TITUS
Udzv.iadg.
Part No. 181
Previous part

Date: FPoen._b2   Link to lektpar
Line of ed.: 19  ჴ̃ჲ ბ გ̃ი


Line of ed.: 20       აპყრობაჲ ჴელთა ჩემთაჲ, უფალო, მსხუერპლად შეიწირე სამწუხროდ
Line of ed.: 21    და მაცხოვნე მე, მრავალმოწყალე.

Line of ed.: 22       შენ მხოლომან უწყნი გულისა ჩემისა ზრახვანი და შენ მხოლოსა
Line of ed.: 23    შეგივრდები, შემიწყალე მე, ღმერთო.

Line of ed.: 24       გარდარეულთა ცოდვათა ჩემთაგან მიჴსენ მე და ვედრებაჲ
Line of ed.: 25    ჩუენი შეიწირე, ქრისტე, და მაცხოვნე მე, მრავალმოწყალე.


Line of ed.: 26       ოხითაჲ

Line of ed.: 27       გიგალობთ შენ, მამასა, მაღალთა შინა მყოფსა, ვაკურთხევთ
Line of ed.: 28    გამოუთქმელად მარჯუენით მჯდომარესა ძესა შენსა და ავამაღლებთ
Line of ed.: 29    სულსა შენსა წმიდასა. შეგჳწყალენ ჩუენ.


Line of ed.: 30       ფსალმუნი

Line of ed.: 31       შეურდი პირსა შენსა ყოვლითა (ps. 118, 58 Link to psa).


Line of ed.: 32       დასადებელი

Line of ed.: 33       შემეწიე მე სიტყჳთა შენი (ps. 118, 116 Link to psa).


Line of ed.: 34       აქებდითსა

Line of ed.: 35       ცისკრისა გალობაჲ შევსწიროთ ქრისტჱსა, რომელი იშვა წმიდისაგან
Line of ed.: 36    ქალწულისა.

Line of ed.: 37       ტაძრად წმიდად შევიდეთ ვედრებად უფლისა, წყალობაჲ ვითხოვოთ
Line of ed.: 38    და მოტევებაჲ ცოდვათაჲ.

Page of ed.: 521  
Line of ed.: 1       ეკლესიასა ქრისტჱსსა მივისწრაფოთ ყოველთა ვედრებად და
Line of ed.: 2    პოვნად წყალობისა.

Line of ed.: 3       ნათელი გამოჩინებული მარადის -- ქრისტჱ, რაჲთა თაყუანისიცემოს
Line of ed.: 4    ძელი შენ მიერ ყოველთა ცხორებისათჳს, ჯუარი შენი,
Line of ed.: 5    უფალო.

Line of ed.: 6       ჯუარითა განცხადნა და ჩუენდა მჴსნელად მოვიდა. წმიდანი
Line of ed.: 7    მას აქებენ და ჩუენდა მეოხ არიან წინაშე უფლისა.

Line of ed.: 8       თმენით გჳრგჳნოსან იქმნნეს წმიდანი მოწამენი და ჩუენდა მეოხ
Line of ed.: 9    არიან წინაშე უფლისა.

Line of ed.: 10       მიწყალენ ჩუენ, უფალო, შემიწყალენ ჩუენ ღუაწლისა მძლეთა
Line of ed.: 11    მიერ წმიდათა მოწამეთა შენთა. ამას ვედრებასა ჩუენ, ცოდვილნი,
Line of ed.: 12    შენ, უფლისა, შევსწირავთ. მიწყალენ ჩუენ, უფალო, შემიწყალენ ჩუენ.

Line of ed.: 13       ქებაჲ ჩუენი შეიწირე, ქრისტე, რომელმან ვნებითა შენითა საფლავთაგან
Line of ed.: 14    აღადგინენ მკუდარნი და განუღე მათ სამოთხჱ. მათ თანა,
Line of ed.: 15    უფალო, ღირს ყვენ სულნი შესუენებულთანი და მოეც მათ განსუენებაჲ,
Line of ed.: 16    ვითარცა მოწყალე ხარ.

Line of ed.: 17       იესუ, მეუფეო დიდებისაო, განუსუენე სულსა შესუენებულთასა
Line of ed.: 18    წმიდათა შენთა თანა სასუფეველსა ცათასა.

Line of ed.: 19       ოხითა ღმრთისმშობელისაჲთა მშჳდობაჲ სოფელსა მოეც, უფალო,
Line of ed.: 20    და გუაცხოვნენ ჩუენ.

Line of ed.: 21       ყოლად წმიდაო ღმრთისმშობელო, დღეთა ცხორებისა ჩემისათა
Line of ed.: 22    ნუ დამაგდებ მე, კაცობრივსა განზრახვასა ნუ მიმანდობ, არამედ შენ
Line of ed.: 23    მეოხ გუეყავ და გუაცხოვნენ ჩუენ.

Line of ed.: 24       ქალწულო, გიხაროდენ, უბიწოო, რომელმან შევ სოფლისა მაცხოვარი.
Line of ed.: 25    მეოხ ჩუენდა იყავ წინაშე ძისა შენისა და ღმრთისა
Line of ed.: 26    ჩუენისა.

Line of ed.: 27       ღმრთისმშობელო ქალწულო, ყოლად ძალ-გიც ყოველთა შეწევნაჲ.
Line of ed.: 28    ითხოვე სოფლისა მშჳდობაჲ და ცხორებაჲ სულთა ჩუენთაჲ.

Line of ed.: 29       მოგუმადლე ჩუენ, უფალო, ოხითა ნათლისმცემელისაჲთა დიდი
Line of ed.: 30    წყალობაჲ შენი.

Line of ed.: 31       სარწმუნოებითა, პირველმოწამეო ნეტრეულო სტეფანე, განგეხუნეს
Line of ed.: 32    შენ ცანი და იხილე ქრისტჱ, მარჯულ მამისა მჯდომარჱ.

Line of ed.: 33       წმიდანი ეგე ძალნი, ანგელოზთა სახენი, ჩუენდა მეოხ არიან წინაშე
Line of ed.: 34    უფლისა.

Line of ed.: 35       ქრისტე მოწყალე, ძეო ღმრთისაო, რომელმან გამოაბრწყინვე
Line of ed.: 36    ნათელი და გჳჩუენე დღჱ, განანათლენ სულნი ჩუენნი ნათლითა
Line of ed.: 37    ღმრთეებისა შენისაჲთა და გუაცხოვნენ ჩუენ, უფალო, ოხითა წმიდისა
Line of ed.: 38    ღმრთისმშობელისაჲთა.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.