TITUS
The Shatberd Codex
Part No. 321
Previous part

Text: Vita_Jac.Nis.  
Vita Jacobi Nisibinensis



For the sake of easy collation, page numbers were added to refer to the edition of the Armenian legend in
Varkՙ ew vkayabanowtՙiwnkՙ srbocՙ.
Hatəntir kՙałealkՙ i čar̄əntracՙ,
hator B,
Venetik 1974,
pp. 83-107.



Chapter: _  
Page of ed.: 356  
Page of sec. ed.: 83 
Line of ed.: 1  
ცხორებაჲ და განგებაჲ წმიდისა იაკობისი, რომელი
Line of ed.: 2  
ებისკოპოს იქმნა ქალაქსა ნასიბინს


Line of ed.: 3        მოსე დიდმან წინაჲსწარმეტყუელმან, რომელმან განაპო ზღუაჲ მეწამული
Line of ed.: 4     და განიყვანნა ჴმელსა ძენი ისრაჱლისანი* და აღმოუცენა წყალი უდაბნოსა
Line of ed.: 5     ურწყულსა კლდისაგან ჴმელისა* და განაძღო ბევრეული იგი ერი, და
Line of ed.: 6     აღვიდა მთასა სინასა გარდამორთუმად მათა წიგნი შჯულისაჲ*. და ვიდრე გარდამოსლვადმდე
Line of ed.: 7     მისა უღმრთო იქმნა ერი იგი. და იქმნეს თავისა მათისა კერპი
Line of ed.: 8     და თაყუანის.სცეს მას*. ამან წინაჲსწარმეტყუელმან ესე ყოველი არა თუ
Line of ed.: 9     თავით თჳ[სით] რაჲმე ყო, არამედ ღმრთისა მოწყალები[თა], რომელი-იგი
Line of ed.: 10     მის ზედა გარდამოჴდა, მის მიერ შემძლებელ იყო ამას ყოველსა საქმედ და
Line of ed.: 11     მე ვითარ შემძლებ[ელ] ვიქმნე აღებად პირისა ჩე[მისა] და აღძრვად ენისა
Line of ed.: 12     ჩემისა სიტყუად, არამედ მინდობითა ძალსა (წმიდასა მას) და შეწევნითა მისითა
Line of ed.: 13     აღვძრა ენაჲ ჩემი და ვიტყოდი სათნოვებათა აბელისთა და ღმრთის-მოყუარებათა
Line of ed.: 14     ენუქისთა და სიმართლესა ნოვესსა და სიწმიდით მღდელობასა
Line of ed.: 15     მელქიზედეკისსა და სარწმუნოვებასა აბრაჰამისსა და მოთმინებათა მისთა და
Line of ed.: 16     სტუმართ-მოყუარებასა და შესაწირავთა მისთა მრავალთა და სათნოვებათა მისთა,
Line of ed.: 17     მოთმინებასა იობისსა მოწევნულთა მათთჳს მის ზედა, მადლობასა მისსა
Line of ed.: 18     და სიყუარულსა მას მისსა უცხოთა მიმართ და გლახაკთა განურისხველობასა.

Line of ed.: 19        და კუალად მეგულების მე თხრობად ცხორებაჲ წმიდისაჲ ამის და სასწაულთა
Line of ed.: 20     საქმენი წმიდისა ამის კაცისანი და ვითხოვ შეწევნასა ღმრთისასა, რაჲთა
Line of ed.: 21     მომცეს მე ძალი აღწერად ჭეშმარიტებით და სიმართლით. და მნებავს,
Line of ed.: 22     რაჲთა იყოს ცხორებაჲ ესე ღირსსა და არზანიგსა ადგილსა, რაჲთა ყოველნი,
Line of ed.: 23     რომელნი იკითხვიდენ მას, მოწრაფე იყვნენ მიმსგავსებად საქმეთა ამ[ის] წმიდისათა.

Line of ed.: 24        და აწ ლოცვითა მისითა ვითხოვ Ms. page: 249r   ღმრთისაგან წყალობასა და ვიწყებ
Line of ed.: 25     მე თხრობად ცხორებასა მისსა.

Line of ed.: 26        ნასიბინი ქალაქი საზღვარსა ზედა არს სპარსეთისასა და ბერძენთასა. და
Line of ed.: 27     პირველ მისა ხარკსა წარიღებდეს მეფენი ბერძენთანი, რამეთუ მათსა ჴელმწიფებასა
Line of ed.: 28     ქუეშე იყო.

Line of ed.: 29        იყო ქალაქსა ამას შინა კაცი ერთი მონაზონი, რომლისა სახელი -- იაკობ.
Line of ed.: 30     და სიყრმითგან მისით აღეღო უღელი იგი მონაზონებისაჲ ქედსა ზედა მისსა.
Line of ed.: 31     და იყოფვოდა იგი განშოვრებულთა უდაბნოთა და თავსა ზედა მთათასა დაყუდებულ
Line of ed.: 32     იყო. და სიცხესა ზაფხულისა[სა] მზესა ქუეშე დასწუვიდა თავსა
Line of ed.: 33     თჳსსა. არა შევიდოდა იგი სართულსა ქუეშე საგრილად მზისათჳს, ხოლო ზამთრისა
Line of ed.: 34     დღეთა იყოფვინ იგი ქუაბსა შინა Page of sec. ed.: 84  ერთსა ფრიად იწროსა, რომელსა ვერ
Line of ed.: 35     განემართებოდა. და არცა-ღა იყო საზრდელი მისი იფქლისა და ქრთილისაგან,
Line of ed.: 36     გინა რომლისაგან-ვე, რომელი იქმნების შრომითა ჴელთაჲთა. არამედ მხლისაგან
Line of ed.: 37     ველურისა უდაბნოჲსა იზარდებოდა და ნაყოფთაგან ხეთა ველურთაჲსა,
Line of ed.: 38     რომელთა ზედა კაცი არა შრომილ არნ, არცა მორწყულ არნ, ამათგან იყო
Line of ed.: 39     ცხორებაჲ გუამისა მისისაჲ შემდგომად ღმრთისა. და სამოსლად მისა იყო
Line of ed.: 40     თმისაგან თხათაჲსა ქსოვილი და საბლარდნელად მისა იყო ფლასი ერთი მცირჱ.
Line of ed.: 41     და ფრიად შეაიწრებდა თავსა თჳსსა, დასცემდა და და[ა]მორჩილებდა გონებასა,
Page of ed.: 357   Line of ed.: 1     რამეთუ ცხოვნდებოდა იგი ანგელოზებრ ქუეყანასა ზედა. და ხილვაჲ
Line of ed.: 2     მისი იყო სადიდებელად ღმრთისა, ვითარცა მოციქული იტყჳს, და ყოველსა
Line of ed.: 3     ჟამსა იცვალებოდა დიდებითი დიდებად ხილვაჲ მისი და იყო იგი
Line of ed.: 4     მხიარულ და სიტყუად მისა იყო დიდებაჲ ღმრთისაჲ. და სიმშჳდითა გულ[ი]სა
Line of ed.: 5     მისისაჲთა მოიგო დიდი კადნიერებაჲ წინაშე ღმრთისა, ვიდრემდის ყოველსა
Line of ed.: 6     სათხოველსა, რომელსა ითხოვდა ღმრთისაგან, მუნქუეს-ვე მიეცემოდა მას
Line of ed.: 7     დაუბრკოლებელად ყოველსა ჟამსა. ევედრებოდა ლმობიერად ღმერთსა და
Line of ed.: 8     ითხოვდა მას, რომელი ჯერ-არს ღმრთისაგან თხოვად, რომელ არს შენდობაჲ
Line of ed.: 9     და მოტევებაჲ ცოდვათაჲ, წყალობაჲ და მადლობაჲ ღმრთისაჲ Ms. page: 249v   გარდამოსრულ
Line of ed.: 10     იყო მის ზედა და ასწავებდა გზასა მას ჭეშმარიტებისასა და იგინი
Line of ed.: 11     არა ერჩდეს სწავლასა მისსა. მაშინ ჰბასრობედ მათ და ეკიცხევედ საქმისა მისთჳს,
Line of ed.: 12     რომლითა ეშმაკსა განელიგვნეს გონებანი მათნი, დაუტევეს დამბადებელი
Line of ed.: 13     და ჰმონებდეს დაბადებულთა. მას ჟამსა აღეგზნა გულსა ამის წმიდისასა
Line of ed.: 14     შური საღმრთოჲ, ვითარცა ელია წინაჲსწარმეტყუელისასა, იხილნა რაჲ კაცნი
Line of ed.: 15     წარწყმედასა შინა კერპთ-მსახურებისასა, ვითარცა ელია ისრაჱლნი. გარდამოჴდა
Line of ed.: 16     იგი მიერ მთით, სადა-იგი დამკჳდრებულ იყო, და წარემართა იგი სპარსეთა,
Line of ed.: 17     რაჲთა-მცა მოიხილა ნერგი იგი ქრისტეანობისაჲ, რაჲთა ულოცოს მათ და
Line of ed.: 18     ასწავოს და განამტკიცნეს იგინი სარწმუნოვებასა ზედა უფლისა ჩუენისა იესუ
Line of ed.: 19     ქრისტესსა და რაჲთა არა შეიცვალნენ ჭეშმარიტებისაგან სიცრუვედ და წარწყმდენ
Line of ed.: 20     იგინი საუკუნოდ. და ვითარცა მიიწია იგი კარად ქალაქისა ერთისა, რომელსა
Line of ed.: 21     ეწოდა ბეჲდა, რომელი იყო საზღვართა შინა სპარსეთისათა, და იყო
Line of ed.: 22     კარსა ზედა ამის ქალაქისასა წყაროჲ ერთი აღმომდინარჱ, რომლისაგან იყო
Line of ed.: 23     ცხორებაჲ ქალაქისაჲ მის და მონაზონი ერთი თანა-წარჰვიდოდა კარსა მის
Line of ed.: 24     ქალაქისასა და იხილა, ქალები მრავალი წყაროსა მას ზედა რცხიდეს სამოსელსა
Line of ed.: 25     მათსა და ტკეპნიდეს იგინი ფერჴითა მათითა, აღმოხუეწილნი ურცხჳნოდ
Line of ed.: 26     სამოსლითა მათითა. და ვითარცა იხილეს მათ მონაზონი იგი, არა თუ თავნი და
Line of ed.: 27     წჳვნი მათნი მოიბურნეს სამოსლითა ქალთა მათ, არამედ იწყეს ჴმითა მაღლითა
Line of ed.: 28     სიცილად და ჰბასრობდეს და ეკიცხევდეს მას. არცა შეირცხჳნეს მისგან,
Line of ed.: 29     ვითარცა მოხუცებულისა, და არცა შეიკდიმეს სქემისა მისგან პატიოსნისა, რომელი
Line of ed.: 30     ემოსა წმიდასა ბერსა, არამედ თუალითა ურცხჳნოჲთა ჰხედვიდეს და
Line of ed.: 31     ჴმობდეს მის ზედა სიტყჳთა უშუერითა და საქიქელითა, ბილწად და უგუნურად
Line of ed.: 32     ეცინოდეს მას. მაშინ, ვითარცა Ms. page: 250r   იხილნა იგინი წმიდამან ბერმან
Line of ed.: 33     ესევითარსა ურცხჳნოვებასა და სილირბესა შინა და ესმა მას, რომელსა იგინი
Line of ed.: 34     ჴმობდეს მისა მიმართ, შეწუხნა იგი ფრიად მათთჳს. და ენება, რაჲთა ძალითა
Line of ed.: 35     ღმრთისაჲთა აჩუენოს მათ ზედა სასწაული, რაჲთა მოაქცინეს იგინი ამის
Line of ed.: 36     ესევითარისაგან სიწბოჲსა და ურცხჳნოვებისა. და დაწყევა წყაროჲ იგი და მუნქუეს-ვე
Line of ed.: 37     განჴმა. და კუალად დასწერა ჯუარი ქალებსა მას და მუნქუეს-ვე დაშავნა
Line of ed.: 38     სისპეტაკჱ პირთა მათთაჲ და იქმნა, ვითარცა ყორნისა ნაკრტენი. და განსპეტაკნა
Line of ed.: 39     სიშავჱ თმათა მათთაჲ და იქმნა იგი სპეტაკ, ვითარცა თოვლი. და
Line of ed.: 40     იქმნნეს ხატნი მათნი, ვითარცა ფურცელი ლეღჳსაჲ, რაჟამს ეცის მყინვარი, და
Line of ed.: 41     ესრეთ საზარელ და საშინელ იყო ხილვაჲ მათი.

Line of ed.: 42        მაშინ, ვითარცა იხილა ქალებმან მან პირები და თმაჲ ერთმან ერთისაჲ,
Line of ed.: 43     ვითარ-იგი მყისა შინა საქიქელ იქმნნეს და რამეთუ განჴმა წყაროჲ იგი, იწრაფეს
Page of ed.: 358   Line of ed.: 1     და შევიდეს ქალაქად და აუწყეს მოქალაქეთა ყოველი ესე ყოფილი. ხოლო
Line of ed.: 2     იგინი შეკრბეს მყისა შინა და გამოვიდეს ძიებად მონოზნისა მის და სდევდეს
Line of ed.: 3     მას მოწრაფებით. და ეწინეს მას. რამეთუ თანა-წარსრულ იყვნეს იგინი
Line of ed.: 4     ქალაქსა მას. და ვითარცა ეწინეს მას, დაცჳვეს ყოველნი წინაშე საკჳრველისა
Line of ed.: 5     ბერისა, თავყუანის-სცემდეს და ამბოვრს-უყოფდეს ფერჴთა მისთა, რაჲთა-მცა
Line of ed.: 6     ამით ვითარ დააცხრვეს გულის-წყრომაჲ მისი. ხოლო ბერმან ვითარცა
Line of ed.: 7     იხილნა იგინი, შეეწყალნეს იგინი, რამეთუ ეგევითარითა ცრემლითა ტიროდეს
Line of ed.: 8     წინაშე მისა და იტყოდეს: ჵ წმიდაო მამაო, ცხორებაჲ ამის ქალაქისაჲ
Line of ed.: 9     ამის წყაროჲსაგან არს, რომელსა-ცა ზედა დაშენებულ არს; და უკუეთუ ესე
Line of ed.: 10     განჴმეს, ყოველი ესე სული მოისრვის წყურილითა და ქალაქი აღოჴრდეს*.
Line of ed.: 11     არამედ შეიწყალე ურიცხჳ ესე კრებული და ნუ-მცა წარწყმდებით უგუნურებითა
Line of ed.: 12     ამათ ქალთაჲთა, რომელთა აქუს ნაყოფი კადნიერებისა მათისაჲ, და
Line of ed.: 13     ცოდვასა მათსა ნუ მოჰჴდი ერსა ამას, Ms. page: 250v   რომელთა არარაჲ შეგცოდეს.
Line of ed.: 14     მაშინ მოიქცა წმიდაჲ იგი მუნ-ვე წყაროჲსა თავად და აღიპყრნა ჴელნი თჳსნი
Line of ed.: 15     ზეცად, ილოცვიდა ღმრთისა მიმართ და იტყოდა: უფალო, ნუ შეურაცხებ
Line of ed.: 16     უგუნურებასა ამათსა, არამედ შეუნდვე მათ და კუალად უბრძანე წყაროსა ამას,
Line of ed.: 17     რაჲთა მდიდრად აღმოეცემოდის, ვითარცა პირველ და უფროჲს მისსა, რაჲთა
Line of ed.: 18     ჰრწმენეს მათ სახელი შენი წმიდაჲ და აღგიარონ შენ მხოლოჲ სახიერი ღმერთი.
Line of ed.: 19     და მუნქუეს-ვე კუალად აღმოეცა წყაროჲ იგი პირველისა ფრიად უფროჲს,
8Line of ed.: 20     ვითარცა ღრმისაგან დიდისა. და ვითარცა იხილეს მოქალაქეთა ესე სასწაული,
Line of ed.: 21     ამბოვრს-უყოფდეს ტირილით ფერჴთა მისთა და ევედრებოდეს მას, რაჲთა
Line of ed.: 22     ქალებსა-ცა მას ულოცოს და კუალად ეგნენ. ხოლო მოქალაქენი ესე ყოველნი
Line of ed.: 23     გარდაექცინეს ეშმაკსა ქრისტეანობისაგა(ნ) წარმართობად. და უბრძანა [მათ]
Line of ed.: 24     ბერმან, რაჲთა დაუტევონ (შჯული) წარმართობისაჲ და ჰმონებდენ ქრისტესა
Line of ed.: 25     ღმერთსა ჩუენსა და აღაშენნენ ეკლესიანი. მაშინ სურვიელად შეიწყნარეს
Line of ed.: 26     სწავლაჲ ბერისაჲ სასწაულთა მათთჳს, რომელნი იხილნეს მისგან, და ყოველნი
Line of ed.: 27     იგი ვიდოდეს მის თანა და ეძიებდეს ადგილსა საეკლესიოდ. და ვითარცა
Line of ed.: 28     გამოიძიეს ადგილი, მუნქუეს-ვე მრავლითა გულს-მოდგინებითა აღაშენეს
Line of ed.: 29     ეკლესიაჲ და მოიქცეს ყოველნი სიხარულით ქრისტეანედ-ვე. გამოურჩინა
Line of ed.: 30     და დაუდგინნა მათ ხუცესნი და დიაკონნი. კუალად ევედრნეს იგინი ქალებისა
Line of ed.: 31     მისთჳს განკურნებად და უბრძანა მათ. რაჲთა მოიყვანნენ მისა და შჯული დაუდვას
Line of ed.: 32     მათ არღარა კადრებად ეგევითარსა ურცხჳნოვებასა, რაჲთა სიმდაბლით
Line of ed.: 33     ვიდოდიან, წიწვით და მორცხუედ იქცევოდიან, ვითარცა ჯერ-არს დედათა. ხოლო
Line of ed.: 34     იგინი არა მოვიდეს მისა სირცხჳლითა და დაუტევნა იგინი, ვითარცა იყვნეს,
Line of ed.: 35     უმჯობესისათჳს სულთა მათთაჲსა და სიწმიდით* .. Ms. page: 251r   წინაშე მათსა, მეკარეთა
Line of ed.: 36     ვერ იკადრიან დაყენებაჲ მისი. ეგრეთ-ვე წმიდასა ამას, ყოველი, რომელი
Line of ed.: 37     უნდა ღმრთისაგან, მოსცემდა მას ღმერთი დაუპრკოლებელად. ამისა შემდგომად
Line of ed.: 38     განვიდოდა იგი კართა თანა ქალაქისა რომლისათა-მე და იხილნა კრებულად
Line of ed.: 39     გლახაკნი მთხოველნი. და ვითარცა იხილეს იგი შორით მომავალად,
Line of ed.: 40     აღდგეს იგინი მყისა შინა და განსხირპეს ერთი მოყუასთა მათთაგანი ქუეყანასა
Line of ed.: 41     ზედა და დაბურეს იგი ზეწრითა მსგავსად მკუდრისა. და ვითარცა მოიწია
Line of ed.: 42     მათა, ევედრებოდეს მას, რაჲთა ლოცვაჲ მკუდრისაჲ აღასრულოს მის ზედა
Line of ed.: 43     ბერმან და დაჰმარხონ იგი. ხოლო წმიდამან შეიწყნარა ვედრებაჲ იგი მათი და
Page of ed.: 359   Line of ed.: 1     დადგა აღმოსავალით და ევედრებოდა ღმერთსა, რაჲთა შეუნდვნეს მას შეცოდებანი
Line of ed.: 2     მისნი და შეჰრაცხოს იგი რიცხუსა წმიდათასა სასუფეველსა ცათასა.
Line of ed.: 3     და ვითარცა ევედრა ქრისტესა სულისა მისისათჳს, რომელი მკუდრად შეერაცხა
Line of ed.: 4     და იყო იგი ცოცხალ, შეიწირა ქრისტემან ლოცვაჲ იგი ბერისაჲ და სული
Line of ed.: 5     იგი გამოიყვანა ჴორცთაგან და წარიყვანა იგი სასუფეველად, რომლისათჳს-ცა
Line of ed.: 6     წმიდაჲ იგი ევედრებოდა; აღუსრულა თხოვაჲ მისი და არა უგულებელს-ყო
Line of ed.: 7     იგი, დაღაცათუ არა გამოსრულ იყო სული იგი ჴორცთაგან, ლოცვითა ბერისაჲთა
Line of ed.: 8     გამოიყვანა იგი და ზეცად წარიყვანა. ხოლო ვითარცა აღასრულა ბერმან
Line of ed.: 9     ლოცვაჲ თჳსი მის ზედა, უბრძანა მათ დამარხვაჲ და თჳთ წარემართა გზასა თჳსსა. და
Line of ed.: 10     ვითარცა განეშოვრა მათგან, იწყეს მოყუასთა მის მკუდრისათა სიცილით
Line of ed.: 11     და ბასრობით ჴმობად მისა, რაჲთა აღდგეს და წარვიდენ ერთობით გზასა თჳსსა.
Line of ed.: 12     და ვითარცა მრავალგზის უჴმეს და არა იყო სმენა, ჰგონებდეს, ვითარმედ მირულებულ
Line of ed.: 13     არს. და მივიდა ერთი მათგანი განღჳძებად მისა და ვითარცა აღჰჴადა
Line of ed.: 14     ზეწარი პირსა მისსა, იხილა ფერი მიწისაჲ პირსა ზედა მისსა. მყის
Line of ed.: 15     დასდვა ჴელი საყნოსელთა მისთა და პოვა იგი, რამეთუ განცივებულ იყო
Line of ed.: 16     და საშუმინველი დამცხრალ იყო ცხჳრთაგან მისთა. და ვითარცა იხილა, რამეთუ
Line of ed.: 17     ცხოველებაჲ განშორებულ იყო მისგან, Ms. page: 251v   მყის აუწყა მოყუასთა,
Line of ed.: 18     ვითარმედ ესე მომკუდარ არს. და ვითარცა ესმა ესე სხუათა მათ ყოველთა,
Line of ed.: 19     მყის დევნა-უყვეს წმიდასა მას, ეწინეს და დაცჳვეს წინაშე მისსა და ამბოვრს-უყოფდეს
Line of ed.: 20     ჴელთა და ფერჴთა მისთა და ტირილით ლმობიერად ევედრებოდეს
Line of ed.: 21     მას, რაჲთა შეუნდოს მათ უგუნურებაჲ მათი, რომელი ყვეს მისა მიმართ
Line of ed.: 22     სიცოფითა სიგლახაკისაჲთა და აუწყეს მას მოყუსისა მის მათისათჳს, ვითარ იგი
Line of ed.: 23     ცოცხალი განესხირპა და აწ მკუდარი პოვეს და რაჲთა კუალად აგოს სული მისი
Line of ed.: 24     მისა-ვე. ხოლო ბერსა, ვითარ ესმნეს სიტყუანი ესე მათგან და რამეთუ ტიროდეს
Line of ed.: 25     წინაშე მისსა, შეეწყალნეს იგინი და კუალად იქცა მათ თანა-ვე და
Line of ed.: 26     მივიდოდა და დადგა მკუდარსა მას ზედა და აღიპყრნა ჴელნი თჳსნი ზეცად და
Line of ed.: 27     ევედრა ღმერთსა, რაჲთა კუალად აგოს სული კაცისაჲ მის ჴორცთა-ვე მისთა.
Line of ed.: 28     და სული იგი, რომელ ლოცვითა ბერისაჲთა განსრულ იყო კაცისა მისგან,
Line of ed.: 29     ლოცვითა-ვე მისითა კუალად ეგო გუამსა-ვე მისსა. და აღდგა მკუდარი იგი
Line of ed.: 30     და იწყო გალობად მოყუასთა მისთა მრავლითა ტკივილითა და ეტყოდა: იხილენ
Line of ed.: 31     უფალმან და საჯენ ჩემ შორის და თქუენ შორის, რამეთუ გამომიყვანეთ
Line of ed.: 32     მე სასუფევლისაგან ცათაჲსა, რომელსა ღირს-ქმნულ ვიყავ ლოცვითა ამის
Line of ed.: 33     წმიდისაჲთა, და კუალად მაქციეთ მე ქუეყანასა-ვე ამას, სავსესა სიცრუვითა
Line of ed.: 34     და ზაკუვითა, და დამაკლენით მე კეთილნი იგი საუკუნენი, რომელთა ვერღარა
Line of ed.: 35     მივემთხუევი უღირსებითა ჩემითა.

Line of ed.: 36        ესე სასწაული აღასრულა წმიდამან მან, ვითარცა ყო პეტრე მოციქულმან,
Line of ed.: 37     რაჟამს-იგი უტყუვეს ანანია და საფირა, ცოლმან მისმან, და მყის მოაკუდინნა
Line of ed.: 38     იგინი*. ეგრეთ-ვე წმიდასა ამას, ვითარცა უტყუვეს უგუნურთა მათ, ღმერთმან
Line of ed.: 39     ჭეშმარიტ-ყო ტყუვილი იგი მათი. ხოლო პეტრეს სულმან წმიდამან აუწყა
Line of ed.: 40     ტყუვილი იგი მათი და მეცნიერებით მოაკუდინნა იგინი, არამედ ბერმან ამან
Line of ed.: 41     წმიდამან უმეცრებით ულოცა კაცსა მას, ვითარცა მკუდარსა, რამეთუ მკუდარი
Line of ed.: 42     ეგონა ჭეშმარიტად, Ms. page: 252r   ხოლო ქრისტემან არა უგულებელს-ყო ლოცვაჲ
Line of ed.: 43     იგი მისი და მკუდარ ჭეშმარიტ ყო იგი. ესე წერილი აღმოიკითხედ უგუნურად
Line of ed.: 44     მბასრობელთა და დასცხრედ უგუნურად ბასრობისაგან მათისა და შეინანედ!

Page of ed.: 360  
Line of ed.: 1        ამიერითგან დაუტევოთ ჴსენებაჲ ამისი და მივიცვალოთ სხუათა სასწაულთა
Line of ed.: 2     და სათნოვებათა მისთა. და შემოკლებულად ვიტყოდით და არა განვაგრძოთ
Line of ed.: 3     არიოს -- თავი იგი განწვალებისაჲ და მამაჲ ტყუვილისაჲ და დამბადებელი
Line of ed.: 4     გმობისაჲ, რომელმან Page of sec. ed.: 100  მხოლოსა ძესა ღმრთისასა და სულსა წმიდასა
Line of ed.: 5     აზმნო გმობაჲ და აღლესა ენაჲ მისი, ვითარცა ჴრმალი განმკუეთელი, და იწყო
Line of ed.: 6     სიცბილითა ტყუვილისაჲთა განწვალებად სამებისა ერთ-არსებასა და აღავსო
Line of ed.: 7     ყოველი ეგჳპტჱ შფოთითა და წვალებითა სწავლისა მისსა მაკუდინებელისაჲთა
Line of ed.: 8     და მრავალნი იზიარნა მისსა მას წარწყმედასა, ვიდრემდის განისმნეს გმობანი
Line of ed.: 9     მისნი ყოველსა ქუეყანასა.

Line of ed.: 10        ესე იყო დღეთა კოსტანტინე მეფისა მორწმუნისათა, რომელი-იგი იყო
Line of ed.: 11     გჳრგჳნოსანი გჳრგჳნითა სარწმუნოვებისაჲთა, რომელმან მოაქცია ტყუე იგი
Line of ed.: 12     ერისა მის ისრაჱლისაჲ, რამეთუ შვილნი ტაძრისა ღმრთისანი მოისრვოდეს
Line of ed.: 13     ყოველსა ადგილსა წარმართთაგან. ვითარცა იხილა მეფემან ღმრთივ გჳრგჳნოსანმან
Line of ed.: 14     შფოთი ესე და განპებაჲ შჯულისაჲ, რომელი აღადგინა არიოს
Line of ed.: 15     ურჩულომან, ბრძანა მეფემან, რაჲთა მწრაფლ შეკრბენ ყოველნი მღდელთ-მოძღუარნი,
Line of ed.: 16     განმგებელნი ეკლესიათანი, ქალაქსა შინა ნიკეაჲსასა, რაჲთა განაგონ
Line of ed.: 17     შფოთი იგი და წვალებაჲ. და ვითარცა ეუწყა ესე წმიდასა იაკობს მონაზონსა,
Line of ed.: 18     განემზადა იგი-ცა აღსლვად ნიკეად ებისკოპოსთა თანა, რაჲთა განაცხადოს
Line of ed.: 19     შჯული მართლისა სარწმუნოვებისაჲ, ვითარცა მჴედარმან რაჲ ახოვანმან
Line of ed.: 20     ცხადად აჩუენის ღუაწლსა შინა ახოვნებაჲ თჳსი. და რამეთუ ქალაქი ნასიბინი
Line of ed.: 21     ბერძენთა ჴელმწიფებასა ქუეშე იყო, და ხარკსა ბერძენთა მეფენი წარიღებდეს.
Line of ed.: 22     და ვითარცა შეკრბა წმიდაჲ ესე კრებული ნიკეას, და წმიდაჲ იაკობ მონაზონი-ცა
Line of ed.: 23     იყო მათ თანა, და მრავალი უკუე სიტყჳს-გებაჲ იყო შორის მათსა.
Line of ed.: 24     და კუალად Ms. page: 252v   არიოსს მცბიერსა-ცა თანა იყვნეს მრავალნი სხუანი-ცა, რომელნი
Line of ed.: 25     სიტყჳთა ტყუვილისაჲთა შეუდგეს მას და ყოვლად ბოროტის ნებასა
Line of ed.: 26     მას მისსა მიდრკეს მტერნი იგი ჭეშმარიტებისანი. ხოლო იგინი უკუე ვერ
Line of ed.: 27     გამოაცხადებდეს ამას წინაშე კაცთა, გარნა მათ ხოლო, რომელნი მათა ზიარ-იყვნეს
Line of ed.: 28     სიცბილსა მას. და იყვნეს იგინი სავსე ყოვლითა ზაკუვითა და საცთურითა
Line of ed.: 29     მით ეშმაკისაჲთა და ფარულად, ვითარცა გუელნი, კბენდეს ბრჭალსა
Line of ed.: 30     კაცთასა; არამედ ძალმან ღმრთისამან და წყალობამან მისმან, რომელი მარადის
Line of ed.: 31     სცავს წმიდათა მისთა ეკლესიათა და ყოველთა მორწმუნეთა, რომელნი
Line of ed.: 32     ჰმონებენ მას ჭეშმარიტებით, არა უგულებელს-ყვნა შვილნი წმიდისა კათოლიკე
Line of ed.: 33     ეკლესიისანი. და იყვნეს არიოსს მცბიერსა თანა შჳდნი წინამძღუარნი
Line of ed.: 34     ბერნი ბოროტნი, რომელნი ტყუვილსა მისსა ტყუოდეს და ნებასა მისსა
Line of ed.: 35     ეზიარნეს. და იყვნეს სიტყჳთა კეთილ და გონებითა -- ბოროტ, ვითარცა იტყჳს
Line of ed.: 36     წინაჲსწარმეტყუელი, ვითარმედ: "ერი ესე ბაგითა მათითა მადიდებს მე, ხოლო
Line of ed.: 37     გულნი მათნი შორად განშოვრებულ არიან ჩემგან"*. და კუალად იტყჳს
Line of ed.: 38     იერემია: "ჭეშმარიტად მახლობელ ხარ შენ პირსა მათსა და განშოვრებულ
Line of ed.: 39     თირკუმელთაგან მათთა"* ვითარცა იტყჳს წმიდაჲ დავით, ვითარმედ:
Line of ed.: 40     "პირითა მათითა აკურთხევდეს და გულითა მათითა სწყევდეს"*. და კუალად
Line of ed.: 41     "ლბილ იყვნეს სიტყუანი მათნი უფროჲს ზეთისა, და იგინი იყვნეს, ვითარცა
Line of ed.: 42     ისრის პირნი"*. ესრე-ვე იყვნეს მზაკუვარნი იგი და უკეთურნი, რომელნი
Line of ed.: 43     ლმობიერად ევედრებოდეს წმიდასა ალექსანდ[რ]ეს პატრეაქსა ალექსანდრიაჲსასა,
Page of ed.: 361   Line of ed.: 1     რაჲთა შეიწყალოს არიოს და განჰჴსნეს იგი კრულებისაგან მისისა. ხოლო
Line of ed.: 2     წმიდასა ალექსანდრეს ეშინოდა უკეთურთა მათგან და უნდა განმარჯუებად
Line of ed.: 3     საქმე მათი. და რამეთუ სხუანი-ცა მრავალნი მოსრულ იყვნეს სიწრფოვებით
Line of ed.: 4     შეწევნად მათა უმჯობესისა გონებისათჳს, და ჰრქუეს მათ-ცა წმიდასა ალექსანდროსს:
Line of ed.: 5     ღმერთი ჩუენი წყალობის-მოყუარე არს და უხარის მას Ms. page: 253r  
Line of ed.: 6     წყალობაჲ ცოდვილისაჲ. მიუგო მათ წმიდამან ალექსანდრე: ჭეშმარიტსა
Line of ed.: 7     გეტყჳ, შვილნო ჩემნო, ვითარმედ ფრიად გარდარეული ცოდვაჲ არს წყეულისა
Line of ed.: 8     შეწყალებაჲ, არიოს მცბიერისაჲ. მაშინ წმიდამან ებისკოპოსმან იაკობ ქალაქისა
Line of ed.: 9     ნასიბინისამან, რომლისა ცხორებაჲ ესე მიგითხარ, აზრახა წმიდასა კრებულსა,
Line of ed.: 10     რაჲთა იმარხონ შჳდ დღე და ყოველთა ღამეთა უძილად, ლოცვით
Line of ed.: 11     განათიონ და ესრეთ ევედრნენ ღმერთსა, რაჲთა მსგავსად ნებისა მისისა ყოს
Line of ed.: 12     სამწყსოჲსა თჳსისათჳს შვილთა ეკლესიისათა. და ვითარცა ესმა ესე ყოველთა
Line of ed.: 13     ებისკოპოსთა წმიდისა იაკობისგან, სიხარულით შეიწყნარეს ზრახვაჲ მისი
Line of ed.: 14     და იმარხეს შჳდ დღე და შჳდგზის ღამე ათიეს. და მჴურვალედ ევედრნეს
Line of ed.: 15     ღმერთსა ნებისა მისისაებრ განგებად სამწყსოჲ თჳსი და უკუეთუ ღირს არს
Line of ed.: 16     არიოზ შენდობისა მისმიერისა, გამოუცხადოს მათ. და მოიწია მეშჳდჱ დღჱ
Line of ed.: 17     კჳრიაკჱ, რომელსა შინა მოელოდეს სასწაულსა გამოცხადებად მათა არიოსის
Line of ed.: 18     შენდობისათჳს და განჴსნისა. და ვითარ იყო ჟამი შეწირვად მსხუერპლთა
Line of ed.: 19     საიდუმლოჲ, ყოველსა კრებულსა აღეპყრნეს ჴელნი მათნი ღმრთისა მიმართ.
Line of ed.: 20     მას ჟამსა აჩუენა ღმერთმან სასწაული ძალითა ღმრთეებისა თჳსისაჲთა არიოზს
Line of ed.: 21     უშჯულოსა ზედა, რამეთუ მოუწოდეს მას წმიდამან კრებულმან, რაჲთა უკუეთუ
Line of ed.: 22     ღირს იყოს იგი, თანა-დაიხუედრონ ჟამის წირვასა. და ვითარცა აღდგა
Line of ed.: 23     იგი საჯდომისაგან თჳსისა და შევიდა იგი გარე-განსავალად განსლვად ბუნებითსა
Line of ed.: 24     მას თანა-ნადებსა, მას ოდენ ჟამსა ძალმან ღმრთისამან აჩუენა სასწაული
Line of ed.: 25     ესევითარი მის ზედა ყოველი, რაჲ-ცა-რე იყო მუცელსა მისსა -- ნაწლევნი და
Line of ed.: 26     გულ-ღჳძლი ფირტჳთურთ -- განკრბა განსავალსა მისსა და დაეცა იგი ადგილსა
Line of ed.: 27     მას მყრალსა, ვითარცა ღირს იყო, და ბოროტად სულნი წარჰჴდეს რისხვითა
Line of ed.: 28     ზეგარდამოჲთა და ლოცვითა წმიდისა მამისა ჩუენისა იაკობ ნასიბინელ ებისკოპოსისაჲთა,
Line of ed.: 29     რომელი-ცა შურითა საღმრთოჲთა Ms. page: 253v   აღიძრა მის ზედა,
Line of ed.: 30     ვითარცა ფინეეზ მღდელი, რომელმან მოკლნა ორნი იგი, რომელნი ცოდვიდეს
Line of ed.: 31     და მათ ძლით მოისრვოდა ერი იგი ღმრთისაჲ, ხოლო მოკლვამან მათმან
Line of ed.: 32     დააცხრვო რისხვაჲ ღმრთისაჲ და დაეყენა სიკუდილი, ვითარცა წერილ
Line of ed.: 33     არს წიგნსა მას ფსალმუნთასა: "დადგა ფინეეზ, იჴსნნა იგინი, დაეყენა სიკუდილი,
Line of ed.: 34     შეერაცხა სიმართლედ თესლითი თესლამდე და მიუკუნისამდე"*. ესრეთ-ვე
Line of ed.: 35     ამან წმიდამან მოკლა უშჯულოჲ იგი და მცბიერი არიოზ წყეული საჭურველითა
Line of ed.: 36     ღმრთისამიერითა, რამეთუ ლოცვასა მისსა ღმრთისა მიმართ იქმნა ენაჲ
Line of ed.: 37     მისი უმკუეთელეს უფროჲს ყოვლისა მახჳლისა ორპირისა. და მით მოკლა
Line of ed.: 38     ბილწი იგი და მცბიერი არიოს წყეული და იჴსნა სამწყსოჲ ქრისტესი წამლისა
Line of ed.: 39     მისგან მისისა მაკუდინებელისა და წარმწყმედელისა, ვითარცა წერილ არს: "მოისპენ
Line of ed.: 40     უღმრთოჲ, რაჲთა არა იხილოს მან დიდებაჲ ღმრთისაჲ"*. შემდგომად
Line of ed.: 41     სიკუდილისა არიოზ უღმრთოჲსა წმიდაჲ ესე კრებული განიბნია და წარვიდეს
Line of ed.: 42     კაცად-კაცადი თჳსა ვანად სიხარულითა დიდითა. და მოიქცა წმიდაჲ
Line of ed.: 43     იაკობ საყდარსა თჳსსა ქალაქად ნასიბინდ, ვითარცა მჴედარი რაჲ ახოვანი,
Page of ed.: 362   Line of ed.: 1     რომელმან აოტნის მტერნი და მოელინ მოღებად გჳრგჳნსა მეფისაგან ღუაწლისა
Line of ed.: 2     მისისათჳს. და ყოველთა კაცთა, რაჟამს ესმოდა სახელი მისი, გზასა
Line of ed.: 3     ზედა მოეგებვოდეს მას ქალაქებისაგან და ყოვლისა ქუეყანისა, რაჲთა იკურთხნენ
Line of ed.: 4     მისგან. და შემდგომად მცირედისა ჟამისა დიდმან მეფემან კოსტანტინე
Line of ed.: 5     მორწმუნემან შეისუენა და ზეცისა გჳრგჳნითა გჳრგჳნოსან-იქმნა ნაცვალად
Line of ed.: 6     ქუეყანისა. და დაიმკჳდრეს მეფობაჲ მისი ძეთა მისთა შემდგომად მისა.

Page of sec. ed.: 104 
Line of ed.: 7        და ვითარცა ესმა საბურს, სპარსთა მეფესა, ვითარმედ მეფჱ კოსტანტინე
Line of ed.: 8     გარდაიცვალა და ძეთა მისთა დაიპყრეს მეფობაჲ მისი, აღზუავნა გონებითა და
Line of ed.: 9     განიმზადა გუნდი თჳსი, რაჲთა-მცა ბრძოლა-უყო ბერძენთა და მძლავრობით-მცა
Line of ed.: 10     მოუხუნა საბრძანებელნი მათნი. და მოადგა იგი ქალაქსა ნასიბინს ერითა
Line of ed.: 11     ურიცხჳთა, რამეთუ იყო იგი საზღვარი საბრძანებელისა Ms. page: 254r   მათისაჲ, და
Line of ed.: 12     ვითარცა იხილა შეზღუდვილად ზღუდითა მტკიცითა, უბრძანა ერსა თჳსსა, რაჲთა
Line of ed.: 13     მოადგან გარემოჲს მისსა სხუაჲ ზღუდჱ უმაღლესი და აგოს მას ზედა
Line of ed.: 14     ფილაკავანთა სიმრავლჱ სასროლად ქალაქისა. და კუალად ქმნა ურმები
Line of ed.: 15     მანქანებითა, რაჲთა ზღუდესა მიადგენ და მით გამოუღონ საფუძველი მისი. და
Line of ed.: 16     ვითარცა ესე ყოველი ქმნეს და ვერარაჲ ირგეს ამით, რამეთუ ლოცვაჲ წმიდისა
Line of ed.: 17     იაკობისი სძლევდა ყოველთა სივერაგეთა მანქანებისა მათისათა, და
Line of ed.: 18     იხილა საბურ მეფემან, რამეთუ ამაო არს ყოველი ღონის-ძიებაჲ მათი, მაშინ
Line of ed.: 19     უბრძანა გუნდსა თჳსსა, რაჲთა დაყონ მდინარჱ იგი, რომელი შესდიოდა ქალაქსა
Line of ed.: 20     და დააგუბონ იგი და მოუთხარონ გარემოჲს ზღუდეთა ქალაქისათა და
Line of ed.: 21     ოდეს აღმაღლდეს წყალი იგი, განუტევონ იგი მძაფრიად და მოადგეს ზღუდეთა
Line of ed.: 22     მათთა და დაირღუენ, რამეთუ უწყოდა უშჯულომან მან, ვითარმედ ზღუდენი
Line of ed.: 23     მისნი ალიზისანი იყვნეს და თიჴაჲ ვერ დამდგრომელ არს წინაშე წყლისა.
Line of ed.: 24     და ყვეს ეგრე, ვითარცა უბრძანა მათ Page of sec. ed.: 105  მეფემან საბურ: და დაგუბეს წყალი
Line of ed.: 25     იგი და მერმე განუტევეს ერთბამად და მოადგა წყალი იგი ზღუდეთა მათ ქალაქისათა
Line of ed.: 26     და მოიცვა იგი. და ვერ შეუძლო თიჴამან წინა-აღდგომად წყლისა
Line of ed.: 27     მის და დაალბო საძირკუელი ზღუდისაჲ მის და დაეცნეს ზღუდენი ქალაქისანი
Line of ed.: 28     და დაირღუეს ყოვლით კერძო-ვე. ვითარცა იხილეს ესე მკჳდრთა ქალაქისათა,
Line of ed.: 29     რამეთუ დაეცნეს ზღუდენი მათნი, დაეცა მათ ზედა ზარი და შეიპყრნა იგინი
Line of ed.: 30     შიშმან მიუთხრობელმან და წარიწირეს სასოვებაჲ ცხორებისა მათისაჲ და ენება
Line of ed.: 31     თავთა მათთა მიცემად მეფისა სპარსთაჲსა მონებად მისა. ხოლო წმიდაჲ
Line of ed.: 32     იაკობ, მწყემსი იგი მათი ჭეშმარიტი, მინდობილ იყო ძალსა და სახიერებასა
Line of ed.: 33     ღმრთისასა უფროჲს სიმტკიცესა ზღუდეთასა, ნუგეშინის-სცემდა მათ და ეტყოდა:
Line of ed.: 34     ნუ გეშინინ, შვილნო ჩემნო, ნუ-ცა შესძრწუნდებით, რამეთუ არა მისცემს
Line of ed.: 35     ქალაქსა ამას ქრისტე ღმერთი ჩუენი ჴელთა მეფისა უშ[ჯ]ლულოჲსათა, ნუ გეშინინ!
Line of ed.: 36     Ms. page: 254v   მაშინ, ვითარცა იხილა საბურ მეფემან სპარსთამან, რამეთუ
Line of ed.: 37     დაეცნეს ზღუდენი ქალაქისანი, განიხარა მან სიხარულითა დიდითა და უბრძანა
Line of ed.: 38     გუნდსა თჳსსა, რაჲთა შევიდენ ყოვლით კერძო-ვე და დაიპყრან ქალაქი.
Line of ed.: 39     და ვითარცა აზმნეს მჴედართა შესლვად ქალაქად, ვერ შეუძლეს მათ თიჴისაგან
Line of ed.: 40     და უყისა, რომელი აღდგომილ იყო წყლისა მისგან, რამეთუ დაეფლვოდეს
Line of ed.: 41     საჴედარნი მათნი და ერი-ცა ქუეთ-მავალი და მკჳრცხლი დაჰვიდოდა უყსა
Line of ed.: 42     მას შინა. და ვითარცა ვერ შემძლებელ იქმნნეს შესლვად მას დღესა შინა, უბრძანა,
Line of ed.: 43     რაჲთა განეშორნენ მცირედ, ვიდრემდის განჴმეს საფლავი იგი უყისაჲ
Line of ed.: 44     მის, და ესრეთ დაიპყრან ქალაქი იგი. ვითარცა იხილეს ესე ყოველი მყოფთა
Page of ed.: 363   Line of ed.: 1     ქალაქისათა, რაჲ-იგი იქმნა, აღიპყრნეს ჴელნი მათნი ცად და ილოცვიდეს
Line of ed.: 2     ღმრთისა მიმართ ლმობიერითა გულითა მწყემსისა მათისა თანა წმიდისა იაკობისა,
Line of ed.: 3     რაჲთა იჴსნნეს იგინი ჭირისა მისგან. და გამოვიდეს ყოველნი ერთბამად -- მამანი
Line of ed.: 4     და დედანი და ყრმანი -- და იწყეს შჱნებად ზღუდისა შინაგან ნარღუევსა
Line of ed.: 5     მას და შეწევნითა ღმრთისაჲთა და ლოცვითა წმიდისა იაკობისითა აღაშენეს
Line of ed.: 6     ზღუდჱ ქალაქისაჲ ყოვლით კერძო-ვე ღამესა ერთსა უმაღლესი და უმტკიცესი
Line of ed.: 7     პირველისა და მოადგეს თავსა მისსა საბრძოლი კაცის-თავოვანი და განმტკიცნეს
Line of ed.: 8     გონებითა და ნუგეშინის-ცემულ იქმნნეს და ევედრნეს წმიდასა
Line of ed.: 9     იაკობს, მწყემსსა მას მათსა სულიერსა, რაჲთა აღჴდეს ზღუდესა მას და წყევოს
Line of ed.: 10     გუნდი იგი სპარსთაჲ. და ვითარცა აღვიდა იგი სიმაღლესა მას ზღუდისასა,
Line of ed.: 11     რაჲთა-მცა დაწყევნა იგინი, და მიხედა სიმრავლესა მას ურიცხუსა ერისასა,
Line of ed.: 12     რომელსა შეეცვა ქალაქი იგი. შეეწყალნეს იგინი და მოეჴსენა სიტყუაჲ იგი
Line of ed.: 13     მოციქულისაჲ, ვითარმედ: "აკურთხევდით მწყევართა თქუენთა და ნუ
Line of ed.: 14     სწყევთ"*, და დაეყენა წყევისაგან ერისა მის. არამედ ესე ხოლო ილოცა,
Line of ed.: 15     რაჲთა მოუვლინოს მათ ღმერთმან ზილი და ბზიკი ფესანგი, Ms. page: 255r   რაჲთა ამით
Line of ed.: 16     განიბნინენ იგინი მიერ ადგილით, რაჲთა წარვიდენ მიერ და არავინ მათგანი
Line of ed.: 17     მოისრას. და ისმინა ღმერთმან ლოცვისა მისისაჲ, ვითარცა მოსე წინაჲსწარმეტყუელისაჲ*,
Line of ed.: 18     და მყისა შინა მოუჴდა მათ გუემაჲ ესე ღმრთისამიერი
Line of ed.: 19     ლოცვითა წმიდისა იაკობისითა. და გამოჴდა ქუეყანით მათ ზედა ზილი კაცთა
Line of ed.: 20     ზედა და ბზიკი საჴედართა ზედა მათთა და მწრაფლ განაბნინა იგინი, რამეთუ
Line of ed.: 21     იყო მათ თანა პილოვები-ცა მრავალი საბრძოლელად და მათ ზედა-ცა იყო ბზიკი
Line of ed.: 22     იგი, ვიდრემდის ვერ დამდგომ იქმნნეს იგინი წინაშე ბზიკისა და ზილისა. და
Line of ed.: 23     ვითარცა განიბნია ლაშქარი იგი პირსა ზედა თჳსსა, იხილა საბურ მეფემან
Line of ed.: 24     სპარსთამან, რამეთუ ზღუდენი ქალაქისანი აღშენებულ იყვნეს უმაღლეს და
Line of ed.: 25     უმტკიცეს პირველისა და გუნდი მისი მოუძლურებულ არს ბრძოლად და განბნეულ
Line of ed.: 26     და ყოველი სიმარჯუე მათი ამაო-ქმნულ არს, ზარი განჰჴდა მას და შეეშინა.
Line of ed.: 27     მიჰხედა ზღუდესა და იხილა წმიდაჲ იაკობ ებისკოპოსი, ვიდოდა რაჲ
Line of ed.: 28     ზღუდეთა ზედა. და ემოსა მას ძაძისა იგი სამოსელი და კუნკული ედგა თავსა
Line of ed.: 29     მისსა. და ვითარცა იხილა საბურ მეფემან, ეგონა, ვითარმედ მეფჱ ბერძენთაჲ
Line of ed.: 30     მოსრულ არს, რამეთუ ღმრთისა განგებითა გამოუჩნდა თუალთა მისთა
Line of ed.: 31     ძაძისა იგი სამოსელი პორფირად მეფისა და წმიდაჲ იგი კუნკული -- გჳრგჳნად.
Line of ed.: 32     და ჰრქუა განმზრახთა და საკუთართა თჳსთა, რომელთა ეზრახა მისდა
Line of ed.: 33     მოსლვაჲ და ბრძოლაჲ ქალაქსა ნასიბინს, ვითარმედ ბერძენთა მეფჱ მომკუდარ
Line of ed.: 34     არს: "რაჲსათჳს შემიტყუვეთ მე, ჵ ბოროტნო განმზრახნო, და მეტყოდეთ
Line of ed.: 35     მეფისა აქა არა ყოფასა და ამით ეძიებდით სიკუდილსა ჩემსა? არა აჰა
Line of ed.: 36     ესერა მე ვხედავ-ა თუალითა ჩემითა მეფესა ბერძენთასა ზღუდეთა ზედა მავალსა
Line of ed.: 37     და გჳრგჳნი თავსა ზედა მისსა? და ერი ჩუენი განიბნია და ჩუენ ვითარ
Line of ed.: 38     განვერნეთ სიკუდილისაგან? ხოლო მე ვიდრე გამოსლვად მათამდე
Line of ed.: 39     ქალაქით და მოსრვად ჩუენდა შური ვიძიო ტყუვილისა თქუენისათჳს Ms. page: 255v  
Line of ed.: 40     ჩემდა მომართ!" და უბრძანა მჴედარათა, რაჲთა თავები დაშჭრან ყოველთა განმზრახთა
Line of ed.: 41     და მოგუთა და მისანთა მისთა. და ყვეს ეგრე. ხოლო იგი მუნქუეს-ვე
Line of ed.: 42     აღიყარა მრავლითა შიშითა და მიიქცა ქუეყანად თჳსა და ზოგი აბჯრისა
Page of ed.: 364   Line of ed.: 1     მათისაჲ და ჭურჭრისაჲ და კარვები დაუტევეს შიშისაგან. ესევითარი
Line of ed.: 2     სასწაული ქმნა ღმერთმან წმიდისა იაკობის მიერ, ვითარცა ყო ეზეკია. Page of sec. ed.: 106  და
Line of ed.: 3     არა უმცირეს არს ესე ეზეკიაჲსსა მას, არამედ უფროჲს და უმეტეს, რამეთუ
Line of ed.: 4     განწირულ იქმნნეს მოქალაქენი იგი, რაჟამს ზღუდენი მათნი დაეცნეს, არამედ
Line of ed.: 5     ლოცვითა წმიდისა იაკობისითა იოტნეს მტერნი იგი. ხოლო მე ფრიად
Line of ed.: 6     დამიკჳრდების სიმშჳდჱ კაცისა მის ღმრთისაჲ, ვითარ-იგი არა სწყევა მტერთა
Line of ed.: 7     მათ, რაჲთა-მცა გარდამოჴდა ცეცხლი და დაწუნა იგინი, ვითარცა-იგი უყო
Line of ed.: 8     ელია წინაჲსწარმეტყუელმან სამთა მათ ერგასისთა, ვითარ დაწუნა იგინი ცეცხლითა
Line of ed.: 9     ზეგარდამო* და რამეთუ არცა უბრძანა ქუეყანასა, რაჲთა განაღოს
Line of ed.: 10     პირი თჳსი და დანთქნეს იგინი, ვითარცა მოსე წინაჲსწარმეტყუელმან დაანთქნა
Line of ed.: 11     დათან და აბირონ, რომელნი უჴდებოდეს მოსეს". არამედ მოიჴსენა მან სიტყუაჲ
Line of ed.: 12     იგი მჴსნელისა ჩუენისაჲ, რომელი ჰრქუა მოწაფეთა -- იაკობს და
Line of ed.: 13     იოვანეს, ძეთა ზებედესთა, რაჟამს-იგი განჴადნეს სამარიტელთა მათ: "უფალო,
Line of ed.: 14     ვთქუათ, რაჲთა ცეცხლი გარდამოჴდეს და აჴოცნეს იგინი, ვითარცა ელია
Line of ed.: 15     ყო"*: არამედ ისმინეთ, ვითარ-იგი ჰრქუა მათ უფალმან, ვითარმედ: "არა
Line of ed.: 16     უწყით, თუ რომლისა სულისანი ხართ"*. და წმიდამან-ცა ამან არარაჲ ითხოვა
Line of ed.: 17     ღმრთისაგან, რომლითა-მცა სიკუდილსა და წარწყმედასა შესთხინა იგინი, არამედ -- მწერი
Line of ed.: 18     ესე და მცენარჱ უძლური, რომლისა მიერ განიოტნა მტერნი იგი
Line of ed.: 19     მშჳდობით ქუეყანით მისით და არავინ მათგანი მოწყდა. ესევითარი კადნიერებაჲ
Line of ed.: 20     მოეპოვა ნეტარსა მას იაკობს ღმრთისა თანა ფრიადითა მით მოღუაწებითა
Line of ed.: 21     მისითა, ვიდრემდის ყოველსა ნებასა გულის-ა მისისასა აღუსრულებდა დაუყდუნებელად.
Line of ed.: 22     და ამისა შემდგომად დაუტევა მან საწუთროჲ ესე Ms. page: 256r  
Line of ed.: 23     სოფელი და მივიდა იგი წინაშე ღმრთისა საუკუნეთა მათ განსასუენებელთა,
Line of ed.: 24     რომელნი განმზადებულ არიან მოღუაწეთათჳს და რომელთა შეიყუარეს ღმერთი
Line of ed.: 25     ყოვლითა გულითა მათითა და სულითა მათითა. და მუნ დაემკჳდრა სასუფეველსა
Line of ed.: 26     ცათასა. ხოლო ამისა შემდგომად კუალად უკუე განძლიერდეს
Line of ed.: 27     სპარსნი ბერძენთა ზედა და წარიღეს მათ ქალაქი ნასიბინი. ხოლო მკჳდრნი
Line of ed.: 28     ქალაქისანი განისხნეს მიერ ადგილით და თანა-წარიღეს მათ გუამი წმიდისა იაკობისი
Line of ed.: 29     ებისკოპოსისაჲ და იტყოდა მორწმუნე იგი ერი: "არა ვიყვნეთ ჩუენ ჴელმწიფებასა
Line of ed.: 30     ქუეშე წარმართთასა" და მიიწინეს ბერძენთა მეფისა. და მისცა
Line of ed.: 31     მათ მეფემან ქალაქი სამკჳდრებელად. და აღაშენეს ეკლესიაჲ ფრიად შუენიერი
Line of ed.: 32     და მბრწყინვალჱ და დადვეს მას შინა გუამი წმიდისა იაკობ ებისკოპოსისაჲ.
Line of ed.: 33     და მეოხებითა და ლოცვითა მისითა მომეცინ ჩუენ უფალმან ყოველთა მორწმუნეთა
Line of ed.: 34     ქრისტეანეთა მადლი მისი, რომლითა შეუძლოთ დიდებად სახელსა
Line of ed.: 35     წმიდისა სამებისასა, რომლისაჲ არს დიდებაჲ აწ და მარადის და უკუნითი
Line of ed.: 36     უკუნისამდე. ამენ.




Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.