| Ms. line: 30 | In thero ziti, mittiu her in hus uuas, |
| Ms. line: 31 | fragata sie: uuaz ir in uuega |
| Ms. line: 1 | trahtotut? Sie tho suuigetun: |
| Ms. line: 2 | sie giuuesso untar im in uuega |
| Ms. line: 3 | ahtotun, uuelih uuari |
| Ms. line: 4 | iro mero. |
| Ms. line: 5 | Tho giengun the iungoron |
| Ms. line: 6 | zi imo quedente: |
| Ms. line: 7 | uuer ist mero |
| Ms. line: 8 | in himilo riche? |
| Ms. line: 9 | Inti gihalota der heilant luzil kind, |
| Ms. line: 10 | sazta iz untar sie mitte |
| Ms. line: 11 | inti quad: uuar quidu ih íu, |
| Ms. line: 12 | nibu ir uuerdet giuuentita |
| Ms. line: 13 | inti gifremite soso theser luzilo, |
| Ms. line: 14 | ni geet ir in himilo richi. |
| Ms. line: 15 | So uuer sih giotmuotigot |
| Ms. line: 16 | soso theser luzilo, |
| Ms. line: 17 | ther ist mero in himilo riche. |
| Ms. line: 18 | Oba uuer uuili uurista uuesen, |
| Ms. line: 19 | ther ist allero iungisto inti ambaht. |
| Ms. line: 20 | Inti ther dar intfahit einan |
| Ms. line: 21 | luzilan in minemo namen, |
| Ms. line: 22 | mih intfahit. |
| Ms. line: 23 | Ther dar bisuuichit einan |
| Ms. line: 24 | fon thesen luzilon |
| Ms. line: 25 | the dár in mih giloubent, |
| Ms. line: 26 | biderbi ist imo daz ana si hangan |
| Ms. line: 27 | quirnstein in sinan hals |
| Ms. line: 28 | inti si uorsenchit in tiufi seuues. |
