TITUS
Notker, Psalter
Part No. 113
Previous part

Chapter: 113  

p. 425    

   ALLELVIA .

Line: 14     IN EXITV ISRAHEL DE EGYPTO . DOMVS IACOB

Line: 15     de populo barbaro . °facta est iudea sanctificatio eius . israhel

Line: 16     potestas eius . Dô israhel fuôr ûzer egypto . unde iácobis slá\hta

Line: 17     fone frémedemo liûte . dô uuard ketân heîlig iudea .

Line: 18     unde israhel uuard sîn geuualt . Vués? âne Gótes . der is alles uuál\tet?

Line: 19     Tenebras fliêndo . diabolum fliehendo . chómen oûh uuir

Line: 20     in sîna geuuált . uuanda iz uns ze exemplo ge-scriben ist . unde

Line: 21     danne gibet er uns keuualt filios dei fieri . Mare uidit et fugit .

Line: 22     Iordanis conuersus est retrorsum . Daz mére flôh . dô iz dîe fart

Line: 23     kesáh . Sęculares unde alle inimici CHRISTI hábent nu gerûmet christi\anis .

Line: 24     daz sie uuîten uueg ze imo eîgin . Iordanis uuíderchêrta

Line: 25     sih . Alle sundige unde in dírro mortalitate ferrínnente gesêheNT

Line: 26     unsera exitum ex egypto . unde irchóment sih is . unde gelír\nent


p. 426    

Page: 426  
Line: 1     sih uuidere chêren ze CHRISTO . fóne démo sie geuuéndet

Line: 2     uuaren . Montes exultauerunt ut arietes . et colles sicut agni

Line: 3     ouium . Apostoli fréuton sih unserro férte . uuanda sîe ductores

Line: 4     uuâren also arietes . unde íro posteriores fone diên gescríben

Line: 5     ist . AFFERTE DOMINO FILIOS ARIETVM . die fréuton sih

Line: 6     also lémber . Quid est tibi mare quod fugisti? et tu iordanis quia

Line: 7     conuersus es retrorsum? Vuaz ist dir sęculum . daz du fluôhe .

Line: 8     unde dir auersę . daz du dih pechêret habest? âne daz ir nô\te

Line: 9     uuîchent . unde iûh ímo nôte irgébent . Montes exultastis

Line: 10     sicut arietes . et colles sicut agni ouium? Vuaz fréuuent ir iûh

Line: 11     montes also arietes? unde ir colles also agni? Ane daz er gehô\ren

Line: 12     súlnt . EVGE BONE SERVE . QVIA SVPER PAV\CA

Line: 13     FVISTI FIDELIS . SVPER MVLTA TE CONSTI\TVAM .

Line: 14     Alde fréuuent ir iûh daz iz sus keuáren ist . sô há\ra

Line: 15     nâh stât . A facie domini mota est terra . a facie dei iacob . Fóne

Line: 16     trúhtenis kágenuuerti . der daz chad . ECCE EGO VOBIS\CVM

Line: 17     SVM VSQVE AD CONSVMMATIONEM SĘCVLI . ist diû

Line: 18     erda iruuéget . Si uuas male pigra . nu ist si excitata . a facie

Line: 19     domini . daz si baz uuerde in ipso fundata . Qui conuertit petram

Line: 20     in stagna aquarum . et rupem in fontes aquarum . Der den steîn

Line: 21     bechêrta ze sêuuázzerin . unde diê fluôh ze spríngenten

Line: 22     uuázzeren . Er ist petra . er duohta diên durus . diên er uuas

Line: 23     ignotus . Also sie châden . DVRVS EST HIC SERMO . QVIS

Line: 24     POTEST EVM AVDIRE? Aber nah sînero resurrectio\ne

Line: 25     do er uuas interpres scripturarum . incipiens a moyse per

Line: 26     omnes prophetas . unde ín spiritum sanctum gab . dô intliêz ér síh unde


p. 427    

Page: 427  
Line: 1     uuard ín fons aquę salientis in uitam ęternam . Alde iudei uua\ren

Line: 2     petrę . unde er uueîhta sie . nah diên uuorten . POTENS

Line: 3     EST DEVS DE LAPIDIBVS ISTIS SVSCITARE FILIOS

Line: 4     ABRAHAE . Non nobis domine non nobis . sed nomini tuo da gloriam .

Line: 5     Nals uns truhten . nals uns . nube dinemo namen gib dîa guôlli\chi .

Line: 6     daz uns aqua de petra cham . uuanda uuir ne-giêngen

Line: 7     dára nâh mit kuôten uuerchen . daz uuir iz doh-êinen dang

Line: 8     háben súlin . Super misericordia tua et veritate tua . An dînero ge\nado

Line: 9     stât iz . an dero dû iz ke-hiêzze . unde an dînero uuâr\hêite

Line: 10     an déro du iz uuéretost . Nequando dicant gentes ubi

Line: 11     est deus eorum? Gib dir selbemo die guôllichi daz gentes hû\hondo

Line: 12     ne-chédên . uuar ist íro Got? Lâz siê geêiscon daz dû

Line: 13     unser Got pist . Deus autem noster in cęlo sursum . Vbe sie bétont solem

Line: 14     et lunam die siê geséhen mugen . aber unser Got ist hina ûfen

Line: 15     hímele . dâr ín oculi carnis keséhen ne-múgen . Er ist hôhor

Line: 16     danne doh-éiniu corpora cęlestia alde terrestria gerêichen .

Line: 17     Aber so ne-ist er dâr . daz ín sîniu uuerch hímil alde erda int\habeen .

Line: 18     nube sîn ęternitas inthábet ín . In cęlo et in terra om\nia

Line: 19     quęcumque uoluit fecit . Al daz er uuolta . teta er in híme\le

Line: 20     unde in érdo . In superioribus et inferioribus populi sui skeîn\da

Line: 21     er sîna genâda . ne quis de operum meritis glorietur . Dannan

Line: 22     uuizzen uuir ín . dannan bechennen uuir ín . nals fone ge\sihte .

Line: 23     Simulacra gentium argentum et aurum . opera manuum ho\minum .

Line: 24     °os habent et non loquentur . oculos habent et non ui\debunt

Line: 25     . °aures habent et non audient . nares habent et non

Line: 26     odorabunt . °manus habent et non palpabunt . pedes habent


p. 428    

Page: 428  
Line: 1     et non ambulabunt . Aber gentium gelîhnisse . sílberiniu . gúldi\niu .

Line: 2     menniscon hántuuerch . habent munt . unde ne-spréchent .

Line: 3     hábent ougen . unde ne-gesêhent . ôren unde ne-gehôrent . nása

Line: 4     unde ne-stinchent . hende unde ne-grêiffont . fuôze unde ne\gânt .

Line: 5     Non clamabunt in gutture suo . In íro chélun ne-liûtent

Line: 6     siû . daz ioh tiêr múgen . Túmb mennisco . der siû bétot . umbe diê

Line: 7     gelîchi déro menniscon lído . so lang diê mûse unde diê spáren

Line: 8     dâr umbe ne-lâzent . sie ne-nísten in ín . Stoubent sie menniscen

Line: 9     uz . so stoubent sie diê forderoren . ûzer démo hínderoren . un\de

Line: 10     sîd siê diê forderoren ne-bétont . uuiêo die hínderôren? Simi\les

Line: 11     illis fiant qui faciunt ea . et omnes qui confidunt in eis . Kelîh

Line: 12     uuerden in diê siû tuônt . unde alle die sih ze ín ferséhent .

Line: 13     Iro muôt unde iro sínna sin also betân . unde also tôt . so dero

Line: 14     simulacrorum . Domus israhel sperauit in domino . adiutor eorum et pro\tector

Line: 15     eorum est . Aber israhelis híiske multitudo fidelium kedín\get

Line: 16     an Got . unde dar umbe daz sie des ne-ir-driêzze . ist Got

Line: 17     íro helfâre . unde iro scérmâre . Domus aaron sperauit in domino .

Line: 18     adiutor eorum et protector eorum est . Ioh der teîl dero spiritali\um .

Line: 19     diê andere lêrent . ist ouh des in spe daz er noh ne-hábet

Line: 20     in re . bedîu ist er ouh iro adiutor et protector . Qui timent dominum

Line: 21     sperauerunt in domino . adiutor eorum et protector eorum est . Dîe Gót

Line: 22     furhtent . die dingent an ín . bediu ist er iro adiutor et protector .

Line: 23     Dominus memor fuit nostri et benedixit nobis . Sînes tanches âne únse\re

Line: 24     frêhte irhúgeta unser Got . unde gab uns ségen . Benedixit

Line: 25     domui israhel . benedixit domui aaron . °benedixit omnibus

Line: 26     qui timent dominum pusillis cum maioribus . Ioh kedíngenten ioh


p. 429    

Page: 429  
Line: 1     fúrhtenten . mêren unde mínneren . gáb_er sînen ségen . Adiciat dominus

Line: 2     super uos . super uos et super filios uestros . Trúhten lége noh ze iû . ze iû . un\de

Line: 3     ze iúuueren chínden . Trúhten tuoe iûh uuáhsen . iûh docto\res

Line: 4     domus aaron . unde iûh auditores domus israhel . unz sancta ęc\clesia

Line: 5     per totum orbem uuerde diffusa . Benedicti uos domino qui fe\cit

Line: 6     cęlum et terram . i . qui fecit nos . Ze_guôte genámde sînt ir trú\htene .

Line: 7     der iúuuer súmeliche téta cęlum fone demo pluuia chú\met .

Gloss line: 8        ^1beregenot~1
Line: 8     unde ándere terram diû ^1conpluta~1 uuirdet . Cęlum cęli domino .

Line: 9     terram autem dedit filiis hominum . Doctores doctorum liêz er ímo

Gloss line: 10        ^1lêrig~1
Line: 10     selbemo ze lêrenne . uuanda sie andermo ^1docibiles~1 ne-uuâren .

Line: 11     carnales diê terra hêizent cab er ze lêrenne filiis hominum .

Line: 12     íu cęlum uuordenen . daz diê níderen fone diên óberen uuur\din

Gloss line: 13        ^1genezzit~1
Line: 13     ^1irrigati~1 . Non mortui laudabunt te domine . neque omnes qui descen\dunt

Line: 14     in infernum . Cęlum unde terra lóboen dih . tôte ne-lóbont

Line: 15     dih . noh die ze héllo fárent . Vueliche sint daz? Âne dîe fone ín

Line: 16     selben lében uuellen? Sed nos qui uiuimus benedicimus domino .

Line: 17     ex hoc nunc et usque in sęculum . Aber uuír Gótes tanches lébente .

Line: 18     danchoen imo iêmer .

Next part


This text is part of the TITUS edition of Notker, Psalter.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.