TITUS
Udzv.iadg.
Part No. 173
Previous part

Date: WPasch._1_b2   Link to lektpar
Page of ed.: 460  
Line of ed.: 1  დასადებელნი ადგომისანი ჴ̃ჲ ბ გ̃ი


Line of ed.: 2       უფალო ღაღატყავსა

Line of ed.: 3       მარადის ვღაღადებდეთ უფლისა მიმართ, უგალობდეთ ადგომასა
Line of ed.: 4    მისსა, რამეთუ ჯუარცუმაჲ თავს-იდვა და სიკუდილი დაჴსნა.

Line of ed.: 5       მარადის ვაკურთხევდეთ უფალსა, უგალობდეთ ადგომასა მისსა,
Line of ed.: 6    რამეთუ წყლულებითა მისითა ჩუენ ყოველნი ვიჴსნენით.

Line of ed.: 7       რომელი ჯუარს-ეცვ, დაეფალ და მესამესა დღესა ასდეგ, სიკუდილი
Line of ed.: 8    წარმოსტყუენე, რამეთუ ყოველივე ძალ-გიც, ქრისტე მაცხოვარ,
Line of ed.: 9    შეგჳწყალენ ჩუენ.

Line of ed.: 10       ადგომამან შენმან, მაცხოვარო ჩუენო, სოფელი განანათლა ყოველი
Line of ed.: 11    და მოუწოდა თჳსთა დაბადებულთა. ყოლად ძლიერო მაცხოვარ,
Line of ed.: 12    შეგუიწყალენ ჩუენ.

Line of ed.: 13       ადგომასა შენსა, ქრისტე მაცხოვარ, ანგელოზნი ცათა შინა გიგალობენ
Line of ed.: 14    და ჩუენ, ქუეყანისანი, ღირს მყვენ, რაჲთა გულითა წმიდითა
Line of ed.: 15    შენ გადიდებდეთ.

Line of ed.: 16       ადგომითა შენითა, ქრისტე ღმერთო, ჯოჯოხეთი წარმოსტყუენე,
Line of ed.: 17    ადგომაჲ ჩუენ მოგუანიჭე. გადიდებთ შენ, მხოლოსა ღმერთსა.

Line of ed.: 18       ადგომასა შენსა თაყუანის-ვსცემთ, უფალო, რამეთუ ჴელის ამპყრობელ
Line of ed.: 19    ექმენ ყოველთა, რომელნი გხადიან შენ.

Line of ed.: 20       ადგომაჲ შენი, ქრისტე ღმერთო, გამოუბრწყინდა ნათლად სოფელსა,
Line of ed.: 21    ანგელოზმან დედათა მათ ახარა საფლავით შენი ადგომაჲ.

Line of ed.: 22       მოჰმადლე უკუდავებაჲ სოფელსა, მაცხოვარ, მაცხოვნენ ჩუენ.

Line of ed.: 23       მწუხრისა გალობასა შენისა ადგომისასა, ქრისტე, ვღაღადებთ,
Line of ed.: 24    რამეთუ ჯუარითა შენითა გუაცხოვნენ ჩუენ, ღმერთო ჩუენო.

Page of ed.: 461  
Line of ed.: 1       ივნე უვნებელმან ჴორცითა, საფლავად შეხუედ, დასთრგუნე სიკუდილი,
Line of ed.: 2    წარმოსტყუენე მტერისა ძლიერებაჲ, ვღაღადებთ მორწმუნენი:
Line of ed.: 3    გუაცხოვნენ ადგომითა შენითა, ღმერთო ჩუენო.

Line of ed.: 4       რომელი მესამესა დღესა ასდეგ მკუდრეთით, განანათლე კაცთა
Line of ed.: 5    ნათესავი, ვღაღადებთ მორწმუნენი: გუაცხოვნენ, ღმერთო ჩუენო.

Line of ed.: 6       რომელი გარდამოჰჴედ, სიტყუაჲ მამისაჲ, ზეცით და იშევ ქალწულისაგან
Line of ed.: 7    ვღაღადებთ შენდა, ქრისტე, ძეო ღმრთისაო.

Line of ed.: 8       შეძრწუნდეს დაბადებულნი, რაჟამს გიხილეს დამბადებელი ჯუარსა
Line of ed.: 9    ზედა, ღაღადებდეს და იტყოდეს: შეგჳწყალენ ჩუენ, ქრისტე,
Line of ed.: 10    ძეო ღმრთისაო.

Line of ed.: 11       საფლავით ადგომაჲ შენი ცხორება ექმნა ნათესავსა კაცთასა,
Line of ed.: 12    რომელმან დარჩილნი ბნელისაგან აღმოივანენ ნათლად. ვღაღადებთ
Line of ed.: 13    შენდამი, ქრისტე, ძეო ღმრთისაო.

Line of ed.: 14       მესამესა დღესა ასდეგ მკუდრეთით და ნათელი გამოუბრწყინე
Line of ed.: 15    ადგომისა შენისაჲ მორწმუნეთა შენთა. ვღაღადებთ შენდამი, ქრისტე,
Line of ed.: 16    ძეო ღმრთისაო.

Line of ed.: 17       გადიდებთ შენ, ქალწულო და მეუფისა უკუდავისა სძალო ქერობინთა
Line of ed.: 18    უწმინდჱსისა სასუფეველისაო, მეოხ გუეყავ შენთა მვედრებელთა,
Line of ed.: 19    გიხაროდენ, მარიამ! ამისთჳსცა ჩუენ, მორწმუნენი, ვითარცა
Line of ed.: 20    ღმრთისმშობელ ხარ, დაუცხრომელად გადიდებთ.

Line of ed.: 21       შენ გიგალობთ, ღმრთისმშობელო დიდებულო, ქალწულო მარიამ,
Line of ed.: 22    რამეთუ ექმენ სამკჳდრებელ სულსა წმიდასა. ცაო ღმრთისა და
Line of ed.: 23    ქერობინო ქრისტჱსო, დიდო საყდარო, რომელმან იტჳრთე შემოქმედი
Line of ed.: 24    ცათაჲ და ქუეყანისაჲ, მეოხ იყავ სულთა ჩუენთათჳს წინაშე ძისა
Line of ed.: 25    შენისა და ღმრთი.

Line of ed.: 26       ეჰა დიდებული, შუენიერი.

Line of ed.: 27       ნათლისა დედასა, შორის დედ.

Line of ed.: 28       ოხითა წმიდისა ღმრთისმშო.

Line of ed.: 29       ყოლად წმიდაო ღმრთისმშ.

Line of ed.: 30       აემართა ჯუარი და დაითრგუნა სიკუდილი, განიღო კარი
Page of ed.: 462   Line of ed.: 1    სამოთხისაჲ, ყოველთა მორწმუნეთა ადგომაჲ მიემადლა, ამისთჳსცა
Line of ed.: 2    თაყუანის-ვსცემთ ადგომასა შენსა, მაცხოვარ, დიდებაჲ შენდა.

Line of ed.: 3       მზემან ბრწყინვალებაჲ თჳსი დაიფარა, რაჟამს გიხილა ჯუარსა
Line of ed.: 4    ზედა დამშჭუალული, ანგელოზნი შეძრწუნდეს, დღჱ ღამედ გარდაიქცა,
Line of ed.: 5    არამედ ძლიერებითა ღმრთეებისაჲთა ყოველივე თავს-იდევ და
Line of ed.: 6    ნათელი ადგომისა შენისაჲ ყოველთა მოგუანიჭე. ამისთჳსცა თაყუანის-ვსცემთ
Line of ed.: 7    ადგომასა შენსა, მაცხოვარ, დიდებაჲ შენდა.

Line of ed.: 8       საწერტელი სიკუდილისაჲ განაქარვე დაფლვითა შენითა შორის
Line of ed.: 9    გულსა ქუეყანისასა, წარმოსტყუენე ჯოჯოხეთი და განაახლე ადამი,
Line of ed.: 10    აღავსენ მორწმუნენი სულითა წმიდითა და ნათელი ადგომისა შენისაჲ
Line of ed.: 11    ყოველთა მოგუანიჭე. ამისთჳსცა თაყუანის-ვსცემთ ადგომასა
Line of ed.: 12    შენსა, მაცხოვარ, დიდებაჲ შენდა.

Line of ed.: 13       საფასჱ ცხორებისაჲ ქუესკნელთა ქუეყანისათა მივიდა და გემოჲ
Line of ed.: 14    სიკუდილისაჲ სამ დღჱ მდებარემან საფლავსა შინა იხილა, აღდგა
Line of ed.: 15    საფლავით უვნებელად ჴორცითა და აღადგინა ცთომისაგან დაცემული
Line of ed.: 16    მამაჲ ჩუენი, და ძლიერებაჲ სიკუდილისაჲ ღმერთმან ყოველთა
Line of ed.: 17    საუკუნეთმან ძლევით წარმოტყუენა.

Line of ed.: 18       უშჯულოთა ჰურიათა უვარ-ყვეს ცხორების მომცემელი და გამოითხოვეს
Line of ed.: 19    პილატესგან კაცი იგი კაცის მკლველი, ხოლო შენ თავსიდევ
Line of ed.: 20    ჯუარცუმაჲ. რომელმან განანათლენ ყოველნი ცის-კიდენი, განგუანათლენ
Line of ed.: 21    ჩუენ ადგომითა შენითა.

Line of ed.: 22       მკუდართა აღმადგინებელი საფლავად მიეცა და სოფლისა ცხორებაჲ
Line of ed.: 23    სამ დღჱ მკუდრად შეირაცხა, აღდგა საფლავით უვნებელი
Line of ed.: 24    ჴორცითა და აღადგინა ცთომისაგან დაცემული მამაჲ ჩუენი და
Line of ed.: 25    ძლიერებაჲ სიკუდილისაჲ ღმერთმან ყოველათა საუკუნეთამან ძლევით
Line of ed.: 26    წარმოტყუენა.

Line of ed.: 27       ეჰა დღჱ ესე დიდად შუენიერ და საგალობელ არს მორწმუნეთა,
Line of ed.: 28    დღჱ ნათლითა შემოსილი -- ადგომაჲ ძისა ღმრთისაჲ. ამას დღესა
Line of ed.: 29    აღდგა მხოლოდშობილი ძჱ ღმრთისაჲ, აღადგინნა მკუდარნი საფლავისაგან,
Line of ed.: 30    ამაღლდა ზეცად და მჯდომარე არს მარჯუენით მამისა, და
Line of ed.: 31    მერმე მოსლვად არს განშჯად ცხოველთა და მკუდართა. განვფინნეთ
Line of ed.: 32    ლოცვანი ჩუენნი ჟამსა მწუხრისა და ვიტყოდით: ისმინე, ღმერთო,
Line of ed.: 33    ჴმაჲ ლოცვისა ჩუენისაჲ.


Line of ed.: 34       ოხითაჲ

Line of ed.: 35       კარავსა შენსა დამიცვენ ჩუენ, საფარველსა ჯუარისა შენისასა,
Line of ed.: 36    ერი შენი წყალობით, რომელ იჴსენ ადგომითა შენითა. მომიჴსენე და
Line of ed.: 37    ნუ დამივიწყებ დიდისა სახელისა შენისათჳს, მჴსნელო, შეგჳწყალენ
Line of ed.: 38    ჩუენ.


Line of ed.: 39       ფსალმუნი

Line of ed.: 40       წარემართე (ps. 140, 2 Link to psa).

Page of ed.: 463  
Line of ed.: 1       დასადებელი

Line of ed.: 2       რამეთუ შენდამი, უფალო, უფალო, თუალ (ps. 140, 8 Link to psa).


Line of ed.: 3       აქა აკურთხევდითსა

Line of ed.: 4       რომელმან ადგომაჲ მოჰმადლე ნათესავსა კაცთასა და გაქვს
Line of ed.: 5    ჴელმწიფებით მოტევებაჲ ცოდვათაჲ, გუაცხოვნენ ურჩულოებათა
Line of ed.: 6    ჩუენთაგან.

Line of ed.: 7       მდგომარენი ტაძარსა შინა უფლისასა ვაკურთხევდეთ ქრისტესა,
Line of ed.: 8    რომელი ადგა მკუდრეთით და გუაცხოვნნა ჩუენ.

Line of ed.: 9       ადგომასა შენსა თაყუანის-ვსცემთ, უფალო, რამეთუ ჴელის ამპყობელ
Line of ed.: 10    ექმენ ყოველთა, რომელნი გხადიან შენ.

Line of ed.: 11       მდგომარენი სახ.

Line of ed.: 12       გუაცხოვნენ ჩუენ, ძეო.


Line of ed.: 13       ჯუარისანი

Line of ed.: 14       ძლიერებაჲ ჯუარისაჲ გამობრწყინდა ჩუენ ზედა და წყალობამან
Line of ed.: 15    ქრისტესმან ჩუენ ყოველნი გუაცხოვნნა. მოვედით, თაყუანის-ვსცეთ
Line of ed.: 16    ჯუარსა წმიდასა მისსა.

Line of ed.: 17       ჯუარსა შენსა თაყუანის-ვსცემთ, უფალო, და წმიდასა ადგომასა
Line of ed.: 18    შენსა ვადიდებთ.

Line of ed.: 19       ჯუარი შენი, ქრისტე, წინამძღუარ გუექმნენ და წმიდაჲ ანასტასია
Line of ed.: 20    მფარველ მეყავნ.

Line of ed.: 21       ჯუარი შენი, უფალო, ცხორება და ადგომა არს ერისა
Line of ed.: 22    შენისადა.

Line of ed.: 23       ნათელი გამოჩ.


Line of ed.: 24       უგალობდითსა

Line of ed.: 25       უგალობდეთ უფალსა, დიდებით დიდებულსა.

Line of ed.: 26       უგალობდეთ უფალსა, რამეთუ დიდებით დიდებულ არს, დასაბამითგან
Line of ed.: 27    შემწყნარებელ. ღმერთო ჩუენო, გუაცხოვნენ ჩუენ.

Line of ed.: 28       წარმოსტყუენე ჯოჯოხეთი, რომელი იშევ ქალწულისაგან. მას
Line of ed.: 29    მხოლოსა უგალობდეთ, რამეთუ დიდებით დიდებულ არს.

Line of ed.: 30       მკუდრეთით ადგა, რომელმან შემუსრნა ბრძოლანი, მას მხოლოსა
Line of ed.: 31    უგალობდეთ, რამეთუ დიდებით დიდებულ არს.

Page of ed.: 464  
Line of ed.: 1       შენდობაჲ ცოდვათაჲ და მოტევებაჲ მოგუმადლე, მაცხოვარ,
Line of ed.: 2    მგალობელთა შენთა, ვითარცა მოწყალე ხარ, უფალო.

Line of ed.: 3       მძლავრი იგი ფარაო სპარაზენითურთ დაინთქა, ხოლო ისრაელი
Line of ed.: 4    ვიდოდა ზღუასა ზედა ვითარცა ჴმელსა, ღაღადებით იტყოდა: უფალსა
Line of ed.: 5    ღმერთსა ჩუენსა უგალობდეთ, რამეთუ დიდებით დიდებულ არს.

Line of ed.: 6       კაცის მკლველი ბარაბა გამოითხოვეს ფილატჱსგან, ხოლო შენ,
Line of ed.: 7    ცხორების მომცემელი, უვარ-გყვეს შურითა, სირცხუილეულ იქმნეს
Line of ed.: 8    ურჩულონი ჰურიანი და წარწყმდეს ცხორებისაგან.

Line of ed.: 9       მჴდომნი იგი ბელიარ ქრისტემან ჯუარითა შემუსრა, ხოლო ჩუენ
Line of ed.: 10    მოგუანიჭა ცხორებაჲ და უჴრწნელებაჲ. ამისთჳს მორწმუნენი
Line of ed.: 11    უფალსა ღმერთსა ჩუენსა უგალობდეთ, რამეთუ დიდებით დიდებულ
Line of ed.: 12    არს.

Line of ed.: 13       წინამძღური ცხორებისა ჩუენისაჲ -- ქრისტე ადგა მკუდრეთით
Line of ed.: 14    და მის თანა აღადგინა ადამ, ცთომისაგან დაცემული. ამისთჳს მორწმუნენი
Line of ed.: 15    უფალსა ღმერთსა ჩუენსა უგალობდეთ, რამეთუ დიდებით
Line of ed.: 16    დიდებულ არს.

Line of ed.: 17       უგალობდეთ ქრისტესა მეუფესა, რომელმან განიპყრნა ჴელნი
Line of ed.: 18    თჳსნი ჯუარსა ზედა, ჯოჯოხეთი წარმოსტყუენა და სოფელი აცხოვნნა,
Line of ed.: 19    რამეთუ დიდებით დიდებულ არს.

Line of ed.: 20       გიგალობთ შენ, სანატრელო დედათა შორის, კურთხეულო.


Line of ed.: 21       მოიხილესა

Line of ed.: 22       მოიხილე, მაღალო, წყალობითა შენითა და მოეც მშჳდობაჲ
Line of ed.: 23    ერსა შენსა.

Line of ed.: 24       განამართლოს უფალმან ერი თჳსი მშჳდობით და მონათა თჳსთა
Line of ed.: 25    ნუგეშინის-სცეს.

Line of ed.: 26       მართალ და წმიდა არს უფალი ღმერთი ჩუენი, რომელმან ჯუარსა
Line of ed.: 27    ზედა ვნებაჲ თავს-იდვა ჩუენთჳს.

Line of ed.: 28       წმიდა არს, წმიდა არს უფალი ღმერთი ჩუენი, რომელი ადგა
Line of ed.: 29    მკუდრეთით და სოფელი განანათლა.

Line of ed.: 30       იხილეთ უფალი, რამეთუ მოწყალე არს და არა არს სხუაჲ
Line of ed.: 31    ღმერთი მისა გარეშე.

Line of ed.: 32       უჴრწნელო ქალწულო, მეოხ გუეყავ ჩუენ.

Line of ed.: 33       მიეცით, ერნო, დიდებაჲ ქრისტესა ღმერთსა ჩუენსა, რომელმან
Line of ed.: 34    სათნო-იყო ქალწულისაგან შობაჲ და ყოველი სოფელი აცხოვნა.

Page of ed.: 465  
Line of ed.: 1       დამიცვენ მოსავნი შენნი, უფალო, ჯუარითა შენითა პატიოსნითა,
Line of ed.: 2    რომლითა ჯოჯოხეთი წარმოსტყუენე და მყოფნი ბნელისანი
Line of ed.: 3    ნათლად აღმოიყვანენ ადგომითა.

Line of ed.: 4       მართალ და წმიდა არს უფალი ღმერთი ჩუენი, რომელმან ადგომითა
Line of ed.: 5    მისითა მონებისაგან მტერისა კაცთა ნათესავი
Line of ed.: 6    განათავისუფლა.

Line of ed.: 7       მართალ და წმიდა არს უფალი ღმერთი ჩუენი, რომელი ადგა
Line of ed.: 8    მკუდრეთით და სოფელი განანათლა.

Line of ed.: 9       იხილეთ, იხილეთ უფალი ღმერთი ჩუენი, რომელმან მყოფთა
Line of ed.: 10    ბნელისათა ადგომაჲ მოანიჭა.

Line of ed.: 11       მოიხილე, ცა.


Line of ed.: 12       განძლიერდასა

Line of ed.: 13       განმაძლიერე მე, ქრისტე, დამამტკიცე მე შენდამი და ნათელი
Line of ed.: 14    ცნობისა შენისაჲ მასწავე მე.

Line of ed.: 15       განაძლიერენ, უფალო, გულნი ჩუენნი გალობად და დიდებად
Line of ed.: 16    შენდა.

Line of ed.: 17       შემიწყალე მე, ქრისტე, მიჴსენ მე ბოროტისაგან და ნებასა
Line of ed.: 18    შენსა წარმიმართე.

Line of ed.: 19       აღმოჰბრწყინდი საფლავით, ქრისტე, განანათლე სოფელი, მოწყალე,
Line of ed.: 20    და უღმრთოებისა საცთური განაქარვე, კაცთმოყუარე უფალო.

Line of ed.: 21       განძლიერდით უფლისა მსახურნი უფლისანი გულისხმის-ყოფასა
Line of ed.: 22    და ცნობასა უფლისასა.

Line of ed.: 23       განაძლიერე, უფალო, ძალი შენი, განამართლე ერი შენი, ადიდენ
Line of ed.: 24    წმიდანი შენნი და ნუგეშინის-ეც მონათა შენთა, ქრისტე.

Line of ed.: 25       აღადგინის ქუეყანისაგან გლახაკი, აღამაღლის დავრდომილი,
Line of ed.: 26    მოსცის თხოვაჲ მლოცველთა მისთა და აკურთხნის წელიწადნი
Line of ed.: 27    მართლისანი.

Line of ed.: 28       განძლიერებული გულითა, დამდაბლებული სულითა ვღაღადებ
Line of ed.: 29    შენდამი: ქრისტე, ისმინე ჩემი და შემიწყალე, რომელი ასდეგ
Line of ed.: 30    მკუდრეთით.

Line of ed.: 31       რომელი ასდეგ მკუდრეთით, ქრისტე, გუაცხოვნენ ჩუენ მეოხებითა
Line of ed.: 32    მშობელისა შენისაჲთა.

Line of ed.: 33       შემეწიენ ჩუენ ჭირსა და იღუაწე ცოდვილთათჳს, რომელი გესავთ
Line of ed.: 34    შენ, ღმრთისა დედაო მარიამ, შემწეო და მფარველო მორწმუნეთა
Line of ed.: 35    შენთაო.

Page of ed.: 466  
Line of ed.: 1       არავინ არს წმიდაჲ, ვითარ.

Line of ed.: 2       რომელი აჰმაღლდი ძელსა ზედა ჯუარისასა და სიკუდილი მოაკუდინე,
Line of ed.: 3    განაძლიერენ, უფალო, გულნი ჩუენნი გალობად და დიდებად
Line of ed.: 4    შენდა.


Line of ed.: 5       უფალო მესმასა

Line of ed.: 6       მესმა სმენაჲ შენი და შემეშინა, განვიცადენ საქმენი შენნი
Line of ed.: 7    და დამიკჳრდა, რამეთუ გარდამოჰჴედ მჴსნელი სულთა ჩუენთაჲ.

Line of ed.: 8       დაფარნა ცანი შუენიერებამან შენმან, ქრისტე, და ქებითა შენითა
Line of ed.: 9    აივსო ქუეყანაჲ.

Line of ed.: 10       წინაწარმეტყუელნი შენნი, უფალო, წინაჲთვე ქადაგებდეს და
Line of ed.: 11    იტყოდეს: აჰა ესერა მოვალს მჴსნელი სულთა ჩუენთაჲ.

Line of ed.: 12       უწინარჱს მოსლვისა შენისა, ქრისტე, ამბაკუმ, წინაწარმეტყუელმან
Line of ed.: 13    შენმან, გუაუწყა ჩუენ, რამეთუ ყოველთა შემოქმედი ღმერთი
Line of ed.: 14    ქუეყანად მოხუედ, მამისა მიერ გამოხუედ მაცხოვრად ერისა შენისა
Line of ed.: 15    და წყალობითა შენითა, უფალო, განათლდა სოფელი.

Line of ed.: 16       წინაწარმეტყუელნი შენთჳს გუაუწყებდეს და მახარებელმან
Line of ed.: 17    შენთჳს ქადაგა, რამეთუ სიტყუაჲ მამისაჲ შეხუედ მუცელსა
Line of ed.: 18    ქალწულისასა.

Line of ed.: 19       ქალწულისაგან ჴორცნი შეიმოსენ და სიკუდილი მოკუდავთაჲ
Line of ed.: 20    დასთრგუნე და ცთომაჲ იგი ევაჲსი განაქარვე ჯუარითა შენითა,
Line of ed.: 21    ქრისტე.

Line of ed.: 22       შენ, ავაზაკთა ჯუარს-ეცუ, ქრისტე, და ჯოჯოხეთისა მყოფნი
Line of ed.: 23    აღადგინენ მხოლომან, ყოლად ძლიერმან.

Line of ed.: 24       ქუესკნელი ჯოჯოხეთი წარმოსტყუენე და პირველ შექმნული
Line of ed.: 25    ადამ აღადგინე და ადგომაჲ ყოველთა მოგუანიჭე ჯუარითა შენითა,
Line of ed.: 26    ქრისტე.

Line of ed.: 27       მოსლვითა შენითა, ქრისტე, გუირგუინოსან ყვენ ეკლესიანი და
Line of ed.: 28    წყალობითა შენითა, უფალო, განათლდა სოფელი.

Line of ed.: 29       ასდეგ მკუდრეთით თანა-მოსაყდრჱ მამისაჲ და საუკუნითგანნი
Line of ed.: 30    მკუდარნი შენ თანა აღადგინენ.

Line of ed.: 31       უფლისა მიმართ ღმრთისა ძალთაჲსა ვიხარებდეთ და ვიშუებდეთ
Line of ed.: 32    და სახელსა წმიდასა მისსა უგალობდეთ.

Line of ed.: 33       მეოხებითა, ქრისტე, მშობელისა შენისაჲთა მშჳდობაჲ სოფელსა
Line of ed.: 34    მოჰმადლე და აცხოვნენ სულნი ჩუენნი.

Line of ed.: 35       უფალო, სმენაჲ შენი მესმა და შემეშინა, უფალო, საქმენი შენნი
Line of ed.: 36    განვიცადენ და მიკჳრდა, რამეთუ ღმერთი იყავ და კაც იქმენ
Line of ed.: 37    ჩუენთჳს.

Page of ed.: 467  
Line of ed.: 1       შენითა ჯუარსა ზედა ამაღლებითა სუფევაჲ და ძლიერებაჲ სიკუდილისაჲ,
Line of ed.: 2    უფალო, განაქარვე და აღადგინენ დაცემულნი, რამეთუ
Line of ed.: 3    ღმერთი იყავ და კაც იქმენ ჩუენთჳს.

Line of ed.: 4       შენითა მკუდრეთით ადგომითა დასაბამითგანნი გუამნი წმიდათანი,
Line of ed.: 5    უფალო, აღადგინენ და უძღოდე ნათელსა შენსა, რამეთუ
Line of ed.: 6    ღმერთი იყავ და კაც იქმენ ჩუენთჳს.

Line of ed.: 7       უფალო, ესმა მოსლვაჲ შენი წინაწარმეტყუელსა და დაუკჳრდა,
Line of ed.: 8    რამეთუ მოხუედ მაცხოვრად სოფლისა, დიდებაჲ ძალსა შენსა.

Line of ed.: 9       შორის ორთა მათ ცხოველთასა გამოსჩნდი, გარდამოჰჴედ ზეცით
Line of ed.: 10    ქუეყანად და აცხოვნე ნათესავი კაცთაჲ, დიდებაჲ ძალსა შენსა.

Line of ed.: 11       რომელმან ჯუარსა ზედა ჴელნი განიპყრენ და ჯოჯოხეთი წარმოსტყუენე,
Line of ed.: 12    განანათლენ მყოფნი ბნელისანი, დიდებაჲ ძალსა შენსა.

Line of ed.: 13       რომელი საფლავსა დაიდევ და მესამესა დღესა ასდეგ მკუდრეთით,
Line of ed.: 14    მოანიჭე სოფელსა ადგომაჲ, დიდებაჲ ძალსა შენსა.

Line of ed.: 15       რომელმან რისხვასა შინა წყალობაჲ მოიჴსენი, შეგჳწყალენ, უფალო,
Line of ed.: 16    დაბადებულნი შენნი დიდებისათჳს სახელისა შენისა.

Line of ed.: 17       ქალწულო უბიწოო, რომელმან უთესლოდ ჰშევ მაცხოვარი, მეოხ
Line of ed.: 18    იყავ წინაშე ძისა შენისა, რაჲთა აცხოვნნეს სულნი ჩუენნი.


Line of ed.: 19       ღამითგანსა

Line of ed.: 20       ღამითგან აიმსთო სულმან ჩემმან შენდამი, ღმერთო, მშჳდობაჲ
Line of ed.: 21    შენი მოგუმადლე ჩუენ.

Line of ed.: 22       დიდებაჲ მაღალთა შინა ღმერთსა, ქუეყანასა ზედა წყალობაჲ
Line of ed.: 23    შენი მოგუმადლე ჩუენ.

Line of ed.: 24       წარმოსტყუენე ჯოჯოხეთი ჯუარითა შენითა, ქრისტე, განანათლე
Line of ed.: 25    სოფელი ადგომითა შენითა მკუდრეთით.

Line of ed.: 26       უგალობდეთ დაფლვასა შენსა, მაცხოვარ, მესამესა დღესა ადგომასა
Line of ed.: 27    შენსა.

Line of ed.: 28       ასდეგ მესამესა დღესა, ქრისტე, და ცხორებაჲ ჩუენ მოგუანიჭე.

Line of ed.: 29       შენდამი აღვიმსთობთ, მეუფეო, მშჳდობისაო, შეგჳწყალენ ჩუენ,
Line of ed.: 30    ღმერთო, მაცხოვარო ჩუენო.

Line of ed.: 31       აიმსთობს სული ჩემი შენდამი, ღმერთო, და გადიდებ შენ,
Line of ed.: 32    უფალო.

Line of ed.: 33       შენი მშჳდობაჲ მომეც ჩუენ, ქრისტე, მეუფეო დიდებისაო, და
Page of ed.: 468   Line of ed.: 1    გუაცხოვნენ ჩუენ, ღმერთო, მაცხოვარო ჩუენო, მეოხებითა მშობელისა
Line of ed.: 2    შენისაჲთა.

Line of ed.: 3       შენ გევედრებით, ადგომილსა მკუდრეთით, მილხინენ ჩუენ,
Line of ed.: 4    ღმერთო, მაცხოვარო ჩუენო.

Line of ed.: 5       რომელი ასდეგ მკუდრეთით, ქრისტე, მაცხოვნენ ჩუენ მეოხებითა
Line of ed.: 6    მშობელისა შენისა მარადის ქალწულისაჲთა, კაცთმოყუარე.


Line of ed.: 7       ღაღადყავსა

Line of ed.: 8       სიღრმემან ცოდვთა ჩემთამან მომიცვა მე სრულიად, არამედ,
Line of ed.: 9    ვითარცა წინაწარმეტყუელისა იონაჲსი, უფალო, აღმოიყვანენ განჴრწნისაგან
Line of ed.: 10    ცხორებაჲ ჩემი.

Line of ed.: 11       ივნე, მაცხოვარო სოფლისაო, ჩუენ ვნებულთათჳს და პირველისაგან
Line of ed.: 12    წყევისა სოფელი იჴსენ და აცხოვნენ, ვითარცა ღმერთ ხარ და
Line of ed.: 13    მოწყალე.

Line of ed.: 14       ანგელოზმან გარდააგორვა ლოდი საფლავისაგან და სიხარული
Line of ed.: 15    აუწყა მორწმუნეთა, ვითარმედ: ადგა ქრისტე, დათრგუნა სიკუდილი.

Line of ed.: 16       ვღაღატ-ყავ ჭირსა ჩემსა მოწყალისა მიმართ და კაცთმოყუარისა
Line of ed.: 17    ღმრთისა: აღმომიყვანე მე უფსკრულთაგან მედგრობათა ჩემთაჲსა,
Line of ed.: 18    მოწყალეო.

Line of ed.: 19       ზეცით გარდამოჰჴედ, რომელმან ნეფსით თჳსით ქალწულისაგან
Line of ed.: 20    ჴორცნი შეიმოსენ, სიკუდილი მოაკუდინე და ჩუენ განგუათავისუფლენ,
Line of ed.: 21    მოწყალეო.

Line of ed.: 22       მკუდრეთით ასდეგ, სახიერო, და ადამ კრულებისაგან და სიკუდილისა
Line of ed.: 23    განათავისუფლე და მიანიჭე მას შენი სასუფეველი,
Line of ed.: 24    მოწყალეო.

Line of ed.: 25       შენდამი მღაღადებელთა სიქადულო ქალწულო, შევედინ შენ
Line of ed.: 26    წინაშე ვედრებაჲ ჩუენი და წინაშე ღმრთისა აცხოვნენ სულნი
Line of ed.: 27    ჩუენნი.

Line of ed.: 28       მეოხებითა, ქრისტე, მშობელისა შენი.


Line of ed.: 29       კურთხეულარსა

Line of ed.: 30       შენ, ღმერთი მამათა ჩუენთაჲ, კურთხეულ ხარ უკუნისამდე.

Line of ed.: 31       ღმერთო მამათა ჩუენთაო, ღმერთო საუკუნეთაო, შენ კურთხეულ
Line of ed.: 32    ხარ, უფალო ღმერთო მამათა ჩუენთაო.

Line of ed.: 33       ნუ განმაშორებ წყალობასა შენსა, ჩემგან, უფალო ღმერთო მამათა
Line of ed.: 34    ჩუენთაო.

Line of ed.: 35       პირსა შენსა ნუ გარე-მიიქცევ ჩემგან, უფალო ღმერთო მამათა
Line of ed.: 36    ჩუენთაო.

Page of ed.: 469  
Line of ed.: 1       მსთუად მეწიენ ჩუენ წყალობაჲ შენი, უფალო ღმერთო მამათა
Line of ed.: 2    ჩუენთაო.

Line of ed.: 3       რომელმან ქალდეველთაჲ აგზებული საჴუმილი დაშრიტე და
Line of ed.: 4    ყრმათა ცუარი ასხურე, კურთხეულ ხარ შენ უკუნისამდე, უფალო
Line of ed.: 5    ღმერთო მამათა ჩუენთაო.

Line of ed.: 6       რომელმან დანიელ პირისაგან ლომთაჲსა იჴსენ და ამბაკუმს წამსა
Line of ed.: 7    შინა ბაბილონი უჩუენე, კურთხეულ ხარ შენ, უფალო ღმერთო
Line of ed.: 8    მამათა ჩუენთაო.

Line of ed.: 9       რომელმან გარემოჲს საჴუმილსა ქალდეველნი შესწუენ და აქა,
Line of ed.: 10    საფლავსა შენსა, მცველნი შეაშინენ, კურთხეულ ხარ შენ, უფალო
Line of ed.: 11    ღმერთო მამათა ჩუენთაო.

Line of ed.: 12       რომელი ასდეგ მესამესა დღესა და ძლიერებით ჯოჯოხეთი წარმოსტყუენე,
Line of ed.: 13    კურთხეულ ხარ შენ, უფალო ღმერთო მამათა
Line of ed.: 14    ჩუენთაო.

Line of ed.: 15       ღმერთო ძლიერო, მეუფეო უკუდაო, შემოქმედო საუკუნეთაო,
Line of ed.: 16    ღმერთო მამათა ჩუენთაო.

Line of ed.: 17       რომელმან სამნი ყრმანი საჴუმილისაგან იჴსნენ, მიჴსნენ ჩუენცა
Line of ed.: 18    ცეცხლისა მისგან საშინელისა, ღმერთო მამათა ჩუენთაო.

Line of ed.: 19       რომელმან ჴელნი თჳსნი ჯუარსა ზედა განიპყრენ, საფლავსა
Line of ed.: 20    დაიდევ ჴსნისათჳს სოფლისა, ღმერთო მამათა ჩუენთაო.

Line of ed.: 21       რომელი ასდეგ მკუდრეთით მესამესა დღესა და უჴრწნელებაჲ
Line of ed.: 22    მოჰმადლე ნათესავსა კაცთასა, ღმერთო მამათა ჩუენთაო.

Line of ed.: 23       ერთობით მორწმუნენი სამებასა წმიდასა უგალობთ -- მამასა და
Line of ed.: 24    ძესა და წმიდასა სულსა, ღმერთსა მამათა ჩუენთასა.

Line of ed.: 25       მოსავთა შენთა შემწე მეყავ, რამეთუ მხოლოჲ ხარ, კაცთმოყუარე
Line of ed.: 26    ძე, ღმერთო მამათა ჩუენთაო.

Line of ed.: 27       რომელი ასდეგ მკუდრეთით მესამესა დღესა და ადგომაჲ ყოველთა
Line of ed.: 28    მოგუანიჭე, ღმერთო მამათა ჩუენთაო.


Line of ed.: 29       აკურთხევდითსა

Line of ed.: 30       ყოველნი საქმენი შენნი, რომელნი დაჰბადენ, დიდებით გაკურთხევენ
Line of ed.: 31    შენ, ღმერთსა ყოველთასა.

Page of ed.: 470  
Line of ed.: 1       ცანი ცათანი და ანგელოზნი შენდამი დიდებასა შესწირვენ,
Line of ed.: 2    შიშით გაკურთხევენ შენ, დამბადებელსა, მეუფესა ყოველთასა.

Line of ed.: 3       მბრწყინვალებასა ნათლისა შენისასა ვერ შეუძლებენ ხილვად
Line of ed.: 4    ქერობინნი, არამედ შიშით ფრთითა პირთა იფარვენ დიდებისაგან
Line of ed.: 5    ღმრთისა.

Line of ed.: 6       რომელი ეტლითა ქერობინთაჲთა გარდამოჰჴედ ზედა ღირსთა
Line of ed.: 7    ყრმათა შენთა და საჴუმილი იგი ცუარითა განაქარვე და იჴსენ მონანი
Line of ed.: 8    შენნი, გაკურთხევენ შენ, ღმერთსა ყოველთასა.

Line of ed.: 9       აკურთხევდით ყოველნი საქმენი ქრისტესა მეუფესა, ცანი და
Line of ed.: 10    ანგელოზნი -- წინამძღუარსა ცხორებისასა, რომელმან მიჴსნა ჩუენ
Line of ed.: 11    მტერისა მონებისაგან. ვაკურთხევდეთ ყოველნი დიდებით ადგომილსა
Line of ed.: 12    ღმერთსა.

Line of ed.: 13       შენ, რომელმან თავს-იდევ, მაცხოვარ, სოფლისა ჴსნისათჳს განპყრობაჲ
Line of ed.: 14    ჴელთაჲ ჯუარსა ზედა და განღებითა წმიდისა გუერდისაჲთა
Line of ed.: 15    განგუწმიდენ ჩუენ ცოდვათაგან. ვაკურთხევდეთ ყოველნი დიდებით
Line of ed.: 16    ჭეშმარიტსა ღმერთსა.

Line of ed.: 17       მეუფჱ დიდებისაჲ ჰურიათაგან საფლავად მიეცა და განზრახვითა
Line of ed.: 18    მღდელთ-მოძღუართაჲთა დაებეჭდა დასისა თანა. ვაკურთხევდეთ
Line of ed.: 19    ყოველნი დიდებით ადგომილსა ღმერთსა.

Line of ed.: 20       საფლავით ადგა, რომელი ყოველთა უფალი არს, კაცთა ნათესავი
Line of ed.: 21    ჴრწნილებისაგან იჴსნა და განხეთქნა საკრველნი პირველ შექმნულისა
Line of ed.: 22    ადამისნი. ვაკურთხევდეთ ყოველნი დიდებით ადგომილსა
Line of ed.: 23    ღმერთსა.

Line of ed.: 24       მამასა მოწყალესა, ძესა მხოლოდშობილსა, სულსა წმიდასა ყოველნი
Line of ed.: 25    ვაკურთხევდეთ.

Line of ed.: 26       ქერაბინთა საყდართა ზის მეუფჱ დიდებისაჲ და გარემოჲს --
Line of ed.: 27    სიმრავლჱ ანგელოზთაჲ.

Line of ed.: 28       აკურთხევდით ყრმანი, უგალობდით მღდელნი, ერნი უფროჲსად
Line of ed.: 29    ამაღლებდით მას უკუნისამდე.

Line of ed.: 30       ღირსნი ყრმანი შენნი ბაბილონს, ქერობინთა მიმსგავსებულნი,
Line of ed.: 31    სამებასა გაკურთხევდეს, გიგალობდეს და უფროჲსად აგამაღლებდეს
Line of ed.: 32    შენ, უფალო.

Line of ed.: 33       რომელი ადგა საფლავით მესამესა დღესა, დათრგუნა სიმტკიცჱ
Line of ed.: 34    სიკუდილისაჲ ადგომითა მისითა, ვაკურთხევდეთ ყოველნი დამბადებელსა,
Line of ed.: 35    ჭეშმარიტსა ღმერთსა.

Page of ed.: 471  
Line of ed.: 1       იშევ ქალწულისაგან, მაცხოვარო ყოველთაო, გამოუჩნდი სოფელსა,
Line of ed.: 2    კაცთმოყუარე, საცთური კერპთაჲ დაჰჴსენ, რაჲთა ყოველნი
Line of ed.: 3    გიგალობდეთ და გაკურთხევდეთ შენ, უფალო.

Line of ed.: 4       ადგომილსა მკუდრეთით და სიკუდილისა დამთრგუნველსა ძლიერებით
Line of ed.: 5    ყოველნი ვაკურთხევდეთ.


Line of ed.: 6       ადიდებდითსა

Line of ed.: 7       გადიდებთ შენ ყოველი თესლები, სახარულევანო, წყაროო
Line of ed.: 8    ცხორებისა ჩუენისაო.

Line of ed.: 9       გაკურთხევთ შენ, ღმერთსა ისრაელისასა, რომელმან მოგუეც
Line of ed.: 10    ჩუენ ჯუარი შენი შემწედ ჩუენდა.

Line of ed.: 11       გევედრებით შენ, ქრისტე, ისმინე ჩემი, მოგუანიჭე ჩუენ მოტევებაჲ
Line of ed.: 12    ცოდვათაჲ მეოხებითა მშობელისა შენისაჲთა.

Line of ed.: 13       მოიხილა ჩუენ ზედა მომავალმან მაღლით და წარუმართა ფერჴთა
Line of ed.: 14    მათთა გზასა მშუიდობისასა.

Line of ed.: 15       გადიდებთ შენ, ყოლად წმიდაო ქალწულო, ღმრთისმშობელო მარიამ,
Line of ed.: 16    რომელი ყოვლითა უჟეშთაეს ხარ ყოველთა მთავრობათა და
Line of ed.: 17    ჴელმწიფებათა, რომელმან იტუირთა ყოველთა შემოქმედი ღმერთი,
Line of ed.: 18    მეოხ გუეყავ ჩუენ.

Line of ed.: 19       გაკურთხევთ შენ, მეუფეო, ქრისტე ღმერთო, რომელი მოხუედ
Line of ed.: 20    და განიპყრენ ჴელნი თჳსნი ჯუარსა ზედა და კაცთა ნათესავი აცხოვნე,
Line of ed.: 21    გაკურთხევთ შენ.

Line of ed.: 22       რომელი ჰურიათაგან საფლავად შეხუედ, ვითარცა მკუდარი,
Line of ed.: 23    და ღმრთეებითა შენითა მესამესა დღესა ასდეგ მკუდრეთით და პირველ
Line of ed.: 24    ქმნული კაცი აცხოვნე, გაკურთხევთ შენ.

Line of ed.: 25       ადიდებს სული ჩემი უფალსა, რომელმან მოჰფინის წყალობაჲ
Line of ed.: 26    მისი მოშიშთა მისთა ზედა.

Line of ed.: 27       კურთხეულ არს ქრისტე ღმერთი ჩუენი, რომელი გარდამოჴდა
Line of ed.: 28    ზეცით, ქალწულისაგან უთესლოდ იშვა, განაშორა ყუედრებაჲ იგი
Line of ed.: 29    დედათაჲ.

Line of ed.: 30       კურთხეულ არს ქრისტე, მეუფჱ ჩუენი, რომელმან თავს-იდვა
Line of ed.: 31    ჴორცითა ვნებაჲ ჯუარსა ზედა და გარდასლვისა იგი რისხვაჲ განაქარვა
Line of ed.: 32    ჯუარითა პატიოსნითა.

Line of ed.: 33       საფლავსა დაიდვა უკუდავი იგი, რომელი ყოველთა უფალი არს,
Line of ed.: 34    ადგა მკუდრეთით, ვითარცა ღმერთ არს, მოანიჭა სოფელსა ადგომაჲ
Line of ed.: 35    და ცხორებაჲ საუკუნოჲ.

Line of ed.: 36       ქალწულისაგან აღმოსცენდი და სოფელი განანათლე, ქრისტე.

Line of ed.: 37       ... მაღლით მოივლინე და განანათლენ დაბადებულნი შენნი,
Line of ed.: 38    ქრისტე.

Page of ed.: 472  
Line of ed.: 1       ... მამისა მიერ მოივლინე და განანათლენ მყოფნი
Line of ed.: 2    ბნელისანი.

Line of ed.: 3       ჩუენთჳს მოხუედ, უფალო, და სიკუდილი დასთრგუნე, ჯუარსა
Line of ed.: 4    ზედა აჰმაღლდი და ჩუენ ყოველნი გაუცხოვნენ.

Line of ed.: 5       ჯუარსა ზედა აიმაღლე და შეჰმუსრე სიმტკიცჱ სიკუდილისაჲ.

Line of ed.: 6       ჩუენთჳს მოხუედ, ქრისტე მჴსნელო, და გამომიყვანენ ჩუენ
Line of ed.: 7    საკრველთაგან სიკუდილისათა.

Line of ed.: 8       ღრუბელი ნათლისაჲ ხარი შენ, ქალწულო მარიამ, რომელმან
Line of ed.: 9    შევ ძჱ, უწინარჱსი მთიებისაჲ.

Line of ed.: 10       სიტყუაჲ მაღლით მოივლინე და განანათლენ დაბადებულნი
Line of ed.: 11    შენნი, ქრისტე.

Line of ed.: 12       სამებაო ერთარსებაო, აცხოვნენ სულნი ჩუენნი.

Line of ed.: 13       ასდეგ მკუდრეთით, ქრისტე ღმერთო, და ადგომაჲ ყოველთა
Line of ed.: 14    მოგუანიჭე.

Line of ed.: 15       ვადიდებდეთ ყოველნი დედასა ნათლისასა, რომელმან შვა
Line of ed.: 16    ქრისტე, მაცხოვარი ჩუენი.

Line of ed.: 17       დიდებულსა და სანატრელსა ქალწულსა, კურთხეულსა დედათა
Line of ed.: 18    შორის, გიგალობთ შენ, ღმრთისმშობელო.

Line of ed.: 19       ვაკურთხევდეთ ქრისტესა, შობილსა ქალწულისაგან, რომელმან
Line of ed.: 20    განანათლა ნათესავი კაცთაჲ.

Line of ed.: 21       მეუფესა ქრისტესა, შობილსა ქალწულისაგან, გალობით
Line of ed.: 22    ვადიდებდეთ.

Line of ed.: 23       ვადიდებდეთ სულსა წმიდასა, განუშორებელსა მამისაგან და
Line of ed.: 24    ძისაგან -- ერთსა ღმრთეებასა, ერთარსებასა ერთობით ყოველნი ვადიდებდეთ
Line of ed.: 25    ყოველსა ჟამსა.

Line of ed.: 26       სიტყუანი, ღმრთისა მიერ მოცე.

Line of ed.: 27       ძალისა მიერ მაღლისა იქმენ დაფა.


Line of ed.: 28       წარდგომანი სახარებისანი ცისკრად

Line of ed.: 29       განიღჳძე წინაშე ჩემსა და იხილე. და შენ, უფალო ვიდრე
Line of ed.: 30    ყოველთა წარმართთა (ps. 58, 5-6 Link to psa).


Line of ed.: 31       დასადებელი

Line of ed.: 32       მიჴსენ მე მტერთა ვიდრე განმარინე მე (ps. 58, 2 Link to psa).


Line of ed.: 33       სხუაჲ

Line of ed.: 34       შენთჳს შეკრბეს ურთიერთას (ps. 82, 6 Link to psa).

Page of ed.: 473  
Line of ed.: 1       დასადებელი

Line of ed.: 2       აღავსე პირი მათი გინე (ps. 82, 17 Link to psa).


Line of ed.: 3       სხუაჲ

Line of ed.: 4       სუფევს უფალი უკუნისამდე (ps. 145, 10 Link to psa).


Line of ed.: 5       დასადებელი

Line of ed.: 6       ღმერთი შენი, სიონ (ps. 145, 10 Link to psa).


Line of ed.: 7       ფსალმუნი

Line of ed.: 8       ნათელი გამობრწყინდა მართალ (ps. 96, 11 Link to psa).


Line of ed.: 9       დასადებელი

Line of ed.: 10       უფალი სუფევს, იხარ (ps. 96, 1 Link to psa).


Line of ed.: 11       სხუაჲ

Line of ed.: 12       ყოველი სული (ps. 150, 6 Link to psa).


Line of ed.: 13       დასადებელი

Line of ed.: 14       აქებდით ღმერთსა სიწ (ps. 150, 1 Link to psa).


Line of ed.: 15       გარდამოთქუმანი

Line of ed.: 16       დღესა მას სიხარულისა ადგომისა შენისასა დედანი მირბიოდეს
Line of ed.: 17    საფლავად, ვითარცა თქუა დავით წინაწარმეტყუელმან. მისლვით
Line of ed.: 18    მივიდოდეს და ტიროდეს, რომელთა მიაქუნდა ნელსაცხებელი, მოსლვით
Line of ed.: 19    მოვიდოდეს და უხაროდა, რომელთა მოაქუნდა სიხარული ადგომისა
Line of ed.: 20    შენისაჲ. ქრისტე ღმერთო, გაქებთ და გაკურთხევთ შენ.

Line of ed.: 21       ოდეს მიიწინეს დედანი, საღმრთოჲსა მისგან განმზადებულნი
Line of ed.: 22    ნელსაცხებლითა, საფლავსა შენსა, ქრისტე, ძეო ღმრთისაო, მცველთაგან
Line of ed.: 23    ზრუნვიდეს. იხილეს ანგელოზი მჯდომარჱ ელვარჱ კარსა
Line of ed.: 24    საფლავისასა. ჴმისაგან შეძრწუნდეს და დაცჳვეს პირსა ქუეყანისასა,
Line of ed.: 25    მისგანვე სმენითა ნუგეშინის-ცემითა აღივსნეს ადგომისათჳს მკუდრეთით
Line of ed.: 26    მაცხოვრისა უკუდავისა, რომელცა იხილეს და ახარებდეს
Line of ed.: 27    მათ თანა. ჩუენცა გუაცხოვნენ, კაცთმოყუარე, ადგომითა შენითა.


Line of ed.: 28       ფსალმუნი

Line of ed.: 29       წრფელ არს უფალი ღმერთი ჩუენი (ps. 91, 16 Link to psa).


Line of ed.: 30       დასადებელი

Line of ed.: 31       უფალი სუფევს (ps. 92, 1 Link to psa).

Page of ed.: 474  
Line of ed.: 1       აქებდითსა

Line of ed.: 2       აქებდით უფალსა მაღალთა შინა, მიეცით დიდებაჲ ადგომასა
Line of ed.: 3    მისსა.

Line of ed.: 4       რომელ ადგომაჲ ხარ ყოველთაჲ, გუაცხოვნენ ჩუენ.

Line of ed.: 5       მეუფეო, ქრისტე ღმერთო ჩუენო, გუაცხოვნენ ჩუენ.

Line of ed.: 6       რომელ აღმითქუ ჩუენ არა ხილვად სიკუდილი, ვიდრემდე
Line of ed.: 7    იხილო ქრისტე, ცხებული უფლისაჲ.

Line of ed.: 8       ცისკარსა მარიამ ვიდოდა ხილვად საფლავისა მის, სადა დადვეს
Line of ed.: 9    პატიოსანი გუამი უფლისაჲ.

Line of ed.: 10       გარდამოსლვითა ანგელოზისაჲთა ლოდი გარდაგორვიდა, აეღო
Line of ed.: 11    სამარჱ, ადგა უფალი.

Line of ed.: 12       ასდეგ და განეცხადე წმიდათა მოციქულთა, განათლდეს ცის-კიდენი,
Line of ed.: 13    დიდებაჲ ადგომასა შენსა.

Line of ed.: 14       უფალო, რომელმან განიპყრენ ჴელნი თჳსნი ჯუარსა ზედა, ამავსენ
Line of ed.: 15    მადლითა წყალობისა შენისაჲთა.

Line of ed.: 16       უფალო, რომელ საფლავსა დაიდევ და ჯოჯოხეთი წარმოსტყუენე,
Line of ed.: 17    აღმავსენ მადლითა წყალობისა შენისაჲთა.

Line of ed.: 18       უფალო, რომელი ასდეგ და ახარე წმიდათა მოციქულთა, აღმავსენ
Line of ed.: 19    მადლითა წყალობისა შენისაჲთა.

Line of ed.: 20       უფალო, რომელი აჰმაღლდი ზეცად და დასჯედ მარჯუენით მამისა,
Line of ed.: 21    აღმავსენ მადლითა წყალობისა შენისაჲთა.

Line of ed.: 22       ოდეს საფლავსა დაგდვა შენ, უფალო, იოსებ, მაშინ ერი ურჩულოთაჲ
Line of ed.: 23    ჰგონებდა ადგომასა და მას ზედა მცველნი განაწესნეს.

Line of ed.: 24       დაებეჭდე ვითარცა საფასჱ, რომელი შორის ორთა ავაზაკთა
Line of ed.: 25    დაისაჯე და ურჩულოთაგან ჯუარცუმაჲ თავს-იდევ ჩუენთჳს,
Line of ed.: 26    უფალო.

Line of ed.: 27       არამედ ასდეგ, ვითარცა სთქუ, შორის მოწაფეთა შენთა, უფალო,
Line of ed.: 28    და ეჩუენე მარიამს ზედა საფლავსა მას.

Line of ed.: 29       ვიდრემდის თანა-განზ.

Page of ed.: 475  
Line of ed.: 1       გიხაროდენ, სახარულევანო, დედათა შორის კურთხეულო, რომელი
Line of ed.: 2    მომატყუე.

Line of ed.: 3       ყოლად წმიდაო ღმრთისმშობელო, ყოლად ძალ გუეყ.

Line of ed.: 4       ოხითა წმიდისა.

Line of ed.: 5       უფალო, რომელი ზეცით გარდამოჰჴედ და ქალწულისაგან იშევ,
Line of ed.: 6    აღმავსენ ჩუენ მადლითა წყალობისა შენისაჲთა.

Line of ed.: 7       უფალო, რომელმან ადგომითა შენითა სოფელი განანათლენ, აღმავსენ
Line of ed.: 8    ჩუენ მადლითა წყალობისა შენისაჲთა.

Line of ed.: 9       ქრისტე, გაქებთ შენ, რომელი მოხუედ სოფლად, კაცთმოყუარე,
Line of ed.: 10    და ქალწულისა საშოჲ განსწმიდე შობითა შენითა, ყოლად ძლიერო,
Line of ed.: 11    რაჲთა ყოველნი ვაქებდეთ შენსა ადგომასა.

Line of ed.: 12       რომელმან ჴსნისათჳს ჩუენისა უშჯულოთაგან შეურაცხებაჲ
Line of ed.: 13    თავს-იდევ, ქრისტე, და ჩუენ მოგჳწოდე ბნელისაგან ნათელსა უკუდავებისასა,
Line of ed.: 14    რაჲთა ყოველნი ვაქებდეთ შენსა ადგომასა.

Line of ed.: 15       რომელმან ჯერ-იჩინე აღსლვაჲ ჯუარსა ზედა ჴორცითა და სიკუდილი
Line of ed.: 16    ჰურიათაგან და ჩუენ განგუათავისუფლენ წყევისაგან, ამისთჳსცა
Line of ed.: 17    დაუცხრომელად ვაქებდეთ შენსა ადგომასა.

Line of ed.: 18       რომელი საფლავსა დაიდევ და ერისაგანნი გცვიდეს, ქრისტე,
Line of ed.: 19    და ადგომითა შენითა სიკუდილისა საკრველნი განხეთქენ და ადგომაჲ
Line of ed.: 20    მოგუანიჭე, ამისთჳსცა დაუცხრომელად ვაქებდეთ შენსა
Line of ed.: 21    ადგომასა.

Line of ed.: 22       ხოლო შენ საფლავით გამოხუედ, მეუფჱ უკუდავი, უბრწყინვალე
Line of ed.: 23    მზისთუალისა, რომელმან განანათლენ ცის-კიდენი, ამისთჳსცა
Line of ed.: 24    დაუცხრომელად ვაქებდეთ შენსა ადგომასა.

Line of ed.: 25       ანგელოზმთავარმან აუწყა ადგომაჲ შენი, ქრისტე, დედათა,
Line of ed.: 26    ნელსაცხებლის მიმღებელთა, და ეტყოდა მათ: ნუ ეძიებთ აქა, რამეთუ
Line of ed.: 27    აღდგა უფალი, ძალითა ძლიერი, რომელმან განანათლნა მორწმუნენი
Line of ed.: 28    ადგომითა მისითა.

Line of ed.: 29       გიხაროდენ, დედაო ნათლისაო, მტჳრთველო შუენიერებისაო,
Line of ed.: 30    რომელმან სიხარული სოფელსა უშევ! მეოხ ჩუენდა იყავ წინაშე ძისა
Line of ed.: 31    შენისა და ღმრთისა ჩუენისა.


Line of ed.: 32       შესხმანი წმიდისა ღმრთისმშობლისანი

Line of ed.: 33       ნათლისა დედასა, შორის დედათა უზეშთაეჲსისა ნათლისა
Line of ed.: 34    მტჳრთველსა, შუენიერისა და წარუვალისა ნათლისა მშობელსა --
Line of ed.: 35    ცხორებისა ჩუენისა წყაროსა, ქრისტესა, მესამისა დღისა ადგომილსა
Line of ed.: 36    საფლავით, მისა მიმართ მეოხსა, მისა მიმართ მფარველსა, მისა
Line of ed.: 37    მიმართ ვედრებისა ჩუენისა შემწირველსა ჴსნად ერისა ისაელისა,
Line of ed.: 38    შეცთომილნი ცხოვრებად ქალწულსა მას მარიამს ყოველნი ვაქებდეთ.

Line of ed.: 39       ყოლად წმიდაო ღმრთისმშობელო, დღეთა ცხოვრებისა ჩუენისათა
Line of ed.: 40    ნუ დამაგდებ მე, კაცობრივსა განზრახვასა ნუ მიმანდობ, არამედ შენ
Line of ed.: 41    შეგჳწყალენ და გუაცხოვნენ ჩუენ.

Page of ed.: 476  
Line of ed.: 1       განბრწყინვებით თქუმულნი იგი წინაწარმეტყუელთანი აღესრულებიან
Line of ed.: 2    შენ ზედა, ყოლად ქებულო, რომლისათჳსცა აღუთქუა დავითს
Line of ed.: 3    წინაწარმეტყუელსა სულმან წმიდამან: ნაყოფისაგან მუცლისა შენისა
Line of ed.: 4    დავსუა იგი საყდართა შენთა. და კუალად განცხადებულად თქუა ნათან
Line of ed.: 5    წინაწარმეტყუელმან, ვითარმედ: ქალწულისაგან შობილისა განიხაროს
Line of ed.: 6    ყოველმან დაბადებულმან. ახლისა შჯულისა კიდობანო სიწმიდისაო,
Line of ed.: 7    რომელმან იტჳრთე შემოქმედი ცათაჲ და ქუეყანისაჲ, მეოხ
Line of ed.: 8    გუეყავ წინაშე ძისა შენისა და ღმრთისა ჩუენისა.

Line of ed.: 9       კიდობანი იგი რჩულისაჲ სახედ შენდა გამოჩნდა, ღმრთისმშობელო
Line of ed.: 10    ქალწულო, რამეთუ მან მოგუართუნა ფიცარნი იგი ქვისანიღმრთივ
Line of ed.: 11    სულიერნი სიტყუანი, ხოლო შენ -- საკიდური იგი ქვაჲ,
Line of ed.: 12    სიტყუაჲ ღმრთისაჲ, მას შინა ტაკუკი ოქროჲსაჲ, სავსჱ მანანაჲთა.

Line of ed.: 13       კუერთხისა მის წილ აჰრონისა ძირისაგან იესჱსისა უთესლოდ ნორჩი
Line of ed.: 14    აღოაცჱნე, რომელსა ევედრე, სახარულევანო, ცხორებად სულთა
Line of ed.: 15    ჩუენთათჳს.

Line of ed.: 16       ღმრთისმშობელო ქალწულო, ყოლად ძალ-გიც ყოველთა შეწევნაჲ.
Line of ed.: 17    ითხოვე ღმრთისაგან სოფლისა მშჳდობაჲ და ცხორებაჲ
Line of ed.: 18    სულთა ჩუენთათჳს.


Line of ed.: 19       სამხრად ფსალმუნი

Line of ed.: 20       კეთილ არს აღსაარებაჲ უფლისაჲ (ps. 91, 2 Link to psa).


Line of ed.: 21       დასადებელი

Line of ed.: 22       ათძალითა მით ფსალმუნისაჲ (ps. 91, 4 Link to psa).


Line of ed.: 23       ალელუაჲ

Line of ed.: 24       აკურთხევს სული ჩემი უფალსა, უფალო ღმერთო ჩემო (ps.
Line of ed.: 25    103, 1 Link to psa).


Line of ed.: 26       სხუაჲ

Line of ed.: 27       რომელი დამკჳდრებულ არს შეწევნასა ვიდრე ჩემი (ps.
Line of ed.: 28    90, 1-2 Link to psa).


Line of ed.: 29       [სხუაჲ]

Line of ed.: 30       აღდეგინ ღმერთი, და განიბ (ps. 67, 2 Link to psa).


Line of ed.: 31       ჴელთაბანისაჲ

Line of ed.: 32       ქრისტემან, მაცხოვარმან ჩუენმან, ჴელით-წერილი ჩუენთჳს ჯუარსა
Line of ed.: 33    შემრჭუალა და აჴოცა ძალი მტერისაჲ, ქუეყანით განაქარვა.
Line of ed.: 34    თაყუანის-ვსცემთ მაცხოვარსა ჩუენსა და წმიდასა ადგომასა.

Page of ed.: 477  
Line of ed.: 1       ცხორებისა გალობასა მხიარულითა პირითა შევსწირავთ, რომელნი
Line of ed.: 2    ვდგათ სახლსა უფლისასა, შეუვრდეთ და ვიტყოდით: რომელი
Line of ed.: 3    ძელსა ზედა ჯუარს-ეცუ და მკუდრეთით ასდეგ, რომელი ჰზი მარჯულ
Line of ed.: 4    მამისა, გუაცხოვნენ ჩუენ ადგომითა შენითა.

Line of ed.: 5       უკუდავი იგი მოკუდ.


Line of ed.: 6       სიწმიდისაჲ

Line of ed.: 7       საშინელისა და უხილავისა მეუფისა ეკლესიასა შინა ძღუენსა
Line of ed.: 8    შევსირავთ, რომლისაგან ძალნი ცათანი შეძრწუნდიან და ქუეყანაჲ
Line of ed.: 9    შეიძრის. ზეცისა უჴორცონი მსახურებენ მას, ქერობინნი და სერაბინნი
Line of ed.: 10    ვერ იკადრებენ თუალთა შედგმად, არამედ შიშით დგანან და
Line of ed.: 11    იფარვენ, გალობასა ამას დაუცხრომელად იტყჳან: წმიდა ხარ, წმიდა
Line of ed.: 12    ხარ, წმიდა ხარ შენ, უფალო! დიდებაჲ მამასა და ძესა და წმიდასა
Line of ed.: 13    სულსა.

Line of ed.: 14       საღმრთოჲსა მადლისა ჩინებულნი და ახლისა შჯულისა მსახურნი
Line of ed.: 15    შევსწირავთ შენდა მსხუერპლსა ქებისასა ქერობინთა და სერაბინთა
Line of ed.: 16    თანა, სამსა წმიდასა გალობასა: წმიდა ხარ, წმიდა ხარ,
Line of ed.: 17    წმიდა ხარ შენ, უფალო! სავსე არიან ცანი და ქუეყანაჲ დიდებითა
Line of ed.: 18    შენითა, ალელუა.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.