TITUS
The Shatberd Codex
Part No. 319
Previous part

Chapter: Test.  
Page of ed.: 355  
Line of ed.: 22  
ანდერძი მირეან მეფისაჲ ძისა თჳსისა მიმართ რევისა და
Line of ed.: 23  
ცოლისა თჳსისა ნანაჲსა*


Line of ed.: 24        აჰა ესერა მე წარვალ, ვინაჲ-ცა მოვედ, ხოლო შენ, ნანა, უკუეთუ გეცეს
Line of ed.: 25     მოცალებაჲ ცხორებისაჲ შემდგომად ჩემსა, განყავ სამეუფოჲ ჩემი ორად და
Line of ed.: 26     მიიღე სამარხვოსა წმიდისა ნინოჲსსა ჟამთა შეცვალებისათჳს, რაჲთა არა
Line of ed.: 27     შეირყიოს უკუნისამდე* ადგილი იგი, რამეთუ არა მეფეთა საჯდომი არს, მწირ
Line of ed.: 28     არს ადგილი იგი. ეგრე-ვე ვჰვედრებ მთავარ-ებისკოპოსსა, რაჲთა დადვას დიდებაჲ
Line of ed.: 29     მის ადგილისაჲ, რამეთუ ღირს არს პატივის-ცემისა. ხოლო ძესა თჳსსა ასწავებდა:
Line of ed.: 30     აჰა ესერა შეიცვალა ბნელი ჩუენი ნათლად და სიკუდილი ჩუენი --
Line of ed.: 31     ცხორებად. აწ სადა-ცა ჰპოვნე ქუეყანასა შინა შენსა ვნება(ნი) იგი ქართლისანი,
Line of ed.: 32     მაცთურნი კერპნი, ცეცხლითა დაწუენ და ნაცარი მათი შეასუ მათ, ვინ მათ
Line of ed.: 33     ეგლოვდეს! და ესე ამცენ შვილთა შენთა, რამეთუ მე ვიცი იგი, მწრაფლ კავკასიათა
Line of ed.: 34     შინა ვერ დაილევიან. Page of sec. ed.: 163  ხოლო შენ ესრე ჰყოფდ: თავი შენი შეჰვედრე
Line of ed.: 35     სუეტსა მას ზეგარდამო-დიდებულსა და პატიოსანსა ჯუარსა ცათა შინა ჩინებულსა
Line of ed.: 36     და იყავნ შენი მისლვაჲ მიწად ძილად საუკუნოდ სარწმუნოვებასა ზედა
Line of ed.: 37     წმიდისა სამებისასა, ამენ.
Page of sec. ed.:  

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.