TITUS
Notker, Psalter
Part No. 151
Previous part

Book: Cant.  
Chapter: Es._26  

p. 540    

Line: 3     CANTICVM ESAIĘ PROPHETAE .

Line: 4     CONFITEBOR TIBI DOMINE

Line: 5     QVONIAM IRATVS ES MIHI . CONVERSVS

Line: 6     est furor tuus et consolatus es me . Ih lóbon

Line: 7     dih truhten . uuanda du mir irbolgen uuâre

Line: 8     in persecutione . unde mir aber dára nah dîn hêizmuôti beuuén\det

Line: 9     uuard ze genâdon . unde du mih an dien trôstost . In ad\uersis

Line: 10     et prosperis lóbon ih dih . chit ęcclesia sancta . Ecce deus saluator

Line: 11     meus . fiducialiter agam et non timebo . Sih nu . Got ist min

Line: 12     haltare . bediu uuerchon ih páldo . unde ne-ruôcho . quid fa\ciat

Line: 13     mihi hómo . Quia fortitudo mea et laus mea dominus . et factvs

Line: 14     est mihi in salutem . Vuanda Got ist min stárchi . unde mîn lob

Line: 15     unde ist mir uuorden ze heili . pediu stân ih paldo in acie

Line: 16     contra inimicos . Haurietis aquas in gaudio de fontibus sal\uatoris .

Line: 17     Sô ís zit uuirt . sn skephent ir uuázer mit mendi

Line: 18     uzer diên brúnnon des haltâres . so gelírnent ir fóne ímo

Line: 19     euangelicam doctrinam . Sîne brúnnen sint septiformis gratia

Line: 20     spiritus sancti . dannan er misselîche spenda tuot diên sînen . Et di\cetis

Line: 21     in illa die confitemini domino . et inuocate nomen eius .

Line: 22     Vnde danne in fine sęculorum chédent ir . iêo eîne ze ánderen .

Line: 23     iéhent Gote . unde ánahárent sînen námen . uuanda sîn

Line: 24     genada ist omne quod possumus . quod uiuimus . quod sumus .

Line: 25     Notas facite in populis adinuentiones eius . Thont chunt únder

Line: 26     liuten sine leges . diê er uns funden hábet . Mementote quoniam


p. 541    

Page: 541  
Line: 1     excelsum est nomen eius . Irhúgent daz sin namo hôh unde

Line: 2     geuuáhtlîh ist an allen sinen uuerchen . Cantate domino quoniam

Line: 3     magnificę fecit . Singent truhtene . uuanda er michellicho

Line: 4     téta . do er in carne irscêin ze_trôste allero uuerlte . Adnun\tiate

Line: 5     hoc in uniuerso mundo . Chundent daz so uuît uuérlt

Line: 6     sî . Exulta et lauda habitatio syon . quia magnus in medio

Line: 7     tui sanctus israhel . Du sin gesaze specula . du sancta ęcclesia fréuue dih

Line: 8     unde lóbo daz sament dir ist máhtiger der israhelis hêiligo .

Line: 9     unde dû ín gesiêhest hominem inter homines .

Next part


This text is part of the TITUS edition of Notker, Psalter.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.