| Ms. line: 12 | In themo selben tage |
| Ms. line: 13 | zuogiengun sume |
| Ms. line: 14 | thero Phariseorum quedente |
| Ms. line: 15 | imo: gang uz inti far hina, |
| Ms. line: 16 | uuanta Herodes uuili thih |
| Ms. line: 17 | arslahan. Tho quad her in: |
| Ms. line: 18 | geet inti quedet thero fohun: |
| Ms. line: 19 | senu uzuuirphu diuuala |
| Ms. line: 20 | inti heili thuruhfremiu |
| Ms. line: 21 | hiutu inti morgana, |
| Ms. line: 22 | inti themo dritten gienton; |
| Ms. line: 23 | thoh uuiduru gilimfit mih |
| Ms. line: 24 | hiutu inti morgane |
| Ms. line: 25 | inti themo folgenten gangen, |
| Ms. line: 26 | uuanta ni bifahit uuizagon |
| Ms. line: 27 | uoruuerda uzan Hierusalem. |
| Ms. line: 28 | Giuuortan uuas tho |
| Ms. line: 29 | in themo afteren tage, gieng |
| Ms. line: 30 | zi imo man nidargiuualzten |
| Ms. line: 31 | cneuuon inti reof |
| Ms. line: 32 | quedenti: trohtin, milti |
| Ms. line: 1 | minemo sune, uuanta einago |
| Ms. line: 2 | ist mir, inti manodseoh ist, |
| Ms. line: 3 | inti uoruuergit geist fahit |
| Ms. line: 4 | inan inti cnusit; inti scumit |
| Ms. line: 5 | inti gisgrimmot zenin inti dorret |
| Ms. line: 6 | inti ubil druoet, mittiu her ofto |
| Ms. line: 7 | fellit in fiur inti ofto |
| Ms. line: 8 | in uuazzer, inti sliumo ruofit |
| Ms. line: 9 | inti zibrichit inan inti cumo |
| Ms. line: 10 | aruuizit slizanti inan. |
| Ms. line: 11 | Inti bat thine iungoron |
| Ms. line: 12 | thaz sie uzuurfin inan, |
| Ms. line: 13 | inti ni mohtun giheilen inan. |
| Ms. line: 14 | Tho antuurtita der heilant inti quad: |
| Ms. line: 15 | vvuolaga ungitriuui cunni |
| Ms. line: 16 | inti abuh, inzin uuara bin ih |
| Ms. line: 17 | mit íu inti tholen iuuih? |
| Ms. line: 18 | Bringent inan zi mir. |
| Ms. line: 19 | Mittiu zuogeng inti inan gisah, |
| Ms. line: 20 | sliumo der geist gitruobta |
| Ms. line: 21 | then kneht, inti gicnusit in erda |
| Ms. line: 22 | uualzota scumenti. |
| Ms. line: 23 | Inti fragata sinan fater: |
| Ms. line: 24 | vvuo michil stunta ist |
| Ms. line: 25 | fon thiu imo thaz giburita? |
| Ms. line: 26 | Her quad tho: fon cindheiti. |
| Ms. line: 27 | Oba thu uuaz mugis, hilf uns |
| Ms. line: 28 | miltenti unser. |
| Ms. line: 29 | Tho quad imo der heilant: |
| Ms. line: 30 | oba thu maht gilouben, alliu |
| Ms. line: 31 | sint odiu themo giloubenten. |
| Ms. line: 32 | Inti arruofenti thes cnehtes fater |
| Ms. line: 1 | mit zaharin quad: giloubu, |
| Ms. line: 2 | trohtin: hilf minero ungiloubfulli! |
| Ms. line: 3 | Inti mittiu der heilant gisah |
| Ms. line: 4 | zuolouffante thie menigi, |
| Ms. line: 5 | threuuita themo unsubremo geiste |
| Ms. line: 6 | quedenti imo: |
| Ms. line: 7 | thu toubo inti stummo geist, |
| Ms. line: 8 | ih gibiutu thir, uzgang fon imo |
| Ms. line: 9 | inti elichor ni ingang in inan! |
| Ms. line: 10 | Her tho ruofenti inti slizanti |
| Ms. line: 11 | inan uzgieng fon imo, |
| Ms. line: 12 | inti uuard samoso toter, |
| Ms. line: 13 | soso manege quadun: |
| Ms. line: 14 | toot ist her. |
| Ms. line: 15 | Ther heilant habenti sina hant |
| Ms. line: 16 | huob inan uf, inti arstuont |
| Ms. line: 17 | inti giheilit uuard der cneht |
| Ms. line: 18 | fon theru ziti. Inti argab |
| Ms. line: 19 | inan sinemo fater. |
| Ms. line: 20 | Tho giengun thie iungoron |
| Ms. line: 21 | zi imo heilante tougolo |
| Ms. line: 22 | inti quadun: bi hiu uuir |
| Ms. line: 23 | ni mohtumes inan uzuuerfen? |
| Ms. line: 24 | Tho quad in der heilant: |
| Ms. line: 25 | thuruh iuuaran ungiloubon |
| Ms. line: 26 | uuar quidu ih iu, |
| Ms. line: 27 | oba ir habet giloubon |
| Ms. line: 28 | soso senefes corn |
| Ms. line: 29 | inti quedet thesemo berge: |
| Ms. line: 30 | uar hina, inti her uerit, |
| Ms. line: 31 | inti neuuiht unodes ist iu. |
| Ms. line: 1 | Thiz cunni diuuolo |
| Ms. line: 2 | ni uuirdit aruuorfan noba thuruh |
| Ms. line: 3 | gibet inti fastun. |
