| Ms. line: 24 | Inti umbigieng ther heilant |
| Ms. line: 25 | alla Galileam, lerenti |
| Ms. line: 26 | in iro samanungun inti predigonti |
| Ms. line: 27 | gótspel ríhhes, inti heilta iogiuuelihha |
| Ms. line: 28 | suht inti iogiuuelihha ummaht |
| Ms. line: 29 | in themo folke. Sentence: 2 Inti árgieng sín liumunt |
| Ms. line: 30 | in alla Syria, inti bráhtun imo |
| Ms. line: 31 | alle ubil habante |
| Ms. line: 32 | inti mít messalihhen suhtin inti mit uuizziu |
| Ms. line: 1 | bifangane, inti thie thár habetun diuual, |
| Ms. line: 2 | inti manódsioche inti bettisiohhe, |
| Ms. line: 3 | inti giheilta sie. Sentence: 3 Inti folgetun imo |
| Ms. line: 4 | manage menigi fón Galilea |
| Ms. line: 5 | inti fon Decapoli inti fon Hierusalem |
| Ms. line: 6 | inti fon Iudeon inti fon ubar Iordanen. |
| Ms. line: 7 | Inti bihabetun inan, thaz fon ín ni áruuizi; |
| Ms. line: 8 | then quad hér: uuanta andren burgin |
| Ms. line: 9 | gilimphit mir zi gotspellonne gotes rihhi, |
| Ms. line: 10 | uuanta bithiu bín ih gisentit. |
| Ms. line: 11 | Mít thiu hér gisah thie menigi, |
| Ms. line: 12 | steig ufán berg; mit thiu hér gisaz, |
| Ms. line: 13 | giholota thie zi imo thie hér uuolta, |
| Ms. line: 14 | inti quamun zi imo, inti teta |
| Ms. line: 15 | thaz uuarun zueliui mit imo, |
| Ms. line: 16 | thie namta her boton. |
| Ms. line: 17 | Simonem, then her andaremo namen hiez |
| Ms. line: 18 | Petrum, inti Andream sinan bruoder |
| Ms. line: 19 | inti Iacobum Zebedeoen sun |
| Ms. line: 20 | inti Iohannem Iacobes bruoder, |
| Ms. line: 21 | then scuóf hér namon, |
| Ms. line: 22 | thaz sie hiezzin Boanerges, |
| Ms. line: 23 | thaz ist arrekit thonares kind, |
| Ms. line: 24 | Philippum et Bartholomeum, |
| Ms. line: 25 | Matheum inti Thomam, |
| Ms. line: 26 | Iacobum Alpheen sún |
| Ms. line: 27 | inti Simonem thie thar ist giheizan Zelotes, |
| Ms. line: 28 | inti Iudam Iacobes bruoder |
| Ms. line: 29 | inti Iudam anderemo namen Scarioth, |
| Ms. line: 30 | thie uuas meldari. |
| Ms. line: 31 | Inti giengun tho zi imo sine iungiron, |
| Ms. line: 32 | inti úfarhabanen sinen ougon in sie |
| Ms. line: 1 | íntteta sinan mund, |
| Ms. line: 2 | lérta sie sús quedanti: |
| Ms. line: 3 | Salige sint thie thar arme sint in geiste, |
| Ms. line: 4 | uuanta thero ist gotes rihhi. |
| Ms. line: 5 | Salige sint manduuare, |
| Ms. line: 6 | uuanta thie bisizzent erda. |
| Ms. line: 7 | Salige sint thie thar vvuofent, |
| Ms. line: 8 | uuanta thie uuerdent gifluobrit. |
| Ms. line: 9 | Salige sint thie thar hungerent |
| Ms. line: 10 | inti thurstent reht, |
| Ms. line: 11 | uuanta thie uuerdent gisatote. |
| Ms. line: 12 | Salige sint thie thar sint miltherze, |
| Ms. line: 13 | uuanta sie folgent miltidun. |
| Ms. line: 14 | Salige sint thie thar sint subere in herzon, |
| Ms. line: 15 | uuanta thie gisehent got. |
| Ms. line: 16 | Salige sint thie thar sint sibbisame, |
| Ms. line: 17 | uuanta sie gotes barn sint ginemnit. |
| Ms. line: 18 | Salige sint thie thar ahtnessi sint tholenti |
| Ms. line: 19 | thuruh reht, |
| Ms. line: 20 | uuanta iro ist himilo rihhi. |
| Ms. line: 21 | Salige birut ír, mit thiu iu fluohhont |
| Ms. line: 22 | inti hazzont iuúih man |
| Ms. line: 23 | inti ahtent iuúar |
| Ms. line: 24 | inti quedent ál ubil uuidar íu |
| Ms. line: 25 | liogente, mit thiu sie iuuih ziskeident |
| Ms. line: 26 | inti itiuuizzont inti áruuerphent |
| Ms. line: 27 | iuuaran namon samasó ubil |
| Ms. line: 28 | thuruh then mannes sún. |
| Ms. line: 29 | Giuehet in themo tage inti blidet, |
| Ms. line: 30 | uuanta bithiu iuuar mieta |
| Ms. line: 31 | ist ginuhtsam in himilon. |
| Ms. line: 32 | Só áhtitun sie thero uuizagono |
| Ms. line: 1 | thie thar fora íu uuarun, iro fatera. |
