TITUS
Udzv.iadg.
Part No. 180
Previous part

Date: FPoen._a2   Link to lektpar
Line of ed.: 37  ჴ̃ჲ ა გ̃ი


Line of ed.: 38       ღაღატ-ვყავ და ვთქუ: უფალო, შენ ხარ სასოჲ ჩემი,
Line of ed.: 39    კაცთმოყუარე.

Page of ed.: 519  
Line of ed.: 1       ღაღადებაჲ ჩემი შევედინ შენ წინაშე და ჴმაჲ ლოცვისა ჩემისაჲ
Line of ed.: 2    შეიწირე, უფალო.

Line of ed.: 3       მწუხრისა ვედრებასა ბაგეთა ჩემთასა ნუ უგულებელს-ჰყოფ,
Line of ed.: 4    კაცთმოყუარე, არამედ შევედინ წინაშე შენსა ლოცვაჲ მონათა
Line of ed.: 5    შენთაჲ.


Line of ed.: 6       ოხითაჲ

Line of ed.: 7       მოწყალესა მამასა და კაცთმოყუარესა ძესა, სულსა წმიდასა
Line of ed.: 8    ნუგეშინისმცემელსა ვაქებდეთ ყოველსა ჟამსა.


Line of ed.: 9       ფსალმუნი

Line of ed.: 10       შემწე ჩემდა, ჴელის ამპყრობელი ჩემი (ps. 118, 114 Link to psa).


Line of ed.: 11       დასადებელი

Line of ed.: 12       სანთელ არს ფერჴთა ჩემთა (ps. 118, 105 Link to psa).


Line of ed.: 13       აქებდითსა

Line of ed.: 14       ძალნი ცათანი და ერნი ანგელოზთანი გაქებენ და იტყჳან: წმიდაო
Line of ed.: 15    ღმერთო, შეგჳწყალენ ჩუენ.

Line of ed.: 16       ძენი კაცთანი ფსალმუნითა და კურთხევითა გაქებენ და იტყჳან:
Line of ed.: 17    წმიდაო ძლიერო, შეგჳწყალენ ჩუენ.

Line of ed.: 18       ეკლესიანი ქრისტჱსნი და სიმრავლჱ მორწმუნეთაჲ გაქებენ და
Line of ed.: 19    იტყჳან: წმიდაო უკუდავო, შეგჳწყალენ ჩუენ.

Line of ed.: 20       ჯუარი შენი, ქრისტე, ზეცით გამოგჳჩნდა განათლებად სოფლისად
Line of ed.: 21    და მოტევებად ცოდვათა.

Line of ed.: 22       ჯუარმან შენმან, ქრისტე, განანათლნა ცის კიდენი და აღმართნა
Line of ed.: 23    ეკლესიანი, აუხილნა თუალნი ბრმათანი და ავლინნა მკელობელნი, და
Line of ed.: 24    გზა გუექმნა ჩუენ ზეცად აღსლვად და გჳჩუენა ჩუენ ცხორებაჲ საუკუნოჲ.
Line of ed.: 25    გაქებთ შენ.

Line of ed.: 26       ამათ მჴედართა მეუფისა დიდისათა მჴნედ შეურცხ-ყვეს სატანჯველი
Line of ed.: 27    და დათრგუნეს მძლავრთა ამპარტავნებაჲ და აწ მეოხ
Line of ed.: 28    არიან მონიჭებად მშჳდობაჲ სოფელსა და სულთა ჩუენთათჳს დიდი
Line of ed.: 29    წყალობაჲ.

Line of ed.: 30       წმიდათა მოწამეთა სიმჴნით შეურცხ-ყვეს სატანჯველი და
Line of ed.: 31    დათრგუნეს საცთური ეშმაკისაჲ, განერნეს პირსა მახჳლისასა და ანგელოზთა
Line of ed.: 32    თანა-მოდასე იქმნნეს. მათითა ოხითა, უფალო, შეგჳწყალენ
Line of ed.: 33    და გუაცხოვნენ ჩუენ.

Line of ed.: 34       წმიდათა შენთა თანა განუსუენე, ქრისტე, სულსა შესუნებულთასა,
Line of ed.: 35    სადა არა არს შიში, არცა ზრუნვაჲ ამის სოფლისაჲ, არამედ
Line of ed.: 36    ცხორებაჲ დაუსრულებელი.

Line of ed.: 37       განსუენებაჲ მიჰმადლე, მაცხოვარ, სულსა შესუენებულთასა,
Line of ed.: 38    რომელი ბრძანებითა შენითა გარდაიცვალნეს, რამეთუ ჯუარისა და
Line of ed.: 39    ადგომისა შენისა მადლისა სუროდა, და მოიჴსენენ, უფალო, ვითარცა
Line of ed.: 40    მოწყალე ხარ.

Page of ed.: 520  
Line of ed.: 1       ქალწულო დედაო, უსძლოო, რომელმან შევ მაცხოვარი ქრისტჱ,
Line of ed.: 2    დაუცხრომელად მეოხ გუეყავ მონათა შენთათჳს.

Line of ed.: 3       რომელი ნათლისა თუალთა შეუდგამისა დედაჲ ხარ ქალწულობითა
Line of ed.: 4    უცვალებელი, ქებით გადიდებთ, ღმრთისმშობელო: გიხაროდე,
Line of ed.: 5    უფალი შენ თანა.

Line of ed.: 6       ღმრთისმშობელო ქალწულო, შენ ხარ კიდობანი სიწმიდისაჲ,
Line of ed.: 7    რომელსა ზედა სული წმიდაჲ გამოჩნდა, რომელსა იტყოდა ნათანაელ
Line of ed.: 8    წინაწარმეტყუელი, ვითარმედ: ქალწულისაგან შობილისა განიხაროს
Line of ed.: 9    ყოველმან დაბადებულმან.

Line of ed.: 10       მეოხად, მახარებელად შეცოდებულთათჳს, წყაროვო წინაწარმეტყუელთაო
Line of ed.: 11    წმიდაო იოვანე, მადლი იგი ქრისტჱსი შენგან მიმოდა
Line of ed.: 12    ითქუა: გზასა მას ჭეშმარიტსა მეოხ გუეყავ ჩუენ.

Line of ed.: 13       წმიდამან სტეფანე იხილნა ცანი განხუმულნი და ქრისტჱ, მარჯულ
Line of ed.: 14    მამისა მჯდომარჱ, წამა ჭეშმარიტად და თქუა: ესე არს ძჱ
Line of ed.: 15    ღმრთისაჲ, მაცხოვარი სოფლისაჲ და მჴსნელი სულთა ჩუენთაჲ.

Line of ed.: 16       რომელმან ცისკარი აღმოაბრწყინვე და განგუანათლენ ჩუენ,
Line of ed.: 17    ქრისტე, ცხოველ ხარ უკუნისამდე. უფალო, ოხითა წმიდისა ღმრთისმშობელისაჲთა
Line of ed.: 18    შეგჳწყალენ ჩუენ.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.