TITUS
Udzv.iadg.
Part No. 172
Previous part

Date: WPasch._1_a2   Link to lektpar
Page of ed.: 441  
Line of ed.: 1  დასადებელნი ადგომისანი ჴ̃ჲ ა გ̃ი


Line of ed.: 2       უფალო ღაღატყავსა

Line of ed.: 3       მწუხრისა გალობასა შევსწირავთ შენდამი, ქრისტე, შეიწირე,
Line of ed.: 4    გევედრებით, და შეგჳწყალენ ჩუენ.

Line of ed.: 5       მწუხრისა გალობასა შევსწირავთ შენდამი, ქრისტე, რომელი
Line of ed.: 6    გამოშჩნდი ჴორცითა და ვნებაჲ ჯუარსა ზედა თავს-იდევ და
Line of ed.: 7    ცოდვანი ჩუენნი ჯუარსა შემრჭუალენ.

Line of ed.: 8       საფლავსა დაიდევ, უფალო, და ურჩულონი ჰურიანი, ვითარცა
Line of ed.: 9    საფასესა ცხორებისასა, გცვიდეს, არამედ ასდეგ, ვითარცა ღმერთ
Line of ed.: 10    ხარ, წარმოსტყუენე ჯოჯოხეთი ძლევითა.

Line of ed.: 11       მესამესა დღესა საფლავით აღმოჰბრწყინდი, ქრისტე ღმერთო,
Line of ed.: 12    და რომელთა ჯოჯოხეთს ეძინა, დარჩილნი, ბნელისაგან აღმოიყვანენ
Line of ed.: 13    ნათლად, ამისთჳსცა უგალობთ ადგომასა შენსა, უფალო, დიდებაჲ
Line of ed.: 14    შენდა.

Line of ed.: 15       ქალწულო უბიწოო, შენ ხარ სასოჲ და შესავედრებელი აღმსაარებელთა
Line of ed.: 16    შენთაჲ, მეოხ იყავ წინაშე ძისა შენისა და ღმრთისა
Line of ed.: 17    ჩუენისა.

Line of ed.: 18       უფალო, რომელმან მოქლონნი საუკუნენი შეჰმუსრენ და საკრველნი
Line of ed.: 19    განჰხეთქენ, საფლავით ასდეგ, დაუტევენ ტილონი იგი საწამებელად
Line of ed.: 20    ჭეშმარიტად სამისა დღისა დაფლვისა შენისა და წინ უძღოდე
Line of ed.: 21    გალილეას, რომელსა ქუაბსა შინა გცვიდეს. დიდ არს შენი ადგომაჲ,
Line of ed.: 22    მიუწდომელო უფალო, დიდებაჲ შენდა.

Line of ed.: 23       უფალო, დაბეჭდულისაგან საფლავისა ურჩულოთა მიერ გამოხუედ
Line of ed.: 24    სამარით, ვითარცა იშევ ქალწულისაგან. არა ცნეს, ვითარ ჴორცნი
Line of ed.: 25    შეისხენ, უჴორცოთა შენთა ანგელოზთა და ვერ გულისხმა-ყვეს,
Line of ed.: 26    რაჟამს ასდეგ, მცველთა შენთა მჴედართა, რამეთუ ორკერძო მათგან
Line of ed.: 27    დაებეჭდე, გამომეძიებელთა განეცხადე საკჳრველებით და რომელნი
Line of ed.: 28    თაყუანის-გცემენ სარწმუნოებით საიდუმლოსა შენსა, რომელსა გიგალობთ:
Line of ed.: 29    მომეც ჩუენ სიხარული, გევედრებით, და დიდი წყალობაჲ,
Line of ed.: 30    დიდებაჲ შენდა.

Page of ed.: 442  
Line of ed.: 1       უფალო, და ვითარცა გიხილეს შენ დედათა, მეუფჱ უკუდავი მოკუდავთა
Line of ed.: 2    მიერ სამარესა, რამეთუ ჰგონებდეს, ვითარცა ლიტონსა
Line of ed.: 3    კაცსა, განჴრწნად, არამედ ასდეგ მკუდრეთით უკუდავი უფალი, რომელმან
Line of ed.: 4    მოკუდავნი ნათლად აღმოიყვანენ. ვითარ ჰგონებდეს ურჩულონი
Line of ed.: 5    იგი დაფარვასა შენსა? ხოლო შენ ადგომილი განეცხადე მოწაფეთა
Line of ed.: 6    საშინელად, რომელმან ზიარ-ჰყვენ მოციქულნი შენნი ანგელოზთა
Line of ed.: 7    თანა. უფალო, ზიარმცა ვართ ჩუენ ზეცისა საიდუმლოსა,
Line of ed.: 8    რომელსა გიგალობთ: მომეც ჩუენ სიხარული, გევედრებით, და დიდი
Line of ed.: 9    წყალობაჲ, დიდებაჲ შენდა.

Line of ed.: 10       უფალო, და ვითარცა გიხილეს შენ დედათა აღდგომილი საფლავით,
Line of ed.: 11    მირბიოდეს თხრობად მოციქულთა, ახარებდეს ადგომასა ძისა ღმრთისასა,
Line of ed.: 12    რამეთუ ასდეგ შენ, ქრისტე, მეუფჱ უკუდავი, რომელმან დასთრგუნე
Line of ed.: 13    სიკუდილი და განაახლე ადამი, მოანიჭე მორწმუნეთა
Line of ed.: 14    ადგომაჲ.

Line of ed.: 15       უფალო, და ვითარცა გამოხუედ დაბეჭდული საფლავით, ეგრჱთვე
Line of ed.: 16    შეხუედ ბჭეთა ჴშულთა მოწაფეთა შენთა თანა ჩუენებად მათა
Line of ed.: 17    ჴორცთა იგი ვნებაჲ, რომელ დაითმინე, მაცხოვარ, სულგრძელებით
Line of ed.: 18    და, ვითარცა ნათესავისაგანმან დავითისმან, წყლულებაჲ დაითმინე,
Line of ed.: 19    ჭეშმარიტად ძემან ღმრთისამან სოფელი განანათლე. დიდ არს შენი
Line of ed.: 20    ადგომაჲ, გამოუთქმელო უფალო, შეგჳწყალენ და გუაცხოვნენ ჩუენ.

Line of ed.: 21       უფალო, რომელი საფლავით გამოხუედ, განანათლენ ეკლესიანი,
Line of ed.: 22    გამოაჩინენ მას შინა წმიდანი მოციქულნი, რომელთა ქადაგეს ადგომაჲ
Line of ed.: 23    შენი.

Line of ed.: 24       ვღაღადებ შენდამი, უფალო, რომელი იშევ ქალწულისაგან და
Line of ed.: 25    განანათლე სოფელი ადგომითა შენითა.

Line of ed.: 26       ვღაღადებთ შენდამი, ქრისტე, რომელმან ივნე ჩუენთჳს ჯუარითა,
Line of ed.: 27    ცხორებაჲ სოფელსა მოანიჭე.

Line of ed.: 28       რომელი ასდეგ მკუდრეთით, სახიერ, კაცთმოყუარე, ადგომითა
Line of ed.: 29    შენითა სოფელი განანათლე.

Line of ed.: 30       ვღაღადებ შენდამი, ქრისტე, რომელი ასდეგ მკუდრეთით, სახიერ,
Line of ed.: 31    კაცთმოყუარე, და განანათლე სოფელი ადგომითა შენითა.

Page of ed.: 443  
Line of ed.: 1       ვღაღადებთ შენდამი, ქრისტე, რომელი ნეფსით შეხუედ საფლავად,
Line of ed.: 2    მყოფთა ბნელისათა ადგომაჲ მიანიჭე.

Line of ed.: 3       სახარულევანო, მარადის ქალწულო, დედაო მაცხოვრისაო, შენ
Line of ed.: 4    ხარ სასოჲ და სიქადული ჩუენი, შენ აგიარებთ, ჭეშმარიტად ღმრთისმშობელო,
Line of ed.: 5    ევედრე შენგან შობლსა ღმერთსა, რაჲთა აც.

Line of ed.: 6       რომელი აჰმაღლდი ზეცად და დაშჯედ მარჯუენით მამისა, ყოველთა
Line of ed.: 7    უფალი, ღირს მყვენ ჩუენ მგალობელად შენდამი, ქრისტე,
Line of ed.: 8    რომელი მოხუედ სოფლად და კუალად მოსულად ხარ დიდებითა,
Line of ed.: 9    შეგჳწყალენ ჩუენ.

Line of ed.: 10       საყდარი ზეცისაჲ, წმიდაჲ ქალწული.

Line of ed.: 11       წმიდაჲ წმიდათაჲ ღმრთისმშო.

Line of ed.: 12       ღმრთისმშობელო ქალწულო, შენ ხარ კიდ.

Line of ed.: 13       ღმრთისმშობელო ქალწულო, ღმერთმან გამოგ.

Line of ed.: 14       ღმრთისა დედასა და წმიდასა მა.

Line of ed.: 15       რომელი საფლავით ასდეგს და განანათლენ მყოფნი ბნელისანი,
Line of ed.: 16    ადგომითა ცხორებაჲ და უჴრწნელებაჲ მოგუმადლე, ამისთჳსცა მორწმუნენი
Line of ed.: 17    ვღაღადებთ შენდამი: მაცხოვარ, დიდებაჲ შენდა.


Line of ed.: 18       ოხითაჲ

Line of ed.: 19       გამოუთქმელსა შენსა მოწყალებასა და აურაცხელსა სულგრძელებასა
Line of ed.: 20    შენსა გევედრებით შეცოდებული ერი შენი, ქრისტე ღმერთო
Line of ed.: 21    ჩუენო, ვნებაჲ ნეფსით დაითმინე და ასდეგ მესამესა დღესა,
Line of ed.: 22    ლხინება ყავ შეცოდებათა ჩუენთათჳს და შეგჳწყალენ ჩუენ.


Line of ed.: 23       ფსალმუნი

Line of ed.: 24       წარემართე (ps. 140, 2 Link to psa).


Line of ed.: 25       დასადებელი

Line of ed.: 26       მსწავლოს მე მართალ (ps. 140, 5 Link to psa).


Line of ed.: 27       აქა აკურთხევდითსა

Line of ed.: 28       ადგომასა ქრისტჱსსა ცანი განეხუნეს, კიდენი ქუეყანისანი
Line of ed.: 29    იხარებენ, სიონი შეუნდების, ანასტასიაჲ წმიდაჲ აღივსების მადლითა
Line of ed.: 30    და ყოველნი ეკლესიანი აღივსნეს დიდებითა.

Line of ed.: 31       ადგომასა ქრისტჱსსა ანგელოზნი აქებენ, ძენი კაცთანი.

Page of ed.: 444  
Line of ed.: 1       ადგომასა ქრისტჱსსა მოციქულნი ახარებენ, მოწამენი იხარებენ
Line of ed.: 2    და ჩუენდა მეოხ არიან წინაშე უფლისა.

Line of ed.: 3       ადგომასა ქრისტჱსსა ლოდი იძრვოდა, აეღო სამარჱ, ადგა უფალი,
Line of ed.: 4    დღეს იხარებენ ყოველნი ძალნი ცათანი, ერნი ანგელოზთანი ქებასა
Line of ed.: 5    შესწირვენ.

Line of ed.: 6       მოვედით, ერნო, უგალობდეთ უფალსა, ალელუაჲ, ადგომილსა
Line of ed.: 7    მკუდრეთით, ალელუაჲ, რომელმან სოფელი განანათლა, ალელუაჲ.

Line of ed.: 8       ადგომასა მაცხოვრისასა უგალობდეთ, ალელუაჲ.

Line of ed.: 9       მდგომარენი სახლსა ღმრთისასა უგალობდეთ, ალელუაჲ.


Line of ed.: 10       ჯუარისანი

Line of ed.: 11       უფალო, ჯუარი შენი ჩუენ მოგუეც საძლეველად მტერისათჳს
Line of ed.: 12    და დამტკიცებად ეკლესიათა. ამის მიერ მორწმუნენი ვცხონდებით
Line of ed.: 13    და ვადიდებთ ადგომასა შენსა.

Line of ed.: 14       ჯუარმან შენმან, ქრისტე, განანათლნა ცის-კიდენი და აღმართნა
Line of ed.: 15    ეკლესიანი, აუხილნა თუალნი ბრმათანი და ავლინა მკელობელნი,
Line of ed.: 16    და გზა გუექმნა ჩუენ ზეცად აღსლვად და გუიჩუენა ჩუენ
Line of ed.: 17    ცხორებაჲ საუკუნოჲ, გაქებთ შენ.

Line of ed.: 18       რომელი ჩუენთჳს ზეცით გარდამოჰჴედ, ჯუარითა ივნე, გევედრებით,
Line of ed.: 19    შეგჳწყალენ ჩუენ.

Line of ed.: 20       ჯუარი შენი, ქრისტე, ზეცით გამოჩ.


Line of ed.: 21       უგალობდითსა

Line of ed.: 22       უგალობდეთ უფალსა, რამეთუ დიდებით დიდებულ არს, დასაბამითგან
Line of ed.: 23    შემწყნარებელ. ღმერთო ჩუენო, მაცხოვნე ჩუენ.

Line of ed.: 24       ღმერთი გამოჩნდა ჴორცითა და იჴსნა ნათესავი კაცთაჲ კერპთაგან
Line of ed.: 25    საცთურისა, მას მხოლოსა უგალობდეთ.

Line of ed.: 26       ქრისტე ამაღლდა ჯუარსა ზედა და განხეთქა დარჩილებაჲ პირველ
Line of ed.: 27    შექმნულისა ადამისა, მას მხოლოსა უგალობდეთ.

Line of ed.: 28       ქრისტე ადგა მკუდრეთით და მის თანა აღადგინა ადამ, ცთომისაგან
Line of ed.: 29    დაცემული, მას მხოლოსა უგალობდეთ.

Line of ed.: 30       ქრისტემან ჯუარითა ჯოჯოხეთი წარმოსტყუენა და ადგომითა
Line of ed.: 31    მისითა სოფელი განანათლა, მას მხოლოსა უგალობდეთ.

Line of ed.: 32       ღმრთისა დედასა და ქალწულსა მართლმადიდებლობით უგალობდეთ,
Line of ed.: 33    რამეთუ მეოხ არს მარადის ჩუენთჳს უფლისა მიმართ.

Page of ed.: 445  
Line of ed.: 1       უგალობდეთ გალობით უფალსა ღმერთსა ჩუენსა, რომელმან
Line of ed.: 2    დაანთქა ფარაო ერითურთ ზღუასა მეწამულსა და იჴსნა ერი თჳსი
Line of ed.: 3    ისრაელი, მტერისაგან ოტებული, მას მხოლოსა უგალობდეთ.

Line of ed.: 4       ისრაელი ღაღადებდა და იტყოდა: ვინ არს ღმერთ დიდ, ვითარ
Line of ed.: 5    ღმერთი ჩუენი, რომელმან ზღუასა განგუარინნა და პურითა ზეცისაჲთა
Line of ed.: 6    უდაბნოს გამოგუზარდნა? მას მხოლოსა უგალობდეთ.

Line of ed.: 7       მსგავსად პატიოსნისა ჯუარისა შენისა, ქრისტე, კუერთხი იგი
Line of ed.: 8    მოსჱსი გამოაჩინე ზღუასა ზედა მეწამულსა, რომლითა ჰყოფდ ნიშებსა
Line of ed.: 9    და სასწაულებსა ეგჳპტეს შინა, მრავლითა ძალითა შენითა
Line of ed.: 10    შეჰმუსრენ მჴდომნი შენნი.


Line of ed.: 11       მოიხილესა

Line of ed.: 12       მოიხილე, მაღალო, წყალობითა შენითა და მოეც მშჳდობაჲ ერსა
Line of ed.: 13    შენსა.

Line of ed.: 14       განამართლოს უფალმან ერი თჳსი მშჳდობით და მონათა
Line of ed.: 15    თჳსთა ნუგეშინის-სცეს.

Line of ed.: 16       იხილეთ უფალი, რამეთუ მოწყალე არს და არა არს სხუაჲ
Line of ed.: 17    ღმერთ მისა გარეშე.

Line of ed.: 18       დასაბამი სიტყუათა მათ შენთაჲ განმანათლებელ არს, ქრისტე,
Line of ed.: 19    რომელმან მოეც რჩული ერსა შენსა.

Line of ed.: 20       ცროდეს-ღათუ, ვითარცა ცუარნი, სიტყუანი შენნი ზედა ერსა
Line of ed.: 21    შენსა, რომელი იჴსენ.

Line of ed.: 22       ცროდეს-ღათუ, ვითარცა ცუარნი, სიტყუანი შენნი, ქრისტე,
Line of ed.: 23    არა გევლტოდა ქალწული დიდებისა შენისაგან.

Line of ed.: 24       იხილეთ, იხილეთ ღმერთი, ჴორციელ-ქმნული ქალწულისაგან,
Line of ed.: 25    რომელმან ივნო ჯუარსა ზედა და მორწმუნეთა ადგომაჲ მოანიჭა.

Line of ed.: 26       დიდებაჲ შენდა, დიდებაჲ შენდა, ქრისტე, ძეო ღმრთისაო, რომელმან
Line of ed.: 27    ადგომითა შენითა კაცთა ნათესავი აცხოვნე.

Line of ed.: 28       მეოხ იყავ, მარადის ქალწულო, შენგან შობილისა მიმართ
Line of ed.: 29    ღმრთისა, რაჲთა აცხოვნნეს სულნი ჩუენნი.

Line of ed.: 30       მოიხილე, უფალო, წყალობით ერსა შენსა ზედა, რაჲთა ცხონდენ
Line of ed.: 31    მორწმუნენი ადგომითა შენითა.

Line of ed.: 32       დაგჳცვენ, უფალო, მორწმუნენი შენნი ჯუარითა, აღმართენ
Line of ed.: 33    ეკლესიანი ადგომითა შენითა.

Line of ed.: 34       განაძლიერენ, უფალო, მარადისნი შენნი მგალობელნი, რაჲთა,
Line of ed.: 35    მაცხოვარსა ჩუენსა, გიგალობდე შენ.

Line of ed.: 36       მოიხილე, ცაო.

Line of ed.: 37       მართალ.

Line of ed.: 38       უბიწოო.

Page of ed.: 446  
Line of ed.: 1       განძლიერდასა

Line of ed.: 2       განმაძლიერე მე, ქრისტე, ამის ცხორებისა გუემული,
Line of ed.: 3    და ჴელი ამიპყარ მე, ვითარცა კაცთმოყუარე ხარ.

Line of ed.: 4       განმაძლიერენ მე, ქრისტე, რომელმან სიკუდილითა შენითა სიკუდილი
Line of ed.: 5    მოაკუდინე და გუაცხოვნენ ჩუენ ადგომითა შენითა.

Line of ed.: 6       შემიწყალენ ჩუენ, ქრისტე, რომელი ასდეგ მკუდრეთით და აღმადგინენ
Line of ed.: 7    დაცემულნი და გუაცხოვნენ ჩუენ ადგომითა შენითა.

Line of ed.: 8       ქალწულო დედაო, უსძლოო, რომელმან შევ მაცხოვარი ქრისტე,
Line of ed.: 9    ნუ დაცხრები ვედრებად, არამედ მეოხ გუეყავ მონათა შენთათჳს.

Line of ed.: 10       განმაძლიერე მე, ქრისტე, რაჲთა არა შემძრას მტერმან მცნებათა
Line of ed.: 11    შენთაგან, ღმერთო ჩემო, შემიწყალე მე.

Line of ed.: 12       განძლიერებული გულითა, დამდაბლებული სულითა ვღაღადებ
Line of ed.: 13    შენდამი, მოწყალე: ღმერთო ჩემო, შემიწყალე მე.

Line of ed.: 14       რომელი ასდეგ საფლავით და მკუდარნი აღადგინენ, ქრისტე,
Line of ed.: 15    ცხორების მომცემელო, უფალო ღმერთო ჩემო, შემიწყალე მე.

Line of ed.: 16       განმაძლიერენ ჩუენ, ქრისტე, ჯუარითა შენითა პატიოსნითა და
Line of ed.: 17    ადგომითა შენითა გუაცხოვნენ ჩუენ.


Line of ed.: 18       უფალო მესმასა

Line of ed.: 19       მესმა სმენაჲ შენი და შემეშინა, განვიცადენ საქმენი შენნი
Line of ed.: 20    და დამიკჳრდა.

Line of ed.: 21       განვიცადე საიდუმლოჲსა შენისა განგებულებაჲ დიდებული,
Line of ed.: 22    საკჳრველი, და შევძრწუნდი, უფალო.

Line of ed.: 23       ნეფსით ჯუარსა ზედა შენი ვნებაჲ რაჲ იხილეს ზეცისა ძალთა
Line of ed.: 24    შენთა, დაუკჳრდა, უფალო.

Line of ed.: 25       გულისხმა-ვყავ ჯუარსა შენსა ზედა ძალი შენი და ვადიდე,
Line of ed.: 26    კაცთმოყუარე, ადგომაჲ შენი.

Line of ed.: 27       გიგალობთ შენ, ყოლად წმიდაო, მარადის ქალწულო, და გადიდებთ
Line of ed.: 28    შენ, უჴრწნელსა დედასა ქრისტეს ღმრთისა ჩუენისასა.

Page of ed.: 447  
Line of ed.: 1       უფალო, მესმა მოსლვაჲ შენი და შემეშინა, რამეთუ მოხუედ
Line of ed.: 2    განახლებად სოფლისა.

Line of ed.: 3       შენ, სიტყუაჲ მამისაჲ, მოხუედ ზეცით ქუეყანად და ქალწულისაგან
Line of ed.: 4    იშევ ღმერთი, ცხორებაჲ სოფელსა მოანიჭე.

Line of ed.: 5       უფსკრულთა ზედა გამოშჩნდი შენ, მაცხოვარ, განსწმიდენ მდინარენი,
Line of ed.: 6    განანათლენ ეკლესიანი და გუაცხოვნენ მორწმუნენი
Line of ed.: 7    შენნი.

Line of ed.: 8       მდინარენი ღაღადებდეს და იტყოდეს: აჰა მოვალს სული წმიდაჲ
Line of ed.: 9    ჩუენ ზედა, განწმიდოს წყალთა ბუნებაჲ და განანათლოს ნათესავი
Line of ed.: 10    კაცთაჲ.

Line of ed.: 11       აჰმაღლდი ჯუარსა ზედა, მაცხოვარ, ცოდვანი სოფლისანი აჰჴოცენ,
Line of ed.: 12    საფლავსა დაიდევ და ასდეგ მესამესა დღესა.

Line of ed.: 13       რომელი საყდართა ქერაბინთა ზედა მჯდომარე ხარ, შეხუედ
Line of ed.: 14    წმიდასა მუცელსა ქალწულისასა და მისგან ჴორცშესხმულ იქმენ
Line of ed.: 15    ჩუენისა ჴსნისათჳს, რომელმან განაქარვე ყუედრებაჲ იგი დედათაჲ
Line of ed.: 16    და განაახლე ბუნებაჲ კაცთაჲ დაძუელებული, დიდებაჲ შენდა,
Line of ed.: 17    დიდებაჲ ძალსა შენსა, უფალო.

Line of ed.: 18       ჯუარსა დაემრჭუალე, ვითარცა განიზრახე, მკუდართა თანა
Line of ed.: 19    შეირაცხე, დიდითა სახიერებითა შეჰმუსრე ჯოჯოხეთი, წარმოსტყუენე
Line of ed.: 20    სიკუდილი ჯუარითა პატიოსნითა და გამოუჩნდი ნათლად
Line of ed.: 21    სოფელსა. დიდებაჲ შენდა, დიდებაჲ ძალსა შენსა, უფალო.

Line of ed.: 22       საფლავსა დაიდევ, ვითარცა მკუდარი, და ასდეგ მესამესა დღესა,
Line of ed.: 23    პირველ ქმნული კაცი ქუესკნელთაგან ქუეყანისათა აღმოიყვანე და
Line of ed.: 24    აღმადგინენ დაცემულნი ადგომითა შენითა. დიდებაჲ შენდა, დიდებაჲ
Line of ed.: 25    ძალსა შენსა, უფალო.

Line of ed.: 26       და შენითა მესამესა დღესა მკუდრეთით ადგომითა სიკუდილი
Line of ed.: 27    დაჰჴსენ, ჯოჯოხეთი წარმოსტყუენე და მაცხოვნენ ჩუენ, კაცთმოყუარე,
Line of ed.: 28    ადგომითა.


Line of ed.: 29       ღამითგანსა

Line of ed.: 30       რომელნი ღამითგან თაყუანის-გცემთ, ქრისტე, შეგჳწყალენ
Line of ed.: 31    და მშჳდობაჲ შენი მოგუმადლე, რამეთუ ნათელი და ბრბძანებაჲ შენი
Line of ed.: 32    იქმნა ლხინება მონათა შენთა ზედა.

Line of ed.: 33       უგალობდეთ ძელსა ჯუარისასა და ვადიდებდეთ, რომელმან ივნო
Line of ed.: 34    ჩუენთჳს, რომელმან სიკუდილითა სიკუდილი მოაკუდინა და
Line of ed.: 35    ცხორებაჲ სოფელსა მოანიჭა.

Line of ed.: 36       გამობრწყინდა დიდებით მოსლვაჲ შენი, ქრისტე, რაჟამს იშევ
Line of ed.: 37    ქალწულისაგან, განანათლენ მყოფნი ბნელისანი ადგომითა შენითა.

Page of ed.: 448  
Line of ed.: 1       გჳცნობიეს ძალი ჯუარისაჲ და ვადიდებდეთ ადგომასა ქრისტჱსსა,
Line of ed.: 2    რამეთუ მან მოგუმადლა ჩუენ ცხორებაჲ წაყლობითა და სულითა
Line of ed.: 3    წმიდითა.

Line of ed.: 4       დიდ არიან საქმენი შენნი, უფალო, და ყოველივე სიბრძნით
Line of ed.: 5    ჰქმენ, განახუენ ცანი და გჳჩუენე ჩუენ ბრწყინვალებაჲ იგი მზისა
Line of ed.: 6    მის სიმართლისაჲ.

Line of ed.: 7       ქრისტჱს მიმართ სასოებაჲ გუაქუს და სიქადული სულისაგან
Line of ed.: 8    წმიდისა. მოციქულნი, წინაწარმეტყუელნი და მოწამენი მეოხ არიან
Line of ed.: 9    სულთა ჩუენთათჳს.

Line of ed.: 10       ღამისა ლოცვასა შევსწირავთ შენდამი, ღმერთო, რამეთუ ნათელ
Line of ed.: 11    არიან ბრძანებანი შენნი.

Line of ed.: 12       უფალო ღმერთო ჩუენო, შენი მშჳდობაჲ მომეც ჩუენ, რამეთუ
Line of ed.: 13    ჩუენ შენსა გარეშე სხუაჲ ღმერთი არა ვიცით.

Line of ed.: 14       გუახარეს მოციქულთა ადგომაჲ შენი, მაცხოვარ, რომლითა
Line of ed.: 15    განათლდეს მორწმუნენი შენნი.

Line of ed.: 16       ცუარი მშჳდობისაჲ მოავლინე, ქრისტე, ზეცით და ნაყოფიერ
Line of ed.: 17    ყვენ შენნი მორწმუნენი.

Line of ed.: 18       მოვიდა ნათელი, მოვიდა ჭეშმარიტებაჲ, მოვიდა ქრისტე,
Line of ed.: 19    მჴსნელი სულთა ჩუენთაჲ.

Line of ed.: 20       ჯუარცუმულსა უგალობდეთ, დაფარულსა ვადიდებთ და ადგომილსა
Line of ed.: 21    თაყუანის-ვსცემთ -- ქრისტესა ღმერთსა ჩუენსა.


Line of ed.: 22       ღაღადყავსა

Line of ed.: 23       ღაღატ-ვყავ ჭირსა ღმრთისა მიმართ მოწყალისა, სიტყუაჲ გამოავლინა
Line of ed.: 24    და იჴსნა მაღალმან განჴრწნისაგან ცხორებაჲ ჩემი.

Line of ed.: 25       ღაღატ-ვყავ ჭირსა ღმრთისა, უკუდავისა მამისა, გამოავლინა
Line of ed.: 26    წყალობაჲ და ჭეშმარიტებაჲ დაიჴსნა.

Line of ed.: 27       ვღაღადებ შენდამი, ქრისტე, რომელმან ივნე და განიპყრენ ჴელნი
Line of ed.: 28    თჳსნი ჯუარსა ზედა, წარმოსტყუენე ჯოჯოხეთი ძლევითა და
Line of ed.: 29    მაცხოვნე მე.

Line of ed.: 30       ვღაღადებთ შენდამი, ქრისტე, რომელი ჰზი ქერობინთა და ჰხედავ
Line of ed.: 31    უფსკრულთა, გამოავლინე მაღლით წყალობაჲ შენი და გუაცხოვნენ
Line of ed.: 32    ჩუენ.

Page of ed.: 449  
Line of ed.: 1       ვღაღადებთ შენდამი, ქრისტე, რომელი ასდეგ და ახარე მოციქულთა
Line of ed.: 2    და ადგომაჲ ყოველთა მოგუანიჭე.

Line of ed.: 3       ღაღატ-ვყავ ჭირსა ჩემსა უფლისა მიმართ, მუცლით გამო ვეშაპისა
Line of ed.: 4    გესმა ჴმაჲ ჩემი.

Line of ed.: 5       ვითარცა შთავარდა წინაწარმეტყუელი იგი უფსკრულად და შიშით
Line of ed.: 6    მუცლად-იღო ვეშაპმან სამ დღე და სამ ღამე.

Line of ed.: 7       მუცლით გამო ვეშაპისაჲთ ვღაღადებ შენდამი, ქრისტე, აღმომიყვანე
Line of ed.: 8    მე, ღმერთო, შენითა შეწევნითა.

Line of ed.: 9       იხარებდეს სატანჯველსა შინა მჴნენი შენნი, წმიდანი მოწამენი,
Line of ed.: 10    ძლევაჲ შენმიერი მიიღეს და გადიდებდეს შენ, მხოლოსა, ქველისმოქმედსა
Line of ed.: 11    უფალსა.

Line of ed.: 12       მხოლოვო, მოწყალეო, სულსა შესუენებულთასა წმიდათა და
Line of ed.: 13    რჩეულთა შენთა თანა განუსუენე, ვითარცა კაცთმოყუარე ხარ.

Line of ed.: 14       კეთილად მსახურნი, დედისა შენისა ქალწულისა მადიდებელნი
Line of ed.: 15    შეგჳწყალენ და მეოხებითა მისითა აცხოვნენ სულნი ჩუენნი.

Line of ed.: 16       მკუდრეთით ადგომასა მას დღესა, რომელი ცხორების მომცემელ
Line of ed.: 17    ხარ, მაცხოვარო ჩუენო, იჴსენ ხრწნილებისაგან ადამ და სოფელსა
Line of ed.: 18    ცხორებაჲ მოანიჭე.

Line of ed.: 19       ქალწულო კურთხეულო ... ქებად.


Line of ed.: 20       კურთხეულარსა

Line of ed.: 21       ღმერთო მამათა ჩუენთაო, კურთხეულ ხარ შენ უკუნისამდე.

Line of ed.: 22       მამათათაო და ჩუენო ღმერთო, კურთხეულ ხარ შენ უკუნისამდე.

Line of ed.: 23       აღთქუმისათჳს მამათა ჩუენთაჲსა ნუ მიმცემ ჩუენ სახელისა
Line of ed.: 24    შენისათჳს.

Line of ed.: 25       ნუ განმაშორებ წყალობასა შენსა ჩემგან, ღმერთო მამათა
Line of ed.: 26    ჩუენთაო.

Line of ed.: 27       პირსა შენსა ნუ გარე-მიიქცევ ჩემგან, ღმერთო მამათა
Line of ed.: 28    ჩუენთაო.

Line of ed.: 29       მსთუად მეწიენ ჩუენ წყალობაჲ შენი, ღმერთო მამათა
Line of ed.: 30    ჩუენთაო.

Line of ed.: 31       ჯუარცუმულსა, დაფლულსა და ადგომილსა საფლავით უგალობდეთ,
Line of ed.: 32    ღმერთსა მამათა ჩუენთასა.

Line of ed.: 33       შენ გაკურთხევთ, სამებასა ერთარსებასა, ღმერთსა მამათა
Line of ed.: 34    ჩუენთასა.

Page of ed.: 450  
Line of ed.: 1       კურთხეულ ხარ, მსაჯულო სიმართლისაო მოსავთა შენთაო,
Line of ed.: 2    ღმერთო მამათა ჩუენთაო.

Line of ed.: 3       შენ, სასოო ჩუენო, ნუ უგულებელს-ჰყოფ ჭირთა მხადელთა
Line of ed.: 4    შენთა მიმართ, ღმერთო მამათა ჩუენთაო.

Line of ed.: 5       კურთხეულ ხარ, უფალო, რომელი დიდებულ ხარ დასთაგან ანგელოზთა
Line of ed.: 6    და უფროჲსად ამაღლებულ უკუნისამდე.

Line of ed.: 7       დიდებაჲ მაღალთა შინა ღმერთსა, ბაბილონს ყრმანი იტყოდეს,
Line of ed.: 8    სარწმუნოებითა დამტკიცებულნი, სამებასა წმიდასა გაკურთხევდეს,
Line of ed.: 9    სიხარულით ღაღადებდეს, მაღლისა მიმართ იტყოდეს: ღმერთო მამათა
Line of ed.: 10    ჩუენთაო, კურთხეულ ხარ შენ.

Line of ed.: 11       ნესტჳსა მისგან და სახიობისა არა შეშინდეს ყრმანი მძლავრისა
Line of ed.: 12    მისგან, არამედ დაუკლებელად განუშორებელ იქმნეს, ღმრთეებასა
Line of ed.: 13    ხედვიდეს აგზებულსა საჴმილსა, სამებასა წმიდასა გაკურთხევდეს,
Line of ed.: 14    მაღლისა მიმართ იტყოდეს: ღმერთო მამათა ჩუენთაო, კურთხეულ
Line of ed.: 15    ხარ შენ.

Line of ed.: 16       სამების მგალობელნი ყრმანი შეითხინეს აგზებულსა საჴუმილსა,
Line of ed.: 17    შემოსილნი დიდებითა, ხოლო აქა -- ქალწულისა საშოჲ დაცული.

Line of ed.: 18       ღმრთეებითა შობილსა ქრისტესა ვაკურთხევდეთ, მაღლისა მიმართ
Line of ed.: 19    ვიტყოდით: ღმერთო მამათა ჩუენთაო, კურთხეულ ხარ შენ.

Line of ed.: 20       ღმრთეებითა შობილსა ქრისტესა ვაკურთხევდეთ მაღლისა მიმართ
Line of ed.: 21    ვიტყოდით: ღმერთო მამათა ჩუენთაო, კურთხეულ ხარ
Line of ed.: 22    ღმერთეებასა და კაცებასა უპირატეს განკუირვებულ იყო მეფჱ იგი
Line of ed.: 23    მეოთხჱ ხილვითა, ხოლო აქა ქრისტჱ, ჯუარსა ზედა დამრჭუალული
Line of ed.: 24    ჰურიათა მიერ, დაიდვა საფლავსა. ადგომილსა მესამესა დღესა
Line of ed.: 25    ვაკურთხევდეთ, მაღლისა მიერ ვიტყოდით: ღმერთო მამათა ჩუენთაო,
Line of ed.: 26    კურთხეულ ხარ შენ.

Line of ed.: 27       რომელმან ჯუარცუმითა მისითა მოგუანიჭა ჩუენ უკუდავებისა
Line of ed.: 28    იგი სამოსელი, ყოველთა მორწმუნეთა, ქრისტემან ღმერთმან ჩუენმან
Line of ed.: 29    მოგუცა ჩუენ მშჳდობაჲ და სიხარული. გალობით ვიტყოდით:
Line of ed.: 30    კურთხეულ ხარ შენ, უფალო ღმერთო მამათა ჩუენთაო.

Line of ed.: 31       რომელმან ადგომითა მისითა დაცემისაგან აღმადგინნა შეცთომილნი,
Line of ed.: 32    მშჳდობაჲ სოფელსა მოანიჭა და მორწმუნენი განგუანათლნა,
Line of ed.: 33    გალობით ვიტყოდით: კურთხეულ ხარ შენ, უფალო ღმერთო მამათა
Line of ed.: 34    ჩუენთაო.

Page of ed.: 451  
Line of ed.: 1       რომელმან მოსლვითა მისითა განწმიდა საშოჲ ქალწულისაჲ
Line of ed.: 2    ღმრთეებითა და მას შინა დაიმკჳდრა ბუნებით, ვითარცა ჯერ-იჩინა,
Line of ed.: 3    გალობით ვიტყოდით: კურთხეულ ხარ შენ, უფალო ღმერთო მამათა
Line of ed.: 4    ჩუენთაო.

Line of ed.: 5       მეოხ ჩუენდა იყავ, ქალწულო მარიამ, მფარ.


Line of ed.: 6       აკურთხევდითსა

Line of ed.: 7       წინამძღუარსა ცხორებისასა აკურთხევდით ყრმანი და უფროჲსად
Line of ed.: 8    ამაღლებდით ქრისტესა ღმერთსა უკუნისამდე.

Line of ed.: 9       ქალწულისაგან ჴორციელ-ქმნულსა უთესლოდ აკურთხევდით
Line of ed.: 10    ყრმანი და უფროჲსად ამაღლებდით ქრისტესა ღმერთსა
Line of ed.: 11    უკუნისამდე.

Line of ed.: 12       ჯუარსა ზედა ამაღლებულსა აკურთხევდით ყრმანი და უფროჲსად
Line of ed.: 13    ამაღლებდით ქრისტესა ღმერთსა უკუნისამდე.

Line of ed.: 14       ადგომილსა საფლავით მესამესა დღესა აკურთხევდით ყრმანი
Line of ed.: 15    და უფროჲსად ამაღლებდით ქრისტესა ღმერთსა უკუნისამდე.

Line of ed.: 16       ძისა თანა მამასა და სულსა წმიდასა დიდების-მეტყუელებდეთ --
Line of ed.: 17    ღმერთსა ანგელოზთა თანა უკუნისამდე.

Line of ed.: 18       მჯდომარესა ქერობინთა ზედა საყდართა უგალობდეთ და უფროჲსად
Line of ed.: 19    ავამაღლებდეთ მას უკუნისამდე.

Line of ed.: 20       ყრმათა წმიდათა, რჩულისა მმარხველთა სამთავე, სამებისა წმიდისა
Line of ed.: 21    ერთობით მგალობელთა, ცეცხლი ცუარად გარდააქციეს.

Line of ed.: 22       ყრმანი წმიდანი, რჩულისა მმარხველნი სამნივე, სამებისა წმიდისა
Line of ed.: 23    ერთობით მგალობელნი, დიდებასა შენდა შესწირვენ.

Line of ed.: 24       ღმერთსა მაღალსა, ცათა შინა მყოფსა, ანგელოზნი აქებენ, დიდებასა
Line of ed.: 25    შენდა შესწირვენ.

Line of ed.: 26       არა დავცხრებით, ქრისტე, გაკურთხევთ შენ ყოველსა ჟამსა
Line of ed.: 27    ცხორებასა ჩუენსა.

Line of ed.: 28       ჩუენ, უღირსნი მონანი შენნი, გაკურთხევთ შენ ყოველსა ჟამსა
Line of ed.: 29    ცხორებასა ჩუენსა.

Line of ed.: 30       უფროჲს ყოველთა წარმართთა განძლიერებულ იყვნეს ყრმანი,
Line of ed.: 31    რომელნი იყვნეს ბაბილონს, ვითარმედ მძლავრიცა იგი განკჳრვებით
Line of ed.: 32    ღაღადებდა. ერნი და მღდელნი აკურთხევდით უფალსა.

Line of ed.: 33       ვითარცა საჴუმილსა შინა ღირსნი ყრმანი შენნი დაიცვენ ცუარითა,
Line of ed.: 34    ეგრევე ნეტარი დედაჲ შენი უბიწოჲ შემდგომად შობისა კუალად
Line of ed.: 35    ქალწულად დაიცევ. დიდებაჲ შენდა, გამოუთქმელო უფალო.

Page of ed.: 452  
Line of ed.: 1       რომელმან დაიცევ დანიელ პირისაგან ლომთაჲსა და ჯურღმულსა
Line of ed.: 2    მას შინა მიუძღუანე საზრდელი, შენვე სამთა მათ ყრმათა შორის
Line of ed.: 3    გამოჩნდი და მიუწდომელად შეეწიე. დიდებაჲ შენდა, გამოუთქმელო
Line of ed.: 4    უფალო.

Line of ed.: 5       სამებასა ყოლად წმიდასა აკურთხევდით ყრმანი და უფროჲსად
Line of ed.: 6    ამაღლებდით ქრისტესა ღმერთსა უკუნისამდე.

Line of ed.: 7       დაუსაბამომან ქრისტემან ღმერთმან ჩუენმან, რომელმან
Line of ed.: 8    ჩუენთჳს ყოველივე განაგო სიბრძნითა თჳსითა, საშოსა ქალწულისასა
Line of ed.: 9    დაემკჳდრა სიმდაბლით, გამოუთქმელად საფლავსა დაიდვა და
Line of ed.: 10    ადგა უფალი მესამესა დღესა. აკურთხევდით და უფროჲსად ამაღლებდით
Line of ed.: 11    ქრისტესა ღმერთსა უკუნისამდე.

Line of ed.: 12       გამოუთქმელმან ქრისტემან ღმერთმან ჩუენმან, რომელმან ჴელნი
Line of ed.: 13    თჳსნი ჯუარსა ზედა განიპყრნა, ავაზაკსა სამოთხჱ განუღო და ადგა
Line of ed.: 14    უფალი ძლიერებით მესამესა დღესა. აკურთხევდით და უფროჲსად
Line of ed.: 15    ამაღლებდით ქრისტესა ღმერთსა უკუნისამდე.

Line of ed.: 16       ადგომასა შენსა, უფალო, ანგელოზნი ცათა შინა გიგალობენ,
Line of ed.: 17    მორწმუნენი თაყუანის-სცემენ ძელსა ჯუარისა შენისასა, დაუცხრომელად
Line of ed.: 18    ღაღადებენ და იტყჳან: აკურთხევდით და უფროჲსად ამაღლებდით
Line of ed.: 19    ქრისტესა ღმერთსა უკუნისამდე.

Line of ed.: 20       სამგუამოვნებასა ღმრთეებისასა ანგელოზთა მიერ ცათა შინა
Line of ed.: 21    დიდებულსა მღდელნი აკურთხევდით, ერნი უფროჲსად ამაღლებდით
Line of ed.: 22    მას უკუნისამდე.

Line of ed.: 23       უგალობდით გალობით უფალსა, რომელმან დააცარიელა საფლავი
Line of ed.: 24    ადგომითა და ...


Line of ed.: 25       ადიდებდითსა

Line of ed.: 26       ვადიდებთ ყოლად წმიდასა ქალწულსა, რომლისაგან აღმოგჳცენდა
Line of ed.: 27    ქრისტე ღმერთი, მჴსნელი სულთა ჩუენთაჲ.

Line of ed.: 28       ვადიდებდეთ დედასა მაცხოვრისასა, ღმრთისმშობელსა, სიქადულსა
Line of ed.: 29    და მარადის სასოსა ჩუენსა.

Line of ed.: 30       ვადიდებდეთ მეოხსა სოფლისასა, ღმრთისმშობელსა სიქადულსა
Line of ed.: 31    და მარადის სასოსა ჩუენსა.

Line of ed.: 32       ვაკურთხევდეთ ქრისტესა, შობილსა ქალწულისაგან, რამეთუ
Line of ed.: 33    მოგუხედნა ჩუენ და იჴსნა ერი თჳსი ცოდვათაგან.

Line of ed.: 34       ვაკურთხევდეთ მამასა მოწყალესა და ჭეშმარიტსა ძესა სულით
Line of ed.: 35    წმიდითურთ უკუნისამდე.

Line of ed.: 36       რომელმან დაუტევნელი იტუირთე და იქმენ მშობელ გამოუთქმელისა
Line of ed.: 37    და დედად ქალწულებისად, გალობით გადიდებთ შენ,
Line of ed.: 38    ღმრთისმშობელო.

Line of ed.: 39       შენ, გამოუთქმელო ქორწინებისაგან, ღმრთისმშობელო, რომელსა
Line of ed.: 40    ცათა მეუფჱ გეტუირთა და უშევ სოფელსა წინამძღუარი ცხორებისა
Line of ed.: 41    ჩუენისაჲ, გალობით გადიდებთ.

Page of ed.: 453  
Line of ed.: 1       შენ, პირველ საუკუნეთა სიტყუასა, მამისაგან შობილსა და აღსასრულსა
Line of ed.: 2    ჟამთასა ქალწულისაგან ჴორცშესხმულსა, გალობით
Line of ed.: 3    გადიდებთ.

Line of ed.: 4       შენ, ქრისტე, რომელი ცათა ვერ დაგიტიეს, საშომან ქალწულისამან
Line of ed.: 5    გიტჳრთა და სიხარული სოფელსა გამოუჩნდი, გალობით
Line of ed.: 6    გადიდებთ.

Line of ed.: 7       შენ გამოჰბრწყინდი ქალწულისაგან, ქრისტე ღმერთო, რომელმან
Line of ed.: 8    ვნებაჲ ნეფსით ჯუარსა ზედა თავს-იდევ და განანათლენ მყოფნი
Line of ed.: 9    ბნელისანი, გალობით გადიდებთ.

Line of ed.: 10       შენ, ჯუარცუმულსა, დაფლულსა და ადგომილსა დიდებით და
Line of ed.: 11    აღმადგინებელსა რქისა ცხორებისა ჩუენისასა, გალობით გადიდებთ.

Line of ed.: 12       შენ, დაუსაბამოსა მამასა მაღალსა, თაყუანის-გცემთ და გამოუთქუმელსა,
Line of ed.: 13    მარჯუენით მჯდომარესა ძესა შენსა სულით შენით
Line of ed.: 14    წმიდითურთ გალობით გადიდებთ.

Line of ed.: 15       შენ, ქრისტე, რომელსა გიგალობენ ძალნი ცათანი, მთავარანგელოზნი
Line of ed.: 16    გაქებენ და კრებული წმიდათაჲ გაკურთხევს, ძეო ღმრთისაო,
Line of ed.: 17    შეგჳწყალენ ჩუენ, გალობით გადიდებთ.

Line of ed.: 18       შენ, ქრისტე, რომელმან გჳრგჳნოსან ჰყვენ წმიდანი მოწამენი,
Line of ed.: 19    მათითა ოხითა მოჰმადლე სულთა ჩუენთა დიდი შენი წყალობაჲ, გალობით
Line of ed.: 20    გადიდებთ.

Line of ed.: 21       დიდი საიდუმლოჲ, რომელსა წესნი ანგელოზთანი ზესკნელ, ცათა
Line of ed.: 22    მაღალთა შინა, ადიდებენ, ქუეყანასა ზედა გამოჩნდა. განკაცებულმან
Line of ed.: 23    ღმრთეებაჲ იქადაგა, საშოჲ ქალწულისაჲ განწმიდა, ღმერთი
Line of ed.: 24    რაჲ იშვა უხილავი მაცხოვრად სოფლისა. მას გალობით დაუცხრომელად
Line of ed.: 25    ვადიდებდეთ.

Line of ed.: 26       სიტყუაჲ მოიღო, ქალწულო, შენდა ზეცით მთავარანგელოზმან,
Line of ed.: 27    დაუტევნელი იტუირთე, მუცელსა გაქუნდა ჴორცითა, რომელი
Line of ed.: 28    გამოვიდა მამისაგან, მჴსნელი სოფლისაჲ და მაცხოვარი ჩუენ ყოველთაჲ.
Line of ed.: 29    მას გალობით დაუცხრომელად ვადიდებდეთ.

Line of ed.: 30       შემწე ჭირვეულთა მეყავ, ქალწულო, მისგან, რომელი შევ ცხორებად,
Line of ed.: 31    რაჲთა კაცნი საცთურისაგან მოაქცინეს. მან იჴსნა ადამ დაცემისაგან
Line of ed.: 32    და აჴოცა წყევაჲ პირველი ხისაგან ევაჲსი ჯუარითა და
Line of ed.: 33    მოგუანიჭა მორწმუნეთა ადგომაჲ და ცხორებაჲ საუკუნოჲ. მას გალობით
Line of ed.: 34    დაუცხრომელად ვადიდებდეთ.

Line of ed.: 35       ჯუარითა მოაკუდინე სიკუდილი, განუღე კარი სამოთხისაჲ დაცემულსა
Line of ed.: 36    ავაზაკსა, რომელი ითხოვდა ცრემლით წყალობასა შენსა.

Line of ed.: 37       მომიჴსენე მე, უფალო, სასუფეველსა შენსა და მიანიჭე მას შენ თანა
Line of ed.: 38    მწრაფლ ცხორებაჲ საუკუნოჲ. მას გალობით დაუცხრომელად
Line of ed.: 39    ვადიდებდეთ.

Page of ed.: 454  
Line of ed.: 1       დაიკარვა ჴორცთა მათ შინა ქალწულისათა სიტყუამან
Line of ed.: 2    მამისამან.

Line of ed.: 3       წინავე იყო საუკუნეთა, სიტყუამან მამისამან ჴორცნი შეისხნა
Line of ed.: 4    ქალწულისა მარიამისაგან. მოვედით, ერნო, ვადიდებდეთ.

Line of ed.: 5       მოსრულსა ზეცით, მიმისა მიერ შობილსა ქალწულისაგან ქრისტესა
Line of ed.: 6    ღმერთსა ჩუენსა, მოვედით, ერნო, ვადიდებდეთ.

Line of ed.: 7       სათნო-იყო შობაჲ ქალწულისაგან დაუსაბამომან ძემან ღმრთისამან,
Line of ed.: 8    უცოდველმან, ჩუენ ცოდვილთათჳს. მოვედით, ერნო,
Line of ed.: 9    ვადიდებდეთ.

Line of ed.: 10       სამებასა ერთარსებასა, განუყოფელსა, ერთსა ღმრთეებასა მოვედით,
Line of ed.: 11    ერნო, ვადიდებდეთ.

Line of ed.: 12       შენ, ქრისტე, რომელი მსახურთა მიერ შეურაცხ იქმენ და მჴედართაგან
Line of ed.: 13    სამშჭუალნი და ლახუარნი ჯუარსა ზედა თავს-ისხენ და
Line of ed.: 14    ავაზაკსა სამოთხჱ მიანიჭე, გალობით გადიდებთ.

Line of ed.: 15       ჯუარითა ივნო ჩუენ დარჩილთათჳს, საფლავით ადგა უკუდავი
Line of ed.: 16    ღმერთი, ადგომაჲ და ცხორებაჲ ყოველთა მოგუანიჭა. მოვედით,
Line of ed.: 17    ერნო, ვადიდებდეთ.

Line of ed.: 18       ვადიდებდეთ მეოხსა ყოველთასა, ღმრთისმშობელსა, ქალწულსა
Line of ed.: 19    მარიამს, რამეთუ მისგან შობილმან ქრისტემან განანათლნა სულნი
Line of ed.: 20    ჩუენნი.

Line of ed.: 21       რომელმან დაამტკიცნა ეკლესიანი ჯუარითა პატიოსნითა და
Line of ed.: 22    მას შინა გამოაჩინნა წმიდანი მოციქულნი ადგომითა, გალობით
Line of ed.: 23    გადიდებთ.

Line of ed.: 24       ესაია მხია.

Line of ed.: 25       შენ, გამოუცდელო ქორწ.

Line of ed.: 26       შენ, ქრისტე, რომელმან წმიდა ...

Line of ed.: 27       რომელი დედად ღმრთისად გამოსჩნდი, ქალწულო, და ტაძ.

Line of ed.: 28       რომელი ქალწულებისაგან არა იცვა.


Line of ed.: 29       წარდგომანი სახარებისანი

Line of ed.: 30       ღმერთო, ვინ გემსგავსოს შენ? ვიდრე აიღეს თავი (ps. 82,
Line of ed.: 31    2-3 ).


Line of ed.: 32       დასადებელი

Line of ed.: 33       ცნედ, რამეთუ სახელი შენი ვიდრე ყოველსა ქუეყანასა ზედა
Line of ed.: 34    (ps. 82, 19 Link to psa).


Line of ed.: 35       სხუაჲ

Line of ed.: 36       მიეწიფნეს ფერჴნი ჩე ვიდრე იერუსალემს (ps. 121, 2 Link to psa).

Page of ed.: 455  
Line of ed.: 1       დასადებელი

Line of ed.: 2       იერუსალემი შენებულ არს, ქალაქ ვიდრე გარემო არს მისსა
Line of ed.: 3    (ps. 121, 3 Link to psa).

Line of ed.: 4       ვიხარე, რომელთა მრქუეს (ps. 121, 1 Link to psa).


Line of ed.: 5       ფსალმუნი

Line of ed.: 6       აღდეგ, უფალო ღმერთო ჩემო (ps. 9, 33 Link to psa).


Line of ed.: 7       დასადებელი

Line of ed.: 8       უფალი მეუფეჲ არს უკუნისამდე (ps. 9, 37 Link to psa).


Line of ed.: 9       სხუაჲ

Line of ed.: 10       ყოველი სული (ps. 150, 6 Link to psa).


Line of ed.: 11       დასადებელი

Line of ed.: 12       აქებდით ღმერთსა სიწ (ps. 150, 1 Link to psa).


Line of ed.: 13       სხუაჲ

Line of ed.: 14       სუფევს უფალი უკუნისამდე, ღმერთი შ (ps. 145, 10 Link to psa).


Line of ed.: 15       გარდამოთქუმაჲ

Line of ed.: 16       დედანი იგი მირბიოდეს საფლავად ხილვად შენდა, ქრისტე,
Line of ed.: 17    რომელი ნეფსით დაეფალ. შე-რაჲ-ვიდეს, იხილეს ანგელოზი, მჯდომარჱ
Line of ed.: 18    ლოდსა მას ზედა შიშით გარდაგორვებულსა. მათა მიმართ
Line of ed.: 19    ღაღად-ყო და თქუა: ადგა უფალი. უთხართ მოწაფეთა მისთა, ვითარმედ
Line of ed.: 20    ადგა ქრისტე მკუდრეთით, რომელმან აცხოვნნა სულნი
Line of ed.: 21    ჩუენნი.


Line of ed.: 22       ფსალმუნი

Line of ed.: 23       წრფელ არს უფალი ღმერთი ჩუენი (ps. 91, 16 Link to psa).


Line of ed.: 24       დასადებელი

Line of ed.: 25       უფალი სუფევს ... (ps. 92, 1 Link to psa).


Line of ed.: 26       აქებდითსა

Line of ed.: 27       სანატრელნი დედნი მსთუად მოვიდეს საფლავსა მას ხილვად
Line of ed.: 28    გუამსა შენსა, ქრისტე.

Line of ed.: 29       ცრემლითა გეძიებდეს, ხილვით იხილეს ბრწყინვალებაჲ ანგელოზისაჲ
Line of ed.: 30    მის ზედა საფლავსა მას.

Page of ed.: 456  
Line of ed.: 1       იხილეს ანგელოზნი, მჯდომარეჲ ლოდსა ზედა, რომელი ახარებდა
Line of ed.: 2    ადგომასა ქრისტჱსსა.

Line of ed.: 3       გამოჩინებამან ანგელოზისამან მხიარულ ყვნა დედანი იგი,
Line of ed.: 4    რამეთუ ახარა მათ ადგომაჲ შენი, ქრისტე.

Line of ed.: 5       წარვიდეს დედანი იგი, ახარეს მოციქულთა: ჩუენ ვიხილეთ
Line of ed.: 6    უფალი, ადგომილი მკუდრეთით.

Line of ed.: 7       მოწაფენი მისნი წარვიდეს გალილეას, მუნ იხილეს უფალი, ადგომილი
Line of ed.: 8    მკუდრეთით.

Line of ed.: 9       ასდეგ და განეცხადე წმიდათა მოციქულთა, განათლდეს ცის-კიდენი
Line of ed.: 10    ადგომითა შენითა.

Line of ed.: 11       ისწრაფდეს დედანი იგი მისლვად საფლავსა მას, თანა აქუნდა
Line of ed.: 12    ნელსაცხებელი სულნელი, საკუმეველი და იტყოდეს: ვინ მიგჳტევნეს
Line of ed.: 13    ჩუენ ხილვად საფლავსა მას?

Line of ed.: 14       დაღაცათუ მისლვით მივიდეს, ვითარ ვიკადროთ ატეხად ბეჭედი
Line of ed.: 15    იგი? ანუ ვინ გარდაგჳგორვოს ჩუენ ლოდი იგი? ანუ ვინ განგჳღოს
Line of ed.: 16    ჩუენ კარი საფლავისაჲ?

Line of ed.: 17       დედანი იგი, სავსენი ცრემლითა, მწუხარენი გლოვითა, დაჴსნილნი
Line of ed.: 18    ტირილითა, მიიწინეს ზედა საფლავსა მას.

Line of ed.: 19       იხილეს ბეჭედი ატეხილი, ლოდი გარდაგორვებული, კარი განღებული
Line of ed.: 20    და უფალი, ადგომილი საფლავით.

Line of ed.: 21       უფალო, სიკუდილმან შენმან სიკუდილი დათრგუნა, უფალო,
Line of ed.: 22    სიკუდილმან შენმან ჯოჯოხეთი წარმოტყუენა და ადგომამან შენმან
Line of ed.: 23    ყოველი სოფელი აცხოვნა.

Line of ed.: 24       გაქებთ შენ, დაუსაბამოსა ღმერთსა, მამისაგან მხოლოდშობილსა
Line of ed.: 25    სიტყუასა და ჩუენთჳს განჴორციელებულსა ქალწულისაგან უქცეველად
Line of ed.: 26    და ჯუარსა ზედა დამრჭუალულსა.

Line of ed.: 27       ცანი შეძრწუნდეს და ქუეყანაჲ შეიძრა დიდებულსა ადგომასა
Line of ed.: 28    შენსა, ქრისტე, რომელსა გაქებენ მთავარანგელოზნი.

Line of ed.: 29       საშინელისა და ბრწყინვალისა ანგელოზისა გარდამოსლვითა
Line of ed.: 30    მცველთა შენთა აჩრდილი სიკუდილისაჲ დაადგრა დიდებისაგან ძლიერებისა,
Line of ed.: 31    რომელსა გაქებენ მთავარანგელოზნი, ადგომილსა.

Line of ed.: 32       ორნი ანგელოზ.

Page of ed.: 457  
Line of ed.: 1       უფალი ადგა, ჯოჯოხეთი წარმოტყუენა, სიკუდილი დათრგუნა,
Line of ed.: 2    სოფელი აცხოვნა.

Line of ed.: 3       ადგა უფალი, ძალითა ძლიერი, განანათლნა თჳსნი ეკლესიანი
Line of ed.: 4    ადგომითა.

Line of ed.: 5       ადგომილ არს უფალი, ამაღლებულ არს ზეცად, იგი ზის მარჯულ
Line of ed.: 6    მამისა და ჩუენთჳს ჰყოფს წყალობასა.

Line of ed.: 7       ღმრთისმშობელსა გიგალობთ, უთესლოდ მოქც.

Line of ed.: 8       შენისა ქალწულებისა საიდუმ.

Line of ed.: 9       დაუსაბამოჲ ... სიბრძნე მიუწდო{მელი}.

Line of ed.: 10       ღმრთისა დედასა.

Line of ed.: 11       უფალო, ოდეს საფლავსა დაგდვეს შენ ჰურიათა და დაჰბეჭდეს
Line of ed.: 12    დასისა თანა და გარემოჲს საფლავსა ზედა ერისაგან, რომელი გცვიდეს,
Line of ed.: 13    ვითარცა მეუფესა მძინარესა, ხოლო შენ ჯოჯოხეთი წარმოსტყუენე
Line of ed.: 14    და მყოფნი ბნელისანი ნათლად აღმოიყვანენ ადგომითა.

Line of ed.: 15       შეძრწუნდეს ძალნი ცათანი და ძრწოდეს საფუძველნი ქუეყანისანი,
Line of ed.: 16    რაჟამს გარდამოჴდა ანგელოზნი ზედა საფლავსა მას და ჴმითა
Line of ed.: 17    საშინელითა ეტყოდა დედათა მათ: გიხაროდენ, უფალი ადგა მკუდრეთით
Line of ed.: 18    და სოფელსა ცხორებაჲ მოანიჭა.

Line of ed.: 19       ჴმისაგან საშინელისა შეძრწუნდეს მცველნი იგი და იქმნეს ვითარცა
Line of ed.: 20    მკუდარნი. იხილეს რაჲ წმიდათა მათ დედათა, სიხარულით
Line of ed.: 21    მირბიოდეს თხრობად მოციქულთა და ეტყოდეს: თქუენ წარვედით
Line of ed.: 22    გალილეას და მუნ იხილოთ უფალი, ადგომილი მკუდრეთით.

Line of ed.: 23       საშინელი ანგელოზი უფლისაჲ, გარდამოსრული საფლავად,
Line of ed.: 24    სცემდა ნესტუსა ადგომისა შენისასა და მცველნი იგი შეძრწუნდეს
Line of ed.: 25    და იქმნეს ვითარცა მკუდარნი.

Line of ed.: 26       ლოდსა ზედა მჯდომარე ახარებდა დედათა მათ დიდებულსა
Line of ed.: 27    ადგომასა შენსა, ქრისტე, რომელსა გაქებენ მთავარანგელოზნი, ადგომილსა
Line of ed.: 28    მკუდრეთით. შეგჳწყალენ ჩუენ.


Line of ed.: 29       შესხმანი წმიდისა ღმრთისმშობლისანი

Line of ed.: 30       ჴსნისა ჩუენდა მომატყუებელსა წმიდასა დედოფალსა და
Line of ed.: 31    ქალწულსა, ჯოჯოხეთისა შემმუსრველისა დედასა, სანატრელსა
Line of ed.: 32    დედათა შორის, ღმრთისმშობელსა, უდიდებულჱსად, უზეშთაესად
Line of ed.: 33    ყოველთა მთავრობათა საყდარსა ღმრთისასა, მეოხსა სოფლისასა
Line of ed.: 34    ვაქებდეთ.

Line of ed.: 35       ეჰა, ყოლად წმიდაო ღმრთისმშობელო, ტაკუკო ოქროჲსაო,
Line of ed.: 36    სავსეო მანანაჲთა, და საწმისი, რომელი გიცნა გედეონ, რომელმან
Line of ed.: 37    სიტყუაჲ ღმრთისაჲ მუცლად-იღე და ცხორებაჲ საუკუნოჲ სოფელსა
Line of ed.: 38    უშევ, შენ ყოველნი გადიდებთ, შენ ყოველნი გაკურთხევთ, შენ თაყუანის-გცემთ,
Line of ed.: 39    უხრწნელო ქალწულო, ყოლად სახარულევანო.

Page of ed.: 458  
Line of ed.: 1       ღმრთისმშობელო ქალწულო, შენ ხარ კოდობანი სიწმიდისაჲ,
Line of ed.: 2    რომელზედა სული წმიდაჲ გამოჩნდა, რომელსა იტყოდა ნათან წინაწარმეტყუელი,
Line of ed.: 3    ვითარმედ: ქალწულისაგან შობილისა განიხაროს ყოველმან
Line of ed.: 4    დაბადებულმან.

Line of ed.: 5       შენსა მოწყალებასა მოვივლტით, ღმრთისმშობელო, ჩუენსა
Line of ed.: 6    ვედრებასა ნუ უგულებელს-ჰყოფ ჭირსა შინა, არამედ რისხვისაგან
Line of ed.: 7    გჳხსენ, მხოლოო.

Line of ed.: 8       გიხაროდენ, სახარულევანო მარიამ, ქალწულო და დედაო მაცხოვრისაო,
Line of ed.: 9    რომლისაგან სიტყუაჲ ჴორციელ იქმნა, რომელსა შინა
Line of ed.: 10    სულმან წმიდამან დაიმკჳდრა. უგალობდეთ, ერნო, მუცელსა ზეცისა
Line of ed.: 11    მობაძავსა და მტჳრთველსა შუენიერებისა, სძალსა და მშობელსა
Line of ed.: 12    მაცხოვრისა ჩუენისა, წმიდასა ესრჱთ უგალობდეთ და ვიტყოდით:
Line of ed.: 13    ალელუაჲ.

Line of ed.: 14       გიხაროდენ, სახარულევანო, უსძლოო დედაო, რომელმან სიტყუაჲ
Line of ed.: 15    მამისაჲ უთესლოდ საშოსა შენსა შეიწყალე და რომელი-იგი
Line of ed.: 16    წესისა მისებრ მელქიზედეკისისა უხრწნელებითა ჰშევ არა ფიცართა
Line of ed.: 17    ქვისათა გამოსახული, არამედ არსებისა დიდებითა ღმერთი
Line of ed.: 18    განკაცებული, ვითარცა ყრმაჲ ჩჩჳლი, შენგან სძითა ზრდილ-ყოფილი
Line of ed.: 19    ქრისტჱ, მჴსნელი სულთა ჩუენთაჲ.

Line of ed.: 20       ღმრთისმშობელო ქალწულო, ღმერთმან გამოგირჩია, საშოჲ
Line of ed.: 21    შენი წმიდა ყო და მუცელი შენი განაბრწყინა, კიდობნად შჯულისა
Line of ed.: 22    განგმზადა და ტაძრად სამეუფოდ აღგაშჱნა. შენ ღმრთეებაჲ იტჳრთე
Line of ed.: 23    და ნათლად ნათესავსა გამოუჩნდი, მეოხ გუეყავ წინაშე ძისა შენისა
Line of ed.: 24    და ღმრთისა ჩუენისა.

Line of ed.: 25       საყდარი ზეცისაჲ, ქალწული მარიამ, ტაკუკი ოქროჲსაჲ,
Line of ed.: 26    სავსჱ სულითა წმიდითა და მტჳრთველი მზისაჲ მის სიმართლისაჲ.


Line of ed.: 27       სამხრად ფსალმუნი

Line of ed.: 28       ვაქებდე უფალსა ცხორებასა ჩემსა ვიდრე ვიდრემდის ვიყო
Line of ed.: 29    მე (ps. 103, 33 Link to psa).


Line of ed.: 30       დასადებელი

Line of ed.: 31       აკურთხევს სული ჩემი უფალსა, უფალო ღმერთო ჩემო, გ
Line of ed.: 32    (ps. 103, 1 Link to psa).


Line of ed.: 33       ალელუაჲ

Line of ed.: 34       უფალი სუფევს, შუენიერებაჲ შეიმოსა ვიდრე შეირტყა
Line of ed.: 35    (ps. 92, 1 Link to psa).


Line of ed.: 36       სხუაჲ

Line of ed.: 37       შენ გშუენის გალობაჲ, ღმერთო, სიონს (ps. 64, 2 Link to psa).

Page of ed.: 459  
Line of ed.: 1       სხუაჲ

Line of ed.: 2       წაყალობანი შენნი მრავალ არ (ps. 118, 156 Link to psa).


Line of ed.: 3       ჴელთაბანისაჲ

Line of ed.: 4       რომელმან ადგომაჲ მოჰმადლე ნათესავსა კაცთასა, ვითარცა
Line of ed.: 5    ცხოვარი კლვად მიიგუარი. შეძრწუნდეს ამისთჳს მთავარნი ჯოჯოხეთისანი
Line of ed.: 6    და დაეცნეს ბჭენი სალმობათანი, რამეთუ შევიდა მეუფჱ
Line of ed.: 7    დიდებისაჲ ქრისტე, ეტყოდა: კრულნი გამოვედით და, რომელნი
Line of ed.: 8    ბნელსა შინა ხართ, გამოეცხადენით.

Line of ed.: 9       წინამძღუარსა ცხორებისა ჩუენისა -- ქრისტესა ვადიდებდეთ,
Line of ed.: 10    რამეთუ ადგომითა მისითა სოფელი ბნელისაგან იჴსნა. უხარის ერსა
Line of ed.: 11    ანგელოზთასა, ივლტის საცთური ეშმაკისაჲ, ადამ ადგა დაცემისაგან
Line of ed.: 12    და ეშმაკი განდევნა.

Line of ed.: 13       შენდა დიდებასა შევსწირავთ, უფალო ღმერთო ჩუენო, მჴსნელო
Line of ed.: 14    სულთა ჩუენთაო, ჭეშმარიტო ღმერთო, რამეთუ ჯუარცუმაჲ დაითმინე
Line of ed.: 15    და ასდეგ მკუდრეთით. ქებასა დაუცხრომელად შენდა, ქრისტე,
Line of ed.: 16    შევსწირავთ: წმიდა ხარ, წმიდა ხარ, წმიდა ხარ შენ, უფალო.

Line of ed.: 17       დიდებაჲ მამასა და ძესა და წმიდასა სულსა.

Line of ed.: 18       დღითი-დღედ ქმნულნი ჴელთა შენთანი გიგალობენ შენ, წმიდაო
Line of ed.: 19    მაცხოვარ, პირველად ერნი ანგელოზთანი, ქერობინნი და სერაბინნი,
Line of ed.: 20    ცანი და ქუეყანაჲ და ნათესავი კაცთანი, რომელთათჳს
Line of ed.: 21    ჯუარცუმაჲ დაითმინე და ასდეგ მკუდრეთით. ყოველთა ცხორებაჲ
Line of ed.: 22    გინდა, უფალო.


Line of ed.: 23       სიწმიდისაჲ

Line of ed.: 24       კრებული მთავარანგელოზთაჲ დაუცხრომელითა ჴმითა გაქებენ,
Line of ed.: 25    გადიდებენ სამებასა ერთარსებასა: წმიდა ხარ, წმიდა ხარ შენ,
Line of ed.: 26    უფალო.

Line of ed.: 27       შენ გაქებენ მჴედრობანი ანგელოზთანი, შენ გადიდებენ სერაბინთა
Line of ed.: 28    ძალნი, შენ უფროჲსად აგამაღლებენ ქერობინნი მრავალთუალნი,
Line of ed.: 29    სამებისა წმიდისა გალობასა დაუცხრომელად შესწირვენ: წმიდა
Line of ed.: 30    ხარ, წმიდა ხარ, წმიდა ხარ შენ, უფალო, დიდებაჲ შენდა.

Line of ed.: 31       ერნი წინაშე დგანან წმიდათა ანგელოზთანი და შენ გადიდებენ,
Line of ed.: 32    მაცხოვარო ჩუენო.

Line of ed.: 33       ჴორცი უფლისაჲ, სისხლი მაცხოვრისაჲ, წინაშე დგანან ზეცისა
Line of ed.: 34    ძალნი, უხილავად მსახურებენ, ჴმითა დიდებულითა ღაღადებენ
Line of ed.: 35    და იტყჳან ზეცისა გალობასა: წმიდა ხარ, წმიდა ხარ, წმინდა ხარ
Line of ed.: 36    შენ, უფალო.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.