TITUS
The Shatberd Codex
Part No. 340
Previous part

Chapter: b  
Page of ed.: 424  
Line of ed.: 13           სახელისა წმიდისა სამებისაჲსა მქადაგებელნო, ზეგარდამო ქებულნო და დიდებულნო,
Line of ed.: 14        
წმიდანო მღდელთ-მოძღუარნო, ნეტარნო გრიგოლი ნოსელ ებისკოპოსო,
Line of ed.: 15        
და ღირსო ეპიფანე კჳპრელ მამადმთავარო, და განთქუმულო წმიდაო ბასილი,
Line of ed.: 16        
მწყემსო ყოველთა მორწმუნეთაო და დიდებულო იპოლიტე, წინაჲსწარმეტყუელნო
Line of ed.: 17        
გამოუთქუმელთა მადლთა მეცნიერად მეტყუელნო, დიდად
Line of ed.: 18        
განსაკჳრვებელნო კაცნო, პოვნილნო გულითად უფლისად, წოდებულნო მონად
Line of ed.: 19        
ქრისტესა, სამკჳდრებელნო სულისა წმიდისანო, რომელმანცა გამოუჩინებელნი
Line of ed.: 20        
და დაფარულნი სიბრძნისანი გამოგიცხადნა, და სული წრფელი განახლდა გუამთა
Line of ed.: 21        
თქუენთა, და დაუწერენით ეკლესიასა ქრისტესსა პირად-პირადთა წიგნთა
Line of ed.: 22        
თარგმანებანი და შესხმანი წმიდისა და ყოვლად დიდებულისა ღმრთის-მშობელისანი
Line of ed.: 23        
და ჩუენ გუაუწყეთ წესი აწინდელისა ქცევისაჲ ღმრთის-მსახურებით და
Line of ed.: 24        
მოსაგებელი ნეტარისა მის საუკუნოჲსა სასოვებით ცხორებისაჲ, ვითარცა ხილული,
Line of ed.: 25        
დაუმტკიცეთ გულისხმის-მყოფელთა, ვითარცა თქუა დანიელ საკჳრველმან
Line of ed.: 26        
წინაჲსწარმეტყუელმან. მაშინ გამობრწყინდენ გულისხმის-მყოფელნი იგი,
Line of ed.: 27        
ვითარცა მბრწყინვალებაჲ სამყაროჲსა და რომელთა კეთილად ჴელ-ყვეს დაუნჯებაჲ
Line of ed.: 28        
ზეცისა სიმდიდრეთაჲ წარგებითა ქუეყანისა მონაგებთაჲთა. და ქველის-საქმისა
Line of ed.: 29        
მათისა ახოვანებაჲ, ვითარცა ნესტჳ, ოხრის წინაშე ღმრთისა და კაცთა
Line of ed.: 30        
ყოველთა აიძულებს მიბაძვებად მათა, დაღაცათუ გლახაკ ვინმე იყოს, ვითარცა
Line of ed.: 31        
წერილ არს "მედგარო, ემსგავსე ჯინჭველსა* და შებმა-უყავ უფროჲს ძალისა
Line of ed.: 32        
შენისა, რამეთუ ღმერთი არს მომცემელი ძალისაჲ", ამისთჳს მეცა არა დავფარე
Line of ed.: 33        
სწრაფაჲ სულისა ჩემისაჲ მიზეზითა ნაკლულევანებისაჲთა და შეუდეგ კეთილსა
Line of ed.: 34        
გულსმოდგინებასა მე ცოდვილი და უნარჩევესი ყოველთა მოწესეთაჲ
Line of ed.: 35        
იოვანე ბერაი. და განვასრულე წმიდაჲ ესე წიგნი კაცისა მესაქმჱ, და
Line of ed.: 36        
მეორედ -- წიგნი თუალთაჲ და სახისმეტყუელი და იპოლიტე და ქართლისა მოქცევაჲ
Line of ed.: 37        
და ცხორებაჲ ნეტარისა მის და დიდებულისა მღდელთმოძღურისაჲ იაკობ
Line of ed.: 38        
ნასიბინელისაჲ და თარგმანებაჲ ზოგთარე ფსალმუნთა დავითისთაჲ მოღუაწებითა
Line of ed.: 39        
და თანადგომითა დედის ძმისა ჩემისა მიქაელისა და ძმისა ჩემისა დავითისითა.
Line of ed.: 40        
და სხუაჲ არაჲ არავის ჰრთავს თჳნიერ სიგლახაკისა ჩემისა. და შევწირე
Line of ed.: 41        
შატბერდს საყოფელსა წმიდისა ღმრთის-მშობლისასა, რომელსა-ცა შინა აღვიზარდე [...]
Line of ed.: 42        
სალოცველად სულისა ჩემისა ცოდვილისა და მშობელთა ჩემთა და სალოცველად
Line of ed.: 43        
მეფეთა: ბაგრატ მეფისა და ყოველთა შვილთა მათთათჳს
Line of ed.: 44        
და გევედრები ყოველთა, ვინცა იმსახურებდეთ წმიდასა ამას ...



This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.