| Ms. line: 4 | In tho uuonanten |
| Ms. line: 5 | in Galileu quad in der heilant: |
| Ms. line: 6 | mannes sun ist zi sellenne |
| Ms. line: 7 | in hant manno, inti sie slahent |
| Ms. line: 8 | inan, inti dritten taga arstentit. |
| Ms. line: 9 | Inti gitruobta uuarun thrato sie. |
| Ms. line: 10 | Inti mittiu sie quamun Capharnaum, |
| Ms. line: 11 | zuogiengun thie dar zinsscaz |
| Ms. line: 12 | intfiengun zi Petre |
| Ms. line: 13 | inti quadun: iuuuer meistar |
| Ms. line: 14 | ni losit zinsscaz. Quad: zisperi. |
| Ms. line: 15 | Inti tho her ingieng in thaz hus, |
| Ms. line: 16 | foraquam inan der heilant quedenti: |
| Ms. line: 17 | uuaz ist dir gisehan, Simon? |
| Ms. line: 18 | erdcuniga fon uuen intfahent |
| Ms. line: 19 | thribuz odo zins, |
| Ms. line: 20 | fon iro sunin odo fon fremiden? |
| Ms. line: 21 | Her quad tho: fon fremiden. |
| Ms. line: 22 | Tho quad imo der heilant: thanne sint thiu kind friiu. |
| Ms. line: 23 | Zi thiu thaz uuir sie ni bisuuichemes, |
| Ms. line: 24 | uar zi themo seuue inti uuirf |
| Ms. line: 25 | thinan angul, inti then fisg |
| Ms. line: 26 | thie dar erist ufquimit nim, |
| Ms. line: 27 | inti giofnotomo sinemo munde |
| Ms. line: 28 | fintis scaz: then thanne nemmenti |
| Ms. line: 29 | gib in furi mih inti thih. |
