| Ms. line: 18 | Ír birut mittilagartes lioht. |
| Ms. line: 19 | Ni mag burg uuerdan giborgan |
| Ms. line: 20 | ubar berg gisezzitu. |
| Ms. line: 21 | Noh intprennent lioht |
| Ms. line: 22 | inti sezzent íz untar mutti |
| Ms. line: 23 | noh untar betti |
| Ms. line: 24 | noh untar giborgana steti |
| Ms. line: 25 | noh untar faz, |
| Ms. line: 26 | úzouh ubar kentilastab, |
| Ms. line: 27 | thaz íz liuhte allen then in húse sint. |
| Ms. line: 28 | Só liuhte iuuar lioht fora mannon, |
| Ms. line: 29 | thaz sie gisehén iuuaru guotu uuérc |
| Ms. line: 30 | inti diurison iuuaran fater |
| Ms. line: 31 | thie in himilon ist. |
| Ms. line: 32 | Ni curet uúanen thaz ih quami |
| Ms. line: 1 | euúa zi losenne odo uuizagon; |
| Ms. line: 2 | ni quam ih zi losenne, úzouh zi fullenne. |
| Ms. line: 3 | Ih sagen íu uúar: |
| Ms. line: 4 | ér thanne zifare himil inti erda, |
| Ms. line: 5 | ein .i. odo ein houbit |
| Ms. line: 6 | ni furferit fon thero evvu, |
| Ms. line: 7 | ér thanne siu elliu uuerdent. |
| Ms. line: 8 | Ther thie zilosit einaz |
| Ms. line: 9 | fon then minnistun bibotun |
| Ms. line: 10 | inti lerit só man, |
| Ms. line: 11 | minnisto ist giheizan |
| Ms. line: 12 | in himilo rihhe. |
| Ms. line: 13 | Thie thar tuot inti lérit, |
| Ms. line: 14 | thie ist mihhil giheizan |
| Ms. line: 15 | in himilo rihhe. |
| Ms. line: 16 | Ih quidu íu: |
| Ms. line: 17 | ni sí thaz ginuhtsamo iuúar reht |
| Ms. line: 18 | mér thanne thero scribaro |
| Ms. line: 19 | inti thero Phariseorum, ni get ír |
| Ms. line: 20 | in himilo rihhi. |
