TITUS
Udzv.iadg.
Part No. 183
Previous part

Date: FPoen._d2   Link to lektpar
Line of ed.: 27  ჴ̃ჲ დ გ̃ი


Line of ed.: 28       \ ისმინე, უფალო, ჴმაჲ ლოცვისა ჩემისაჲ და შენდობაჲ მოგუმადლე
Line of ed.: 29    შეცოდებათა ჩუენთაჲ წყალობითა შენითა.

Line of ed.: 30       ურჩულოებაჲ ჩემი არა დავფარე შენგან და სულთქუმით შეგივრდები.
Line of ed.: 31    ულხინე სულსა ჩემსა წყალობითა შენითა.

Line of ed.: 32       მომაქციე მე, ქრისტე, ალაგსა მცნებეთა შენთასა და ჟამი სინანულისაჲ
Line of ed.: 33    მომეც მონასა შენსა წყალობითა შენითა.


Line of ed.: 34       ოხითაჲ

Line of ed.: 35       ვაკურთხევდეთ მამასა მოწყალესა, ვაკურთხევდეთ ძესა მხოლოდშობილსა
Line of ed.: 36    სულით წმიდითურთ, რომელი სუფევს უკუნითი
Line of ed.: 37    უკუნისამდე.


Line of ed.: 38       ფსალმუნი

Line of ed.: 39       ნუ-გარე-მიიქცევ პირსა (ps. 68, 18 Link to psa).


Line of ed.: 40       დასადებელი

Line of ed.: 41       ისმინე ჩემი, უფალო, რამეთუ ტკბილ არს წყალობაჲ შენი (ps.
Line of ed.: 42    68, 17 Link to psa).

Page of ed.: 524  
Line of ed.: 1       აქებდითსა

Line of ed.: 2       ღმერთო ქველისმოქმედ, ბოროტი მტერი განმაშორებს მე შენგან
Line of ed.: 3    და ჰნებავს ჩემი წარწყმედაჲ.

Line of ed.: 4       სულგრძელო და ძლიერო ღმერთო, რომელმან დასაბამსავე შეჰქმენ
Line of ed.: 5    კაცი, ნუ უგულებელს-ჰყოფ მოსავთა შენთა.

Line of ed.: 6       რომელი ზი ზედა ქერაბინთა, ცრემლით შეგივრდები მოწყალესა
Line of ed.: 7    ღმერთსა, ისმინე და შემიწყალე მე.

Line of ed.: 8       საფარველი ჩუენი არს ჯუარი შენი, ქრისტე, რომელი მომეც
Line of ed.: 9    ჩუენ საჭურველად მტერისა, ძალითა ჯუარისაჲთა შეგჳწყალენ ჩუენ,
Line of ed.: 10    მჴსნელო.

Line of ed.: 11       ჯუარი შენი ამაღლდა, ქრისტე, ჯუარი შენი განცხადნა, ქრისტე,
Line of ed.: 12    ჯუარითა შენითა ვიქადით: დიდებაჲ ძალსა შენსა.

Line of ed.: 13       ვითხოვთ შენგან, მოწყალე, მოიხილე ჩუენდა და შეგჳწყალენ
Line of ed.: 14    ჩუენ ოხითა მოწამეთა შენთაჲთა.

Line of ed.: 15       მოწამენო, მოღუაწენო და ახოვანნო, იყვენით მეოხ ცოდვათა
Line of ed.: 16    ჩუენთათჳს, რამეთუ თქუენი ლოცვაჲ ისმინოს ღმერთმან და ჩუენ
Line of ed.: 17    ცოდვილთათჳს ყოს მოტევებაჲ.

Line of ed.: 18       ყოვლისა მპყრობელო მაღალო მაცხოვარო, უკუდავო, სულნი,
Line of ed.: 19    რომელ ბრძანებითა შენითა შეივედრენ, მათ განუსუენე, რამეთუ შენ
Line of ed.: 20    ხარ სასოჲ შესუენებულთაჲ, რომელმან უჩუენე სოფელსა ცხორებაჲ.

Line of ed.: 21       ქველისმოქმედო ღმერთო და წყალობა-აურაცხელო უფალო,
Line of ed.: 22    რომელი წმიდა ხარ და წმიდათა შინა განისუენებ, განუსუენე, უფალო,
Line of ed.: 23    სულსა შესუენებულთასა წმიდათა შენთა თანა სასუფეველსა
Line of ed.: 24    ცათასა.

Line of ed.: 25       გიხაროდენ, მარიამ, კაცთა სიქადულო, მადლითა სავსეო, უფალი
Line of ed.: 26    შენ თანა.

Line of ed.: 27       წმიდაჲ წმიდათაჲ, წმიდაჲ ქალწული მარიამ, ქერაბინთა მობაძავი,
Line of ed.: 28    მეოხი სულთა ჩუენთაჲ.

Line of ed.: 29       დიდო ძალო ქერობინთაო, წმიდაო ქალწულო, გამოუთქმელო
Line of ed.: 30    ნათელო, წინამძუარო სულთა ჩუენთაო.

Line of ed.: 31       კურთხეულ ხარ შენ შორის დედათა, სანატრელო, ქალწულებითა
Line of ed.: 32    უბიწოო, ზეცისა სძალო, მეოხ გუეყავ სულთა ჩუენთათჳს.

Line of ed.: 33       მღჳძარებასა და მარხვასა ჴორცითა შენითა აჩუენებდ, წინამორბედო.
Line of ed.: 34    ამისთჳსცა ღირს იქმენ ნათლის-ცემად მაცხოვარსა სოფლისასა.

Line of ed.: 35       დიდებაჲ შენდა, უფალო, რომელი წმიდასა სტეფანეს ექმენ
Line of ed.: 36    გჳრგჳნ და სრბაჲ მისი აღასრულე, რაჲთა მეოხ გყოს დაუცხრომელად
Line of ed.: 37    სულთა ჩუენთათჳს.

Line of ed.: 38       გევედრებით შენ, ქრისტე, შეგჳწყალენ ჩუენ და ჴელთაგან ურჩულოჲსათა
Line of ed.: 39    დაგჳცვენ ჩუენ, უფალო, ოხითა წმიდისა
Line of ed.: 40    ღმრთისმშობელისაჲთა.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.