.: 8       დასადებელი

Line of ed.: 9       აქებდით ღმერთსა სიწ. (ps. 150, 1 Link to psa).


Line of ed.: 10       გარდამოთქუმანი

Line of ed.: 11       სადა არიან მბეჭდველნი საფლავისანი? სადა არს დასი პილატჱსი
Line of ed.: 12    და მჴედარნი, რომელნი საფლავსა სცვიდეს? ვითარ წარიპარეს
Line of ed.: 13    საფლავით უფალი? ვითარ გარდასცვალეს დაფლული იგი? ნუ გუკჳრნ
Line of ed.: 14    ადგომაჲ, რამეთუ ნეფსით ჯუარს-ეცუა უფალი, დაეფლა და ადგა,
Line of ed.: 15    ვითარცა ინება, და სოფელსა მოანიჭა დიდი წყალობაჲ.

Line of ed.: 16       სამისა დღისა დაფლვისა უფლისა ჩუენისა ჭეშმარიტად ადგომაჲ
Line of ed.: 17    ეუწყა დღეს პატიოსანთა დედათა, რომელნი სავსე იყვნეს ცრემლითა.
Line of ed.: 18    ამათ ჴმაჲ რაჲ ესმა ანგელოზისაგან, ღაღადებდა და ეტყოდა
Line of ed.: 19    მათ: გიხაროდენ, უფალი ადგა სიკუდილისაგან და საფლავი
Line of ed.: 20    დაცარიელდა.

Line of ed.: 21       მოვედით და იხილეთ საფლავი უფლისაჲ, მოვედით და თაყუანის-ვსცეთ
Line of ed.: 22    ადგომილსა ქრისტესა, რამეთუ მან ჩუენთჳს ნეფსით ვნებაჲ
Line of ed.: 23    თავს-იდვა, ჯუარს-ეცუა, დაეფლა და ადგა, მოანიჭა სოფელსა
Line of ed.: 24    დიდი წყალობაჲ.


Line of ed.: 25       აქებდითსა

Line of ed.: 26       ქებაჲ შენდა, ქრისტე, ქებაჲ შენდა და დიდებაჲ მოსლვასა შენსა,
Line of ed.: 27    დიდებაჲ ჯუარცუმასა შენსა, დაფლვასა და ადგომასა.

Page of ed.: 437  
Line of ed.: 1       დიდების-მეტყუელებასა საღმრთოჲსა მადლისასა დაუცხრომელად
Line of ed.: 2    მორწმუნენი შევსწირვიდეთ, ყოველნი უგალობდეთ ღმერთსა
Line of ed.: 3    ჩუენსა, ტკბილ ეყავნ მას ქებაჲ.

Line of ed.: 4       ქებულსა ანგელოზთა მიერ ვაქებდეთ -- ქრისტესა მეუფესა,
Line of ed.: 5    ყოველნი უგალობდეთ ღმერთსა ჩუენსა, ტკბილ ეყავნ მას ქებაჲ.

Line of ed.: 6       ჯუარცუმულსა თხემისა ადგილსა ნეფსით ჩუენთჳს და საფლავად
Line of ed.: 7    შესრულსა მჴსნელსა სოფლისასა ყოველნი უგალობდეთ, ღმერთსა
Line of ed.: 8    ჩუენსა, ტკბილ ეყავნ მას ქებაჲ.

Line of ed.: 9       ქრისტე ადგა საფლავით მესამესა დღესა, შემუსრა სიმტკიცჱ
Line of ed.: 10    სიკუდილისაჲ და იჴსნა ადამ კრულებისაგან ჯოჯოხეთისა. ყოველნი
Line of ed.: 11    უგალობდეთ ღმერთსა ჩუენსა, ტკბილ ეყავნ მას ქებაჲ.

Line of ed.: 12       ადგომილსა საფლავით მესამესა დღესა და განმანათლებელსა
Line of ed.: 13    სულთა ჩუენთასა, ყოველნი უგალობდეთ ღმერთსა ჩუენსა,
Line of ed.: 14    ტკბილ ეყავნ მას ქებაჲ.

Line of ed.: 15       რომელი გარდამოჰჴედ ზეცით, პირველ ქმნული აცხოვნე, ჯოჯოხეთი
Line of ed.: 16    წარმოსტყუენე, მოციქულთა ახარე, კურთხეულ არს ადგომაჲ
Line of ed.: 17    შენი.

Line of ed.: 18       მსგავსად ელვისა გარდამოჴდა ანგელოზი საფლავად, იხილეს
Line of ed.: 19    რაჲ მცველთა მათ, შიშისაგან შეძრწუნდეს და იქმნნეს ვითარცა
Line of ed.: 20    მკუდარნი.

Line of ed.: 21       შეიძრნეს ძალნი ცათანი წმიდასა ადგომასა შენსა, ქრისტე,
Line of ed.: 22    განიპნეს სიღრმენი უფსკრულთანი ჴმითა ანგელოზისაჲთა და ადგეს
Line of ed.: 23    მკუდარნი საფლავით.

Line of ed.: 24       გარდამოჴდა ანგელოზი ზეცით, ლოდი გარდააგორვა და გამოვიდა
Line of ed.: 25    უფალი საფლავით, უბრწყინვალჱ მზისთუალისა.

Line of ed.: 26       დედანი, რომელნი ჯუარცუმამდევე შეუდგეს, რომელნი ჯუარცუმასაცა
Line of ed.: 27    თანა იყვნეს, მსთუად მოვიდეს საფლავად. რაჲთა იხილონ
Line of ed.: 28    ადგომაჲ უფლისაჲ.

Page of ed.: 438  
Line of ed.: 1       დედათა, რომელთა ნელსაცხებელი მოეღო შემურვად უჴრწნელთა
Line of ed.: 2    ჴორცთა შენთა, სავსე იყვნეს ცრემლითა და შიშით ჩახედვიდეს
Line of ed.: 3    საფლსავსა მას.

Line of ed.: 4       ჴმაჲ ანგელოზისაჲ მის ესმოდა, ღაღადებდა ზედა ლოდსა მას,
Line of ed.: 5    სიხარულით ახარებდა ადგომასა ძისა ღმრთისა.

Line of ed.: 6       ჴმითა საშინელითა ეტყოდა მათ: რაჲსა ეძიებთ ცხოველსა მას
Line of ed.: 7    მკუდართა თანა? არამედ წარვედით და ახარეთ მოწაფეთა ადგომაჲ
Line of ed.: 8    უფლისა იესუსი.

Line of ed.: 9       ადგომასა შენსა, ქრისტე, საფლავით იხარებდეს ძალნი ცათანი,
Line of ed.: 10    ქუეყანაჲ შეიძრა, უფსკრულნი აეხუნეს და ადგეს მკუდარნი
Line of ed.: 11    საფლავით.

Line of ed.: 12       ვიხილეთ ჩუენ საშინელი ნათლისაჲ, დასოვლებულ იყვნეს
Line of ed.: 13    მცველნი, მძინარედ განკრთომილ გულითა, დაცემულ ელვისა მისგან
Line of ed.: 14    საშინელისა.

Line of ed.: 15       შეუვრდებოდეს სიკუდილისა მძლესა ფერჴთა მისთა, მოიკითხვიდეს
Line of ed.: 16    ქალწულსა მას მარიამს, იხილეს ადგომაჲ უფლისაჲ შორის
Line of ed.: 17    მოწაფეთა.

Line of ed.: 18       ვაქებდეთ ადგომასა ქრისტჱსსა.

Line of ed.: 19       ქუეყანით ზეცად ამაღლებულსა და დაჯდომილსა მარჯუენით
Line of ed.: 20    მამისა, უგალობდეთ ყოველნი ღმერთსა ჩუენსა, ტკბილ ეყავნ
Line of ed.: 21    მას ქებაჲ.

Line of ed.: 22       მოციქულნი იტყოდეს: კურთხეულ არს.

Line of ed.: 23       გიხაროდენ, ყოლად წმიდაო ქალწულო, რამეთუ მეუფემან ქრისტემან
Line of ed.: 24    შენგან ჴორც.

Line of ed.: 25       შენ, სასოსა ჩუენსა, გიგა.

Line of ed.: 26       საუნჯეო დიდი.

Line of ed.: 27       სამეუფოჲსა მისგან ტაკუკ.

Line of ed.: 28       ქრისტეს მიერ, ღმრთისა ჩუენისა, ცხონდა სოფელი და განათლდეს
Line of ed.: 29    მყოფნი ბნელისანი.

Line of ed.: 30       უგალობდეთ და ვიტყოდით: დიდებაჲ
Line of ed.: 31    შენდა, სამებაო წმიდაო.


Line of ed.: 32       შესხმანი წმიდისა ღმრთისმშობლისანი

Line of ed.: 33       გიხაროდენ, სახარულევანო მარიამ, სიხარულო ანგელოზთაო,
Line of ed.: 34    გიხაროდენ, ღმრთისმშობელო ქალწულო, კაცთა სიქადულო, გიხაროდენ,
Line of ed.: 35    მადლითა სავსეო, უფალი შენ თანა.

Line of ed.: 36       ღმრთისმშობელო ქალწულო, შენ თაყუანის-გცემთ, ქრისტესა
Line of ed.: 37    ევედრე, ძესა შენსა და ღმერთსა ჩუენსა, ცხორებისათჳს.

Page of ed.: 439  
Line of ed.: 1       წინაშე შენსა, ღმრთისმშობელ, მოვივლტით შენდა ყოველნი,
Line of ed.: 2    რაჲთა მიჴსნენ ჩუენ ყ.

Line of ed.: 3       ტაძარო ღმრთისაო და საყდარო მეუფისაო, ეჰა ყოლად წმიდაო
Line of ed.: 4    ქალწულო, რამეთუ შენგან გამობრწყინდა მზჱ სიმართლისაჲ და
Line of ed.: 5    აღავსო ყოველი სოფელი, მას ევედრე, ყოლად შემკულო, ვითარცა ხჱ
Line of ed.: 6    ყუავილითა, რაჲთა მეოხებითა შენითა იჴსნეს განსაცდელისაგან სულნი
Line of ed.: 7    ჩუენნი.

Line of ed.: 8       კარავი განწმედილი, ქალწული უბიწოჲ, მაყუალი აგზებული
Line of ed.: 9    და ცეცხლი არაშეხებული, ეზოჲ ტაძრისაჲ, კიდობანი შჩულისაჲ,
Line of ed.: 10    რომელსა შინა უფალი დაადგრა და ღმერთი დაფარვით მის მიერ ჩუენდა
Line of ed.: 11    მჴსნელად მოვიდა. ქალწულებაჲ შენი, ქალწულ, რომელი მამისა
Line of ed.: 12    მიერ შენდა, ქალწულო, და მუნვე მამისა, მას ევედრე სულთა
Line of ed.: 13    ჩუენთათჳს.

Line of ed.: 14       უჴრწნელი მიდგომილებაჲ, გამოუთქმელი შობაჲ, უქორწინებელად
Line of ed.: 15    დაცვად ქალწულებაჲ, მიუწუდომელისა განზრახვითა უკულეველსა
Line of ed.: 16    გზასა მოსლვაჲ და დაუთესველისაგან ყანისა აღმოცენებად
Line of ed.: 17    ჩუენდა ნაყოფი სახიერებისაჲ და უკუდავებისაჲ -- ქრისტე ღმერთი
Line of ed.: 18    ჩუენი, რომელსა აქუს დიდი წყალობაჲ.

Line of ed.: 19       საცნაურისა მზისა სიმართლისა და ძისა ღმრთისმშობელი, მოუგონებელთაგან
Line of ed.: 20    წესთა დადგრომად ვიხილეთ ესე წმიდაჲ და ყოლად
Line of ed.: 21    უქორწინებელი დედაჲ, რომელმან დაფარული იგი განზრახვაჲ, პირველ
Line of ed.: 22    საუკუნეთა ღმრთისა სიტყუაჲ, მუცლად-იღო და მისგან აღმაღლდა
Line of ed.: 23    მზჱ იგი სიმართლისაჲ და გამოვიდა მაცხოვრად ერისა თჳსისა
Line of ed.: 24    და ჴსნად ცხებულთა თჳსთა, და მთოვარჱ დადგა წმიდასა ზედა
Line of ed.: 25    თჳსსა, ქალწული უბიწოჲ. ფესუედითა ოქროვანითა შემკულსა, პირად-პირადად
Line of ed.: 26    შუენიერსა ვადიდებდეთ.

Line of ed.: 27       შენ, ზეცისა წჳმისა წმიდისა საწმისო, რომელი მწყემსმან პირუტყუთა
Line of ed.: 28    ცხოვართამან შეგიმოსა, მარიამ, მჴევალო და დედაო და
Line of ed.: 29    ქალწულო, ცაო ცათაო, მხოლოო, ჴიდო ღმრთისაო კაცთა მომართ
Line of ed.: 30    მოსლვისათჳს, საშინელო მოღუაწებისა ჩუენისა ქსელო, რომელსა
Line of ed.: 31    შინა გამოუთქმელად საუფლოჲ იქსოვე სამოსელი, გევედრებით შენ,
Line of ed.: 32    წმიდაო დედოფალო, ნუ დასცხრები ჴსნად სულთა ჩუენთათჳს.

Line of ed.: 33       კეთილი საუნჯე.

Line of ed.: 34       დიდი საყუდელი.


Line of ed.: 35       სამხრად ფსალმუნი

Line of ed.: 36       კურთხეულ არს უფალი, რამეთუ ისმ (ps. 27, 6 Link to psa).


Line of ed.: 37       დასადებელი

Line of ed.: 38       უფალი ძალ არს ერისა ვიდრე თჳსისა (ps. 27, 8 Link to psa).

Page of ed.: 440  
Line of ed.: 1       ალელუაჲ

Line of ed.: 2       შენ, უფალო, ასეგ და შეიწყალე სიონი ვიდრე ჟამი (ps.
Line of ed.: 3    101, 14 Link to psa).


Line of ed.: 4       სხუაჲ

Line of ed.: 5       აქებდ იერუსალემი უფალსა (ps. 147, 1 Link to psa).


Line of ed.: 6       სხუაჲ

Line of ed.: 7       ვიდოდე მე უბიწო (ps. 100, 2 Link to psa).


Line of ed.: 8       ჴელთაბანისაჲ

Line of ed.: 9       ღმრთივ ბრწყინვალესა და ანგელოზთა მიერ ქადაგებულსა მაცხოვრისა
Line of ed.: 10    ჩუენისა ადგომასა ქებით აღვასრულებდეთ, რამეთუ დღეს
Line of ed.: 11    ჴრწნილებაჲ უჴრწნელებად აღესრულებისა და მოკუდავებაჲ ჩუენი
Line of ed.: 12    უკუდავებად გარდაიცვალა, ანგელოზებრსა ცხორებასა. მოვედით,
Line of ed.: 13    ერნო, ადგომასა უფლისასა გალობით ვადიდებდეთ.

Line of ed.: 14       კრებულ არიან ანგელოზნი ყოველნი ზეცას და უხარის, დღეს
Line of ed.: 15    იშუებს ყოველი დაბადებული ადგომისათჳს მკუდრეთით მაცხოვრისა
Line of ed.: 16    უფლისა, რამეთუ ყოველი საცთური კერპთაჲ დაჰჴსნდა და აწ ქრისტე
Line of ed.: 17    სუფევს უკუნისამდე.


Line of ed.: 18       სიწმიდისაჲ

Line of ed.: 19       შენ გაქებენ მჴედრობანი ანგელოზთანი, შენ გადიდებენ ქერაბინთა
Line of ed.: 20    ძალნი, შენ უფროჲსად აგამაღლებენ სერაბინნი მრავალთუალნი,
Line of ed.: 21    სამებისა წმიდისა გალობასა დაუცხრომელად შესწირვენ: წმიდა
Line of ed.: 22    ხარ, წმიდა ხარ, წმიდა ხარ შენ, ღმერთო ჩუენო.

Line of ed.: 23       ადგომასა ქრისტჱსსა ყოველნი აქებენ: ანგელოზნი, ძალნი და
Line of ed.: 24    სიწმიდენი, და ჩუენ მათ თანა გალობით ვიტყჳთ: წმიდა ხარ, წმიდა
Line of ed.: 25    ხარ, წმიდა ხარ შენ, უფალო, დიდებაჲ მამასა და ძესა და წმიდასა
Line of ed.: 26    სულსა.

Line of ed.: 27       საყდართა ქერობინთა მჯდომარისა მსხუერპლსა შევსწირავთ,
Line of ed.: 28    უხილავისა და მეუფისა ქებასა ვიკადრებთ უღირსითა ბაგითა, წესთა
Line of ed.: 29    ზეცისა ანგელოზთა თანა ვღაღადებთ ჴმითა დიდებულითა და
Line of ed.: 30    ვიტყჳთ: წმიდა ხარ, წმიდა ხარ, წმიდა ხარ შენ, უფალო, დიდებაჲ
Line of ed.: 31    მამასა და ძესა და წმიდასა სულსა.

Line of ed.: 32       შენდა მსხუერპლსა.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.