| Ms. line: 20 | Thô Herod arstarb, |
| Ms. line: 21 | arougta sih truhtines engil |
| Ms. line: 22 | in troume Iosebe in Aegypto |
Ms. line: 23  | sus quedanti: arstant inti nim then kneht |
| Ms. line: 24 | inti sina muoter inti far |
| Ms. line: 25 | in erda Israhel, |
| Ms. line: 26 | uuanta arstorbana sint thie thar suohtun |
| Ms. line: 27 | thes knehtes sela. |
| Ms. line: 28 | Her thô arstantanti nam then kneht |
| Ms. line: 29 | inti sina muoter inti quam zi erdu Israhel. |
| Ms. line: 30 | Thô her gihorta thaz Archelaus |
| Ms. line: 31 | richisota in Iudeon after Herode |
| Ms. line: 32 | sinemo fater, forhta imo thara faren. |
| Ms. line: 1 | Inti gimanot in troume |
| Ms. line: 2 | fuor in teil Galileę, |
| Ms. line: 3 | inti thô her thara quam, artota in theru burgi |
| Ms. line: 4 | thiu thar ist giheizzan Nazareth; |
| Ms. line: 5 | Zi thiu thaz gifullit vvurdi |
| Ms. line: 6 | thaz giquetan uuas thuruh thie uuîzagon: |
| Ms. line: 7 | uuanta her Nazareus uuirdit ginemnit. |
