TITUS
Udzv.iadg.
Part No. 182
Previous part

Date: FPoen._c2   Link to lektpar
Line of ed.: 39  ჴ̃ჲ გ გ̃ი


Line of ed.: 40       ლოცვაჲ ჩუენი შეიწირე, ვითარცა საკუმეველი მწუხრი.
Line of ed.: 41    გაქებთ და შენ გევედრებით, შენ, მოწყალეო, რაჲთა წარემართოს
Page of ed.: 522   Line of ed.: 1    ლოცვაჲ ჩუენი წინაშე შენსა, უფალო.

Line of ed.: 2       ცოდვათა სიჭაბუკისა და უმეცრებისა ჩემისათა ნუ მოიჴსენებ,
Line of ed.: 3    მოწყალე, ოდეს მოხჳდე განრჩად დიდებითა შენითა, არამედ გარდამოგჳვლინე
Line of ed.: 4    წყალობაჲ შენი, მრავალმოწყალეო უფალო.

Line of ed.: 5       წყალობითა შენითა მომიჴსენე მე, უფალო, შეცოდებული ესე,
Line of ed.: 6    რაჟამს ჰყოფდე განკითხვასა და საქმეთაებრ მიაგებდე, გევედრები,
Line of ed.: 7    შემიწყალე და ღირს მყავ მე მარჯუენით შენსა.


Line of ed.: 8       ოხითაჲ

Line of ed.: 9       რომელი გამოუთქმელ ხარ ღმრთეებითა და ქველისმოქმედ
Line of ed.: 10    მოწყალებითა, უგალობთ შენსა სახიერებასა, რაჲთა დაურჩელად
Line of ed.: 11    ღირს მყვნე ჩუენ წარდგომად წინაშე საყდართა შენთა, და რომელნი
Line of ed.: 12    სარწმუნოვებით თაყუანის-ვსცემთ მამასა და ძესა და წმიდასა სულსა,
Line of ed.: 13    ერთსა ღმრთეებასა.


Line of ed.: 14       ფსალმუნი

Line of ed.: 15       შემწე ჩემდა იყავ და ნუ შეურაცხ-მყოფ (ps. 26, 9 Link to psa).


Line of ed.: 16       დასადებელი

Line of ed.: 17       რჩულიერ მყავ მე, უფალო, გზათა ჩემთა (ps. 26, 11 Link to psa).


Line of ed.: 18       აქებდითსა

Line of ed.: 19       რომელნი ქებით თაყუანის-გცემენ ანგელოზნი, მაცხოვარ, შეგჳწყალენ
Line of ed.: 20    ჩუენ.

Line of ed.: 21       ქმნულნი ჴელთა შენთანი გიგალობთ შენ, მაცხოვარ, შეგჳწყალენ
Line of ed.: 22    ჩუენ.

Line of ed.: 23       შენ გაქებს სული ჩემი, მჴსნელო ჩუენო იესუ, შეგჳწყალენ
Line of ed.: 24    ჩუენ.

Line of ed.: 25       ჯუარსა ქრისტჱსსა თაყუანის-ცემად ნუმცა დავსცხრებით, რამეთუ
Line of ed.: 26    მან მიჴსნნა ჩუენ ურჩულოებათა ჩუენთაგან, წმიდამან უფალმან,
Line of ed.: 27    იესუ, რომელმან გჳჩუენა ჩუენ ცხორებაჲ.

Line of ed.: 28       ძელი ცხორებისაჲ, ჯუარი შენი, ქრისტე, გამოაჩინე, სიკუდილი
Line of ed.: 29    ამით დასთრგუნე და სოფელი განანათლე. ყოლად ძლიერო მაცხოვარ,
Line of ed.: 30    დიდებაჲ შენდა.

Line of ed.: 31       ღუაწლით შემოსილნო და მოწამენო მაცხოვრისა ქრისტჱსნო,
Line of ed.: 32    რომელთა კეთილად იღუაწეთ ღმრთისმსახურებისა ღუაწლი, მეოხ
Line of ed.: 33    გუეყვენით სულთა ჩუენთათჳს, რაჲთა ვიჴსნნეთ ჩუენ ყოვლისაგან
Line of ed.: 34    ჭირისა.

Line of ed.: 35       სიხარულით ვგალობდეთ, ვჰყოფდეთ ჴსენებასა წმიდათა მოწამეთასა,
Line of ed.: 36    რომელნიცა სიხარულით შევიდეს სამოთხესა.

Line of ed.: 37       ქველოსმოქმედო ღმერთო, რომელ ადგომაჲ ხარ, ყოველთაჲ,
Line of ed.: 38    სულსა შესუენებულთასა განუსუენე და ღირს ყვენ, მაცხოვარ, შენსა
Line of ed.: 39    სასუფეველსა.

Line of ed.: 40       სულთა თანა მართალთა აღსრულებულთა სულსა შესუენებულისასა,
Line of ed.: 41    მაცხოვარ, განუსუენე სასუფეველსა ცათასა.

Page of ed.: 523  
Line of ed.: 1       ქალწულო კურთხეულო, დიდებულო ღმრთისმშობელო, მეოხ რაჲ
Line of ed.: 2    ხარ, ვითარცა დედაჲ, კადნიერად წინაშე ძისა შენისა და ღმრთისა
Line of ed.: 3    ჩუენისა, დაგჳცვენ მონანი შენნი და გჳჴსნენ ჩუენ შეცოდებათა
Line of ed.: 4    ჩუენთაგან.

Line of ed.: 5       დედაო კაცთმოყუარისა ღმრთისაო, ევედრე შენგან შობილსა
Line of ed.: 6    ღმერთსა, რაჲთა მიჴსნნეს ჩუენ საშინელისა მისგან დიდისა სარჩელისა.
Line of ed.: 7    ვითარცა ხარ მეოხ სოფლისაჲ, ქალწულო, ითხოვე ჩუენთჳს დიდი
Line of ed.: 8    წყალობაჲ.

Line of ed.: 9       ქალწულო უბიწივო, რომელმან შევ მაცხოვარი ქრისტჱ, მეოხებად
Line of ed.: 10    ნუ დასცხრები მვედრებელთა შენთათჳს, უსძლოვო დედაო
Line of ed.: 11    ქრისტჱს ღმრთისა ჩუენისაო.

Line of ed.: 12       ქალწულო, რომელმან შევ მაცხოვარი ქრისტჱ, ნუ დასცხრები
Line of ed.: 13    ვედრებად, რაჲთა შეიწყალნეს მაქებელნი შენნი, ღმრთისმშობელო,
Line of ed.: 14    ყოლად უხრწნელო.

Line of ed.: 15       რომელმან იორდანისა წყალნი განსწმიდენ და ცოდვანი სოფლისანი
Line of ed.: 16    აღჰჴოცენ, ნათელ-იღე მონისაგან და ნათლითა შენითა განგუანათლენ
Line of ed.: 17    ჩუენ, ქრისტე, ძეო ღმრთისაო, დიდითა შენითა წყალობითა.

Line of ed.: 18       სარწმუნოებით გჳრგჳნოსან იქმნა წმიდაჲ და პირველი მოწამჱ
Line of ed.: 19    სტეფანე და მის მიერ მორწმუნენი ვითხოვთ მოტევებასა ცოდვათასა.
Line of ed.: 20    წყალობა ყავ, ღმერთო, და გუაცხოვნენ ჩუენ, ვითარცა კაცთმოყუარე
Line of ed.: 21    ხარ.

Line of ed.: 22       შენდა ვღაღადებთ, რომელი მოხუედ ჴსნად შეცთომილთათჳს,
Line of ed.: 23    ნათელო ჭეშმარიტო, ქრისტე, ღმერთო ჩუენო, განანათლენ სულნიცა
Line of ed.: 24    ჩუენნი ნათლითა ღმრთეებისა შენისაჲთა და გუაცხოვნენ ჩუენ, უფალო,
Line of ed.: 25    ოხითა წმიდისა ღმრთისმშობელისაჲთა, რომელი სუფევ
Line of ed.: 26    უკუნისამდე.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.