TITUS
Udzv.iadg.
Part No. 179
Previous part

Date: FPoen._d   Link to lektpar
Line of ed.: 22  ჴ̃ჲ დ


Line of ed.: 23       ღაღადებასა ყური მოყავ მონათა შენთასა, კაცთმოყუარე.

Line of ed.: 24       ღაღად-ვყავ შენდამი, ისმინე ჩემი, მომხედენ და შეგესემინ
Line of ed.: 25    ჴმისა ჩემისაჲ ჟამსა მწუხრისასა.

Line of ed.: 26       რომელმან უპირადჱს თხოვისა ჩუენისა უწყი გულისა თხოვაჲ
Line of ed.: 27    მვედრებელთა შენთაჲ მოცემად წყალობაჲ შენი, და ჩუენ ცოდვილნი
Line of ed.: 28    გევედრებით ვითარცა ავაზაკი, რომელი გევედრებოდა.


Line of ed.: 29       ოხითაჲ

Line of ed.: 30       მოწყალესა ღმერთსა ყოველნი ვაკურთხევდეთ, რამეთუ გჳჩუენა
Line of ed.: 31    ჩუენ სიმართლისა მზჱ -- ქრისტე, ღმერთი ჩუენი.


Line of ed.: 32       ფსალმუნი

Line of ed.: 33       რამეთუ შენ შემწე მეყავ მე და საფარველსა (ps. 62, 8 Link to psa).


Line of ed.: 34       დასადებელი

Line of ed.: 35       მიგდევდა შენ სული ჩემი (ps. 62, 9 Link to psa).


Line of ed.: 36       აქებდითსა

Line of ed.: 37       ქებაჲ შენდა, ქრისტე, ქებაჲ შენდა და დიდებაჲ მოსლვასა შენსა.

Line of ed.: 38       მაქებელთა შენთაჲ შეიწირე ვედრებაჲ, უფალო, ღმერთო ჩუენო,
Line of ed.: 39    და შეგჳწყალენ ჩუენ.

Page of ed.: 518  
Line of ed.: 1       განმკითხევლო გულთაო და მაცხოვარო სულთა ჩუენთაო, მასწავენ
Line of ed.: 2    მე სიმართლენი შენნი და შემიწყალე მე.

Line of ed.: 3       და შენი მეორედ მოსლვაჲ ნიშითა ჯუარისა შენისაჲთა უჩუენე
Line of ed.: 4    სოფელსა, ამან დამიცვნეს ჩუენ ყოველსა ჟამსა.

Line of ed.: 5       საჭურველად საძლეველად, ქრისტე, ჯუარი ჩუენ მოგუეც და
Line of ed.: 6    ამით ვსძლოთ ბრძოლასა მტერისასა.

Line of ed.: 7       ტაძარსა თქუენსა, წმიდანო მოწამენო, კარავსა სახელისა თქუენისასა,
Line of ed.: 8    მოვისწრაფოთ ყოველთა. გევედერებით თქუენ, მოწამენო ქრისტჱსნო,
Line of ed.: 9    მეოხ ჩუენდა იყვენით წინაშე მამისა ზეცათაჲსა.

Line of ed.: 10       წმიდათა მოწამეთა ბრძოლასა ეშმაკთასა სძლეს, მიეწიფნეს სიმრავლესა
Line of ed.: 11    ანგელოზთასა, აიღეს ჯუარი და შეუდგეს ქრისტესა.

Line of ed.: 12       ქრისტჱს მსახურნო ნეტრეულნო, მეოხ გუეყვენით სულთა ჩუენთათჳს.

Line of ed.: 13       განსასუენებელსა შენსა, უფალო, სადა ყოველნი წმიდანი შენნი
Line of ed.: 14    განისუენებენ, განუსვენე, უფალო, სულსა შესუენებულთასა, რაჲთა
Line of ed.: 15    შენ გადიდებდენ, კაცთმოყუარე.

Line of ed.: 16       იცვნეს უფალმან სულნი შესუენებულთანი, უფალმან დაიცვნეს
Line of ed.: 17    ყოველნი ძუალნი მათნი და ერთიცა მათგანი არა შეიმუსროს და
Line of ed.: 18    არა ინანონ ყოველთა, რომელნი ესვენ მას.

Line of ed.: 19       წინაშე შენსა, ღმრთისმშობელ, მოვივლტით შენდა ყოველნი, რაჲთა
Line of ed.: 20    იჴსნნე მეოხებითა შენითა სიკუდილისაგან სულნი ჩუენნი.

Line of ed.: 21       კეთილი საუნჯჱ -- ღმრთისმშობელი, რომელმან დაუსრულებელი
Line of ed.: 22    ნაყოფი გამოიღო და აწ სოფელი აცხოვნა, ესე არს ძჱ ღმრთისაჲ,
Line of ed.: 23    მაცხოვარი სულთა ჩუენთაჲ.

Line of ed.: 24       ახლისა რჩულისა კიდობანო სიწმიდისაო და შორის დედათა
Line of ed.: 25    კურთხეულო, მეოხებითა შენითა აცხოვნენ სულნი ჩუენნი.

Line of ed.: 26       დიდი საყუდელი -- უჴრწნელი ქალწული, და საფარველი სოფლისაჲ
Line of ed.: 27    -- ცხოველსმყოფელი ჯუარი; ღმრთივ-შემწყნარებელ, გჳრგჳნ
Line of ed.: 28    ეკლესიათა არიან მადლითა წმიდანი მოციქულნი.

Line of ed.: 29       წმიდაო იოვანე, პატიოსან ცათა შინა მყოფო, ნათლისმცემელო
Line of ed.: 30    ჭეშმარიტო, მეოხ გუეყავ სულთა ჩუენთათჳს.

Line of ed.: 31       ემსგავსე ანგელოზთა და იხილე დიდებაჲ ღმრთისაჲ. იესუ მოგცა
Line of ed.: 32    შენ სიმართლისა გჳრგჳნი, პირველმოწამეო სტეფანე, მეოხ გუეყავ
Line of ed.: 33    სულთა ჩუენთათჳს.

Line of ed.: 34       უფალო, რომელი მოხუედ სოფლად ცოდვილთათჳს ცხორებად,
Line of ed.: 35    შეგჳწყალენ ჩუენ მეოხებითა მშობელისა შენისაჲთა და გჳჴსნენ ჩუენ
Line of ed.: 36    ყოვლისაგან ბოროტისა.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.